Авион со патници кои планирале да поминат сончево неделно попладне во скокање со падобран се урна во американската држава Мисури, при што загинаа сите 12 лица во леталото, соопштија надлежните власти.

Загинаа пилотот и 11 падобранци.

Според соопштението на сообраќајната патрола на Мисури, авионот се урнал во близина на аеродромот „Батлер Меморијал“, брзо по полетувањето.

Полициски службеници на терен вршат истрага за несреќата.

Батлер е мал град со околу 4.300 жители, сместен на приближно 105 километри јужно од Канзас Сити.

The post ЗАГИНАА 11 ПАДОБРАНЦИ И ПИЛОТОТ Се урна авион во Мисури appeared first on plusinfo.mk.

Најмалку четири лица загинаа, а по уште две се трага откако мал авион се урна во областа Кампанож кај Медулин на југот на полуостровот Истра во Хрватска. Според првичните информации, леталото при ударот во земјата се преполовило.

Несреќата крена на нозе повеќе служби во Хрватска.

Полицијата, пожарникарите и екипите на итната медицинска помош веднаш излегле на терен, додека потрагата по исчезнатите продолжува.

Авионот дошол од Германија

Според информациите што ги објавија хрватските медиуми, авионот полетал од Германија.

Засега нема официјална потврда за идентитетот на жртвите, но неофицијално станува збор за странски државјани.

Спирала пред кобниот пад?

Нијаз Делиќ, пилот кој го користи спортскиот аеродром во Медулин, изјави дека според информациите со кои располага, пилотот на леталото кое се урнало направил спирала пред падот.

– Од причини непознати за мене, пилотот, кој инаку е искусен и кој требало да слета на спортскиот аеродром Медулин, направил спирала и се урнал во земјата – изјави Делиќ за „Јутарњи лист“.

Истрагата допрва почнува

Несреќата се случила во ненаселена област на административната граница меѓу Пула и Медулин.

Причините за падот сè уште не се утврдени, а истрагата треба да покаже што довело до трагедијата.

The post НАПРАВИЛ СПИРАЛА И СЕ СРУШИЛ КАЈ МЕДУЛИН Најмалку четворица загинати во авионска несреќа appeared first on plusinfo.mk.

Драма се одвивала веднаш по полноќ на Меѓународен аеродром Гуарулос во Сао Паоло, кога мотор на патнички авион експлодирал само неколку секунди по полетувањето, принудувајќи го пилотот итно да се врати назад.

Според извештаите, левата турбина на авионот од типот „Airbus A330-323“, кој летал кон Атланта, се претворила во огнен блесок додека леталото се искачувало. Камерите го забележале моментот кога од моторот избувнал пламен, додека во кабината се слушале вресоци на патниците.

Контролата на летот веднаш стапила во контакт со авионот на „Delta Air Lines“.

PASSENGERS SCREAM AS AIRBUS ENGINE FAILS AND BURSTS INTO FLAMES

FORCED TO RETURN TO SAO PAULO pic.twitter.com/8qwVOMMgvI

— RT (@RT_com) March 30, 2026

„Делта, имате оган на крилото“, предупредил контролорот.

„Знаеме, ќе мора да се вратиме“, одговорил пилотот, уверувајќи ги патниците дека авионот е стабилен за итно слетување.

Додека авионот се враќал, од моторот се слушале уште неколку експлозии, а делови паѓале на земја и ја запалиле тревата покрај пистата. По нешто повеќе од девет минути лет, пилотот успешно извршил итно слетување.

Во авионот имало околу 300 патници, но за среќа нема повредени. По слетувањето, службите за итни случаи веднаш интервенирале и го изгаснале пожарот.

Од „Delta Air Lines“ подоцна потврдија дека летот е откажан поради механички проблем и им се извинија на патниците за прекинот. Во тек е истрага за да се утврди точната причина за експлозијата.

The post 📽️ ПАТНИЦИ ВРЕСКААТ ОТКАКО ЕКСПЛОДИРА МОТОР НА АВИОН Морничава снимка од кабината, драматично слетување со 300 патници appeared first on plusinfo.mk.

Во јужниот дел на Колумбија се случи тешка авионска несреќа откако воен транспортен авион од типот „Херкулес Ц-130“ се урна кратко по полетувањето, со повеќе од 100 војници на бордот. Според првичните информации, леталото полетало од градот Пуерто Легуизамо, во амазонскиот регион близу границата со Перу.

Според локални медиуми и извори од одбранбените структури, во авионот имало околу 110 војници, иако официјалната бројка сè уште не е конечно потврдена. Несреќата се случила веднаш по полетувањето, на само неколку километри од урбана зона, а на местото на падот биле забележани густ чад и пламен.

Колумбискиот министер за одбрана Педро Санчез ја потврди трагедијата и информираше дека спасувачки екипи веднаш биле испратени на терен. Засега не е познат точниот број на жртви, ниту причината за несреќата, која е предмет на истрага. Властите апелираа на претпазливост и воздржаност од шпекулации додека не се утврдат сите факти.

Дел од медиумите јавуваат дека има и преживеани, кои биле евакуирани од местото на несреќата, но состојбата на многумина од нив е сериозна.

Претседателот Густаво Петро изрази сочувство до семејствата на настраданите и најави дека ќе се забрза модернизацијата на воената авијација, која со години се соочува со предизвици.

Оваа трагедија ја потресе Колумбија и повторно ја отвори дебатата за безбедноста на воените транспортни авиони од типот Ц-130, кои се широко користени низ светот. Истовремено, експертите предупредуваат дека ќе биде потребна детална истрага за да се утврди дали станува збор за технички дефект, човечка грешка или други фактори.

 

View this post on Instagram

 

A post shared by Republic (@republicworld)

The post 🎥ТРАГЕДИЈА ВО АМАЗОНИЈА, КОЛУМБИЈА ВО ШОК Падна воен авион со над 100 војници appeared first on plusinfo.mk.

Пред дваесет и две години на 26 февруари во Ротимље близу Мостар во авионска несреќа животот го загубија поранешниот претседател Борис Трајковски, членови на неговиот кабинет и екипажот на авионот. Годишнината од загинувањето на претседателот Трајковски денеска се одбележува во Скопје, во неговата родна Струмица и во Ротимље.

Членови на семејствата, државни и други делегации денеска положија цвеќе на гробот на Трајковски во Градските гробишта Бутел во Скопје и на спомен-обележјата во Ротимље и во Струмица.

ВМРО-ДПМНЕ оддаде почит на претседателот Борис Трајковски и на членовите на неговиот кабинет и екипажот кои трагично ги загубија животите во авионската несреќа.

„Борис Трајковски останува запаметен како претседател во време на тешки државни предизвици, човек кој со смиреност и одговорност ја водеше Македонија низ период на сериозни искушенија. Неговото делување беше насочено кон зачувување на мирот, стабилноста и меѓународниот углед на државата. Неговата политика на дијалог и единство претставува потсетник дека државничката зрелост, храброста и чувството за одговорност се темел на секоја стабилна и суверена држава.
Денеска, повеќе од две децении подоцна, останува обврската да се чува државата, да се гради единство и да се продолжи патот на стабилност и напредок. Нека е вечен споменот на Борис Трајковски“ – се вели во соопптението од партијата.

Градоначалникот на Скопје, Орце Ѓорѓиевски му оодаде почит на починатиот македонски претседател Борис Трајковски со емотивна порака на својот фејсбук-профил.

„Борис Трајковски беше повеќе од државник. Тој беше симбол на смиреност во тешки времиња, глас на разумот и човек што искрено веруваше во силата на единството“, напиша Ѓорѓиевски.

Претседателот Борис Трајковски загина на денешен ден во 2004 година во авионска несреќа во близина на Мостар. Во несреќата, покрај Трајковски животот го загубија Димка Илкова-Бошковиќ, Ристо Блажевски и Анита Кришан Лозановска од кабинетот на претседателот, Миле Крстевски од Министерството за надворешни работи, Борис Велинов и Аце Божиновски, членови на обезбедувањето и пилотите Марко Марковски и Бранко Ивановски.

Владиниот „Кингер“ со кој претседателот Трајковски патуваше на Меѓународна конференција за инвестирање во Босна и Херцеговина, на 26 февруари 2004 година се урна во атарот на Матиќ Брдо кај селото Хусковиќи во близина на Мостар. Авионот требаше да слета на мостарскиот аеродром во осум часот по локално време. Остатоците беа пронајдени 24 часа по паѓањето на авионот.

Првичната истрага што ја водеа надлежните македонски и босански органи покажа дека причина за уривањето се пропусти на екипажот направени во процедурата за приоѓање на аеродромот Мостар во услови на сложена метеоролошка состојба, густа магла и облачност.

На барање на македонските власти, по собирањето на дополнителните докази од страна на македонското МВР, беше отворена нова истрага во јануари 2013 година, што ја водеше меѓународен тим предводен од Омер Кулиќ. И во нивниот извештај како клучни причини за несреќата беа наведени грешки на екипажот и системски пропусти.

The post ПОВЕЌЕ ОД ДРЖАВНИК, ГЛАС НА РАЗУМОТ И МИРОТВОРЕЦ Македонија се сеќава на Борис Трајковски на денот на неговата смрт appeared first on plusinfo.mk.

Авион на сомалиската авиокомпанија „СтарСкај“ се урна во Индискиот Океан по полетувањето од меѓународниот аеродром „Аден Аде“ во Могадишу.

Во авионот имало 55 патници и членови на екипажот и сите ја преживеаја несреќата.

Несреќата се случила набрзо по полетувањето. Според очевидците авионот летал невообичаено ниско пред да се урне.

Сè уште не е позната причината за авионската несреќа.

If even commercial flights aren’t safe, that tells you everything about the state of governance. Somalia’s aviation sector reflects a broader collapse in regulation, oversight, and basic safety standards. Today, a commercial flight lost control and ended up in the sea. pic.twitter.com/4kWlmLxFDi

— Mohamed Hassani (@RuntaAqoonta) February 10, 2026

The post 🎥 СЕ УРНА АВИОН ВО СОМАЛИЈА ВЕДНАШ ПО ПОЛЕТУВАЊЕТО Сите 55 патници и членови на екипажот преживеаја appeared first on plusinfo.mk.

Седум лица загинаа, а едно е тешко повредено по пад на приватен авион при полетување од Меѓународниот аеродром Бангор. Леталото превезувало осум лица. Единствениот преживеан бил член на екипажот.

Станувало збор за Бомбардиер Челинџер 600. Авионот се урнал неколку минути по обидот за полетување. Настанал пожар. Леталото застанало превртено на пистата.

Од Федералната администрација за воздухопловство соопштија дека причините засега се непознати. Истрагата е отворена. Идентитетите на жртвите не се објавени.

Адвокатска фирма, непознати бизнсмени

Она што е познато според јавните документи е дека авионот бил регистриран на адвокатска фирма од Хјустон, Тексас.

Некои канали на Икс тврдат дека осуммината во авионот биле бизнисмени. Сепак, идентитетот на лицата не е официјално потврден.

Breaking! Aircraft in Penobscot Maine crashed at the Bangor International AirPort.

Per reports there were 8 people on board. The aircraft is owned by a TX Lawfirm.

https://t.co/OFmUDXFHMi

A NEST camera owned by Hannah Haona on FB reported they recorded the loud boom.… pic.twitter.com/S9sQ55GxJQ

— BiancaSpeaks M.S.C.S (@alignedai) January 26, 2026

Контролата предупредувала пред падот

Аудио од контролата на летови, објавено од LiveATC.net, забележало разговори за слаба видливост. Не било јасно кои авиони биле во комуникација.

Кратко потоа, се слушнал глас од контролата.

„Се преврте патнички авион“.

Снимките од местото покажале густ чад и пламен на пистата. Аеродромот бил затворен. Службите за итна помош интервенирале.

BREAKING – UPDATE ON AIRCRAFT CRASH IN MAINE

The private jet that crashed at Bangor International Airport in Maine was carrying eight business people https://t.co/g5Werz3UpA pic.twitter.com/Yu6k6Ig2tQ

— Lara (@TradingLara) January 26, 2026

Зимска бура, илјадници откажани летови

Несреќата се случила додека опасна зимска бура се ширела низ голем дел од САД. Неколку лица загинале на други локации. Стотици илјади домаќинства останале без струја.

Податоци од FlightAware покажале повеќе од 11.000 откажани летови и околу 5.500 одложени. Погодени биле аеродроми во Филаделфија, Вашингтон, Балтимор, Северна Каролина, Њујорк и во Њу Џерси.

Според Националната метеоролошка служба, во делови од Мејн се очекуват 25 до 40 сантиметри снег. Предупредувањето за зимска бура за регионот околу Бангор останува активно до вторник.

The post АВИОН СЕ ПРЕВРТЕ НА ПИСТА ВО МЕЈН, САМО ЕДЕН ЧОВЕК ПРЕЖИВЕА Зимската бура во САД зема замав appeared first on plusinfo.mk.

Сите членови на екипажот во рускиот воен транспортен авион Ан-22 загинаа откако леталото денеска се урна во регионот Иваново, повеќе од 200 километри североисточно од Москва. Несреќата се случила во ненаселена област за време на пробен лет, соопшти руското Министерство за одбрана.

Првичните информации од спасувачките тимови упатуваат дека во авионот најверојатно се наоѓале седум лица. Локалните власти потврдија дека нема преживеани.

Истрагата е веќе отворена. Рускиот истражен комитет соопшти дека започнал постапка за утврдување на причините и дали имало прекршување на прописите при подготовката на летот, што е дел од стандардната процедура по вакви тешки инциденти.

Ан-22, кој е еден од најголемите транспортни авиони во рускиот воен состав, извршувал пробен лет по извршени поправки, кога настанал фаталниот пад.

The post СМРТОНОСЕН ПАД НА РУСКИ ВОЕН АВИОН Седуммина загинати во несреќата кај Иваново appeared first on plusinfo.mk.

Авион на релација Приштина–Истанбул вчера излетал од пистата по слетувањето на аеродромот „Сабиха Гокчен“ во Истанбул, но за среќа нема повредени патници. Инцидентот се случил во момент кога леталото, по приземјувањето, наместо да продолжи по патеката за рулирање, се нашло на мека земјена површина и застанало на крајот од пистата.

Од Амбасадата на Косово во Турција соопштија дека сите лица во авионот се безбедни.

„Патниците се евакуирани без никаков ризик, преку надворешни скали, без потреба од користење на итните лизгалки. Нема пријавено повредени и сите го продолжија патувањето кон своите дестинации“, наведуваат од амбасадата.

Станува збор за авион на „AJet“, тип „Boeing 737-800“, кој оперирал на летот TKJ76Q / VF102. Инцидентот се случил во услови на силни врнежи, поради што, како што објаснува авиокомпанијата, дошло до излетување при маневрирањето.

„Слетувањето беше целосно регуларно, но поради обилните дождови авионот при движеењето излезе на мека земјена подлога“, информираа од „AJet“.

Турските власти во моментов вршат расчистување на теренот и утврдување на причините за инцидентот. Според првичните проверки, не постои оштетување на структурата на авионот што би довело до дополнителни ризици.

Информацијата беше објавена и на платформата „X“, каде што пишува: „AJet 737-800 излетал од пистата при слетување на аеродромот ‘Сабиха Ѓокчен’. Во моментот имало силни врнежи. Сите патници од летот VF102 од Приштина биле безбедно евакуирани“.

The post АВИОН ИЗЛЕТА ОД ПИСТАТА ВО ИСТАНБУЛ Патниците од летот Приштина–Истанбул спасени без повреди appeared first on plusinfo.mk.

Еден маж загина, а друг е тешко повреден во авионската несреќа што попладнево се случи кај аеродромот Биково во Суботица, кога мал авион од типот „Пајпер“ (Piper) се урна околу 17 часот – истиот тој авион кој пред три години доживеал несреќа под речиси идентични околности, дознаваат српските медиуми.

Во леталото вечерва се наоѓале двајца членови на екипажот. Копилотот Золтан С. (30) починал на самото место, и покрај обидите за реанимација, додека пилотот Карло Ф. (24) во тешка состојба е пренесен во болницата во Суботица. Падот се случил за време на приодот кон аеродромот Биково, на околу два километри од пистата. Причините за несреќата сè уште не се познати.

Полицијата, пожарникарите и Итната помош веднаш излегле на терен и вршат увид, а по наредба на обвинителството, истрагата ја водат и надлежните од Цивилната авијација.

Српски Телеграф објави дека истото летало, регистрирано како „YU-DPV“, доживеало несреќа и на 24 септември 2022 година, исто така кај аеродромот Биково. Тогаш авионот ја изгубил силата на моторот за време на школски лет, по што екипажот се обидел со присилно слетување. Леталото било сериозно оштетено, деформирана шасија за слетување, оштетен труп, елиса и крилја, но пилотот и пилот-патникот поминале без потешки повреди.

Во моментот не е познато дали постои каква било поврзаност меѓу техничката историја на авионот и денешната трагедија. Анализата на експертите треба да утврди дали причините се механички, човечки или комбинација од повеќе фактори.

The post АВИОН „ПАЈПЕР“ СЕ УРНА КАЈ СУБОТИЦА Еден загинат, еден тешко повреден, истото летало паднало и во 2022 appeared first on plusinfo.mk.