Претседателот на Хрватска Зоран Милановиќ жестоко реагираше по упадот на лица со црни качулки на „Деновите на српската култура“ во Сплит кои извикуваа „За дом спремни“.

– Тоа е казниво дело и за тоа треба да се одговара. Меѓу нив има и „вуцибатини“ на мои години, тие треба да се лоцираат, испорачаат и да им се пресуди. ХДЗ-овците знаат како се прави тоа – изјави Милановиќ.

Шефот на Хрватска нагласи дека нападот бил насочен кон жени и деца кои мирно се собирале, потсетувајќи дека само пред 2 месеца присуствувал на спортска манифестација во Сплит, каде, како што рекол, „никој не трепнал кога министер од Владата на Вучиќ стоел крај него“, пишува Слободна Далмација.

Меѓутоа, според Милановиќ, тие што сега нападнале, „не биле подготвени тогаш, туку чекале сега – кога ќе нема кој да се брани“.

Милановиќ истакна и дека ваквите напади не смеат да станат нормалност во општеството што се стреми кон „живот без страв“.

Хрватскиот претседател го коментираше и случајот со организирањето на тркалезната маса посветена на логорот Јасеновац во хрватското Собрание, нарекувајќи го настанот „срамна шега“, поточно со терминот „спрдачина“.

Тој изјавил дека чувствува гадење и кон оние што ги преувеличуваат бројките на жртвите во Јасеновац, и кон оние што, како што вели, се обидуваат да ја избришат трагедијата.

The post ХДЗ ЗНАЕ КАКО ТРЕБА СО БИТАНГИТЕ ОД СПЛИТ, ВЕЛИ МИЛАНОВИЌ Шефот на Хрватска остро го осуди упадот на манифестацијата на Србите appeared first on plusinfo.mk.

Јелена Карлеуша на социјалната мрежа Фејсбук објави видео од изјавата на хрватската пејачка Северина Вучковиќ во кое Северина  во една емисија дава изјава за Сребреница, пишува Мондо.

На снимката Северина му вели на водителот дека „имало геноцид во Сребреница, како и да го нарекуваат“:

– Имаше геноцид во Сребреница, како и да го наречат, мало, средно или големо злосторство… Работата е што, ако се работи за геноцид, тогаш некоја држава треба да ѝ плати отштета на таа држава. Мислам дека тоа е единствената причина што тие не признаваат тоа така да се вика – рекла пејачкат.

Карлеуша  ѝ одговори на Северина потсетувајќи ја „дека нејзиниот син е Србин“, а потоа „ѝ ја објасни на Северина суштината на зборот геноцид“.

Еве ја објавата на Карлеуша во целост:

„Северина, зошто ти е важно дали е употребен зборот „злосторство“ или зборот „геноцид“, зошто се занимаваш да судиш што се случило и да го разјасниш?

Ако се работи само за пари и компензација, колкава отштета ѝ платила вашата земја на Србија за Јасеновац? Дали се наплаќа по тон месо или по број на луѓе? Колку чинат милион животи, на пример? Колку чини за милион Срби и сакаш ли попуст оти имало и Евреи? Роми бесплатно? Дали барате попуст на потрошената сума и труд затоа што навистина требаше многу волја и труд за да се постигне таа бројка во само еден камп! И дали имате ценовник колку Хрватска треба да плати како компензација за единствениот детски камп во светот? Ако се работи за детски камп , дали го класифицирате како „мал“ или голем криминал ? Како го викаш ти тоа Северина, а?

Тогаш фино да си платиме еден на друг за да се сакаме? Чиста сметка, долга љубов? Дали Хрватска има пари или едноставно да го простиме долгот заради добрососедските односи? Што ни е тешко, ќе простиме и што си Србина, а нè нарекуваш ‘тие’. Ако им простивме на браќата по крв од Црна Гора што за ситни пари гласаа против сопствениот народ и им ги тресеа коските на дедовците кои гордо се нарекуваа, како, зошто не на сите? Србија е голема и силна. Не е сè до пари драга Северина, не е до плаќање, туку до зборот „геноцид“, бидејќи геноцид не може да се изврши од поединци кои одамна се осудени за тоа. Цел народ е обвинет за геноцидот. Кој ви вели дека Србија не е спомната во таа резолуција, па зошто Србија да плати обесштетување? Мала логичка кукла, употреби ја главата за размислување, не само за ботокс. А Србите, нацијата која најмногу настрада во 20 век, може да биде само голема, горда, чесна нација. Не е геноциден народ. Затоа што ниту јас, ниту моите деца, ниту моите внуци не сакаме да го носиме тој белег, затоа што никој не уби невини луѓе во мое име во граѓанската војна во Босна, со која јас немам апсолутно никаква врска.

П.С. И твојот син, кој е Србин, ќе го носи тој белег, ако се случи таа историска неправда! Обиди се повеќе да не се трудиш да бидеш толку „паметна“, напиша Карлеуша.

The post „А КОЛКУ Е ПЛАТЕНО ЗА ЈАСЕНОВАЦ?“ Карлеуша влезе во костец со Северина за изјава за Сребреница appeared first on plusinfo.mk.

Сега, по осум децении, Музејот на жртвите на геноцидот во Белград, Србија, конечно го потврди автентичниот документ. Списокот десетина дена ќе биде изложен во музејот, пишуваат српските медиуми.

– Автентичноста е утврдена врз основа на вештачењето извршено од Музејот на жртвите на геноцидот. Списокот ги содржи името и презимето на детето, проценетата возраст, името на таткото и на мајката, датумот и хрватскиот камп од кој е спасено, како и целосни информации за хрватското семејство на кое детето му е дадено на посвојување или на згрижувачки статус – изјави директорот на музејот, Дејан Ристиќ.

Еден начин да се докаже автентичноста е и фактот што бројките се поклопуваат со пописите од тоа време.

– Тоа е докажано и нема дилема – потенцира директорот Ристиќ.

Никогаш нема да откриеме кој ни го даде списокот

Музејот никогаш нема да открие кој го дал списокот од повеќе професионални и безбедносни причини, објасни Ристиќ за новинарите, но додаде дека списокот не бил пронајден во Србија. На прашањето дали Хрватска ќе реагира на ова, тој вели дека би било многу несериозно од нејзина страна. Според него, документот „не бил во јавна сопственост и државата од која дошла нема право да го бара“.

Но, списокот кој бил изгубен во 1942 година има информации само за дел од децата. Дијана Будисављевиќ спасила меѓу 10 000 и 12 000 деца, а според еден извор дури 15 336 деца. Посетувајќи ги камповите се заразила со тифус. Доживеала три нервни слома. Ризикувала многу. Во нејзините спасувачки акции 3 254 деца починале исцрпени од тортура, глад и од болести.

Најинтересното? Таа била хуманитарка од австриско потекло. Се родила во градот Инсбрук како Дајана Обексер. Била мажена сзадокторот Јулиле Будисављевиќ, Србин, кој се школувал во Австрија и оперирал во градот. Во 1919 година бил назначен за професор во Загреб, па така се преселиле таму.

Споменик во Градишка и парк во Белград го носат името на Дијана.

Агенти на ОЗНА ги собрале документите?

По војната Дијана ги предала списоците со децата на агенти на ОЗНА по барање на хрватското Министерство за социјални работи.

– Реков дека ако треба да го предадам досието, тогаш ќе им дадам сè. Им реков дека сум ужасно навредена. Предавам досие, тетратки за пронаоѓање непознати деца, фоторегистар и тетратка со список на лични ознаки за деца – изјавила тогаш Дијана.

Оттогаш на списоците им се губи трагата. Бројни мајки ги барале своите деца. Сега списокот ќе биде достапен на веб-страницата на Музејот во Белград и во оригинал.

– Голем број наши граѓани и сонародници кои живеат во странство ни се обратија со многу трогателни и емотивни пораки и прашање како можат да добијат увид во тој список, бидејќи би сакале да знаат дали некој од нивните предци се наоѓа на тој список за да можат да добијат информации за нивниот вистински, а не наметнат идентитет затоа што многу од нив не си ги знаат корените – вели Ристиќ.

Според него, властите знаат каде е целото досие на Дијана Будисављевиќ.

– Се обидуваме да го добиеме во наша сопственост. Но, тоа е прашање за оние кои го имаат во моментов. И нема да се откажеме – додава тој.

Децата не си го знаат потеклото, ги облекувале во усташки униформи

На Дијана ѝ помагале и доброволци од разни професии. Архитектот Марко Видаковиќ, професорот Камило Бреслер, тогаш вработен во Министерството за социјална заштита на НДХ, сестрите од Црвениот крст Драгица Хабазин, Јана Кох, Татјана Мариниќ.

Дијана морала да добие писмено одобрување од тогашната Независна Држава Хрватска за да ги спаси децата. Тие биле посвојувани во хрватски фамилии, некои во објекти на Католичката црква, а некои во објекти кои биле малку подобри од концентрационите логори од кои биле спасени. Храната и сместувањето го обезбедувале приватни средства на анонимни граѓани.

Интересно е што озлогласениот Анте Павелиќ, тогаш шеф на НДХ, им дозволил на загрепчани да посвојуваат деца од кампот само под услов да се воспитани во хрватски и усташки дух, со што би се уништила секоја трага од нивното потекло. Многу деца пораснале со променет идентитет и никогаш не ја дознале вистината за нивното потекло, религија или идентитет. Дури и претходно, во самите кампови, децата биле облекувани во усташки униформи.

При крајот на војната се вели дека усташите самите учествувале во уништувањето на камповите, како што е случајот со најголемиот во Јасеновац, за да се забошоти и замагли нивното учество во злосторството.

Ме однесоа во напуштена куќа, преживеав јадејќи овошје

Во 2020 година беше откриен споменик на Дијана Будисављевиќ во Градишка. Порталот Блиц направи интервју со Милутин Вучковац (86), човекот кој имаше чест да го отвори споменикот. Тој денес е угледен и почитуван доктор и сенатор во Република Српска, но неговото детство било време на прогон, страв и хорор.

Вели дека мајка му завивала од болка кога го разделиле од неа при спасувањето од логорот. Тој вели дека се шпекулирало дека Дијана Будисављевиќ ќе ги спаси од Јастребски, каде што завршил по Јасеновац.

– (Дијана) дојде, се пријави и ги носеше децата на слобода, во други семејства, по домови, во интернати и слично. Одведете ги децата и вратете ги дома. Кога ме виде, ми рече, ќе те одведам, но не знам каде ќе бидеш, сите куќи ни се уништени. Ги нема твоите, нема мама, нема тетка, нема дедо, нема никој. Сепак, таа ми најде засолниште во Подградци, во куќата на некои роднини што не беше запалена и така излегов од кампот. Се хранев со овошје и шумски плодови што ги најдов – раскажува докторот кој потоа специјализирал гинекологија и работел на клиниките во Белград, Загреб, Љубљана и во Нови Сад.

The post ВИСТИНАТА ЗА КОЈА СЕ ЧЕКАШЕ 80 ГОДИНИ Изложен списокот на 5.800 српски деца кои Дијана Будисављевиќ ги спасила од логорите на смртта appeared first on plusinfo.mk.

– Првпат информацијата за забраната за моето одење во Јасеновац, случајно или не во српските медиуми не се појавува… Информацијата за моето неодење во Јасеновац ја објавува Јутарњи лист во седум часот и 20 минути. Зошто се случува ова? Затоа што мислеа дека ќе излеземе во јавност, но ние мислевме тивко да им предадеме нота на претставниците на Хрватска. Затоа тие тргнаа во напад со луди аргументи. Замислете, Вучиќ сакаше да дојде на наша територија да положиме цвеќе и да запали свеќа. Замислете каков хаос тие очекуваа – наведе Вучиќ.

Тој  додаде дека во неколку наврати од Загреб стигнала порака да се пролонгира посетата, и молбата беше почитувана.

– Всушност, на 2 септември 2021 година првпат контактиравме со кабинетот на Пленковиќ, со барање да го посетиме Јасеновац. На 4 септември добивме барање да ја одложиме посетата и го направивме тоа. Не известивме никого. Хрватска во секој случај ни е важна. Сакавме да спуштиме топка. Јас во март 2022 година го повторив барањето да го посетам Јасеновац. Добив порака да ниту сега не треба да патувам. На 4 март решив да го испочитувам тоа. Ние повторно не излеговме во јавноста. Потоа третпат го известив Милорад Пуповац дека доколку смета дека е потребно да го извести Плековиќ дека планирам да го посетам Јасеновац, да го направи тоа. Тој веројатно го направи тоа. Јас никогаш не ги поврзав Јасеновац и Олуја, но тие да – рече Вучиќ.

– Реков дека една камера ќе отиде со нас. Ќе ја информиравме јавноста дека бевме таму. Срамота е што ниту еден српски претседател за време на својот мандат не бил во Јасеновац… Затоа сакав да заминам и да кажам дека нема да ги заборавиме жртвите што загинаа таму и ништо повеќе од тоа – изјави Вучиќ.

Тој додаде дека во четвртокот, на 14 јули, добил искрена молба од премиерот на Хрватска, Андреј Пленковиќ, да не оди во Јасеновац.

– Тие кажаа дека се збунети и дека неофицијално слушнале за посетата. Мојот советник за надворешни работи рече дека планот не бил покриен медиумски за да не ја испровоцира хрватската држава. Таа ме извести и реков дека не сакам да слушам бесмислици и дека само сакам да положам цвеќе. И потоа се случи сето ова. Мојот грев се сведе на тоа што сакав да одам во земја на ЕУ и да положам цвеќе. Ми изгледа нелогична забраната… Јас на море во Хрватска не одев, ниту го сакам тоа, само сакам во Јасеновац да одам – изјави претседателот на Србија.

Тој најави „големи систематски промени во српското образование“ со цел да се зачува споменот на српските жртви.

The post ВУЧИЌ ТРИ ПАТИ БИЛ ОДБИЕН ЗА ПОСЕТАТА НА ЈАСЕНОВАЦ Замислете каков хаос очекуваа, претседателот доаѓа да запали свеќа… appeared first on plusinfo.mk.

Ова го соопшти министерот за надворешни работи Никола Селаковиќ на вонредна прес-конференција.

Министерството за надворешни и европски работи на Хрватска, во образложението на забраната за приватната посета на српскиот претседател Александар Вучиќ на Јасеновац, соопшти дека Хрватска не била официјално информирана за можната посета, но и дека посетата на висок претставник на странска држава на Јасеновац не може да биде од приватен карактер.

– Ова е застрашувачка одлука на хрватската влада, а Владата на Србија ќе донесе одлука за контрамерките што ќе бидат воведени – кажа министерот Селаковиќ.

Потпретседателот на Владата на Србија и министер за рударство и енергетика, Зорана Михајловиќ ја откажа официјалната посета на Загреб поради забраната на Хрватска на српскиот претседател Александар Вучиќ приватно да го посети Јасеновац.

Како што се наведува во соопштението од кабинетот на вицепремиерката Михајловиќ, таа во вторник во Загреб требаше да се сретне со министерот за економија и одржлив развој на Хрватска, Давор Филиповиќ, каде главна тема на разговор требаше да бидат регионалната соработка и гасната интерконекција.

– Средбата беше организирана со цел да се разговара за тоа како да работиме на зголемување на енергетската безбедност на целиот регион преку конкретни проекти и соработка и заеднички да одговориме на предизвиците на 21 век. Наместо да покажеме почит кон сите жртви и да бараме начини да изградиме заедничка подобра иднина, како што тоа го прави Србија, со ваквите потези само се враќаме во минатото и го спречуваме подобрувањето на односите меѓу двете земји во областите каде што има реална потреба за соработка – се наведува во соопштението на Михајловиќ.

Претседателот на Србија, Александар Вучиќ, денеска на Инстаграм профилот „будучностсрбијеав“ објави фотографија од споменикот во Јасеновац со коментар „Само вие работите си ја својата работа. Српскиот народ ќе живее и никогаш нема да заборави“.

Споменикот Камен цвет е монументален споменик посветен на сите жртви кои беа убиени од усташите во логорот Јасеновац за време на Втората светска војна.

Како што соопшти на прес-конференцијата министерот за надворешни работи Никола Селаковиќ, во врска со оваа состојба Вучиќ утре ќе и се обрати на јавноста.

The post СРБИЈА ИСПРАТИ НОТА, ХРВАТСКА ОДБИ ДА ЈА ПРИМИ Не може Вучиќ приватно да оди во Јасеновац appeared first on plusinfo.mk.

Премиерката Ана Брнабиќ одлуката на хрватската Влада да му забрани на српскиот претседател приватна посета на поранешниот концентрационен логор од Втората светска војна Јасеновац, ја оцени како скандал од прва класа кој се случил во современата историја на односите меѓу Србија и Хрватска.

-Тоа е исто како да му забраните на претседателот на Израел да го посети Аушвиц. Тоа е антиевропска и антицивилизациска одлука и брутално газење на слободата на движење. Да не анализираме колку тоа кажува за непочитувањето на српските жртви, изјави Брнабиќ во гостувањето на ТВ Пинк.

Министерот за внатрешни работи, Александар Вулин, најави дека од денеска сите функционери на хрватската држава, сите носители на службени или дипломатски пасоши ќе треба посебно да ја најават и објаснат својата посета или минување низ Србија и ќе бидат ставени под посебен контролен режим.

Како што е најавено, Вучиќ за ова ќе зборува утре по консултациите во врска со новата влада, а министерот за надворешни работи, Никола Селаковиќ најави итна прес-конференција.

Како што пишува денеска Јутарњи лист, повикувајќи се на извори од хрватската влада, Вучиќ без официјална најава од хрватските власти и без координација со амбасадата сакал да ја премине границата од Босна и Херцеговина, односно нејзиниот ентитет Република Српска и околу 11 часот да пристигне во Јасеновац, а потоа околу 14 часот и во Пакрац.

Од хрватската влада неофицијално изјавиле дека Вучиќ не почитувал никаков протокол, дека сакал се да направи надвор од процедурите и правилата на дипломатските односи и дека „со своите ТВ екипи“ сакал да ја премине хрватската граница и таму „да прави што сака“.

Меѓутоа, според Јутарњи лист, властите во Загреб јасно му рекле „не“ и му порачале дека идејата за „српски свет“ во Хрватска нема да помине.

The post НА ВУЧИЌ НЕ МУ Е ДОЗВОЛЕНО ДА ГО ПОСЕТИ ЈАСЕНОВАЦ Остра реакција од Србија appeared first on plusinfo.mk.