Вкупните вложувања во патничко осигурување во летниот период годинава се за 6% повисоки од истиот период лани, покажуваат официјалните податоци кои сите осигурителни компании ги доставуваат до Агенцијата за супервизија на осигурување (АСО).

Во овој период граѓани кои имаат патничко осигурување од компаниите за осигурување наплатиле 34,46 милиони денари (560.000 евра). Со тие пари осигурителните компании им надоместувале медицински трошоци настанати за време на престојот во странство, изгубен багаж или некој друг од ризиците што го покрива патничкото осигурување.

Годинава во трите летни месеци (јуни, јули и август) осигурениците наплатиле 560.000 евра или 89%  повеќе пари за покривање штети настанати при патување во странство, во споредба со истиот период лани кога осигурителните компании исплатиле 18,23 милиони денари (296.000 евра).

Сите 11 осигурителни компании за трите летни месеци исплатиле штети покриени со патничко осигурување на повеќе од 35.300 граѓани кои патувале во странство. Бројот на исплатени штети во месеците јуни, јули и август годинава е за 14,5% повисок од бројот на штети во истиот период 2023 година.

Што се однесува на продажбата на месечно ниво од податоците е евидентно дека најголема била побарувачката за патничко осигурување во јули. Тој месец граѓаните вложиле 44,79 милиони денари (728.000 евра) за да купат патничко осигурување.

Соодветно на тоа во јули најголем е и бројот и износот на исплатени штети. Така во јули 14.460 осигуреници наплатиле 14,9 милиони денари ( 242.000 евра).

The post ГРАЃАНИТЕ ПОТРОШИЛЕ 2 МИЛИОНА ЕВРА ЗА ОСИГУРУВАЊЕ НА ОДМОР ВО СТРАНСТВО Не ги фрлиле парите во ветер зашто наплатиле 560.000 евра штети appeared first on plusinfo.mk.

Сите 12 осигурителни компании во првите шест месеци издале над 468.000 полиси за осигурување (ЗАО и зелена карта) и за преземањето на ризиците наплатиле 2,65 милијарди денари (43,1 милиони евра). Податоците на НБО покажуваат дека бизнисот со осигурување од автомобилска одговорност во првата половина годинава пораснал за 6 отсто во споредба со истиот период 2023 година.

Секое трето осигурено возило има и зелен картон – осигурување кое овозможува возење во странство. Во првите шест месеци сите 12 осигурителни компании издале повеќе од 117.000 зелени карти. Бројот на издадени зелени карти лани е за нијанса , односно за 2 отсто, помал од бројот на издадени зелени карти во истиот период лани. Но од друга страна вложувањата во зелена карта годинава се за 4,5 отсто повисоки од истиот период лани.

Зелената карта е осигурување кое служи за обештетување на трети лица доколку се случи сообраќајна незгода или несреќа во странство. Специфика на зелената карта е тоа што во некои земји нема утврдена максимална сума за човечки жртви во сообраќајна несреќа. Во таков случај осигурителната компанија што ја издала зелената карта ќе исплати износ без ограничување.

Само за споредба граѓани, компаниите и институциите за цела 2023 година купиле вкупно 958.528 полиси за осигурување возила во земјава и во странство. Во  осигурување од автомобилска одговорност (за возење во земјава и во странство) во 2023 година се вложени 5,33 милијарди денари (86,75 милиони евра).

Во Македонија законски задолжителното осигурување од автомобилска одговорност и зелената карта  имаат регулирани цени кои ги утврдува и контролира  Владата преку надлежна стручна интересорна комисија во која членуваат претставници на Министерството за финансии, НБО и на АСО.

The post ЗА ПОЛОВИНА ГОДИНА СЕ ОСИГУРЕНИ ПОВЕЌЕ ОД 350.000 ВОЗИЛА Секое трето возило има зелена карта appeared first on plusinfo.mk.

Вложувањата во сите неживотни осигурувања за првите 5 месеци година (јануари-мај) надминаа 5,5 милијарди денари (89,6 милиони евра). Вредноста на вложувањата во осигурување на граѓани, институции и компании годинава пораснала за 10% во споредба со истиот период минатата година, покажуваат официјалните податоци кои до Агенцијата за супервизија на осигурување (АСО) ги доставуваат компаниите за неживотни осигурувања.

Во овој период расте и вредноста на исплатените штети покриени со осигурување. За првите 5 месеци годинава осигурениците наплатиле 1,95 милијарди денари (31,7 милиони евра) од осигурителните компании. Вредноста на исплатените осигурени штети годинава е за 6% повисока во однос на претходната година.

Клучните индикатори за вложувања во осигурување и за исплатени штети покажуваат дека индустријата бележи континуиран раст. При тоа расте обемот на осигурување, бројот на осигурени лица, ризиците преземени во осигурување како и вредноста на исплатените осигурени штети. Трендот докажува дека активностите на АСО во континуитет обезбедуваат предуслови за раст на продажбата на осигурување, но и зголемена заштита на осигурениците.

Од доброволните осигурувања најбаран и најбрзорастечки производ и понатаму е приватното (доброволно) здравствено осигурување. Во првите 5 месеци во полиси за здравствено осигурување се вложени  687,7 милиони денари (11,2 милиони евра) Во споредба со истиот период лани вложувањата во здравствено осигурување се зголемени за 35%.

Солиден раст има и кај каско осигурувањето на моторни возила. Во овој период осигурителните компании продале полиси во вкупна вредност од 543 милиони денари (8,83 милиони евра) што е за 17% подобар резултат од истиот период лани.

Најголема доброволна класа, според обемот на вложувања, останува да биде осигурувањето имот. За овој период граѓани, институции и компании вложиле 1,22 милијарди денари (19,82 милиони евра) и тоа е минимално зголемување за 2% во споредба со претходната година.

Од најголемата класа, која воедно е задолжителна со закон, а тоа е осигурувањето од автомобилска одговорност (АО) во првите 5 месеци компаниите инкасирале 2,21 милијарда денари (36 милиони евра). Вложувањата во ова осигурување пораснале за 7% во однос на лани, а тоа се должи на зголемениот број осигурани возила во однос на истиот период лани.

Во првите пет месеци годинава компаниите за осигурување со своите клиенти склучиле над 676.000 договори за прием во осигурување. Бројот на склучени договори годинава пораснал за 5% во однос на истиот период минатата година. Најмногу договори за осигурување, над 305.700, се склучени за осигурување од незгода. Тоа е производ наменет за колективно осигурување на вработени и ученици со кое се покриваат повреди на или надвор од работно место или училиште.

The post 90 МИЛИОНИ ЕВРА ГРАЃАНИТЕ ВЛОЖИЛЕ ВО НЕЖИВОТНО ОСИГУРУВАЊЕ За 5 месеци им се исплатени штети во висина од 32 милиона евра appeared first on plusinfo.mk.

Агенцијата за супервизија на осигурување (АСО) ја охрабрува Владата, согласно своите законски надлежности, да ги заштити правата на осигурениците и преку измени во Тарифникот да ги намали цените на полисите за задолжително осигурување од автомобилска одговорност.

Во соопштението до јавноста, АСО како регулатор на пазарот на осигурување уште еднаш јавно информира дека е целосно неоправдан и без основа потегот со кој осигурителните компании ги зголемија цените на осигурувањето од задолжителна автомобилска одговорност.

Според регулаторот, клучните аргументи против зголемување на цената се наведени во анализата што е доставена до надлежната комисија при Министерството за финансии.

– Зголемувањето на цената на осигурувањето не е во функција на јакнење на заштитата на осигурениците. Напротив, ова зголемување на цените е само и исклучиво во функција на покривање на трошоците за оперативно работење на компаниите за осигурување – велат од АСО.

The post ВЛАДАТА МОРА ДА ПРЕСЕЧЕ ЗА ЦЕНИТЕ НА АВТО-ПОЛИСИТЕ Агенцијата за супервизија на осигурувањето бара да се донесе нов тарифник со намалени цени appeared first on plusinfo.mk.

– По добиените известувања од осигурителните компании дека ќе ја зголемат цената направени се актуарски пресметки за проверка.  По извршените актуарски пресметки утврдено е дека зголемувањето на цената, со дадените образложенија, не е оправдано – информираа од АСО .

Поради тоа АСО го информираше и достави предлог до Министерството за финансии, во рамки на неговите законски надлежности, да иницира изготвување и донесување нова тарифа на премии за задолжително осигурување од автомобилска одговорност. И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност.

ПОСКАПЕ РЕГИСТРАЦИЈАТА НА ВОЗИЛА Погледнете колку ќе ве чини осигурувањето според новиот ценовник

The post НЕМА ПРИЧИНА ЗА ПОСКАПУВАЊЕ НА РЕГИСТРАЦИЈАТА Агенцијата за супервизија на осигурување бара да се донесе нов тарифник appeared first on plusinfo.mk.

Според овие податоци, сите осигурителни компании за неживотни осигурувања само во август годинава исплатија над 9.800 штети вредни 312,5 милиони денари (5,1 милиони евра). Споредбата на податоците покажува дека осигуреници кои имале штети покриени со осигурување наплатиле 22% (57,3 милиони денари) повеќе во споредба со истиот месец 2022 година.

Најголеми растови на исплатени штети во август годинава во споредба со истиот месец лани има кај каско осигурувањето на моторни возила и кај приватното здравствено осигурување. За осигурени штети покриени со каско осигурување сопствениците на моторни возила во август наплатиле 63,4 милиони денари (1,03 милиони евра). Тоа е за 58% повисок износ на исплатени штети во однос на август 2022 година.

За медицински трошоци покриени со приватно здравствено осигурување во август осигуреници наплатиле 45,1 милиони денари (над 733.000 евра) и тоа е за 56 отсто повеќе од истиот месец лани. И во август продолжува трендот најголемо учество во вкупниот број на исплатени штети да имаат токму штетите кои се неменети за покривање на медицински трошоци. Половина од сите исплатени штети во овој месец се однесуваат на приватно здравствено осигурување.

Од штети врз осигуран имот во овој месец осигуреници наплатиле 21,2 милиони денари (345.000 евра). Актуелно во период на летни одмори е и патничкото осигурување кое покрива штети при летување во странство. По ова осигурување компаниите на осигуреници им исплатиле 6,3 милиони денари (над 100.000 евра), што е за 17% повеќе од истиот месец лани.

Очекувано, најголем износ на исплатени штети има кај законски задолжителното осигурување од автомобилска одговорност (ЗАО) кое е всушност и најголема осигурителна класа. Во август се исплатени 153,8 милиони денари (2,5 мил.евра) и тоа е за 17% повеќе од лани.

Во вкупниот износ на исплатени штети во август „Уника“ учествува со 12%, „Триглав осигурување“ со 12,7%, „Винер ВИГ“ со 11%, „Сава осигурување“ со 13,8%, а „Осигурителна полиса“ со 5,9 %. Учеството на „АДОР Македонија ВИГ“ е 8,7%, на „Евроинс осигурување“ е 4,4%, „Еуролинк“ учествува со 10,4%, „Кроација осигурување – неживот“ со 10,9%, „Халк осигурување“ со 8,4% и „Граве неживот“ со 1,8%.

The post 1 МИЛИОН ЕВРА ИСПЛАТЕНИ ОД КАСКО ОСИГУРУВАЊЕ Вкупно 500 граѓани имале штета на патување во странство appeared first on plusinfo.mk.

Вложувањата во патничко осигурување во јули во споредба со истиот месец минатата година пораснале за над 6 милиони денари (107.000 евра). При тоа бројот на лица кои купиле патничко осигурување е зголемен за 9%.

Во сите 18 класи на неживотно осигурување граѓани, фирми и институции вложиле 1,14 милијарди денари (18,6 мил.евра). Продажбата на осигурување во јули годинава во споредна со претходниот месец е намалена за 6%, но во однос на ланскиот јули е зголемена за 16%.

Од аспект на бројот на склучени договори за осигурување расте интересот за вложувања во неживотни осигурувања. Во јули бројот на склучени договори за осигурување надминал 238.000 и пораснал за 8% во споредба со истиот месец лани.

Од доброволните осигурувања најголемо учество во продажбата има осигурувањето имот и изнесува 154,3 милиони денари (2,5 мил.евра). Следува каско осигурувањето моторни возила во кое се вложени 120,8 милиони денари (2 мил.евра). Во дополнително (приватно) здравствено осигурување за еден месец граѓаните вложиле 82 милиони денари (1,3 мил.евра).

Во вкупното вложување во неживотни осигурувања најголемо е учеството за задолжителното осигурување од автомобилска одговорност (ЗАО). Во јули се купени полиси вредни 631,2 милиони денари (10,3 мил.евра). Од тоа вложувања во зелени карти се вложени 171,7 милиони денари (2,8 мил.евра).

Во продажбата на неживотно осигурување за јули „Кроација осигурување – неживот” I „Македонија осигурување ВИГ” учествуваle со po 8,6%.  „Еуролинк” остварил 8,7%, „Евроинс осигурување” со 9,1% „Граве неживот” со 5,6%.

„Сава осигурување” учествува со 11,1%, „Триглав осигурување” со 11,9 %, „Уника” со 11,6%, „Винер – ВИГ” со 12,1%, „Осигурителна полиса„ учествува со 7,1% и „Халк осигурување” со 5,6%.

The post ГРАЃАНИТЕ ВО ЈУЛИ ПОТРОШИЛЕ 685.000 ЕВРА ЗА ПАТНИЧКО ОСИГУРУВАЊЕ Само зелените картони ги чинеле речиси 3 милиони евра appeared first on plusinfo.mk.

Основач и единствен сопственик на новоформираното друштво за осигурување живот е словенечкиот осигурителен холдинг ПРВА ГРУП (SKUPINA PRVA, zavararovalniski holding, d.d).

Според дозволата издадена од АСО „Прва живот“ ќе врши работи на осигурување во рамки на групата на осигурување на живот во класата 19  – осигурување на живот.

– „Прва живот“ ќе започне со работа во рок од 6 месеци од денот на издавање на дозволата за работа, а седиштето на компанијата ќе биде во Скопје.

За извршен член на одборот на директори е именуван Предраг Милошевски.

„АСО го задолжи друштвото да назначи овластен актуар во рок од 2 месеца од уписот на друштвото во трговскиот регистар“, се наведува во соопштението.

„Прва живот“ ќе биде шеста компанија на македонскиот пазар за осигурување живот на кој сега работат „Кроација осигурување – живот“, „Триглав живот“, „Граве“, „Винер Лајф ВИГ“ и „Уника Лајф“.

Словенечката групација е реномиран холдинг кој две децении управува со пензиски фондови во Словенија, Србија, Македонија и на Косово. Групацијата има осигурителна компанија во Словенија, а се очекува нивниот влез на нашиот осигурителен пазар да ја подобри конкурентноста во секторот и да придонесе во збогатување на понудата на производи за осигурување живот, појаснуваат од АСО.

Во првите шест месеци граѓаните во петте компании за осигурување живот вложиле над 14 милиони евра во осигурување живот.

Официјалните податоци на компанииите за осигурување живот покажуваат дека најголем раст на продажбата има животното осигурување кое нема штедна компонента.

„Осигурувањето живот во кое ризикот од вложување на средствата го превзема осигуреникот е најновиот осигурителен продукт од палетата на животни осигурувања на нашиот пазар. Овој продукт е популарно познат како „јунит линкд“ осигурување. Кај ова осигурување значаен дел од парите се вложуваат во инвестициски фондови, избрани од осигурениците, чии пазарни цени зависат од движењата на регионални и глобални пазари на капитал“, соопшти АСО.

The post НОВА СЛОВЕНЕЧКА ИНВЕСТИЦИЈА ОД 4 МИЛИОНИ ЕВРА Осигурување „Прва живот“ ќе почне да работи по 6 месеци appeared first on plusinfo.mk.

Од поднесените претставки  5 биле без основ за разгледување, а подносителите во 6 случаи ги повлекле своите поплаки. Во корист на осигурениците се решени 11 претставки. Во процес на постапување се 16, а негативно се решени 33 поплаки на осигуреници.

Очекувано, и годинава најголем број на поплаки има во најмасовната осигурителна класа „осигурување од автомобилска одговорност” која е задолжителна со закон. Поднесени се 34 претставки за штети кои настанале во сообраќани незгоди и се покриени со ова осигурување.

Според податоците на АСО, најбројни, вкупно 18, се претставките во кои осигурениците се жалат на решавање штети настанати при сообраќајни незгоди решени врз основа на користење полициски записник. Најголем дел од нив се однесуваат на висината на обештетувањето и се решени негативно.

Во овој период е намален бројот на поплаки за решавање штети врз основа на пополнет европски извештај. Во првите 3 месеци се добиени 13 претставки за решавање штети и тоа е за 32% помалку од истиот период лани.

За осигурување имот се поднесени 9 претставки, а по 8 се однесуваат на приватно здравствено осигурување и на осигурување од незгода.

Исто како и претходната година, во однос на причината поради која се жалат осигуреници, најбројни во овој период се претставките кои се однесуваат на основот по која компаниите исплаќаат штети. За првите три месеци се примени 33 такви претставки и тоа е за 65% повеќе од истиот квартал во 2022 година.

Најзначајно намалување на бројот на поплаки има за процесот во кој компаниите ги обработуваат штетите на осигурениците. Од почеток на јануари до крајот на март годинава се поднесени само 5 такви претставки и тоа е за 68% во однос на истиот период лани.

За висината на надоместот на штета што го нудат осигурителните компании во првите 3 месеци годинава се пожалиле 19 осигуреници. Во овие случаи АСО нема надлежност да одлучува за висината на надоместокот, но ги утврдува условите и околностите во кои е донесена одлуката за износот на понудена оштета.

Од поднесените претставки 61 се поднесени од граѓани, а 10 од правни лица.

The post СЕ ОСИГУРАВТЕ, АМА ДАЛИ ЌЕ ВИ БИДАТ ПОКРИЕНИ ШТЕТИТЕ? Се зголемува бројот на поплаки од осигурителните компании appeared first on plusinfo.mk.

Станува збор за унифициран документ кој содржи информации за нивото на ризик од можна загуба на вложени средства како и за очекуваната добивка од вложеното. Осигуреникот ќе биде информиран и за условите и последиците од предвремено раскинување на договорот за вложување. Исто така продавачот ќе ги прикаже и сите еднократни, периодични, повторливи, повремени и непредвидени трошоци што треба да ги плати осигуреникот.

Воедно продавачот на осигурувањето ќе биде обврзан и да го информира осигуреникот и за правото да поднесе претставка односно приговор до АСО. Ова се клучните новини кои ги содржи новиот правилник што го донесе АСО со цел да ја зголеми транспарентноста при вложувања во јунит линкд осигурување живот.

„Јунит Линкд” е релативно нова класа на осигурување живот кај која дел од вложените пари  се инвестираат во удели на инвестициски фондови. Тоа се вложувања со висок квалитет, но факт е дека цените на уделите се променливи и зависат од движењата на глобалните берзи. Токму заради тоа и ризикот од вложувањето на средствата паѓа на товар на осигуреникот.

Токму волатилноста на пазарите на капитал остава простор од ризик осигуреник да загуби дел од уплатените средства при вложување во „Јунит Линкд”  осигурување исто како што постои реална можност за солидно оплодување на вложените средства.

Официјалните податоци на АСО покажуваат дека само во минатата година биле раскинати 941 договор за „Јунит Линкд”  осигурување живот во период кога вкупно биле склучени 2.726 договори. Дополнително на ова бројот на раскинати договори лани достигна 9 отсто од вкупниот број на активни договори во оваа осигурителна класа кој изнесува 10.628.

Следејќи ја будно оваа состојба Советот на експерти на АСО одлучи да усвои  подзаконски акт што значајно ќе ја зголеми транспарентноста за овој осигурителен производ.

Тоа во голема мерка ќе им помогне на сите потенцијални инвеститори при носењето на одлуките за вложување во јунит линкд да го проценат потенцијалниот ризик од ова вложување.

Освен горенаведените клучни новини како мерки за подобро информирање на осигурениците новиот правилник предвидува продавачот да истакне дали вложувањата се во денари или во странска валута. Од причина што оваа информација може да влијае врз вредноста на вложувањето преку можни промени на девизниот курс на денарот.

„Јунит Линкд” е интернационален термин глобално прифатен и користен за овој вид осигурување живот. „Јунит Линкд” значи дека вредноста на вложените средства директно зависи од вложувањата во удели на отворени или затворени инвестициски фондови.

Вложувањата во животното осигурување во кое ризикот од инвестирањето е на товар на осигуреникот (популарно наречениот „Јунит Линкд”) лани достигнале над 6 милиони евра што е за  27 отсто  повеќе од 2020 година.

The post ВНИМАВАЈТЕ ПРИ КУПУВАЊЕ „ЈУНИТ ЛИНКД“ ОСИГУРУВАЊЕ Трговецот мора да ги соопшти ризиците appeared first on plusinfo.mk.