Двајца од безбедносните служби на аеродромот во Хонг Конг загинаа рано утрово кога товарен авион од Дубаи се лизна од пистата при слетувањето, удирајќи го нивното патролно возило и туркајќи го во морето, соопштија аеродромските власти.

Авионот од типот Боинг 747 делумно заврши во водата, но сите четири члена на екипажот успеаја да се спасат кршејќи ја вратата.

– Безбедносните работници беа извлечени од водата без знаци на живот – едниот беше прогласен за мртов на местото на настанот, а другиот почина подоцна во болница – изјави Стивен Џиу, извршен директор за операции во Аеродромската управа на Хонг Конг.

Tragic Crash at Hong Kong International Airport: Cargo Plane Skids Off Runway into Sea

Heartbreaking news from HKIA: At around 3:50 AM local time on Oct 20, Emirates cargo flight EK9788—a Boeing 747-400F operated by Turkish carrier ACT Airlines—skidded off the north runway… pic.twitter.com/BTb9Dd727w

— Laszlo Varga (@LaszloRealtor) October 20, 2025

Авионот е во сопственост на турската авиокомпанија ACT Airlines, која го управуваше летот во име на Emirates од Дубаи.

Властите изјавија дека ја истражуваат точната причина за несреќата, вклучувајќи ги временските услови, условите на пистата, авионот и екипажот.

Според снимката од комуникацијата со контролата на летање објавена на веб-страницата LiveATC.net, пилотот на товарниот авион потврдил дека планирал да слета на пистата 07L, каде што се случила несреќата, и не пријавил никакви технички проблеми.

Неколку минути подоцна, контролорот на летање објавил: „Сега има инцидент на аеродромот“.

Ман Ка-чаи, главен истражител на несреќи во Одделот за истрага на воздушни несреќи во Хонг Конг, потврдил дека контролата на летање го насочила авионот да слета на северната писта, но додаде: „Не сме добиле никаков повик за помош од пилотот“.

Џиу рече дека безбедносното возило се движело во својата вообичаена патролна зона, надвор од оградата на пистата, и никогаш не преминало на пистата.

Според него, авионот одеднаш се свртел налево по слетувањето и удрил во возило, што „не било нормален тек на движење“.

Фотографиите по несреќата го покажуваат товарниот авион со ознака AirACT делумно потопен во вода покрај морскиот ѕид на аеродромот, со отворена цевка за евакуација и одвоени делови од носот и опашката.

– Fresh video footage has emerged showing the dramatic moment an Air ACT Boeing 747-481 cargo plane, operating as Emirates SkyCargo flight EK9788 from Dubai, skidded off the northern runway (07L) and plunged into the sea during landing at Hong Kong International Airport… pic.twitter.com/2wGNXpTgHu

— The Informant (@theinformant_x) October 20, 2025

Несреќата ја потврди и компанијата од Абу Даби која соопшти дека летот EK9788 претрпел штета при слетувањето, е товарен авион Боинг 747 изнајмен од ACT Airlines и дека екипажот е безбеден.

 

View this post on Instagram

 

A post shared by Bloomberg Business (@bloombergbusiness)

The post 🎥📷АВИОН СЛЕТУВАЈЌИ НА ПИСТА СЕ ИЗЛИЗГА ВО МОРЕ Двајца аеродромски работници се мртви appeared first on plusinfo.mk.