АВМУ ГО ПОДБРА ДИРЕКТОРОТ НА ГТЦ Несоодветно е однесувањето на обезбедувањето и обидот да се отстранат новинарите

МИА — Sat, 20 Nov 2021 11:14:43 +0000

Агенцијата за аудио и аудиовизуелни медиумски услуги (АВМУ) смета дека е крајно несоодветно однесувањето на обезбедувањето на Градскиот трговски центар (ГТЦ) и обидот да се отстранат новинарите за време на нивното известување за средбата со сопствениците на дуќаните во ГТЦ, кои бараат истрага за случајот со криптовалутите.

„Истражувачкото новинарство е суштина на новинарската професија и тоа е клучно за остварувањето на улогата на медиумите во современите демократии. Најважната задача на новинарите е да информираат за актуелните случувања, поради што треба да им се овозможи непречено да известуваат за теми кои се предмет на интерес на јавноста“, се вели во реакцијата на АВМУ.

Пратеникот на ВМРО-ДПМНЕ, Антонио Милошоски, вчера реагираше дека директорот на ГТЦ, Ѓоко Трајчевски, им забранил на новинарите да ги снимаат незадоволните дуќанџии кои бараат одговори за скандалот со лабораторијата за копање криптовалути во подрумските простории на објектот.

Тој објави и видео на кое се гледа како групата дуќанџии влегува во расправија со обезбедувањето на ГТЦ.

The post АВМУ ГО ПОДБРА ДИРЕКТОРОТ НА ГТЦ Несоодветно е однесувањето на обезбедувањето и обидот да се отстранат новинарите appeared first on plusinfo.mk.

ВО СПОМЕН НА ВАСИЛ КУНОСКИ Најмилиот автор на детски песни (ВИДЕО)

Костадин Героски — Tue, 15 Jun 2021 11:31:33 +0000

На 13 јуни во 1993 година почина Васил Куноски, писател за деца и автор на првиот македонски буквар. Песните кои ги остави Куноски се омилени меѓу децата од повеќе генерации во Македонија. И сега, како и пред 30 до 40 години, се пее за „едно маче шарено, шарено ем галено“ или за кучето Шарко кое „лае и за шега не знае“. Кога децата треба да станат од спиење тогаш им се пее „Стани стани детенце“, а кога ќе здогледаат авион во небото, тогаш е „авионче бело крило“ и многу други рефрени.

Погледнете ја следната мешавина од најдоби песни на Куноски која ја испеа хорот на „Златно Славејче“ во 2012 година, а во чест на 15 години „Златна Бубамара“:

Куноски е роден во Дебар на 20 ноември 1916 година. Го уредувал познатото списание „Детска радост“, а бил член на Друштвото на писателите на Македонија. Добил многу книжевни награди меѓу кои и „11 Октомври“ за животно дело во 1972 година.

Во продолжение неколку песни од Куноски. Многу од нив можете да ги најдете на неговата фејсбук фан-страница:

ЗАЈЧЕ БЕЗ ОПАВЧЕ

Бегал зајко низ трње,
Опашот го скинал,
Опашот го пронашол,
Ловецот што минал

Кој го најде опашот,
Зајко пратил вест,
Зелки ќе му подарам
Три пати по шест.

ЕШКО ТАРАЛЕШКО

Ешко таралешко,
Каде така брзаш,
Чекај ќе те фатам,
Веднаш ќе те врзам

Чекај ешко чекај,
Еве веќе ближам,
Ножици јас носам,
Боцки да ти стрижам

РОДЕНДЕН

Денес ми е роденден,
гости многу сакам,
ако некој не дојде
ќе ми биде мака.

Торта сама направив
и колачи имам,
денес ми е роденден,
гости цел ден примам.

Ај ве чекам, дојдете,
дојди и ти, Маро,
само, слушај, шепни ми:
носиш ли подарок?

The post ВО СПОМЕН НА ВАСИЛ КУНОСКИ Најмилиот автор на детски песни (ВИДЕО) appeared first on plusinfo.mk.

Авионче бело крило Archives - plusinfo.mk

АВМУ ГО ПОДБРА ДИРЕКТОРОТ НА ГТЦ Несоодветно е однесувањето на обезбедувањето и обидот да се отстранат новинарите

ВО СПОМЕН НА ВАСИЛ КУНОСКИ Најмилиот автор на детски песни (ВИДЕО)