Асоцијацијата на приредувачи на игри на среќа (АПИС) испрати писмен став во врска со новиот Предлог закон за игри на среќа. Нивниот став го пренесуваме во целост:

„Потенцираме дека заштитата на младината од евентуална зависност од игри на среќа е наш врвен приоритет и затоа демонстрираме крајно конструктивен пристап. Нашите членки, кои се претставници на реномирани светски брендови од оваа индустрија, водат постојана кампања за подигнување на јавната свест под мотото „Забрането за малолетни лица – 100 % законски“. Во тој контекст одредбите од предлогот за минимизирање на светлечките реклами на објектите и забраната за рекламирање во периодот од 06 часот наутро до 22 часот навечер содржини за промоција, за нас се прифатливи.

Што се однесува до повторното актуелизирање на дистанцирањето на објектите како наводно решение и во овој предлог закон, како Асоцијација сме категорично против и за тоа ќе дадеме следните издржани аргументи:

Прво, дистанцата на одреден бизнис е дискриминаторска и уставно-спорна одредба. Со темелните вредности на македонскиот устав се предвидува ‘слобода на пазарот и претприемништвото’ и оттука крајно спорно е државата да воведува законски ограничувања кои немаат карактер на фиксна рамка, бидејќи не може да се предвидат одредени идни околности во моментот на издавање на лиценца. Имено, дистанца од 500 метри во 2027 може да не биде 500 метри во 2029 година.

Второ, дистанцата од 500 метри е законска одредба која ќе ги затвори легалните објекти за игри на среќа. Дистанцата не може да се спроведе во пракса со опстојување на легалните објекти за игри на среќа. Потврда за ова е признанието на актуелниот градоначалник на Чаир за еден медиум, кој за новиот предлог закон изјави: ‘Според фактичката состојба, на пример во мојот Чаир можеби нема да има ниту еден објект за игри на среќа, бидејќи каде и да се свртиш има училиште. Но, и во другите општини ќе има ист ефект’. Затоа, владините претставници не треба да го сокриваат овој ноторен факт дека предлогот значи затворање на еден легален економски сектор.

Трето, дистанцата на легалните објекти за игри на среќа со образложение дека така се заштитува младината, не оди заедно со одредбата со која државата го задржува правото да организира интернет игри на среќа. Младината преку мобилните уреди ќе може од било каде да ја следи или да игра на државната онлајн платформа за игри на среќа. Оттука, дистанцата нема никаков рационален ефект ниту оправдување.

Уште еднаш повторуваме дека дистанцата не само што не е решение туку ќе создаде хаос во општеството. Затворањето на легалните објекти за игри на среќа, како што се случи и во Албанија, ќе предизвика отворање на објекти на црно по подруми каде младината ќе биде лесна цел. Државата ќе изгуби најмалку 350 милиони евра годишен прилив во централниот Буџет што во моментов е најмалку 6 проценти од проектираните приходи. Конечно, со ваков пристап државата од 10.000 вработени ќе направи 10.000 невработени кои со своите семејства ќе станат најмалку 35.000 нови кандидати за иселеници во западните земји. Да не зборуваме што штета ќе имаат и 54 до 100.000 други работни места кои индиректно значително ползуваат од овој економски сектор. Албанскиот премиер не случајно ја прекина тамошната четиригодишна забрана на легалните игри на среќа со образложение дека почнале да никнуваат диви играчници како печурки а нивниот државен Буџет изгубил значителни приходи.

Бараме од Собранието да покаже висока демократска свест. Без јавна расправа, без да се чуе мислењето на експертската јавност, секое продолжување на постапката за носење на овој Предлог закон за игри на среќа ќе биде штетен преседан кој ќе предизвика тешки правно-финансиски последици. Актуелните приредувачи на игри на среќа како најголем работодавец во земјата имаат право да бараат нивниот глас да се слушне. Нема да дозволиме заради дневно политички цели да се разгради актуелниот систем на игри на среќа, кој е еден од најстрого регулираните во регионот и пошироко.“

The post ДИСТАНЦАТА ОД 500 МЕТРИ НЕМА ДА ЈА ЗАШТИТИ МЛАДИНАТА Писмен став на АПИС за новиот Предлог закон за игри на среќа appeared first on plusinfo.mk.

– Клучната дилема е дали е ова вовед во ставањето клуч на врата на обложувалниците и автомат клубовите? Дали државата сака да остави 10.000 луѓе без работа за да остварува буџетски приходи преку онлајн игри на среќа? Зошто упорно се игнорира мислењето на АПИС и на АСОМ? Дали студијата која е направена укажува дека интернет игрите на среќа поради полесната достапност се потенцијално поголем ризик за младината? – велат од Асоцијацијата.

Оттаму обвинуваат дека целокупниот процес е нетранспарентен и со месеци се криел од јавноста.

– Може само да претпоставуваме кои се мотивите за вака погрешен пристап. Не слушнавме ниту еден издржан аргумент зошто на државата под овие услови ѝ се потребни три нови компании кои ќе организираат игри на среќа на интернет. Отворено се сомневаме дека условите кои треба да се исполнат се креирани така што однапред се знае кои ќе бидат партнерите на Државна лотарија. Скандалозно е да не се почитуваат реализираните инвестиции на актуелните приредувачи на игри на среќа, кои и во овој случај се дискриминирани, иако на дел од нив капиталот им доаѓа од земји членки на ЕУ. Уште пострашно е што ќе се дозволи на компанија која нема ниту еден вработен да приредува игри на среќа, што е надвор од економската логика и спротивно на високите стандарди во индустријата – велат од АПИС.

Од Асоцијацијата уверуваат дека нема да дозволат, како што велат, заради нечии бизнис апетити да се разградува постоечкиот систем на игри на среќа.

– Ја повикуваме Владата и Државната лотарија да ја преиспитаат одлуката за организирање игри на среќа преку интернет. Без јавна расправа, без да се чуе мислењето на експертската јавност, секое продолжување на постапката ќе биде штетен преседан со сериозни последици. Актуелните приредувачи на игри на среќа како најголем работодавец во земјата имаат право да бараат нивниот глас да се слуша. Нема да дозволиме заради нечии лични бизнис апетити да се разградува постоечкиот систем на игри на среќа, кој е еден од најстрого регулираните во регионот и пошироко – порачаа од Асоцијацијата на приредувачи на игри на среќа.

The post ДРЖАВАТА УШТЕ ПОВЕЌЕ ЌЕ ГИ ВТУРНЕ МЛАДИТЕ КОН КОЦКАЊЕ Од АПИС бараат власта да ја преиспита одлуката за организирање игри на среќа на интернет appeared first on plusinfo.mk.

Реакцијата на Асоцијацијата ја пренесуваме во целост:

Со оглед на фактот дека се работи за медиум кој главно се занимава со економски теми, во конкретниот случај е целисходно да се направи стручна разлика меѓу „приход“ и „добивка“. Со пласирањето теза дека „во 18 компании граѓаните оставиле 488,3 милиони евра“ јавноста се става во заблуда за износот на добивка која се реализира во овој значаен економски сектор. Имено, земајќи предвид дека и во конкретниот случај, но и во други околности и со други мотиви се прават целосно нереални пресметки дека приредувачите на игри на среќа во Северна Македонија наводно остварувале профит меѓу половина и една милијарда евра годишно, должни сме истата да ја демантираме и да ја запознаеме јавноста со фактите.

Како државниот Буџет годишно се полни со 280 милиони евра од игрите на среќа? Еве ги фактите во кумулативен износ:

– Приредувачите на игри на среќа имаат законска обврска за плаќање посебна давачка во вкупен износ од 23%, од кои 1,5% одат за потребите на јавното здравство и 1,5% за потребите на Агенцијата за млади и спорт, а останатите 20% директно се слеваат во централниот Буџет.

– Казината и автомат клубовите дополнително плаќаат годишно и за секоја лиценца која на приредувачите на игри на среќа во строго дефинирана процедура им ја издава Министерството за финансии, а конечно ја одобрува Владата.

– Приредувачите на игри на среќа како правни лица плаќаат и годишен данок на добивка по стапка од 10%. Плус за секоја поединечно остварена добивка од играње приредувачите имаат обврска да платат 15% данок на истата.

– Приредувачите на игри на среќа плаќаат плати за вработените и придонеси од работен однос (со двојни дневници за работа во недела, празници, ноќен труд и сменско работење, бидејќи работното време е 24/7), за 10.000 вработени.

– Државниот буџет се полни од приредувачите на игри на среќа и преку оданочување на закупнини на деловни простории, ДДВ преку купување опрема, мебел, надоместоци за струја и давање угостителски услуги, со кои се подржуваат меѓу 54 до 100 илјади други работни места надвор од секторот игри на среќа.

– Конечно, приредувачите на игри на среќа плаќаат огромни суми на ДДВ, но се исклучени од правото да бараат поврат на истото.

Да резимираме, кога ќе се сумираат приходи и расходи, за приредувачите останува 10% од кои треба да ги покријат трошоците за инвестициите и да остварат заработка што е основна цел на секој бизнис. Односно, профитот од игри на среќа во Северна Македонија е далеку од износите кои се пласираат и се ставаат во одреден контекст.

The post НЕРЕАЛНИ СЕ ПРЕСМЕТКИТЕ ЗА ПРОФИТ ОД 500 МИЛИОНИ ЕВРА Реакција на Асоцијацијата на приредувачи на игри на среќа appeared first on plusinfo.mk.