„Сопругата на соборениот сириски лидер, Башар ал-Асад, е санкционирана личност и не е добредојдена овде во Британија“.

Ова го изјави министерот за надворешни работи, Дејвид Лами.

Тој го кажа ова откако премиерот рече дека е премногу рано да се каже дали владата ќе ѝ го одземе британското државјанство на Асма ал Асад, објави британски Стандард.

Асма ал Асад е родена во Лондон во 1975 година, пораснала и се школувала во градот. Се верува дека сега е во Москва, со својот сопруг, каде што соборениот лидер побегна. По брзиот колапс на режимот на Асад, коалицијата на бунтовнички групи во неделата ја презеде контролата врз Дамаск.

• АСАД Е ПОСЛЕДНИОТ БЕГАЛЕЦ КОЈ СЕ НАЈДЕ ПОД ЗАКРИЛА НА ПУТИН Кои други политичари побараа азил од Москва?

– Видов дека Асма Асад изминативе неколку дена се споменува како некој со британско државјанство што би можел да се обиде да влезе во нашата земја и сакам да се потврди дека таа е санкционирана личност и не е добредојдена овде во Британија – рече Лами, одговарајќи синоќа на прашања во долниот дом на парламентот.

Запрашан за можноста владата да ѝ го одземе британското државјанство на Асма ал Асад, британскиот премиер Кир Стармер им рече новинарите дека сѐ уште се „далеку од тоа да одлучат што било“.

– Во моментов сме во ситуација што бргу се менува и затоа ни е многу важно да продолжиме да разговараме со нашите сојузници за да се увериме дека она што сега ќе се случи ќе биде мирно – рече тој.

• ВНАТРЕ ВО „КЛАНИЦАТА ЗА ЛУЃЕ“ НА АСАД Ова е злогласниот затвор Седнаја каде се мачени и убивани илјадници Сиријци

Британскиот министер за меѓувладини работи, Пат Мекфејден, претходно во понеделникот изјави за Би-би-си дека владата не добила „никаков контакт или барање“ Асма ал Асад да дојде во Велика Британија.

The post СОПРУГАТА НА АСАД Е НЕПОЖЕЛНА ВО ВЕЛИКА БРИТАНИЈА Кралството е во недоумица дали да ѝ го одземе државјанството appeared first on plusinfo.mk.

Асма ал Асад (48), сопругата на сирискиот претседател Башар ал Асад, има леукемија, објави во вторникот претседателството. Првата дама на Сирија ќе подлежи на посебен протокол за третман кој ќе бара да биде изолирана и затоа ќе се повлече од јавните ангажмани.

Оваа објава дојде речиси пет години откако таа објави дека целосно закрепнала од рак на дојка, пренесува Ројтерс.

Во август 2019 година, Асма рече дека целосно се опоравила од ракот на дојката што и беше дијагностициран порано.

Откако Сирија влезе во војната во 2011 година, Асма која е поранешна инвестициска банкарка со британско потекло презеде јавна улога во одржување на добротворни настани и средби со семејствата на загинатите војници.

Таа е на чело на Сирискиот фонд за развој, голема невладина организација која делува како чадор организација за многу операции за помош и развој во Сирија.

The post ПРВАТА ДАМА НА СИРИЈА Е ТЕШКО БОЛНА Претседателот Башар ал Асад ја објави лошата вест appeared first on plusinfo.mk.