„Пријавената Т.К., вработена во основно училиште во с.Драчево, скопско  и пријавената С.К., вработена во Општа болница Дебар, набавиле лажни меѓународни сертификати за познавање на англиски јазик, издадени од училиште за јазици од Република Бугарија.  Т.К. го употребила сертификатот при аплицирање на јавен оглас за избор на директор на основно училиште во с.Драчево, по што со решение на градоначалникот на општина Кисела Вода била именувана за директор во училиштето. На сличен начин, С.К. го употребила сертификатот за познавање англиски јазик при аплицирање на конкурс за именување директор на ЈЗУ Општа болница Дебар, по што од министерот за здравство била именувана за вршител на должноста – директор на ЈЗУ Општа болница Дебар“ – стои во известувањето од МВР.

директорки, јавни институции, лажни дипломи, Бугарија, кривична пријава

The post ДИРЕКТОРКИ НА ЈАВНИ ИНСТИТУЦИИ ФАТЕНИ СО ЛАЖНИ БУГАРСКИ ДИПЛОМИ Едната е вработена во училиште во с. Драчево, другата во болница во Дебар appeared first on plusinfo.mk.

Како што рече денеска вицепремиерот за економски прашања Фатмир Битиќи, тоа што е увидено како евентуална злоупотреба не е ништо спектакуларно и е под пет отсто од средствата што се користат.

– Тоа што е увидено како евентуални злоупотреби е во рамки на просекот на тоа што се увидува во секоја земја-членка на ЕУ и во земјите потенцијални кандидати за членство во ЕУ, ништо спектакуларно морам да признам. Тоа е дури под пет отсто од средствата што се користат. Тоа што беше најавено минатиот период е на ниво на информации и покренати постапки, сѐ уште нема исход од ниту една од нив, дали ќе треба да се враќаат средства. Во ЕУ постои механизам, т.н. офсетинг, според кој, ако се увиди дека има неискористеност или искористеност на средства на ниво на непланирани и непризнаени трошоци, тие или се намалуваат од други програми или се бараат од крајниот корисник. Во овој случај, тоа се јавни институции и веројатно, штом добиеме одлука за која било од нив, ќе им се намалат од редовните програми и ќе се бара лична одговорност од луѓето кои ги воделе институциите во тој временски период. Се знаат институтциите, но бидејќи има предистражни постапки, не би сакале да ги обзнаниме. Кога ќе има конечен исход, ќе бидат соопштени – истакна Битиќи по панелот „Економските придобивки од интеграцијата во ЕУ за компаниите и граѓаните во Северна Македонија“, во рамки на кампањата на Владата на Република Северна Македонија „Европска иднина, поблиску од кога било“.

The post „НИШТО СПЕКТАКУЛАРНО ВО ЗЛОУПОТРЕБИТЕ НА ЕВРОПСКИТЕ ПАРИ“ Битиќи вели дека злоупотребите во Македонија се во рамки на просекот во ЕУ appeared first on plusinfo.mk.

Само кон ЕВН институциите, општините и јавните претпријатија должат 35 милиони евра, од кои 17 милиони евра должат општините, 10 милиони евра министерствата и 8 милиони евра на јавните претпријатија.

Најголемиот дел од државните и општинските институции, јавни претпријатија и установи со струја се снабдуваат на отворен пазар или поради откажување на договорите од дел од снабдувачите, преминаа кај ЕВН како краен снабдувач, каде што исто така добиваат струја по цена што е актуелна на берзите.

ЕВН веќе исклучи дел од ваквите должници, повикувајќи се на правилата за снабдување, според кои корисниците кои го пречекоруваат рокот за плаќање наведен во самата фактура, ги исполнуваат условите за исклучување. Но, дел од нив нема да може да бидат исклучени, бидејќи законски не е дозволено. Тие и натаму ќе трошат електрична енергија и ќе трупаат долгови, како кон ЕВН, така и кон другите снабдувачи со струја од отворениот пазар.

Потрошувачи на кои не смее да им се прекине испораката на електрична енергија се болниците, клиниките, специјалните здравствени установи (станици за итна помош и друга итна интервенција, стационари, заводи за трансфузија на крв – земање и преработка на крв, центри за дијализа, здравствени домови), објектите за водоснабдување на населението и пречистителните станици, објектите и средствата во јавниот сообраќај (аеродроми, железнички и автобуски станици и станици за сигнализација во јавниот сообраќај), хидрометеоролошките и сеизмолошките станици и детските градинки.

Колку вакви државни институции и јавни претпријатија ѝ должат на ЕВН? Од компанијата не кажуваат, бидејќи не смеат да ги откриваат податоците за клиентите, но со оглед на фактот што голем дел од овие јавни установи и претпријатија имаат долгови и кон други домашни компании, се претпоставува дека имаат и големи долгови за струја.

Владата не води евиденција за тоа која институција не ги платила сметките за струја и нема збирна информација за долгот, бидејќи, како што велат од таму, секоја институција управува самостојно со финансиите и е одговорна како ги троши.

– Институциите за чии сметки за електрична енергија е задолжена Службата за општи и заеднички работи немаат заостанати долгови по оваа основа и имаат редовно снабдување. Струјата за нив се набавува на слободниот пазар. За останатите институции, договорите за снабдување со струја не се централизирани и секоја институција е одговорна сама за себе – велат од Владата.

Со оглед дека Министерството за финансии нема објавено податоци за пријавените долгови на институциите, јавните претпријатија и јавните установи за третиот квартал, не може да се види колкави се нивните долгови. Во јуни нивните обврски само кон приватниот сектор (во кој спаѓаат и снабдувачите со струја на отворен пазар) изнесуваа 197 милиони евра.

Општините и јавните претпријатија под нивна надлежност веќе една година алармираат дека не можат да се справат со долговите, меѓу кои и за струјата. Дел од јавните претпријатија на општините организирани во Здружението АТКОМ велат дека трошоците за струја веќе им го зафаќаат целиот буџет со кој располагаат, па ако ги платат сметките нема да можат да работат.

– Според некои пресметки, трошоците за струја, во зависност од претпријатијата, во минатиот период се движеа од 20 до 25 отсто во вкупните трошоци, но со моменталните зголемувања на цените, трошоците за струја ќе се зголемат повеќекратно и во некои претпријатија може да се движат од 60 до 90 отсто – велат од АДКОМ.

The post ВЛАДАТА УРЕДНО СИ ГИ ПЛАЌА СМЕТКИТЕ ЗА СТРУЈА, АМА… Државни институции и претпријатија само на ЕВН му должат 35 милиони евра appeared first on plusinfo.mk.

Според податоците на Министерството за финансии најмногу должат општините заедно со нивните јавни претпријатија, дури 136,9 милиони евра. Следат јавните претпријатија и трговските друштва во државна сопственост со долг од 134 милиони евра, Јавни здравствени установи должат 85,7 милиони евра. Буџетските корисници од прва линија должат 11,66 милиони евра, а регулаторите близу 26.000 евра.

Најголем долг од 67,57 милиони евра кај јавните претпријатија има „Железници-транспорт“. По неа е „Железници-инфраструктура“ со долг од 23,34 милиони евра. ЕСМ меѓу државните компании има највисок долг од 16,93 милиони евра.

Од општините на врвот како должник и натаму е општина Тетово со долг од 13,57 милиони евра само  од администрацијата без долгот на јавните претпријатија, потоа општина Охрид со долг од 8,48 милиони евра и општина Гостивар која должи 6,49 милиони евра. Но, должат и другите општини и оние во состав на Град Скопје.

Државата и нејзините претпријатија и компании најмногу должат на приватен сектор, здруженија на граѓани и други непрофитни организации. Кон нив долгот изнесува 196, 5 милиони евра.

Неплатените обврски кон јавен сектор изнесуваат 168,7 милиони евра, кон физички лица 1,7 милиони евра а кон странство 24.866 евра.

Освен што им должат на компаниите за сработеното, државните институции, општините и нивните јавни претпријатија должат и за плати и придонеси на нивните вработени. Овој долг во првиот квартал изнесувал 5,5 милиони евра.

Дури 40,4 милиони евра е долгот за градежни објекти, а се должи покрај другото и за купени возила за кои се неплатени 1,2 милиони евра и за мебел за кој се должи 19.922 евра.

The post ВКУПНО 392 МИЛИОНИ ЕВРА ДОЛЖАТ ДРЖАВНИТЕ ИНСТИТУЦИИ И ПРЕТПРИЈАТИЈА Долгот кон фирмите се искачи на 196,5 милиони евра appeared first on plusinfo.mk.