аудиција Archives - plusinfo.mk

🎥 ХОЛИВУДСКИОТ АКТЕР СЕ ПОЈАВИ ПРЕД СУДОТ Тимоти Басфилд е задржан во притвор по ново обвинение за сексуална злоупотреба на малолетничка

плусинфо — Thu, 15 Jan 2026 12:16:27 +0000

Холивудскиот актер Тимоти Басфилд се појавил пред судот откако беше обвинет за сексуален контакт со малолетник и злоупотреба на дете. Басфилд изјавил дека обвинувањата не се вистинити. Ова доаѓа во време кога се појави ново обвинение за сексуална злоупотреба во кое е вклучено 16-годишно девојче, известува NBC News.

На актерот, добитник на Еми и режисер, Тимоти Басфилд (68), му било наредено да остане притворен по обвинението за сексуална злоупотреба на деца-глумци со кои соработувал во телевизиско шоу во Ново Мексико, откако против него се појавија нови детали за посебно обвинение за недолично однесување.

Новото обвинение за сексуална злоупотреба со кое се соочува Басфилд се однесува на инцидент што, според жалбата, се случил пред неколку години во Сакраменто, Калифорнија и во него учествувало девојче кое во тоа време имало 16 години, пишува „Ен-би-си њуз“.

Инаку, Басфилд ѝ се предал на полицијата во Албукерке на 13 јануари, откако неколку дена претходно бил издаден налог за негово апсење. Истиот ден, тој бил обвинет за две точки за кривичен сексуален контакт со малолетник и една точка за злоупотреба на дете. Обвинителите побарале тој да остане во притвор до почетокот на судењето.

Во барањето за притвор, поднесено на 14 јануари, се споменува и нова жалба поднесена до полицијата од Колин Свифт, татко на новата наводна жртва. Според документот, Свифт ѝ кажал на полицијата дека Басфилд сексуално ја нападнал неговата ќерка за време на аудиција во театарот „Б Стрит“.

Наводно, за време на аудиција во театарот ‘Б Стрит’, Басфилд ја бакнал, ги ставил рацете во нејзините панталони и ги допирал нејзините интимни делови.

Во обвинението се наведува дека Басфилд наводно го молел семејството да не го пријавува случајот во полиција ако му дозволат да оди на терапија. Според судските записи, Свифт е психотерапевт по професија и во тоа време мислел дека тоа е најдоброто што може да го направи.

Басфилд е основач на театарот „Б Стрит“, кој го основал во 1986 година под името „Театар за деца, Инк“.

The post 🎥 ХОЛИВУДСКИОТ АКТЕР СЕ ПОЈАВИ ПРЕД СУДОТ Тимоти Басфилд е задржан во притвор по ново обвинение за сексуална злоупотреба на малолетничка appeared first on plusinfo.mk.

МАКЕДОНИЈА ЌЕ УЧЕСТВУВА НА ДЕТСКАТА ЕВРОВИЗИЈА Аудицијата да се одржи на 19 јуни

МИА — Tue, 04 Jun 2024 17:55:37 +0000

Македонската радио телевизија објави повик за аудиција на вокален интерпретатор кој ќе нѐ претставува на Детската Евровизија што во ноември ќе се одржи во Мадрид, Шпанија.

„Пријавените кандидати треба да се на возраст помеѓу девет и 14 години на денот на финалната манифестација, 16 ноември“, пишува во повикот.

Најавено е аудицијата да се одржи на 19 јуни, а пријавувањето е отворено заклучно со 17 јуни. Сите кандидати треба да се државјани на Македонија или да имаат регулиран престој во државава.

Нашата држава, лани во Франција ја претставуваше Тамара Грујеска со песната „Кажи ми, кажи ми кој“.

The post МАКЕДОНИЈА ЌЕ УЧЕСТВУВА НА ДЕТСКАТА ЕВРОВИЗИЈА Аудицијата да се одржи на 19 јуни appeared first on plusinfo.mk.

Пејачката која го трогна светот со аудицијата: Се повлекувам, состојбата со ракот се влоши! (ВИДЕО)

плусинфо — Wed, 04 Aug 2021 06:15:56 +0000

Триесетгодишната пејачка Џејн Марцевски, попозната и под името Nightbirde, го трогна целиот свет и жирито на натпреварувачкото шоу „Америка има талент“.

Во јуни, таа ја изведе својата песна „It’s OK“, која зборува за последната година од нејзиниот живот, во која се бори со ракот. Лекарите ѝ рекле на Џејн дека има само 2 отсто шанси да преживее, но таа е оптимист.

Сега на Инстаграм објави дека се повлекува од натпреварувањето поради влошување на болеста.

„Споделувањето на моето срце со светот беше чест и остварување на сонот. Какво чудо што болката низ која поминав се претвори во убавина што ги тера луѓето ширум светот широко да ги отворат очите. Од аудицијата, здравјето се влоши и борбата против ракот ја бара сета моја енергија и внимание. Жал ми е што морам да објавам дека нема да можам да продолжам да бидам дел од оваа сезона АИТ. Животот не секогаш им дава пауза на оние кои го заслужуваат тоа, но ние тоа веќе го знаевме. Ја планирам својата иднина, а не своето наследство. Депресивна сум, но сѐ уште имам соништа. Важно е секој да знае дека јас сум многу повеќе од лошите работи што ми се случуваат. Два проценти не е нула. Два проценти е нешто“, напишала Џејн.

View this post on Instagram

A post shared by nightbirde (@_nightbirde)

The post Пејачката која го трогна светот со аудицијата: Се повлекувам, состојбата со ракот се влоши! (ВИДЕО) appeared first on plusinfo.mk.