Српскиот министер за внатрешни работи Ивица Дачиќ информираше дека во Бјелина полицијата на Република Српска го уапсила 39-годишниот З.Р. кој е осомничени дека го организирал и помагал во транспортот на озлогласениот убиец Фатон Хајризи од Прешево до Лозница, а уапсена е и неговата сопруга за која вели дека му била помошник.

Српските медиуми пишуваат дека таксистот кој ја дочекал полицијата изјавил дека Фатон Хајризи му рекол дека оди во хотел кој го води извесен Марко Марковиќ. З.Р. требало да го однесе Хајзири од Тутин до Трбушница, за да продолжи до Бјелина, каде што се наоѓал јатак – човек кој може да го скрие.

Фатон е во бегство. Не се знае дали тој успеал илегално да ја премине границата преку реката Дрина, за што во моментот во областа Шемберија во Република Српска има засилени патроли.

Артан Хајризи, братот на Фатон, за косовски Лајми.нет кажа дека Фатон дошол во Германија и му ги украл документите за да се претставува како него.

Косовскиот пасош и германската лична карта на братот на Фатон, Артан Хајризи, беа пронајдени од страна на српската полиција откако завршило пукањето во Лозница во кое беше убиен еден 34-годишен, а ранет беше 50-годишен полицаец од граничната полиција на Србија.

Според документите, се сметаше дека Артан е тој што синоќа пукал кон двајца полицајци граничари. Но, според Артан, Фатон го користел неговиот идентитет.

– Фатон дојде овде и ми ги украде документите – рекол Артан во директниот пренос.

На новинарското прашање како дознал за овој настан, тој одговорил:

– Дознав од пријател. Сите сме во шок, не можеме да веруваме дека вакво нешто може да се случи.

Артан додал дека го пријавил исчезнувањето на документите во полиција во Хановер.

– Документите ми ги зеде од масата во ходникот каде секогаш ги чувам заедно со клучевите –  изјавил тој.

Истата приказна претходно ја имал и нивниот татко Мустафа Хајризи.

– Фатон отишол во Германија кај неговиот брат и му го украл пасошот. Артан работи 8 години во Германија, се слушнавме со него – изјави Мустафа.

Граничните полицијаци го запреле возилото во кое бил Фатон кај Липнички Шор близу Лозница заедно со уште еден маж и побарале од лицата да ги отворат торбите. Во тој момент едно од лицата извадило пиштол и пукало кон полицајците.

Фатон Хајризи е добро познат како озлогласен криминалец кој дури девет пати бега од затвор, а по последното бегство се огласил на социјалните мрежи. Тој бил осуден за убиство на руски војник, припадник на КФОР.

КОСОВЕЦ УБИ ЕДЕН СРПСКИ ПОЛИЦАЕЦ И РАНИ ДРУГ Таткото откри дека Фатон Хајризи е тој што пукал, а не брат му Артан

The post УАПСЕН ЧОВЕК КОЈ ГО ОРГАНИЗИРАЛ ПРЕВОЗОТ НА ХАЈРИЗИ Убиецот тргнал да се скрие кај јатак во Бјелина appeared first on plusinfo.mk.

Еве што напиша Муамеди:

„Го следам Артан Груби во Косовската телевизија „РТВ Дукаѓини” како им објаснува на Косоварите дека Македонците (како етникум) имаат страв од Бугарите, од Грците, од Албанците итн од можни територијални поделби и генерално ги претставува македонците како фобична нација, триумфалистички го покажува тоа дека клучните позиции им се земени на Македонците, но не и калот и лошата инфраструктура по албанските населени места, дека на него шеф му е Али Ахмети, а не Димитар Ковачевски и многу други шовинистички муабети (нешта што не одат ниту во прилог на албанците ниту во прилог на македонците а на штета на сите). Значи заменик-премиерот на Македонија (за него северна) за Македонците зборува како да му се непријатели, а не сограѓани.

Во вакви моменти премиерот треба да излезе и да даде оставка бидејки кога твојот заменик така се претставува треба да му биде срам, а не привилегија дека е премиер.

Македонија и официјално нема премиер односно има „Британска Кралица”, а премиер де факто е Артан Груби“, пишува Муамеди.

Муамеди стана познат во јавноста по неговиот претходен фејсбук статус каде ги прекори функционерите кои истакнуваат знамиња од други држави во институциите каде работат.

The post ГРУБИ, „БРИТАНСКАТА КРАЛИЦА“ И ТРИУМФОТ Правникот Муамеди го коментираше интервјуто на вицепремиерот за косовската телевизија appeared first on plusinfo.mk.

Груби ја објасни ситуацијата со тендерот како одговор на прашањето зошто изградбата на автопатите не започнала во август, како што ветил Али Ахмети претходно во истото студио на ТВ21.

Според Груби, ако сѐ е по план, изградбата ќе почне во средината на ноември.

The post ХРВАТСКАТА КОМПАНИЈА ИМАШЕ ВРСКА СО РУСИЈА Груби објаснува како течел тендерот кој го доби „Бехтел и Енка“ appeared first on plusinfo.mk.

Инспекторите веќе му го врачиле прекршочниот платен налог од 500 евра, а за институцијата согласно законот за прекршоци нема глоба.

Вицепремиерот Груби казната треба да ја плати за 8 дена, а досега ја има платено помалата од 20 евра за неносење маска издадена од МВР, како што добија и сите останати на фотографијата.

The post Груби заработи казна од 500 евра за роденденската прослава на Ахмети appeared first on plusinfo.mk.

– Интересно е што кога ќе ги споредите овие негови изјави со говорот на премиерот во парламентот, тешко дека ќе најдете заеднички јазик. Освен најпопуларниот тривијален јазик за меѓународно партнерство, овие две клучни фигури на партнери во новата влада немаат ништо заедничко во нивниот вокабулар. Тие продолжуваат да фрлаат пепел во очите на јавноста и даваат демагошки изјави, секој за дел од своето мислење и се подразбира дека заедничката работа за која ќе бидат ангажирани се тендерите, бизнисите и нивните партиски придобивки  – велат од АА.

Оттаму додаваат дека и тој е контрадикторен на самиот себе. Тој вели дека ќе се залага за систематизација на администрацијата, за признавање на нивните дипломи, вели дека ќе започнат да ја следат реализацијата на целосната еднаквост, ќе бидат посветени на спроведувањето на законот на албански јазик итн.

– Овие изјави докажуваат дека досега ништо не е сторено во врска со ова. Ако сега планирате да започнете да ги спроведувате, тоа значи дека не сте започнале во последните 18 години и никој не верува дека сте сериозни – стои во соопшението од Алијанса.

Исто така, тој вели дека не може да има правда за едниот и различно за другиот, различен за политичарите и различен за граѓаните и правдата нарачана по телефон. Парадоксална изјава, бидејќи тој самиот признава дека правдата била селективна и дека досега таа била нарачана по телефон.

– Никој повеќе не му верува на Артан Груби, па дури ни на владата. Во оваа прилика, ве потсетуваме на времето кога Артан Груби беше партнер на Груевски. По случајот во Кале Скопје, тој изјави дека СДСМ му понудил да создаде етнички проблеми, но тој одбил. СДСМ категорично ја демантираше оваа изјава. До денес не е познато кој изневерил, Артан или СДСМ. Истото денес по оваа конференција, не знаеме кој е во право? Артан со она што го изјави денес, или Заев со она што го рече на неговото експозе – велат од Алијанса.

Значи, со еден збор, продолжува дежаву-то на оваа влада, со празни изјави и паушални суми од типот на изјави за албанскиот премиер, додека оние кои ја доживуваат штетата на сопствената кожа, се самите граѓаните.

The post АА: Продолжува старата традиција на демонстрирање сила од коалицијата СДСМ-ДУИ appeared first on plusinfo.mk.

Груби вели дека целта е да се создаде раздор во коалицијата меѓу СДСМ и ДУИ, но тој тврди дека одлично функционираат.

Објасни дека Насер Зибери ќе биде дел од интелектуалците кои ќе помогнат на новото министерство, и смета дека тој може да даде голем придонес.

Заменик-претседателот на Владата додаде дека за 1.300 вработени треба да се изврши систематизација и со тоа да е најде решение за нив.

Груби изрази надеж дека утре или задутре ќе ги заокружат имињата на замениците министри и државните скретари. ДУИ, како што рече, ќе има заменици министри во министерствата за внатрешни работи, за одбрана, за транспорт и врски, за правда, здравство или вкупно пет.

– Ќе има и пет државни секретари. Државниот секретар во министерството кое јас го раководам веќе е во процедура да почне со работа. Државниот секретар во Министерството за култура веќе е назначен од министерката за култура и другите тројца верувам дека ќе се назначат во текот на следната недела, рече Груби. Посочи дека ќе се комплетира целиот владин кабинет и ќе можат да функционираат потполно иако додаде дека и денес со овој состав функционираат одлично.

Тој рече дека ќе има ротации, односно за поголема ефикасност и освежување сега Пошти и ПИОМ ќе припаднат на коалициониот партнер, а тие би ги земале Мепсо и Јавно претпријатие за државни патишта.

The post Груби: Цел сум на лажни вести и пропаганда, но коалицијата добро функционира appeared first on plusinfo.mk.

– Јас сум убеден дека било кој термин да го определиме за одржување на избори, сите партии ќе учествуваат, зошто не може да си го дозволат луксузот да не учествуваат на избори кои се признаени од сите институции и од меѓународната заедница и со мониторинг на ОБСЕ/ОДИХР, рече Груби.

Тој додава дека можни се промени на Изборниот законик, со што би можело да се гласа неколку дена.

– Еден ден би гласале пензионерите, еден ден тие што се во изолација, а останатите во третиот ден е едно од можните решенија, донесени со уредба, оценува Груби.

Во врска со тоа дали опозицијата ќе учествува на изборите, Груби смета дека бојкотот не донел успех на ниту една политичка партија, оти не сака да се меша во одлуките на другите партии и не го слушнал зборот бојкот од опозицијата.

– Бојкотот не донел успех на ниту една политичка партија. За да има бојкот, треба да има силна причина. Не може да се натпреваруваме, не може ниту Мицкоски, Заев или Ахмети да се натпреварува кој повеќе се грижи за јавното здравје, рече Груби за 24 Вести.

The post Груби: Уверен сум дека сите партии ќе учествуваат на изборите appeared first on plusinfo.mk.