Таа на денешната конференција по заокружувањето на четиридневниот Конгрес на педијатри изрази надеж дека младите кои во моментов се на специјализација ќе покријат дел од тој дефицит.

– Дел од кадрите кои доаѓаат на едукација, дел кои запишаа специјализација, и тоа голем процент укажува на тоа дека имаме подмладок на кој се надеваме, само треба време тој подмладок да биде поткрепен со доволно знаење. Мислам дека подмладокот полека е спремен да надокнади дел од оние дефицити за кои се зборува ама како и да е, сепак, се препозна дека иднината и она што и ние го внесуваме ќе биде надминато наскоро – оцени д-р Софијанова.

Таа рече и дека ваквите настани како Конгресот нудат знаење и ќе придонесат за побрзо пренесување на љубовта на подмладокот кон педијатријата.

На Конгресот се дискутирало на теми од областа на неврологијата, неонатологијата, нефрологијата, развојните пореметувања кај децата, а биле и присутни експерти кои говореле за тоа какви предизвици остави ковидот.

-Тука е и генералниот секретар на Европската академија за педијатрија, професор Мехмет Вурал со кој дебатираме на тема имунизација која гледаме дека со процентите е намалена секаде во светот, па и кај нас. Имавме можност да присуствува и претседателот на Европската академија за педијатрија – рче Софијанова.

Мехмет изрази здоволство од настанот и го оцени како корисен за меѓусебно зближување на сите учесници.

Доктор Оливер Зафироски рече дека овогодишниот Конгрес е најуспешен досега.

-Она што е најважно и најдобро е што голем број млади доктори со овие две работилници имаа практична настава, што е од големо значење, бидјеќи знаете дека нашата педијатрија во Македонија има се помал број на педијатри и ова е еден голем предизвик за сите млади колеги да доживеат практична работа – рече тој.

The post ТРЕБАШЕ ДА СЕ ПЕНЗИОНИРААТ ГОЛЕМ БРОЈ ЛЕКАРИ, ПА ДА СЕ ВИДИ ДЕКА НЕМА КАДАР Софијанова очекува младите педијатри да го пополнат кадровскиот дефицит appeared first on plusinfo.mk.

Софијанова вели дека во периодот на короната не ни била на службен пат, туку дека сега била на едно патување, за кое, како што објаснува, се крена прашина.

Таа се пофали дека во нејзините два мандата имала направено четири реорганизации на Клиниката.

– Нема да се пожалам во делот кој го добивавме од Фондот за здравствено осигурување, бидејќи буџетот беше релативно солиден –  рече таа.

За коефициентот за дежурствата рече дека претходно успеале да го покачат за луѓето кои работат на интензивна. Вели дека тоа е многу сложена работа.

– Брутото и нетото не се исти. Вкупно во месецот јас сум имала 2-3 или некогаш и 4 дежурства – рече Софијанова.

За новинарот од Тв Клан, Фуркан Салиу, кажа дека добил документи на кои имало нејзини лични податоци, што ја шокирало и вели дека народот бил доведен во заблуда.

– Никој не сакал да краде, тоа е чисто административна грешка – кажа Софијанова за вишокот кој бил исплатен, но таа го вратила назад.

За ова вели дека не е нејзина грешка, туку се работи за административна грешка.

The post ЈАС СУМ ЧОВЕК СО МОРАЛ Софијанова вели дека никој не сакал да краде, туку била направена административна грешка со фиктивните дежурства appeared first on plusinfo.mk.

Во ДУИ се прават последните подготвоки пред прославата на јубилејот – „20 години на власт“, па во функција на тоа е и видеото, во кое се обраќаат претставници на дел од помалите етнички заедници во земјава.

ДУИ е заслужна и за членството на Македонија во НАТО, за правата на Бошњаците и на Ромите, а во видеото може да се дознае и дека ДУИ го брани територијалниот интегритет на државата. Самка Ибраимовски од ПЦЕР, анализира дека од ДУИ успеале многу, бидејќи ги вработиле своите членови.

Препорачуваме видеото да го проследите во целост.

The post АКО НЕ БЕШЕ ДУИ ЌЕ НЕМАШЕ ВЛАСИ? Честитка за партијата на Али Ахмети од Аспазија Софијанова appeared first on plusinfo.mk.

– Кај децата ковид-19 обично е благ и се лекува со симптоматска терапија. Но, ако состојбата се влошува и фебрилноста трае повеќе од три дена, треба да се размислува и за дополнителни испитувања, бидејќи во ретки случаи децата можат да бидат сериозно погодени, а клиничките манифестации може да се разликуваат од возрасните. Во април 2020 година, извештаите од Обединетото Кралство документираа презентација кај деца слична на нецелосна Кавасаки болест или синдром на токсичен шок. Оттогаш, има извештаи за слично погодени деца во други делови на светот. Состојбата е наречена мултисистемски инфламаторен синдром кај деца – рече д-р Софијанова.

Мултисистемски инфламаторен синдром се јавува кај деца кои биле асимптоматски случаеви, или имале блага клиничка слика, а по период од две до четири недели развиваат болест, односно нова состојба која се манифестира пред сè со многу висока температура, над 39 степени па и 40 степени која трае повеќе денови и која не се спушта со антипиретици, додава таа.

– Се јавуваат промени по кожата од типот на осип кој се јавува на лицето, на рацете, на телото, може да имаат и осип во устата, очите стануваат црвени, конјуктивите се хиперемични, настанува и воспаление на белите дробови, срцева слабост, тахикардија, бледило на кожата. Мултисистемски инфламаторен синдром предизвикува кај децата и стомачни тегоби, болки, гадење, повраќање, ентероколит, како и бубрежна инсуфициенција, пореметување на коагулација на крвта, пореметување на свеста, главоболки и грчеви – посочи Софијанова.

Кога се во прашање на пост-ковид состојби, д-р Софијанова вели дека праксата покажува и зголемен број на деца со воспаление на слепо црево, зголемен број на случаи со јувенилен дијабетес, како и пораст на малигни заболувања. Но, сепак, посочува таа, ќе треба дополнителни истражувања за да може да се потврди дали постои нивна поврзаност со ковид-19. Во однос на вакцинацијата таа истакна мислење на целосна поддршка за вакцинација на децата над 12-годишна возраст како и оние кои имаат хронично заболување.

The post ОСИП НА КОЖАТА И ВИСОКА ТЕМПЕРАТУРА Д-р Софијанова вели дека короната развива мултисистемски инфламаторен синдром кај децата appeared first on plusinfo.mk.