„Какво патување“, беа првите зборови што се слушнаа од екипажот на мисијата Артемис II по слетувањето на капсулата Орион во Тихиот Океан, недалеку од Сан Диего. Астронаутите потврдија дека се во добра состојба, јавувајќи: „Стабилни сме, четири зелени членови на екипажот“.

Капсулата влезе во Земјината атмосфера со брзина поголема од 38.000 километри на час, а топлинскиот штит беше изложен на екстремни температури. Поради плазмениот облак, контактот со контролата во Хјустон бил прекинат околу шест минути, по што командантот Рид Вајзман се јавил: „Хјустон, ова е Интегритет. Ве слушаме гласно и јасно“.

Artemis II may have splashed down, but our photos and videos from the mission are still rolling in! Keep an eye on the latest: https://t.co/rzM1P0QbOl pic.twitter.com/HahXb0gCYC

— NASA (@NASA) April 11, 2026

Набргу потоа се отворија главните падобрани и капсулата прецизно се спушти во океанот. Од Контролата на мисијата слетувањето беше оценето како „совршено прецизно“.

По слетувањето, спасувачките тимови пристапија кон капсулата, ја стабилизираа и започнаа со вадење на астронаутите еден по еден. Тие внимателно беа извлечени и поставени на носилки, што е стандардна процедура по престој во вселената, бидејќи организмот е ослабен поради долготрајната микрогравитација.

 

View this post on Instagram

 

A post shared by Jaranor Films (@jaranor.films)

Екипажот потоа беше префрлен на воен брод за спасување, каде што медицински тимови извршија првични прегледи. На снимките се гледа како астронаутите се смеат и разговараат со членовите на тимот додека закрепнуваат од деветдневната мисија.

Big smiles from Christina and Victor on the deck of the USS John P. Murtha, as they waited to be escorted for their routine post-mission medical checks. pic.twitter.com/3KwZFXTLhI

— NASA (@NASA) April 11, 2026

Од бродот тие беа транспортирани до копно, по што следува нивно префрлање во Хјустон за дополнителни медицински тестирања и повторно прилагодување на гравитацијата. Таму ќе се сретнат со своите семејства.

Welcome home Reid, Victor, Christina, and Jeremy!Check out pictures from the return of the #Artemis II! : https://t.co/mG3LANO8ci pic.twitter.com/Wld2OEIwmD

— NASA HQ PHOTO (@nasahqphoto) April 11, 2026

Експертите објаснуваат дека по престој во вселената астронаутите често чувствуваат вртоглавица, слабост и проблеми со рамнотежата. Поради тоа, во првите часови тие имаат ограничено движење и се под постојан медицински надзор. Видео-снимките покажаа дека членовите на екипажот имале потешкотии при одење веднаш по враќањето.

Welcome home Reid, Victor, Christina, and Jeremy!

The Artemis II astronauts have splashed down at 8:07pm ET (0007 UTC April 11), bringing their historic 10-day mission around the Moon to an end. pic.twitter.com/1yjAgHEOYl

— NASA (@NASA) April 11, 2026

Мисијата траеше нешто повеќе од девет дена и ја отвори следната фаза од програмата „Артемис“, која има цел повторно да испрати луѓе на Месечината и да постави основа за долгорочно човечко присуство таму.

АСТРОНАУТИТЕ ОД „АРТЕМИС II“ БЕЗБЕДНО СЛЕТАА Екипажот постави рекорд и ја заврши мисијата

The post 📽️ 📷 СПЕКТАКУЛАРНО ВРАЌАЊЕ ОД ВСЕЛЕНАТА Како беа извлечени астронаутите од капсулата appeared first on plusinfo.mk.