Израелската армија денеска нареди истрага за нападот врз болницата Насер во јужниот дел на Појасот Газа, при кој загинаа 19 луѓе, од кои четворица новинари.

„Израелската армија денеска изврши напад во околината на болницата Насер во Кан Јунис. Началникот на ГШ нареди да се спроведе прелиминарна истрага што е можно побргу“, се наведува во соопштението на израелската армија.

Исто така, се посочува дека армијата „жали поради секоја штета нанесена врз поединци кои не се вмешани“, како и дека цел на нападите не биле новинарите.

Во нападот врз болницата во Кан Јунис загинаа новинари и медиумски работници на катарската телевизиска мрежа „Ал Џазира“ и на новинските агенции Ројтерс и Асоушиејтед прес.

ИЗРАЕЛСКАТА ВОЈСКА УБИ НОВИНАРИ НА РОЈТЕРС, АЛ ЏАЗИРА И НА АСОУШИЕЈТЕД ПРЕС Бизарни снимки од нападот врз болница во Газа

The post „ИЗРАЕЛ ЖАЛИ ЗА СЕКОЈА ШТЕТА НАНЕСЕНА НА ПОЕДИНЦИ КОИ НЕ СЕ ВМЕШАНИ“ Израелската војска нареди истрага за нападот во кој загинаа новинари appeared first on plusinfo.mk.

Четворица новинари се меѓу најмалку 8 лица убиени во понеделникот при напад врз болница во јужна Газа, меѓу нив и хонорарна новинарка која работела за Асоушиетед прес (AП), објави Асоушиејтед прес.

Маријам Дага, 33-годишна новинарка, хонорарно соработувала со АП од почетокот на војната во Газа, како и со други медиуми.

Таа известувала за лекарите во болницата „Насер“ кои се мачеле да спасат деца без претходни здравствени проблеми, а кои умирале од глад.

Ал Џазира и Ројтерс потврдика дека се убиени нивни новинари

„Ал Џазира“ потврди дека нејзиниот новинар Мохамед Салам бил меѓу убиените во нападот врз болницата „Насер“.

Од Ројтерс објавија дека нивниот хонорарeн снимател Хусам ал-Масри, исто така, бил убиен во нападот. Фотографот Хатем Халед, кој исто така бил хонорарец на Ројтерс, бил ранет, соопшти агенцијата.

Вкупно 192 новинари се убиени во конфликтот

Војната во Газа е една од најкрвавите за медиумските работници: вкупно 192 новинари се убиени во Газа во 22-месечниот конфликт, според Комитетот за заштита на новинарите (CPJ).

За споредба, досега во војната меѓу Русија и Украина се убиени 18 новинари, наведува CPJ.

Канцеларијата на израелскиот премиер и на израелската војска одбија да коментираат за инцидентот.

The first moments of the Israeli strike on Nasser Hospital in Khan Yunis, southern Gaza Strip. pic.twitter.com/eDj7GAWjmS

— TIMES OF GAZA (@Timesofgaza) August 25, 2025

The post 📽 ИЗРАЕЛСКАТА ВОЈСКА УБИ НОВИНАРИ НА РОЈТЕРС, АЛ ЏАЗИРА И НА АСОУШИЕЈТЕД ПРЕС Бизарни снимки од нападот врз болница во Газа appeared first on plusinfo.mk.