По барање на Центарот за управување со кризи (ЦУК), во гаснењето на големиот пожар кој од утрово беснее кај депонијата во Визбегово е вклучен авион Ер Трактор на Дирекцијата за заштита и спасување (ДЗС). Освен авионот, во акцијата е вклучен и полициски хеликоптер тип АБ212, кој дејствува со ведро врз пожарот, обидувајќи се да го стави под контрола оганот кој поради силниот ветер брзо се шири.

Пожарот предизвика масовна вознемиреност кај скопјани, кои од утрово испраќаат видеа и фотографии од повеќе делови на градот. Црниот густ чад што се издига над главниот град е видлив од Центар, Карпош, Ѓорче Петров, Бутел и други населби, а многумина се жалат на непријатна миризба и загаден воздух.

Уште од раните утрински часови, Скопје се соочува со нова еколошка катастрофа – густ црн чад се издига од пожарот кај дивата депонија во близина на Визбегово, која поради силниот ветер брзо се разгорува.

– На терен се испратени четири противпожарни возила, кои заедно со две возила од ЈП „Комунална хигиена“ се борат со пожарот – информира командантот на Територијалната противпожарна бригада на Град Скопје, Звонко Томески.

Од ЦУК и другите надлежни институции апелираат до граѓаните да се воздржат од движење во близина на критичната зона и да останат дома со затворени прозорци, сè додека не се стабилизира состојбата.

Ветерот и натаму ја отежнува интервенцијата, но ангажирањето на авион Ер Трактор внесува надеж дека ситуацијата наскоро ќе се стави под контрола.

ГОРИ ДЕПОНИЈА ВО ВИЗБЕГОВО Црн чад го покри небото над Скопје, паника меѓу граѓаните

The post 📽️ 📷 ЕР ТРАКТОР И ХЕЛИКОПТЕР ГО ГАСНАТ ОГНОТ Пожарот кај Визбегово не стивнува, се интервенира од земја и од воздух appeared first on plusinfo.mk.

Поради отсуство на нови обучени кадри, истите пензионирани пилоти кои лани храбро се бореа со огнените стихии повторно ќе ги управуваат авионите „ер трактор“ на Дирекцијата за заштита и спасување (ДЗС).

Стојанче Ангелов, в.д. директор на ДЗС, вчера официјално потпиша договор за ангажман со ветераните Стоје Арсовски и Васко Михалчев – пилоти кои и минатото лето беа клучен дел од противпожарната операција низ цела Македонија.

– Со овој договор, двата противпожарни авиони повторно ќе бидат ставени во оперативна функција за навремено гаснење на пожари на отворено – велат од ДЗС.

Во моментов, само еден авион е во функција, додека вториот се очекува наскоро да се врати од редовен сервис во Австрија.

Поради тоа што земјата не располага со нови пилоти, ангажманот на пензионираните асови повторно е единственото решение за оваа пожароопасна сезона. Лани, Арсовски и Михалчев беа главниот столб во гаснењето на големите пожари низ Кочани, Делчево, Струга и други региони.

The post ПЕНЗИОНИРАНИТЕ ХЕРОИ СЕ ВРАЌААТ ВО АКЦИЈА Ветераните Арсовски и Михалчев пак ќе ги летаат „ер тракторите“ и ќе гаснат пожари appeared first on plusinfo.mk.