Американскиот претседател Доналд Трамп размислувал да испрати крстосувачки ракети „Томахавк“ во Украина, тврди „Вашингтон пост“, повикувајќи се на извор кој бил запознаен со разговорите во Белата куќа.

Според весникот, Трамп го прашал украинскиот претседател Володимир Зеленски зошто не ја нападнал Москва во телефонскиот разгово од 4 јули.

– Можеме, ако ни дадете оружје – одговорил Зеленски, јави „Вашингтон пост“.

Според изворот, Трамп смета дека Украина треба да врши посилен притисок врз Путин, не само врз Москва, туку и врз Санкт Петербург.

Ракети сè уште не се на списокот на оружје кое САД ќе ѝ го достават на Украина, но би можеле подоцна да се најдат таму, се вели во статијата.

Ако нема Томахавки, ќе има 18 АТАКМС?

„Томахавк“ лансиран од Украина би можел да ги погоди Москва и Санкт Петербург. Американците ги  користеа овие ракети за време на нападот врз Иран минатиот месец.

„Вашингтон пост“ пишува дека на состанокот лидерите на САД и Украина разговарале и за ракетите со долг дострел АТАКМС. Тие можат да погодат цели во радиус од 300 километри. Според написот, за АТАКМС било разговарано и во Белата куќа, како за посилно офанзивно оружје кое би го добила Украина.

Изворот додал дека тоа најверојатно значи дозвола за употреба на 18 ракети од овој тип.

Русите ги преместуваат авионите

Во меѓувреме, Русија ги преместува своите воени авиони и опрема надвор од дофатот на украинските сили. Ракетите АТАКМС не се доволно јаки за да стигнат до Москва или до Санкт Петербург, но би можеле да погодат воени бази, аеродроми и складишта за снабдување длабоко во Русија.

Од Пентагон веќе неколку месеци повикуваат да се изведат подлабоки напади врз Русија со употреба на АТАКМС.  Секојпат кога ќе се зголеми ограничувањето на дострелот, руската страна ги преместува авионите.

3 причини на Трамп за ескалација

Изворот на „Вашингтон Пост“ нагласил дека Трамп решил да ескалира од три причини. Прво, тој мисли дека Путин не го почитува и се преправа дека сака да постигне мир, а во исто време не го слуша повикот на американскиот претседател за прекин на огнот.

Второ, Трамп ја видел ефикасноста на американската воена сила при нападите со бомбардери Б-2 и ракети „Томахавк“ против Иран.

Трето, верува дека Путин ќе прифати преговори само под сериозна закана од поголема сила.

The post ТРАМП ГО ПРАШАЛ ЗЕЛЕНСКИ ЗОШТО НЕ ЈА НАПАЃА МОСКВА Шефот на САД размислува да испрати „Томахавки“ и ракети АТАКМС во Украина? appeared first on plusinfo.mk.

– Одговорот ќе следи. Тој ќе следи во момент и на начин што ќе се смета за соодветен. Задолжително ќе следи – рече портпаролот на Кремљ, Дмитриј Песков на својот дневен брифинг.

Тој посочи дека руската армија вчера дала „јасна и апсолутно недвосмислена изјава во врска со тоа“.

Руското Министерство за одбрана во соопштение наведува дека таков напад „нема да остане без одговор“ и дека „ќе бидат донесени соодветни мерки“.

The post ОДГОВОРОТ ЌЕ БИДЕ ЗАДОЛЖИТЕЛЕН Песков се закани во врска со украинскиот напад со американски ракети appeared first on plusinfo.mk.

Делови од ракетата паднале на подрачјето на воен објект, соопшти Министерството, без да прецизира кој објект е во прашање.

Заменикот државен секретар на САД, Брајан А. Николс, денеска официјално потврди дека Белата куќа ѝ дозволила на Украина да користи оружје со долг дострел за напади врз руска територија.

• УКРАИНА ЈА НАПАДНА РУСИЈА СО ОРУЖЈЕ ОД САД Кремљ ќе одговори со нуклеарен напад?

Извештаите за нападот се појавија само неколку минути откако Кремљ се закани со „нуклеарен одговор“ доколку Украина нападне цели на руска територија користејќи западно оружје со долг дострел.

Russia’s Defence Ministry:

At 3.25 am Ukrainian forces fired 6 US-produced ATACMS missiles at Russia’s Bryansk region.

Five missiles were shot down by S-400 & Pantsir AA systems, one was damaged, its fragments fell in the technical zone of a military facility, causing a fire pic.twitter.com/Pew8n5wbvT

— MFA Russia (@mfa_russia) November 19, 2024

Украина не ја потврди веднаш употребата на ракетите АТАКМС во нападот врз Брјанската област, но Генералштабот на Украина соопшти дека извршил напад врз магацинот 1046. Центар за логистичка поддршка во регионот Карашев, каде што се слушнале повеќе експлозии.

„Ќе продолжиме со уништување на магацините со оружје на руските окупаторски сили со цел да се стави крај на руската вооружена агресија врз Украина“, се наведува во соопштението на украинскиот Генералштаб.

Системот MGM-140 (АТАКМС) е суперсонична тактичка балистичка ракета произведена од американските компании „Линг-Темко-Воут“ и „Локхид Мартин“. Таа користи цврсто гориво, долга е четири метри, а варијантите со најголем дострел можат да летаат до 300 километри.

Овие ракети можат да се истрелуваат од ракетниот систем за повеќекратно лансирање M270 (МЛРС) и високомобилниот ракетен систем M142 (ХИМАРС).

The post РУСИЈА ПОТВРДИ ДЕКА УКРАИНА ИСТРЕЛАЛА АМЕРИКАНСКИ РАКЕТИ Пет проектили биле соборени во текот на ноќта? appeared first on plusinfo.mk.

Голема експлозија го осветли ноќеска небото на околу 124 километри од најблиската украинска граница, во складиште за муниција во Карачев, во рускиот Брјански регион.

Очевидци и руски воени блогери објавија дека складиштето било погодено со проектили, а украинските воени претставници подоцна потврдија дека нападот бил извршен со ракетите АТАКМС.

Раководителот на Центарот за борба против дезинформации при Советот за национална безбедност и одбрана на Украина, Андриј Коваленко, објави дека станува збор за напад на артилериската муниција, вклучително и на севернокорејски гранати. Покрај тоа, воениот објект содржел воздушни бомби, противвоздушни ракети и муниција за повеќекратни ракетни системи за лансирање (MLRS).

• РУСИЈА ИЗВРШИ СЕРИЈА ЖЕСТОКИ НАПАДИ ВРЗ УКРАИНА Расте бројот на загинати, а многумина се затрупани во урнатини

Овој воен објект веќе бил мета и претходно. Во октомври, украински беспилотни летала ја погодија оваа локација. Генералштабот на вооружените сили на Украина изјави дека таквите удари му создаваат логистички проблеми на непријателот и го намалуваат неговиот офанзивен потенцијал.

Денеска Генералштабот известил и за штрајк на објект кај Карачев, но не го прецизирал оружјето што е употребено, а во официјалното соопштение не се појави ниту споменување на АТАКМС. По ударот, во складиштето за муниција биле забележани 12 секундарни експлозии и детонации.

„Уништувањето на складиштата со муниција за руската окупаторска армија за да се стави крај на руската вооружена агресија против Украина ќе продолжи“, коментираат од украинскиот Генералштаб.

Претходно, американскиот претседател во заминување, Џо Бајден, ѝ даде зелено светло на Украина да користи западно оружје на руска територија.

Извештаите за нападот се појавија само неколку минути откако Кремљ се закани со „нуклеарен одговор“ доколку Украина нападне цели на руска територија користејќи западно оружје со долг дострел.

• РУСИЈА ЈА ПРОМЕНИ НУКЛЕАРНАТА ДОКТРИНА, ИМА ПЕКОЛНИ ТОЧКИ! Ова е одговорот на Путин на одлуката на Бајден?

– Руската Федерација го задржува правото да користи нуклеарно оружје во случај на агресија врз неа со конвенционално оружје – изјави утринава портпаролот на Кремљ, Дмитриј Песков.

Неговата изјава дојде откако Владимир Путин ја одобри ажурираната нуклеарна доктрина која дозволува употреба на нуклеарно оружје доколку територијата на Русија е загрозена од ненуклеарна нација, поддржана од нуклеарна сила.

Според оваа доктрина, заканите, кои би го поттикнале руското раководство да размисли за нуклеарен напад, подразбираат и напади со конвенционални ракети, беспилотни летала или други авиони.

The post 📽 УКРАИНА ЈА НАПАДНА РУСИЈА СО ОРУЖЈЕ ОД САД Кремљ ќе одговори со нуклеарен напад? appeared first on plusinfo.mk.

Вака познатиот Институт за проучување на војната од САД ја анализира ситуацијата во Харков во Украина каде се создава паралелен фронт. Си-Ен-Ен пишува дека борбите на новиот фронт се причината што украинскиот претседател Володимир Зеленски ја откажа посетата на Шпанија и Португалија.

Шпанскиот крал Фелипе требаше да го прими Зеленски на 17 мај и да подготви ручек во негова чест. Зеленски требаше да потпише и договор за билатерална безбедносна соработка со шпанскиот премиер Педро Санчез по минатогодишната заедничка изјава на НАТО.

Посетата на Зеленски требаше да се совпадне со ветувањето на ЕУ за долгорочна безбедносна поддршка за Киев, според нацрт-документот.

NEW: The pace of Russian offensive operations in northern Kharkiv Oblast appears to have slowed over the past 24 hours. 1/5

The pattern of RU offensive activity in this area is consistent w/ ISW’s assessment that RU forces are prioritizing the creation of a “buffer zone” in… pic.twitter.com/06DG6vtVG8

— Institute for the Study of War (@TheStudyofWar) May 15, 2024

Началникот на украинската полиција во регионот Харков ја опиша ситуацијата во градот Вовчанск како „исклучително тешка“.

Олексиј Харкивски, началникот на полицијата во Вовчанск, на Фејсбук објави дека руските сили воспоставуваат позиции во градот, пренесува хрватски Индекс.

Украинската армија објави дека мора да се повлече од одредени области на северниот фронт во областа Харков, каде Русија на 10 мај започна нова офанзива. Во соопштението на украинскиот Генералштаб објавено синоќа, се наведува дека армијата ги променила позициите во областите кај Лукјанц и Вовчанск.

„Како одговор на непријателскиот оган и пешадискиот напад, нашите единици се префрлија на поповолни позиции со цел да ги спасат животите на нашите војници и да избегнат жртви“, соопшти Генералштабот на социјалните мрежи.

Во меѓувреме, руските одбранбени системи пресретнаа и уништија 17 беспилотни летала во неколку погранични региони на Украина, како и десет ракети АТАКМС над полуостровот Крим, пишува Дејли Телеграф.

„Во текот на ноќта беа спречени неколку обиди на режимот во Киев да изврши терористички напади врз цели на територијата на Русија“, се вели во соопштението на руското Министерство за одбрана.

Во Ростовската област, два дрона оштетија складиште за гориво и предизвикаа експлозии, објави локалниот гувернер Василиј Голубев на Телеграм.

The post РУСИТЕ ПРАВАТ ОБРАЧ KAJ ХАРКОВ, УКРАИНЦИТЕ СЕ ПОВЛЕКУВААТ „Состојбата е исклучително тешка“ appeared first on plusinfo.mk.

„Во текот на ноќта непријателот ги нападна единиците на системот за противвоздушна одбрана на Кејп Тарханкут со ракети АТАКМС, најверојатно со касетна боева глава. Непријателот се обидува да уништи цели области за воздушна одбрана; Засилени напади се предвидуваат во обидот на Киев да организира информативни и борбени операции за Денот на победата и инаугурацијата на врховниот командант“, стои во преводот.

Извештаите од платформата Икс сугерираат дека Украина ја нападнала руската противвоздушна одбрана со тактички балистички ракети на Кејп Тарханкут, во западниот дел на Крим.

Профилот на „War Translate“ објави скриншот од пораки од руски канали во кои панично се известува за нападот што наводно се случил во текот на ноќта во саботата.

Ракети со долг дострел беа испратени во Украина на почетокот на оваа година на барање на американскиот претседател Џо Бајден. Портпаролот на Стејт департментот, Ведант Пател изјави дека испораката првично не била објавена „за да се одржи оперативната безбедност на Украина“.

Советникот за национална безбедност на Белата куќа, Џејк Саливан, минатата недела им потврди на новинарите дека „значителен број“ проектили, кои можат да погодат цели до 450 километри, се испорачани на Украина.

Пентагон првично долго ја одложуваше испораката на ракетите со долг дострел поради стравувањата дека Украина би можела да ги искористи за да нападне цели длабоко во руската територија, што потенцијално ќе ја ескалира војната.

Во април годинава, Украина нападна голем руски аеродром во Џанкој, Крим. Тој напад беше првиот во кој украинските сили користеа од новите ракети АТАКМС кои тајно им ги испратил САД. Сè уште не е познато дали во нападот на Кејп Тарханкут било употребено оружје испратено од САД.

Лани во август, Украина го уништи рускиот противвоздушен систем С-400 на Кејп Тарханкут.

– Со оглед на ограничениот број на такви системи во арсеналот на непријателот, ова е болен удар за системот за воздушна одбрана на окупаторот – изјавија разузнавачи од Украина.

ТАЈНА ПРАТКА ОД САД Украина веќе добила проектили со голем дострел

The post ГО НАПАДНАЛЕ КРИМ СО ТАЈНО ДОБИЕНИТЕ РАКЕТИ ОД САД? Украинците спремаат нешто за Денот на победата, тврдат Русите appeared first on plusinfo.mk.

Претходно весникот „Вашингтон пост“ објави дека Лондон размислува да испрати проектили со дострел до 300 километри во Киев, но конечна одлука за ова прашање сѐ уште не е донесена.

Британскиот министер за надворешни работи Џејмс Клеверли одби да ги коментира публикациите за време на вчерашната заедничка прес-конференција со американскиот државен секретар Ентони Блинкен.

Такви карактеристики имаат американските ракетни системи АТАКМС, кои Вашингтон одбива да ги пренесе во Украина.

Американски функционер им рече на новинарите дека „политиката за ATAКМС не е променета“.

Според него, САД ќе продолжат да ја снабдуваат Украина со опрема за воздушна одбрана, муниција и оклопни возила.

Според Политико, постои и загриженост дека САД немаат доволно AТАКМС во својот арсенал.

– Воедно, имаме релативно малку ATAКМС и треба да се погрижиме да ги одржуваме сопствените резерви на муниција – изјави претседателот на Здружениот генералштаб Марк Мили за „Defence One“ во март.

The post НЕМА „АТАКМС“ ЗА УКРАИНА? Белата куќа се противи на достава на ракетите со дострел до 300 километри appeared first on plusinfo.mk.

Со кој било пакет, ние секогаш ја земаме предвид нашата подготвеност и сопствените залихи додека на Украина и го обезбедуваме она што и треба на бојното поле. Постојат и други начини за обезбедување на Украина со капацитетите што ѝ се потребни за да ги погоди целите – рече висок воен претставник кој сакаше да остане анонимен.

За ова биле информирани украинските власти. Киев продолжува да бара ракети со поголем дострел и друго тешко оружје, и покрај воената помош од 30 милијарди долари, која веќе е одобрена од Белата куќа.

Само 4.000 парчиња?

Не е јасно колку АТАКМС имаат САД во нивните залихи. Познато е сепак, дека производителот „Локхид Мартин“ направил само околу 4.000 парчиња од различни марки во последните 20 години, од кои околу 600 искористиле американските сили за време на војната во Персискиот Залив и војната во Ирак. Голем број од тие проектили се продадени и на сојузниците, вклучувајќи ги Бахреин, Грција, Полска, Катар, Романија, Јужна Кореја и Турција.

Киев сега размислува дали да ги побара овие ракети заедно со противвоздушниот систем од овие земји, сојузници на НАТО. Тоа секако, ќе треба да биде одобрено од САД, каде системот се произведува.

Клучот е во дострелот

Клучната разлика меѓу системот АТАКМС и ХИМАРС кој моментално го користат Украинците е дека тој има дострел од маскимални 300 километри, што би значело дека ќе можат да се погодат цели и надвор од Украина, нешто од што стравуваат САД и сојузниците. Со овој дострел АТАКМС се приближуваат до можностите на ракетите испукани од системот С-300 и С-400 кои имаат дострели од 300, односно 400 километри.

Ракетите АТАКМС можат да бидат испукани и до ХИМАРС противвоздушниот систем. Наместо нив, се користат „Стингер“ и „Јавелин“. Се смета дека до 3 февруари годинава во Украиуна испратени биле околу 1.600 Стингери и 8.000 Јавелини.

На Европа ќе ѝ снема муниција за неколку денови

Њузвик напиша дека доколку Европа влезе во војна со Русија, некои земји би можеле да останат без муниција во рок од неколку денови, цитирајќи големо истражување кое било направено во НАТО.

Во меѓувреме битките се водат во Доњецк и во Луганск. Клучниот град Бахмут, постојано е под руска агресија. Руските сили кои го обиколиле градот го гранатираат со силен артилериски оган, соопштија локалните власти. Украинските бранители кои со месеци го бранат градот се подготвуваат за нов пешадиски напад, соопшти украинската армија.

– Градот, предградијата, целиот периметар и всушност целата насока на Бахмут-Костјанничка се под лудо, хаотично гранатирање – изјавил Володимир Назаренко, заменик командант на украинскиот баталјон Свобода.

Украинската армија додаде дека биле бомбардирани 16 места во близина на Бахмут.

Руската државна агенција Тасс јавува дека руските сили вчера уништиле украинско складиште за оружје во регионот Херсон.

„Вчера од артилериски оган беше уништен магацин за муниција кај селото Антонивка. Уништени се четири возила, загинаа 15 припадници на украинската армија, а 12 беа ранети“, се вели во соопштението.

The post НЕМА ДА ИМА ОД „УБАВИТЕ“ РАКЕТИ ЗА УКРАИНА Американците рекле дека ги чуваат за себе, малку им се на број appeared first on plusinfo.mk.