Службениците на СЗО се подготвуваат за можна нуклеарна катастрофа во случај на понатамошна ескалација на војната меѓу САД и Израел против Иран. Персоналот на ОН внимателно ги следи последиците од нападите на САД и Израел врз иранските нуклеарни објекти и е подготвен да одговори на секоја нуклеарна закана, вели Ханан Балки, регионалната директорка на СЗО за источен Медитеран.

– Најлошото сценарио е нуклеарен инцидент, а тоа е нашата најголема загриженост. Без разлика колку се подготвуваме, ништо не може да ја спречи штетата што би влијаела на регионот и на крајот на целиот свет, со последици што би траеле со децении – изјави Балки за „Политико“.

СЗО стравува од употреба на нуклеарно оружје

Таа објасни дека персоналот е подготвен за нуклеарен инцидент во најширока смисла, што вклучува напад врз нуклеарен објект или употреба на такво оружје.

– Размислуваме за тоа и навистина се надеваме дека тоа нема да се случи – додаде таа.

Претседателот на САД, Доналд Трамп, вети дека ќе „ја елиминира непосредната нуклеарна закана што ја претставува иранскиот режим“, иако не достави докази дека Техеран развива нуклеарно оружје. Минатиот јуни, САД, во соработка со Израел, извршија напади врз нуклеарната инфраструктура во цел Иран.

Иранската организација за атомска енергија ги потврди нападите врз локалитетите Фордо, Исфахан и Натанц. САД и Израел продолжија да напаѓаат нуклеарни објекти и по почнувањето на новата офанзива на 28 февруари.

И Израел и Обединетите Арапски Емирати имаат нуклеарни објекти во дострел на иранските ракети, но досега нема извештаи дека биле цел на напад. Исто така, се верува дека Израел поседува значаен арсенал на нуклеарно оружје.

До денес не е регистрирана радиоактивна контаминација

До денес не се регистрирани знаци на радиоактивна контаминација никаде во регионот. Сепак, Балки појасни дека нуклеарен инцидент, кој би ги изложил луѓето на опасни нивоа на зрачење, би можел да предизвика сериозно непосредно оштетување на белите дробови и кожата и да го зголеми ризикот од развој на рак и проблеми со менталното здравје.

Нуклеарната несреќа во советската електрана „Чернобил“ во 1986 година е официјално поврзана со смртта на триесетина лица во првите неколку месеци, а подоцна придонесе за илјадници случаи на рак на тироидната жлезда и високо ниво на вознемиреност кај локалното население.

– Верувам дека оние што ја знаат историјата на претходните инциденти, без разлика дали се намерни или случајни, се свесни за што зборуваме – рече Балки.

Се проценува дека помеѓу 110.000 и 210.000 луѓе загинале во нуклеарните напади на САД врз Хирошима и Нагасаки во 1945 година.

Стравувања дека Израел ќе употреби атомска бомба

Додека војната продолжува, некои високи функционери почнаа јавно да шпекулираат за употребата на нуклеарни боеви глави. Дејвид Сакс, советникот на Трамп за вештачка интелигенција, изрази загриженост дека „Израел би можел да ја ескалира војната и да размисли за употреба на нуклеарно оружје“.

Трамп ја отфрли можноста велејќи им на новинарите: „Израел нема да го стори тоа“.

СЗО моментно ги обучува своите вработени за тоа како да реагираат во случај на нуклеарен инцидент, што вклучува советување на службениците за ризиците и заштитните мерки за јавното здравје.

СЗО регистрира 46 напади врз здравствени установи и работници во Иран и Либан од почетокот на војната на 28 февруари, во кои беа убиени 38 лица. На 13 март Израел уби 14 здравствени работници во два напада во Либан. Балки ги нарече нападите „трагични и неприфатливи“ додавајќи дека здравствените работници мора да бидат заштитени со меѓународното право во секое време.

Уништени здравствени системи

Здравствените работници и претставниците на ОН претходно го обвинија Израел за систематско уништување на здравствениот систем во Газа. Израел ги отфрли обвинувањата наведувајќи воена неопходност или, како во случајот со смртоносниот напад врз болницата Насер минатата година, „трагична несреќа“.

Според СЗО, до средината на 2025 година 94 проценти од болниците во Газа биле оштетени или уништени. Министерството за здравство во Иран пријави 1.444 цивилни жртви, а министерството во Либан 886 жртви до 17 март. Либан вели дека 107 деца биле убиени во последното бомбардирање.

Министерството за здравство на Израел не ги вклучува жртвите во своите дневни воени извештаи. Според податоците од 8 март, владата пријавила 13 убиени. ОН проценува дека помеѓу 600.000 и еден милион ирански домаќинства се привремено раселени, а во Либан има 946.000 саморегистрирани раселени лица.

Кршливиот здравствен систем во Либан, кој беше под голем притисок дури и пред последните израелски напади, се бори да се справи со големиот број раселени лица.

– Станува збор за пристап до квалитетна храна, чиста вода, прекин на здравствената заштита, без разлика дали станува збор за вакцинација на деца или достапност на лекови за пациенти на дијализа и пациенти со рак. Сето ова ќе има огромни последици за народот на Либан – рече Балки.

Конфликтот, исто така, ја влошува палестинската здравствена криза поради строгите ограничувања за помош што влегува во Газа. СЗО известува за критичен недостиг на лекови и медицински материјали и покрај тврдењата на Израел дека доволно помош влегува на територијата.

Палестинското Министерство за здравство вели дека му недостигаат 46 проценти од основните лекови. Балки заклучи дека обемот на уништувањето во Газа е толку голем што ќе бидат потребни „милијарди долари“ и „децении за да се вратат достоинствени услови за живеење за овие луѓе.

The post СЗО СЕ ПОДГОТВУВА ЗА МОЖНА НУКЛЕАРНА КАТАСТРОФА И ЗА ЕКСПЛОЗИИ НА АТОМСКИ БОМБИ Последиците би траеле со децении appeared first on plusinfo.mk.

Генералниот директор на Меѓународната агенција за атомска енергија (МААЕ), Рафаел Гроси, синоќа изјави дека нема докази дека Иран развива нуклеарна бомба, но нагласи дека одбивањето на Иран да им дозволи на инспекторите целосен пристап до неговите објекти е причина за сериозна загриженост.

Гроси изјави на социјалните мрежи дека била јасен и доследен во своите извештаи.

„Бев многу јасен и доследен во моите извештаи за нуклеарната програма на Иран: иако нема докази дека Иран гради нуклеарна бомба, неговите големи залихи на збогатен ураниум се речиси способни за оружје, а одбивањето да им се даде целосен пристап на моите инспектори е причина за сериозна загриженост“, напиша тој.

Тој додаде дека во претходните извештаи навел дека сè додека Иран не помогне во решавањето на отворените прашања поврзани со мерките за надзор, Агенцијата што ја предводи нема да може да даде гаранции дека нуклеарната програма на Иран е исклучиво мирна.

The post НЕМА ДОКАЗИ ДЕКА ИРАН РАЗВИВА НУКЛЕАРНА БОМБА Сепак, загрижувачки се иранските залихи на збогатен ураниум appeared first on plusinfo.mk.

Кина денеска ги повика САД сериозно да ја почитуваат меѓународната забрана за нуклеарни тестирања, откако американскиот претседател Доналд Трамп објави дека му наредил на своето Министерство за војна веднаш да почне со тестирање на американското нуклеарно оружје.

– Кина се надева дека САД сериозно ќе ги почитуваат обврските од Договорот за сеопфатна забрана за нуклеарни тестови. Како и нивната обврска да забранат нуклеарно тестирање и да преземат конкретни мерки за зачувување на светскиот систем на нуклеарно разоружување и неширење на нуклеарното оружје, со цел да се зачува светската рамнотежа и стратешката стабилност – изјави портпаролот на кинеското министерство за надворешни работи, Гуо Џиакун, на редовната прес-конференција.

Кремљ, пак, не верува дека почнала нова рунда од трката во вооружување меѓу Русија и САД.

– Сè уште не – изјави портпаролот на Кремљ Дмитриј Песков на новинарско прашање дали изјавите на Трамп за почетокот на тестирањето на нуклеарно оружје може да се сметаат за нова рунда од трката во вооружување.

Договорот за забрана на нуклеарни тестови во атмосферата, во вселената и под вода беше потпишан во Москва на 5 август 1963 година, од претставници на СССР, САД и на Велика Британија.

Претходно денеска, пред средбата со кинескиот претседател Си Џинпинг во Јужна Кореја, претседателот Трамп му нареди на своето Министерство за војна веднаш да продолжи со тестирањето на нуклеарно оружје „на рамноправна основа“ со другите нуклеарни сили како што се Русија и Кина.

САД ИТНО ЌЕ ТЕСТИРААТ НУКЛЕАРНО ОРУЖЈЕ Путин се пофали со „Посејдон“, Трамп издаде наредба до Министерството за војна

The post КИНА ГИ ПОВИКА САД ДА ЈА ПОЧИТУВААТ ЗАБРАНАТА ЗА НУКЛЕАРНИ ТЕСТИРАЊА Русија не верува дека почнува нова трка за вооружување appeared first on plusinfo.mk.

Градоначалникот на Хирошима Казуми Мацуи денеска го повика американскиот претседател Доналд Трамп да го посети градот за да ги види од прва рака разорните последици од нуклеарното оружје, откако Трамп направи несоодветна споредба меѓу атомските бомбардирања од 1945 година и неодамнешните воздушни напади врз Иран.

– Ми се чини дека тој навистина не разбира што значи атомско бомбардирање, кое одзема животи на многу невини граѓани и го загрозува опстанокот на човештвото. Би сакал претседателот Трамп да ја посети Хирошима за да сфати што е нуклеарно бомбардирање и да го почувствува духот на Хирошима – изјави Мацуи за новинарите.

САД фрлија атомска бомба на Хирошима на 6 август 1945 година, а три дена подоцна и на Нагасаки, единствените случаи на употреба на нуклеарно оружје во војна. По нападите, Јапонија се предаде, со што заврши Втората светска војна. Околу 140.000 луѓе загинаа во Хирошима и 74.000 во Нагасаки, а многумина подоцна имаа здравствени проблеми поради изложеност на радијација.

По неколкудневните израелски напади врз Иран, САД на 22 јуни бомбардираа три ирански нуклеарни постројки. Набргу потоа беше воспоставен прекин на огнот меѓу Иран и Израел, со што заврши 12-дневната војна.

– Не сакам да ги користам Хирошима и Нагасаки како пример, но во суштина тоа беше исто – изјави Трамп на 25 јуни на самитот на НАТО во Хаг, додавајќи дека нападите „ја завршија војната“.

Неговата изјава предизвика незадоволство кај преживеаните и протести во Хирошима. Минатата недела, градското собрание усвои предлог со кој се осудуваат коментарите што ја оправдуваат употребата на атомска бомба.

The post „ТРАМП НЕ РАЗБИРА ШТО ЗНАЧИ ДА СЕ ФРЛИ АТОМСКА БОМБА“ Градоначалникот на Хирошима го прозва шефот на САД appeared first on plusinfo.mk.

„Нели бевме успешни со нашиот погодок? Тоа ја заврши војната. Не сакам да ги користам примерите со Хирошима и Нагасаки (во Јапонија), но тоа во суштина беше истата работа која ја заврши војната. Ако не го направевме тоа сега, тие и натаму ќе војуваа“.

Вака изјави американскиот претседател Доналд Трамп на самитот на НАТО во Хаг, велејќи дека Иран не ќе прифател примирје без нападите. Тој го спореди американскиот напад врз Иран од саботата, 21 јуни, со одлуката на САД да фрлат атомски бомби врз Јапонија на крајот на Втората светска војна.

САД во неделата ги бомбардираа иранските нуклеарни постројки Фордо, Натанз и Исфахан со 13-тонски бункерски бомби кои пробиваат 18 метри бетон или 61 метар земја пред да експлодираат.

Соработникот на Трамп,американскиот министер за одбрана Пит Хегсет, ги коментираше и наводите дека американските бомби не ја уништиле иранската нуклеарна програма, туку го одложиле нејзиното спроведување за само неколку месеци.

Хегсет смета дека изјавите на повеќе стручњаци се политички мотивирани.

Меѓу другото, Трамп денеска во Хаг ја потврди својата посветеност на Членот 5 од основачкиот договор на НАТО и ја поздрави најавата дека сојузниците ќе се обврзат да издвојуваат 5% од бруто домашниот производ (БДП) за одбрана.

– Години наназад барам од нив да зголемат на пет отсто и тие одат на пет отсто, тоа е голем скок од два отсто, иако многумина сè уште не плаќаат ни два отсто. Така што мислам дека тоа ќе биде многу голема вест – истакна Трамп.

The post САД БЕА ПРЕЦИЗНИ ВО ИРАН КАКО ШТО БЕА ВО ХИРОШИМА Трамп вели дека американскиот напад ја завршил војната appeared first on plusinfo.mk.

И покрај тврдењата на Израел дека Иран бил само неколку месеци далеку од производство на нуклеарно оружје пред почетокот на превентивните израелски напади врз Техеран во петокот, американските разузнавачки проценки покажуваат дека Исламската Република не работела активно на производство на бомба и дека се потребни неколку години за да дојде до неа, јавува Си-Ен-Ен, повикувајќи се на 4 извори, запознаени со проценките на Вашингтон.

Според Си-Ен-Ен, „Иран не само што не работел активно на нуклеарно оружје, туку му требале и до 3 години за да произведе и да испорача нуклеарна бомба до цел од свој избор“, пренесува Тајмс оф Израел.

Централната команда на САД, која ги надгледува воените активности на САД во Блискиот Исток, презентирала поитна проценка од цивилните разузнавачки тела, додава извештајот, наведувајќи дека пред изненадувачкиот напад на Израел, Централната команда верувала дека Иран би можел побрзо да произведе нуклеарна бомба ако реши да се впушти во таков потег, цитирајќи извор запознаен со дискусиите.

Иран, според Меѓународната агенција за атомска енергија, имал доволно високо збогатен ураниум за неколку бомби, но не презел конкретни чекори кон милитаризација.

На прашање на Фокс њуз во неделата за различните заклучоци на САД и на Израел за иранските капацитети, израелскиот премиер Бенјамин Нетанјаху изјави:

– Информациите што ги добивме и ги споделивме со САД беа апсолутно јасни, дека тие работат на таен план за милитаризација на ураниумот. Се движеа многу брзо.

Американски официјален претставник, цитиран во извештајот, изјавил дека според американското разузнавање, досегашните израелски напади можеби ја скратиле иранската временска рамка за развој на нуклеарно оружје за само неколку месеци. Експертите предупредуваат дека Израел веројатно ќе има потреба од американска воена помош за да нанесе трајна штета, особено на подземниот нуклеарен објект во Фордо.

The post ИРАН НЕ Е МЕСЕЦИ, ТУКУ ГОДИНИ ДАЛЕКУ ОД АТОМСКА БОМБА Американските разузнавачи ги негираат тврдењата на Израел дека Техеран е итна нуклеарна закана appeared first on plusinfo.mk.

Соединетите Американски Држави го произведоа првиот примерок од нуклеарната боева глава Б61-13 со модификација на оригиналната термонуклеарна бомба Б61, објави Националната агенција за нуклеарна безбедност на САД (NNSA), цитирајќи го министерот за енергетика Крис Рајт.

„NNSA го заврши производството на првата гравитациска бомба B61-13, најновото дополнување на семејството нуклеарно оружје B61“, се вели во соопштението објавено на нејзината веб-страница.

Wen die damit einschüchtern wollen….
Die USA haben eine neue Atombombe vorgestellt, die B61-13. Ihre Sprengkraft ist 24-mal größer als die der Hiroshima- Bombe. „Die B61-13 ist dafür ausgelegt, befestigte unterir- dische Anlagen und Ziele über große Flächen zu zerstören.“ Das… pic.twitter.com/I3fE2L67pg

— Konstanze Hoffmann (@KonstanzeHoffm1) May 20, 2025

Во објавата на Икс се вели дека бомбата е 24 пати помоќна од онаа фрлена во Хирошима во 1945 година.

Соопштението покажува дека проектот е завршен речиси една година пред предвидениот рок.

Како што објави руската новинска агенција РИА Новости, создавањето на „нова верзија на нуклеарната бомба Б-61 со слободен пад“ беше одобрено уште кон крајот на 2023 година. Исто така, се додава дека првичниот план бил работата да се заврши напролет во 2026 година.

The post САД ПРОИЗВЕДОА БОМБА 24 ПАТИ ПОЈАКА ОД БОМБАТА ВО ХИРОШИМА Проектот е завршен една година пред крајниот рок appeared first on plusinfo.mk.

Градоначалникот на Хирошима, Казуми Мацуи, упати апел за обединување на народите со цел да ги поттикнат светските лидери да се откажат од нуклеарни закани, посебно во контекст на глобалните конфликти како војната во Украина и Блискиот Исток.

– Рускиот продолжен напад врз Украина и влошената ситуација помеѓу Израел и Палестинците го зголемуваат стравот и недовербата меѓу народите, зајакнувајќи го ставот дека мораме да се потпираме на воената сила за решавање на меѓународните проблеми, што треба да го отфрлиме – рече Мацуи во својот говор.

Премиерот Фумио Кишида, кој претставува изборна единица во Хирошима, во својот говор на церемонијата предупреди дека моментумот кон свет без нуклеарно оружје е на работ на пресврт за првпат од екот на Студената војна.

– Наша должност е како единствена земја која ја доживеала употребата на нуклеарно оружје во војна постојано да работиме на остварување на свет без нуклеарно оружје – рече тој.

Церемонијата, на која присуствуваа околу 50.000 луѓе, вклучуваше претставници од 109 нации и од Европската Унија. Поради кризата во Украина, Русија и Белорусија не беа поканети на церемонијата трета година по ред.

Оваа година, амбасадорот на Израел присуствуваше на церемонијата, додека палестински претставник не беше поканет. Палестинската амбасада изрази критика за непоканувањето на нивниот претставник, што го нарече двоен стандард.

За време на церемонијата, Изуми Накамицу, генерален потсекретар на ОН и висок претставник за прашања за разоружување, ја прочита изјавата на генералниот секретар на ОН Антонио Гутереш.

„Од минатата година, глобалната недоверба и поделба само се продлабочија… некои непромислено повторно се закануваат со нуклеарно оружје. Светот мора да застане заедно за да го осуди ова неприфатливо однесување. И ние мора да најдеме нови решенија за да го оживееме разоружувањето“, се вели во соопштението.

Во мај минатата година, лидерите на Групата седум (Г7) одржаа самит во градот, со заедничка посета на паркот и музејот и објавија прв заеднички документ за нуклеарно разоружување наречен Хирошимска визија. Но, само неколку дена пред годишнината на атомскиот напад, Јапонија и САД одржаа прв министерски состанок за продолжена одвратност, што вклучува нуклеарна заштита за Јапонија.

Едноминутно молчење беше одржано во 8:15 часот, точното време кога нуклеарната бомба беше фрлена од американскиот бомбардер Енола Геј и детонирана над градот на 6 август 1945 година, при што загинаа околу 140.000 луѓе до крајот на годината. Мноштво посетители дојдоа во паркот во раните утрински часови за да принесат молитви и цвеќиња и да избегнат построги безбедносни ограничувања спроведени по избивањето на насилството со демонстрантите претходната година. Градот го ограничи влезот во просториите помеѓу 5 часот наутро и 9 часот наутро.

Три дена откако бомбата, наречена „Малото момче“, ја десеткуваше Хирошима, втора атомска бомба беше фрлена врз Нагасаки. Јапонија им се предаде на сојузничките сили шест дена подоцна, означувајќи го крајот на Втората светска војна. Комбинираниот број на официјално признати преживеани од двата нуклеарни напади изнесуваше 106.825 заклучно со март оваа година, што е намалување за 6.824 во однос на претходната година, според Министерството за здравство, труд и благосостојба. Нивната просечна возраст надминува 85 години.

The post ПАЛЕСТИНСКИОТ ПРЕТСТАВНИК НЕ БЕШЕ ПОКАНЕТ Хирошима одбележа 79 години од кобниот атомски напад appeared first on plusinfo.mk.

„Чудна работа, секогаш кога рејтингот на Левица е во пад, како што е во моментов, на сите последни анкети, тогаш се договараат сценарија, заедно со ДУИ и СДС, меѓусебно да си помогнат, бидејќи тоа им одговара на сите страни.

Зошто Левица вака не направи за други, далеку поважни теми туку за измени на деловник за работа на Собрание, кои се прават често во Собранието?

Веројатно Апасиев утре ќе скока и ќе прават сцени, за да бидат забележани, за политички поени, за тоа дека не им се допаѓала фарбата на собраниските зидови, додека молчеше за францускиот предлог и за случајот „Онкологија“ во Собранието.

Хистеријата што ја демонстрираат, укажува на тоа колку нестабилни се овие личности и колку се ризични, штетни и непредвидливи сами за себе и за државата.

Среќа што државата нема нуклеарно оружје, не се сомневаме дека Апасиев би го употребил, онака лефтерно и истовремено афектно, насочувајќи го врз Собранието, кај што сам се наоѓа, чисто да ни покаже, колку тој знае да биде опасен ако во бифето му дадат горко наместо благо кафе.

Власта и Левица, веќе подолг период, се во коалиција, во Советот на Град Скопје, каде заедно ги гласаат сите желби на Данела Арсовска, па очигледно оваа соработка, се пренесе и во Собранието.

Толку е привидно ова сценарио на власта и Левица, што ни Мисовски, ни Талат Џафери, не го повикаа собраниското обезбедување, кога 10 мин некој крши во Собранието.

Граѓаните не сакаат да гледаат вакви комични сценарија, туку сакаат да видат мерки, со кои ќе им се крене животниот стандард, а на тоа ќе работи ВМРО-ДПМНЕ, веднаш по превземањето на власта“ – пишува ВМРО-ДПМНЕ.

The post ДА ИМАВМЕ НУКЛЕАРНО ОРУЖЈЕ, ЛЕВИЦА ЌЕ ГО УПОТРЕБЕШЕ Станува збор за нестабилни личности, вели ВМРО-ДПМНЕ appeared first on plusinfo.mk.

Елијаху од ултрадесничарската партија Еврејска сила во интервју за јавниот сервис Кан изјави дека една од опциите во војната во Појасот Газа е да се фрли нуклеарна бомба на енклавата.

Елијаху потоа на платформата Икс објави дека неговата изјава за нуклеарната бомба била метафорична, додавајќи дека одговорот на тероризмот мора да биде силен и несразмерен.

Нетанјаху истакна дека изјавата на министерот Елијаху „нема врска со реалноста“.

– Израел и ИДФ дејствуваат во согласност со највисоките стандарди на меѓународното право за да спречат штета на луѓето кои не се вклучени, и ние ќе продолжиме да го правиме тоа сè до победата – наведе Нетанјаху.

Елијаху, министерот задолжен за наследство, не е дел од безбедносниот кабинет, кој носи одлуки во војната, што почна на 7 октомври, ниту има влијание врз воениот кабинет кој го насочува конфликтот против исламскиот екстремистички Хамас.

Тој во интервјуто изјави и дека е против достава на хуманитарна помош во Појасот Газа.

– Нема да им дадеме хуманитарна помош на нацистите – посочи Елијаху.

Тој ја поддржува повторната окупација на Појасот Газа, од каде што израелската армија се повлече во 2005 година, и обновувањето на тамошните еврејски населби.

– Тие можат да одат во Ирска или во пустините, чудовиштата во Газа треба да најдат решение за себе – наведе Елијаху, додавајќи дека северниот дел на Газа нема право да постои и дека секој што вее знаме на Хамас не треба да живее.

The post НЕТАНЈАХУ СУСПЕНДИРА МИНИСТЕР Се заканил со нуклеарна бомба врз Газа appeared first on plusinfo.mk.