Водоводна мрежа и атмосферска канализација почна да се гради во селото Ласкарце во општина Сарај.

– Правиме пресврт во начинот на кој ја третираме состојбата на терен. Целта е трајно да ги решиме инфраструктурните проблеми – изјави министерот за животна средина и просторно планирање, Муамет Хоџа, денеска присуствуваше на почетокот на изградбата.

Инвестицијата во Ласкарце за изградба на водоводната мрежа и на атмосферската канализација изнесува 85 милиони денари, обезбедени од Министерството за животна средина и просторно планирање. Таа е дел од поширок пакет проекти со кои систематски се решаваат долгогодишните проблеми на граѓаните во општина Сарај.

Наскоро ќе започне и уредувањето на Сува Река, со што ќе се обезбеди трајно решение за намалување на ризикот од поплави во населените места на оваа општина.

The post ЛАСКАРЦИ ЌЕ ДОБИЕ ВОДОВОДНА МРЕЖА И АТМОСФЕРСКА КАНАЛИЗАЦИЈА Ќе се уредува и коритото на Сува Река appeared first on plusinfo.mk.

По речиси три децении запоставеност, значајната сообраќајна артерија Перо Наков, на потегот од булеварот Киро Глигоров до улицата Вера Радосавлевиќ, конечно добива третман каков што заслужува, објави синоќа градоначалникот на Скопје Орце Ѓорѓиевски на Фејсбук.

– Се работи и навечер, за наше Скопје! Додека градот мирува, машините не запираат. Вечерва интензивно се работи на улицата Перо Наков во општина Гази Баба. За првпат од постоењето на градот со три гребалки истовремено на терен, придружени од повеќе од 30 камиони и неколку багери. Ова е јасна порака дека кога се работи за Скопје, нема пауза и нема одлагање – истакна Ѓорѓиевски.

Тој нагласи дека завршува времето во кое делницата, што секојдневно ја користат илјадници жители ќе биде во катастрофална состојба и ќе претставува сериозен предизвик за безбедно и нормално одвивање на сообраќајот.

– За Гази Баба започнува нова ера на уредна општина, безбедност и достоинствено секојдневие. Реконструкцијата е темелна и сеопфатна и опфаќа изградба на нови тротоари од двете страни на улицата, доизградба на атмосферската канализација, целосна замена на асфалтните слоеви на површина од 11.050 метри квадратни, поставување современо улично осветлување и подземно поставување на операторските мрежи – нагласи градоначалникот.

Просторот ќе добие џебови за паркирање и уредени позиции за контејнери.

– Со овие зафати, целосно се менува ликот на овој дел од населбата и се создава современ, функционален и безбеден урбан простор, по мерка на граѓаните. Продолжуваме со силно темпо и со целосна посветеност, затоа што секој реализиран проект е чекор поблиску до подобар, поуреден и посовремен град. Скопјани заслужуваат улици по кои ќе се движат со сигурност, со гордост и со чувство дека градот навистина се грижи за нив – истакна Ѓорѓиевски.

The post ПО 30 ГОДИНИ УЛИЦАТА ПЕРО НАКОВ ЌЕ ДОБИЕ НОВ ЛИК Интензивна работа со 3 гребалки, 30 камиони и неколку багери appeared first on plusinfo.mk.

Град Скопје се огласи по тешкиот еколошки инцидент во Кисела Вода, кога црно масло се излеа од атмосферската канализација на булевар.

Во населбата Пинтија во Кисела Вода денеска од резервоар на објект на приватна компанија за производство на стиропор изграден во внатрешноста на населеното место се излеале хемикалии користени во производствениот процес, соопшти Градот.

„На лице место се екипи на Територијалната противпожарна служба, со цел изолирање на инцидентот, како и инспекторите од Град Скопје, кои составија записник за хаваријата. За ваков тип на хаварија покрај паричната казна за сторителот од 45.000 евра, следи и затворање на погонот, како и налог за санирање на штетите предизвикани од инцидентот. Со инспекциски извештај за извршен технички преглед на опрема под притисок со заклучок е нотирано дека на вентилот има знаци на протекување, а правното лице Екопор не превземало мерки да го спречи настанувањето на хаваријата на која сме сведоци денес“, информираше Град Скопје.

За овој објект, кој е под надлежност на Општина Кисела Вода апелираме до општината да постапи во рамки на своите надлежности, како и ресорното Министерство, со цел санкционирање на правното лице кое ја предизвика хаваријата, се додава во соопштението од Град Скопје.

Плусинфо денеска објави дека црно масло од непознато потекло е излеано на булеварот Борис Трајковски во Кисела Вода и тоа од атмосферската канализација. Според очевидците, возилата го разнеле по асфалтот, кој станал лизгав и опасен.

„Денеска околу 14 часот во СВР Скопје е пријавено дека на булеватор Борис Трајковски во близина населбата Пинтија истекува непозната црна течност од атмосферската канализација и истата се излева по булеварот. Полициски службеници од СВР Скопје се излезени на лице место. Сообраќајот се пренасочува и се преземаат мерки за утврдување на причините и за расчистување на случајот“, одговори полицијата на прашање на Плусинфо.

• СЕ ИЗЛЕА ЦРНО МАСЛО ОД АТМОСФЕРСКА КАНАЛИЗАЦИЈА ВО КИСЕЛА ВОДА Полицијата го пренасочува сообраќајот

The post ФАБРИКАТА ЗА СТИРОПОР „ЕКОПОР“ ИЗЛЕА ХЕМИКАЛИЈА ВО ПИНТИЈА Казна од 45.000 евра и затварање на погонот бара Градот Скопје appeared first on plusinfo.mk.

Црно масло од непознато потекло е излеано на булеварот Борис Трајковски во Кисела Вода и тоа од атмосферската канализација!

Според очевидците, маслото почнало да тече од канализацијата, а возилата го разнеле по асфалтот, кој станал лизгав и опасен.

Полицијата и инспекторите се на терен. Треба да се утврди кој го направил овој тежок еколошки прекршок. Истрагата треба да одговори кој истурил масло во атмосферската канализација, колкава количина на масло е излеано, каков е неговиот хемиски состав, каде завршил останатиот дел од маслото и слично.

„Денеска околу 14 часот во СВР Скопје е пријавено дека на булеватор Борис Трајковски во близина населбата Пинтија истекува непозната црна течност од атмосферската канализација и истата се излева по булеварот. Полициски службеници од СВР Скопје се излезени на лице место. Сообраќајот се пренасочува и се преземаат мерки за утврдување на причините и за расчистување на случајот“, одговори полицијата на прашање на Плусинфо.

The post СЕ ИЗЛЕА ЦРНО МАСЛО ОД АТМОСФЕРСКА КАНАЛИЗАЦИЈА ВО КИСЕЛА ВОДА Полицијата го пренасочува сообраќајот appeared first on plusinfo.mk.

За час по улиците се создадоа вистински реки, а сообраќајот се одвиваше отежнато поради повисокиот воден талог на улиците, поготово во делови каде што се затнати сливниците или воопшто нема атмосферска канализација.

Сопствениците на градинарски култури се задоволни што по подолг период  ќе нема потреба да ги наводнуваат овие површини.

Се очекува денешниот дожд да ја рационализира и прекумерната потрошувачка на вода во градот и околината.

– Овој дожд ќе помогне да се  намали и  потрошувачката на вода  за непродуктивни цели и полевање на зеленилото и бавчите по дворовите, што ќе придонесе притисокот на водата во водоводната мрежа да биде на потребното ниво и за жителите од повисоките населби и повисоките згради, што поради сушата во изминатиот месец и екстремно високите температури, имаше енормна потрошувачка на вода од 300 литри во секунда – потсетуваат од комуналното претпријатиe.

The post Пловни улиците во Кичево по силното невреме попладнево appeared first on plusinfo.mk.