Министерството за енергетика, рударство и минерални суровини обезбедува директна финансиска поддршка за граѓаните и ги поттикнува инвестициите во поекономично, поефикасно и почисто греење. Во тек е јавниот повик за доделување субвенции за приклучување на природен гас и за набавка на котел на гас, преку кој домаќинствата можат да добијат финансиска поддршка до 30.000 денари, односно до 70 проценти од направените трошоци.

Министерството потсетува дека рокот за поднесување на барањата е 31 октомври 2026 година, а сите заинтересирани граѓани кои ги исполнуваат условите имаат доволно време да ја искористат оваа можност.

Со оваа мерка државата не само што им помага на семејствата да ги намалат сопствените трошоци за инвестиција, туку придонесува и за поголема енергетска ефикасност, користење почист енергенс и подобрување на квалитетот на животната средина. Право на финансиска поддршка имаат домаќинства кои во текот на 2026 година ќе направат куќен приклучок на системот за дистрибуција на природен гас, како и домаќинства кои ќе набават котел на природен гас за објект што бил приклучен на системот заклучно со 1 јануари 2026 година. За едно домаќинство може да се поднесе едно барање.

За оваа мерка се обезбедени 3 милиони денари, а средствата ќе се доделуваат согласно условите од јавниот повик. Средствата ќе се доделуваат по принципот „прв дојден – прв услужен“, до нивно исцрпување.

По завршувањето на рокот, комисија формирана од Министерството ќе ги разгледа доставените апликации, а финансиската поддршка ќе биде исплатена на сите корисници кои ги исполнуваат пропишаните услови.

Министерството ги повикува сите граѓани кои планираат приклучување на природен гас или набавка на котел на гас да не ја пропуштат можноста за државна поддршка и навремено да ја поднесат потребната документација.

Поддршката на граѓаните останува еден од приоритетите на Министерството за енергетика, рударство и минерални суровини. Преку конкретни мерки и субвенции, Министерството продолжува да спроведува политики што носат директни придобивки за домаќинствата, ги намалуваат трошоците за енергија и го забрзуваат преминот кон поефикасни и поодржливи решенија за греење.

Повеќе информации ТУКА.

The post СУБВЕНЦИИ ДО 30.000 ДЕНАРИ ЗА ПРИКЛУЧОК ИЛИ КОТЕЛ НА ГАС Јавниот повик е отворен appeared first on plusinfo.mk.

Министерството за внатрешни работи денеска упати важно известување до сите ученици кои планираат да аплицираат за прием во Средното полициско училиште, појаснувајќи дека не треба претходно да се отпишуваат од училиштата во кои моментално се школуваат.

Од МВР информираат дека кандидатите кои ќе се пријават на јавниот повик треба потребната документација да ја достават во оригинал или како копија заверена кај нотар.

Во соопштението се наведува дека учениците кои завршиле прва и втора година во средните училишта низ државата нема потреба да го прекинуваат своето образование додека трае постапката за аплицирање и селекција.

„Апликантите кои учеле прва и втора година во средните училишта ширум државата не треба да се отпишуваат од истите во процесот на аплицирање и селекција. Со примените кандидати, односно со нивниот родител, старател или законски застапник, Министерството за внатрешни работи ќе склучи договор за школување, со кој понатаму ќе се регулираат процедурите и обврските кон училиштата во кои досега се школувале“, соопшти МВР.

Од Министерството апелираат кандидатите внимателно да ги следат условите од јавниот повик и навреме да ја достават целосната документација.

The post МВР ГИ РАСЧИСТИ ДИЛЕМИТЕ Еве што мора да знаат сите кандидати за Полициското училиште appeared first on plusinfo.mk.

Исплатата на ланските субвенции за велосипеди ќе започне во наредните денови, најави градоначалникот на Скопје, Орце Ѓорѓиевски, по реакциите на граѓаните кои со месеци чекаат средства.

Скопјани аплицираа на јавниот повик на Град Скопје уште во јуни минатата година, но и девет месеци подоцна исплатата не е реализирана. Според Ѓорѓиевски, причината се два проблема – недоволно средства и непочитување на редоследот на апликантите.

– – Постапката не била спроведена како што треба. Имало околу 200 апликанти, а средствата не биле доволни за сите. Дополнително, не бил запазен принципот „прв дојден – прв услужен“ – рече Ѓорѓиевски.

Тој посочи дека биле потпишувани решенија за дел од апликантите, потоа имало празнина во редоследот, па повторно биле потпишани други, без јасно објаснување зошто не се почитувал редот.

– Според редоследот од прва до 30 аликација се во ред, потоа имаме празен простор до 70 аликација, па имаме повторно последните 30-40 тина пак потпишани, Не знам од кои причини така се постапило, не знам зошто не се запазил редоследот. Што одлучивме ние? Ние имаме во овој буџет средства за исплата на субвенциите. За да нема неправда, сите субвенции ќе бидат исплатени во наредните неколку дена. Дополнително ќе побараме поддршка за ребаланс на буџетот и нов јавен повик оваа година – рече градоначалникот.

Според него, слична ситуација има и со субвенциите за чистење оџаци, кои исто така не биле исплатени за минатата година.

Со јавниот повик од 2025 година беше предвидено граѓаните да добијат до 5.000 денари за купување нов велосипед, а за оваа намена беа планирани три милиони денари од градскиот буџет. И покрај тоа, досега не е исплатен ниту денар.

The post НЕ СЕ ПОЧИТУВАЛ РЕДОТ, ПАРИТЕ ЗА ВЕЛОСИПЕДИ ДОАЃААТ НАСКОРО Скопјани чекаа 9 месеци, Ѓорѓиевски најави исплата на субвенциите appeared first on plusinfo.mk.

Општина Битола објави јавeн повик за вршење јавни работи и работно ангажирање на 18 лица невработени ниско квалификувани и со средно образование кои ќе бидат ангажирани за средување на зелените и јавните површини во градот и во руралните средини.
Во ангажманот на лицата влегува и средување на речното корито на реката Драгор, средување на Золошката градина, помош при други градежни зафати во делот на инфраструктурата.

Работното ангажирање ќе биде за период од 6 месеци од април до септември, во работни денови од понеделник до петок, со ангажман од по 7 работни часа на ден. На лицата ќе им биде исплатен месечен надоместок во износ од 20.000 денари нето износ. Во износот се пресметани надоместокот за извршената работа во тековниот месец и трошоците за превоз од местото на вршење на работите, како и надоместокот за исхрана.

За овој јавен повик повеќе информации на следниот линк: https://www.bitola.gov.mk/rabotno-angaziranje/

The post ОПШТИНА БИТОЛА ЌЕ АНГАЖИРА 18 ЛИЦА ЗА СРЕДУВАЊЕ НА ЈАВНИТЕ ПОВРШИНИ Објавен е јавен повик appeared first on plusinfo.mk.

Министерството за локална самоуправа објави Јавен повик за финансирање предлог-проекти насочени кон намалување на разликите меѓу и во планските региони и за зголемување на регионалната конкурентност за 2026 година, а со цел да се поттикне рамномерен регионален развој.

Целта на повикот е доделување пари за проекти кои ќе придонесат кон намалување на разликите во степенот на развиеност меѓу регионите, за јакнење на регионалната конкурентност и за поттикнување на локалниот развој, преку искористување на сопствените потенцијали.

Како приоритетни за 2026 година се утврдени повеќе активности и мерки – развој на современа и модерна инфраструктура, препознавање и искористување на конкурентските предности, како и подобрување на енергетската ефикасност на јавните објекти и користење обновливи извори на енергија.

За финансирање на проектите се предвидени 74.840.000 денари (1,2 милион евра), соопшти Министерството за локална самоуправа.

Право на поднесување предлог-проекти имаат центрите за развој на планските региони, општините, општините во Скопје, Градот Скопје, јавните претпријатија и јавните установи основани од државата и од општините, високообразовните и научните институции и здруженијата.

Рок за поднесување апликациите е во текот на 2026 година, односно до искористување на расположливите средства.

Повикот со условите и критериумите е достапен на веб-страницата на Министерството за локална самоуправа на овој линк.

The post 1,2 МИЛИОН ЕВРА ЗА ИСКОРИСТУВАЊЕ НА ЛОКАЛНАТА УНИКАТНОСТ Јавен повик за проекти за рамномерен регионален развој appeared first on plusinfo.mk.

Министерството за дигитална трансформација објави јавен повик до единиците на локалната самоуправа и до институциите од јавниот сектор во Македонија за изработка на официјални веб-страници. Повикот, како што соопштуваат од министерството, е дел од иницијативата за дигитализација на локалната самоуправа, но и за подобрување на комуникацијата на јавниот сектор со граѓаните преку современи дигитални решенија.

„Јавниот повик е во насока на унапредување на дигиталната инфраструктура и зголемување на транспарентноста и пристапноста на локалните самоуправи. Право на пријавување имаат сите општини и институции од јавниот сектор, без разлика на нивната големина, број на жители или моменталниот статус на нивната веб страница“, соопшти министерството.

Пријавите, како што дополнуваат, може да се достават најдоцна до 31.12.2025 година.

„Пријавите ќе се обработуваат по принципот прв дојден прв услужен, сè  до пополнување на расположливиот број на општини и институции што можат да бидат опфатени. Министерството ќе ги известува пријавените општини и институции за статусот на нивната апликација“, се додава во соопштението.

Подетални информации министерстовто проследува на следниов линк.

The post ДИГИТАЛИЗАЦИЈА НА ЛОКАЛНИТЕ САМОУПРАВИ Повик до општините за изработка на официјални веб-страници appeared first on plusinfo.mk.

На јавниот повик распишан од Јавното претпријатие за водостопанство „Лисиче“ за механичко отстранување на наслаги и органска материја од Велешкото Езеро нема пријавени фирми. Повикот, кој заврши на 13 октомври, бараше фирма која ќе ја отстрани органската маса од изумрени алги и трски која плива по површината, ќе ги отстрани исушените дрвја и ќе ја исече трската по крајбрежјето, за што има дозвола од Министерството за животна средина.

Состојбата на Велешкото Езеро е алармантна. Според извештај на Хидробилошки завод Охрид, водата во акумулацијата е со „лош квалитет“ и квалификувана како четврта и петта класа — присуство на колиформни бактерии и фекално загадување укажуваат дека системот е во сериозна состојба. Покрај тоа, езерото е контаминирано со амонијак и други токсични материи, што дополнително ја влошува еколошката ситуација. Минатата година, невладини организации и некои советници организираа акција за чистење на езерото и успеаја да отстранат над 120 кубни метри отпад.

За да се подобри состојбата на езерото, потребно е да се спроведат системски мерки, вклучувајќи редовно механичко чистење на наслагите, контрола на изворите на загадување и воспоставување на ефективни системи за третман на отпадни води. Вклучувањето на локалната заедница, невладините организации и стручните институции е клучно за успешно справување со овој еколошки предизвик.

The post НЕМА КОЈ ДА ЗАСУКА РАКАВИ ЗА ВЕЛЕШКОТО ЕЗЕРО Волонтерите се изморија, фирми не се пријавуваат appeared first on plusinfo.mk.

Јавниот повик со кој се бараше да се пријават лица кои ќе учествуваат во превенција, а дел од нив и во справувањето со пожарите, истекува денеска. Пријавените ќе бидат исконтактирани по што ќе треба да поминат дводневна обука во рамки на која ќе биде направена селекција.

Директорот на Дирекцијата за заштита и спасување, Стојанче Ангелов, денеска на прес-конференција информираше дека се пријавени помалку од 500 кандидати, а во Скопје околу 50, иако, како што рече, очекувале бројка од 80 лица.

– Во овој момент имаме нешто помалку од 500 пријавени кандидати на територија на државата. Нам ни беа потребни 400. За жал, бројката во Скопје е нешто помала, под 50, а очекувавме 80 лица – рече Ангелов.

Овие лица во следните 2-3 дена ќе бидат повикани во локалните територијални противпожарни единици и ќе започнат со најмалку дводневна обука во чие времетраење ќе се изврши селекција.

– Најдобрите од овие лица понатаму ќе имаат можност да бидат вработени во локалните територијални противпожарни единици или во Дирекцијата за заштита и спасување, а најдобрите во текот на наредниот период во Единицата за рамки на ДЗС – рече Ангелов.

Во Специјалната единица која ќе биде формирана, платите на вработените ќе бидат повисоки во однос на платите на пожарникарите, но овие лица ќе бидат ангажирани на тешко пристапни терени.

– Зборуваме за едница во која сите припадници би биле помлади и физички подготвени на едно сосема друго ниво за да можат да одговорат на најтешки и на најсложени задачи – рече Ангелов на прес-конференцијата на која беа дадени најнови информации околу состојбата со пожарите во земјава.

The post 500 КАНДИДАТИ СЕ ПРИЈАВИЈА ЗА НОВИТЕ ПРОТИВПОЖАРНИ ТИМОВИ Најдобрите ќе се вработат, а за тешките мисии се предвидени и повисоки плати appeared first on plusinfo.mk.

Министерството за финансии информира дека 16 меѓународни финансиски институции и комерцијални банки доставиле официјални писма за изразување на интерес за учество во финансирање на мегапроектот за изградба на брзата железничка пруга долж Коридорот 10.

Проектот е еден од најголемите во транспортната инфраструктура во историјата на земјава, со проценета вредност од 1,91 милијарда евра, и предвидува модерна, брза железничка врска што ќе ја поврзе Македонија со регионот и пошироко со ЕУ.

„Ова е јасен сигнал дека сме на добар пат. Ваквиот одѕив покажува дека проектот е препознаен како реален, стратегиски и исплатлив за меѓународната финасика заедница“, соопштија од Министерството за финансии, истакнувајќи дека довербата која ја добива државата на меѓународен план е резултат на реформите и транспарентниот пристап.

На 24 финансиски институции, меѓу кои светски познати развојни банки и комерцијални гиганти, им било доставено официјално писмо за барање интерес со краен рок до 7 јули 2025 година. Процесот се спроведува врз основа на заклучок на Владата, а целта е да се обезбеди оптимално финансирање за реализација на пругата, која ќе претставува клучен дел од европската железничка мрежа.

Покрај писмото, Министерството за финансии испратило и детална документација, вклучувајќи го и образложението за проектот подготвено од Министерството за транспорт и врски и МЖ Инфраструктура, а кое било одобрено и разгледано од Владата.

„Во наредниот период ќе спроведеме детална анализа и евалуација на пристигнатите понуди. Наша цел е да се избере најдобрата структура за финансирање, која ќе ги задоволува критериумите за ефикасност, одржливост и заемна корист“, посочуваат од Министерството за финансии, потенцирајќи дека Владата има јасна визија – модерна, зелена и поврзана Македонија.

The post 16 ФИНАНСИСКИ ГИГАНТИ САКААТ ДА ЈА ФИНАНСИРААТ БРЗАТА ПРУГА Проектот од 1,91 милијарда евра за Коридорот 10 добива силна поддршка appeared first on plusinfo.mk.

Како што информираат за МИА од АД ЕСМ, понудената цена за ископан јаглен изнесува 49,85 денари за гигаџул, а за ископан кубен метар јаловина 214 денари. Вкупната финансиска рамка изнесува 1,44 милијарди денари за период од 12 месеци.

„Избраниот економски оператор би се ангажирал по налог на Подружница РЕК Битола,  согласно потребите на рударско– енергетскиот комбинат. Во период кога изведувачот нема да биде ангажиран, АД ЕСМ нема да има финансиски импликации.  Станува збор за ангажман за период од една година или до исцрпување на средствата предвидени во финансиската рамка,  во зависност од тоа кој услов ќе биде прв исполнет“, велат од АД ЕСМ.

„Топлина“, додаваат, пријавила четири оператори како подизведувачи „ГД Гранит“ Скопје, „Градба Промет“ Кавадарци,  „Илинден“ Струга и „Топ Билд“ од Скопје. Во својство на техничка поддршка се пријавени фирмите „Форса АС“ од Скопје  и „Машинокоп“ од Кавадарци.

The post ИЗБРАН НАЈПОВОЛЕН ПОНУДУВАЧ ЗА ИСКОП НА ЈАГЛЕН ВО РЕК БИТОЛА Познати се деталите од јавниот повик appeared first on plusinfo.mk.