Авиокомпанијата го закажа својот последен лет меѓу двата града за 1 ноември. Продажбата на билетите потоа е запрена и е нејасно дали ќе се обноват операциите кон Скопје во текот на летото 2025 година, иако тоа е малку веројатно откако ќе заврши продажбата на билети на линијата и за следната година. Сепак, промените остануваат можни.

Минатото лето (од јуни до октомври) авиокомпанијата имаше 4 летови од Скопје за Женева, додека, пак, во остатокот од годината имаше  2 лета неделно.

За годинашниот летен период (јуни – октомври) компанијата ги сведе летовите на 2 пати неделно, по што, како што е најавено, се планира укинување на линијата.

Авиокомпанијата е единствениот оператор меѓу Женева и Скопје.

„Изи Џет“ влезе на македонскиот пазар во ноември 2021 година поттикнат од брзото закрепнување на секторот „Посетете пријатели и роднини“ за време на пандемијата на коронавирус. Тогаш од авиокомпанијата изјавија дека ќе ја одржуваат линијата доколку имаат патници, што е во рамки на нивната политика на одржување линии кои се популарни за патниците.

Во рамки на земјите од поранешна Југославија „Изи Џет“ ја опслужува Женева од Приштина 2 пати дневно ова лето, достигнувајќи го својот врв на 17 летови неделно во јули и во август. Таа, исто така, лета до швајцарскиот град од Белград 3 пати неделно. И двете линии се активни преку целата година. Оваа авиокомпанија има и сезонски летни летови од Женева до Дубровник, Пула, Сплит и до Тиват.

The post СЕ УКИНУВА ЕДИНСТВНИОТ ЛЕТ ОД СКОПЈЕ ЗА ЖЕНЕВА „Изи Џет“ го закажа својот последен лет за 1 ноември appeared first on plusinfo.mk.

Првиот лет на „Нордвинд“ од Москва до Скопје е закажан за петок, 21 мај 2021 година, со време на поаѓање од аеродромот Шереметјево во 14.45 часот и време на пристигнување на аеродромот во  Скопје во 17.10 часот.

„Нордвинд“ е една од најголемите авиокомпании во Русија според прометот на патници и ја има една од најразвиените мрежи на авиолинии во земјата. Базата на „Нордвинд“ е Меѓународниот аеродром Шереметјево во Москва. Со флексибилни авионски билети, лесен распоред на летови и бонуси во програмите за лојалност, летовите со „Нордвинд“ ќе бидат успешен почеток за патувања на бизнис-патниците, како и оние кои сакаат да уживаат во планираниот одмор.

Од „Нордвинд“ објаснуваат дека сите нивни патници можат да користат дополнителни услуги за удобен лет, како што се избор на седиште во авионот, избор на оброк, земање дополнителен багаж, нова услуга – дополнително место во близина, како и други услуги преку Интернет.

–

The post Од 21 мај со авионите на „Нордвинд ерлајнс“ ќе се патува од Скопје за Москва appeared first on plusinfo.mk.