Фондацијата „Атанас Близнакоф“, во стратешка соработка со организацијата Македонија2025 и Универзитетот „Св. Кирил и Методиј“ во Скопје (УКИМ), со задоволство го најавува отворањето на новиот повик за доделување стипендии за студентска извонредност за академската 2026/2027 година.

Овој повик е наменет за сите редовни студенти кои се запишуваат на прв циклус студии при Универзитетот „Св. Кирил и Методиј“ во Скопје. Основната мисија на оваа програма е да обезбеди еднаков пристап до образование, континуирана финансиска поддршка и силна мотивација за младите луѓе во земјата да го продолжат своето образование, остварувајќи ги своите академски и професионални амбиции.

Стипендиската програма за претстојната академска година е структурирана во два дела и нуди вкупно 50 стипендии, секоја во износ од 2.500 американски долари годишно. Првиот дел од повикот опфаќа 40 стипендии за студентска извонредност, наменети за редовни студенти на сите факултети при УКИМ. Овие стипендии имаат за цел да ги поддржат оние млади луѓе кои покажуваат извонредни резултати и посветеност, но се соочуваат со финансиски предизвици. Вториот дел вклучува дополнителни 10 стипендии кои имаат специфична цел да ги поттикнат и мотивираат студентите да се запишат во области од суштинско значење за одржливата иднина на нашата земја. Овие области ги вклучуваат земјоделството, производството на храна, ветеринарната медицина, шумарството, екологијата, екоинженерингот, природните науки, циркуларната економија и одржливиот развој. За овие 10 стипендии можат да аплицираат само студентите кои се запишуваат на Факултетот за земјоделски науки и храна, Факултетот за шумарски науки, пејзажна архитектура и екоинженеринг „Ханс Ем“, Природно-математичкиот факултет, Факултетот за ветеринарна медицина и Факултетот за дизајн и технологии на мебел и ентериер во Скопје.

–Нашата мисија е јасна – да ги поддржиме младите таленти кои се вистинската иднина на нашето општество. Преку овие стипендии, сакаме да осигураме дека финансиските пречки никогаш нема да застанат на патот на студентската извонредност. Секој млад човек заслужува еднаква можност да го оствари својот целосен потенцијал, а ние сме тука да им го олесниме тој пат и да ги охрабриме да целат високо – изјави претставник на Атанас Близнакоф програмата.

Од Македонија2025 го нагласуваат сеопфатниот карактер на програмата:

–Стипендијата на Фондацијата „Атанас Близнакоф” не е само финансиска поддршка – таа е целосна програма за личен и професионален развој. Покрај финансиската поддршка, секој стипендист добива пристап до менторство од врсници, менторство од искусни професионалци, практикантски позиции и обуки за развој на вештини – се тоа во една стипендијска програма. Веруваме дека младиот човек не треба да бира меѓу финансиска поддршка и професионален раст- истакна претставник на Македонија2025.

За да аплицираат за овие стипендии, кандидатите треба да ги исполнуваат следните критериуми: да се државјани на Република Северна Македонија, да се запишуваат како редовни студенти во прва година на УКИМ, да имаат завршено средно образование со просечен успех од најмалку 4,0 и да доаѓаат од семејства каде финансиската поддршка е од витално значење за нивното понатамошно образование. Исто така, кандидатите не смеат да бидат корисници на друга стипендија повисока од 6.000 денари месечно.

За сите заинтересирани, особено сакаме да истакнеме, дека апликанти не мора веќе да бидат официјално запишани на УКИМ во моментот на поднесување на апликацијата. Потврдата за статус на редовен студент се доставува дополнително, само доколку кандидатот биде избран за стипендист.

Македонија2025 се заблагодарува на Фондацијата „Атанас Близнакоф” и на Универзитетот „Св. Кирил и Методиј” во Скопје за нивната долгодишна доверба и партнерство во имплементацијата на оваа програма. Заедничката посветеност кон поттикнување и развивање на талентот, создавање на врвни професионалци и лидери кои ќе носат позитивни промени во општеството и економијата, претставува темел на оваа исклучителна партнерска програма.

Ги повикуваме сите амбициозни млади луѓе кои планираат да се запишат на УКИМ да ја искористат оваа извонредна можност.

Повеќе информации за програмата „Атанас Близнакоф” на следниот линк:

https://www.macedonia2025.com/en/what-we-do/leadership-development/atanas-bliznakoff-scholarships-for-student-excellence

Повеќе информации за отворениот повик за стипендии:
https://www.macedonia2025.com/en/news/stipendii-od-fondacijata-atanas-bliznakof-za-redovni-studenti-zapishani-vo-prv-ciklus-studii-pri-univerzitetot-sv-kiril-i-metodij-vo-skopje-vo-akademskata-2026-2027-godina

Апликациите се поднесуваат на следниот линк:

https://e-scholarship.macedonia2025.com/#/scholarship-details/23

Крајниот рок за поднесување на апликациите е 31 август 2026 година, до 23.59 часот.

The post ОТВОРЕН ПОВИК ЗА СТИПЕНДИИ „АТАНАС БЛИЗНАКОФ“ ЗА АКАДЕМСКАТА 2026/2027 ГОДИНА Поддршка за студентската извонредност и еднаков пристап до образование appeared first on plusinfo.mk.

„Македонија 2025“ со гордост ја објавува листата на 43 нови добитници на стипендија „Атанас Близнакоф“ за студентска извонредност за академската 2025/2026 година. Стипендиите се доделуваат на студенти запишани во прва година на прв циклус студии при Универзитетот „Св. Кирил и Методиј“ во Скопје, кои се истакнуваат со исклучителен академски успех, мотивација и потенцијал за личен и професионален развој.

Секој стипендист ќе добие 2.500 американски долари годишно (во денарска противвредност), со цел да им се овозможи поддршка за успешно продолжување на високото образование. Оваа значајна финансиска поддршка е овозможена од фондацијата „Атанас Близнакоф“, која со четири генерации последователно ја покажува својата верба во младите таленти на Македонија.

Стипендијата е наменета за редовни студенти кои имаат постигнато високи резултати и покажале значајни вклучувања во образовни и лични активности, но се соочуваат со ограничени финансиски можности за понатамошно школување.

Македонија 2025 ја претставува новата генерација на стипендисти, талентирани и амбициозни студенти кои се движечката сила на идните општествени и економски промени.

Посебна чест ни е да истакнеме дека оваа година имаме вкупно 43 добитници, наместо вообичаените 40, бидејќи последните кандидати имаат идентичен број поени и ја делат истата рангирана позиција.

Со гордост ја објавуваме листата на добитници за академската 2025/2026 година:

1. Аделина Крстовска – Правен факултет „Јустинијан Први“

2. Александар Ристовски – Факултет за музичка уметност

3. Александра Спасовска – Медицински факултет

4. Ана-Марија Биневска – Филозофски факултет

5. Бисера Трајковска – Медицински факултет

6. Блерта Сакипи – ФЕИТ, Факултет за електротехника и информациски технологии

7. Вања Василевска – Машински факултет

8. Глигор Манчев – Машински факултет

9. Глорија Николиќ – Природно-математички факултет

10. Давор Димоски ФИНКИ – Факултет за информатички науки и компјутерско инженерство

11. Дарко Каревски ФЕИТ – Факултет за електротехника и информациски технологии

12. Дејана Василева – Економски факултет

13. Диана Таировска – Медицински факултет

14. Димитар Најдовски ФЕИТ – Факултет за електротехника и информациски технологии

15. Евгениј Стоименов Јосифовски ФИНКИ – Факултет за информатички науки и компјутерско инженерство

16. Елена Ристова ФИНКИ – Факултет за информатички науки

17. Ема Богданоска – Природно-математички факултет

18. Емил Мицевски – Природно-математички факултет

19. Зорица Ристеска – Фармацевтски факултет

20. Ивана Саревска – Филолошки факултет „Блаже Конески“

21. Иво Тојтов – Природно-математички факултет

22. Ивона Петрова – Стоматолошки факултет

23. Илза Рустеми – Природно-математички факултет

24. Јана Петковска – Медицински факултет

25. Јана Николовска – Факултетот за ликовни уметности

26. Јован Ѓуревски – ФЕИТ, Факултет за електротехника и информациски технологии

27. Камелија Станковска – Факултет за музичка уметност

28. Константин Младеновски – Економски факултет

29. Луциа Василеска – Медицински факултет

30. Маја Малеска – Медицински факултет

31. Марија Стоименовска – Економски факултет

32. Марта Колевска – Машински факултет

33. Матеја Трајковиќ – Фармацевтски факултет

34. Мелани Арсова – Медицински факултет

35. Мелани Максимовска – Медицински факултет

36. Милана Бундоска – Економски факултет

37. Наталија Петровска – ФИНКИ – Факултет за информатички науки и компјутерско инженерство

38. Наталија Тасевска – ФИНКИ – Факултет за информатички науки и компјутерско инженерство

39. Никола Илиевски – Филолошки факултет „Блаже Конески“

40. Ристијан Ристески – ФЕИТ – Факултет за електротехника и информациски технологии

41. Сара Лимани – Природно-математички факултет

42. Софија Шаклевска – Природно-математички факултет

43. Стефанија Јованова – Економски факултет

Правото на користење на стипендијата започнува по доставување потврда за статус на редовен студент запишан во прва година на прв циклус студии при УКИМ во академската 2025/2026 година. Дистрибуцијата на стипендиите ќе се реализира преку фондацијата „Атанас Близнакоф“.

Како долгогодишен партнер на фондацијата, Македонија2025 ќе го следи напредокот и постигнувањата на стипендистите и ќе ја обезбеди континуирана поддршка во наредните години.

„Исклучително сме благодарни на фондацијата ‘Атанас Близнакоф’ за континуираната поддршка во унапредувањето на високото образование и создавањето силна база на таленти во Македонија. Заедно градиме иднина во која знаењето, иновациите и вредностите носат напредок,“ стои во пораката од Македонија2025.

Им упатуваме искрени честитки на сите добитници, со желба оваа стипендија да биде силен поттик кон реализација на нивните академски и професионални амбиции!

The post НОВИ 43 СТИПЕНДИСТИ СТАНУВААТ ДЕЛ ОД 4. ГЕНЕРАЦИЈА ТАЛЕНТИ Доделени стипендиите „Атанас Близнакоф“ за студентска извонредност appeared first on plusinfo.mk.

Фондацијата „Атанас Близнакоф“ објави отворен повик за доделување стипендии за студентска извонредност за редовни студенти запишани на прв циклус студии на Универзитетот „Св. Кирил и Методиј“ во Скопје, во академската 2025/2026 година.

Стипендиите се наменети за студенти кои покажале исклучителни резултати во средното образование, имаат потенцијал за личен и професионален развој, но истовремено се соочуваат со финансиски пречки за продолжување на образованието.

Износот на стипендијата изнесува 2.500 (две илјади и петстотини)  американски долари во денарска противвредност и се исплаќа еднаш годишно, на почетокот на академската година.

Право на пријавување имаат сите ученици кои:

• ќе се запишат како редовни студенти во прва година на студии при Универзитетот „Св. Кирил и Методиј“ – Скопје;
• имаат завршено средно образование со просечен успех од најмалку 4.0;
• не користат друга стипендија повисока од 6.000 денари;
• се државјани на Република Северна Македонија;
• чии вкупни семејни бруто приходи не надминуваат 800.500 денари за 2024 година.

Апликацијата се пополнува електронски на платформата за стипендии на Македонија2025: https://e-scholarship.macedonia2025.com, каде кандидатите ќе можат да ги прикачат потребните документи и да ги следат сите инструкции.

Процесот на селекција се заснова на јасни критериуми и вклучува автоматско бодување преку платформата, како и проценка на есеј и интервју од страна на комисија составена од претставници на Фондацијата „Атанас Близнакоф“ и Македонија2025. Кандидатите кои ќе ги исполнат условите и ќе бидат најдобро рангирани, ќе бидат информирани до крајот на октомври 2025 година.

Преку оваа програма се овозможува пристап до висококвалитетно образование за најталентираните млади во земјата. Програмата не претставува само финансиска поддршка, туку е вистинска инвестиција во целосниот потенцијал на идните лидери на Македонија.

Стипендистите добиваат можност да се вклучат во дополнителни активности како индивидуално менторство со истакнати професионалци, тренинзи за развој на меки вештини, обуки за кариера и лидерство, како и практикантства во реномирани компании и организации. Програмата овозможува полесен и посигурен премин од академските студии кон професионалната кариера.

Фондацијата МК2025 изразува длабока благодарност до Фондацијата „Атанас Близнакоф“ за континуираната поддршка на студентската извонредност

Краен рок за аплицирање: 30 август 2025 година (до 23:59 часот).

За повеќе информации, инструкции и листа на потребна документација:
 https://e-scholarship.macedonia2025.com

The post ГОДИШНА СТИПЕНДИЈА ОД 2.500 ДОЛАРИ ЗА СТУДЕНТИ Фондацијата „Атанас Близнакоф“ објави повик за стипендии за учебната 2025/2026 година appeared first on plusinfo.mk.