– Нашите очекувања беа дека од Градот ќе слушнеме некаков план или некакви реални потреби што ние како Влада да помогнеме за тој план да се реализира. Но нивна страна не слушнавме ништо конструктивно. Очајна е состојбата во Скопје, исто и во јавните претпријатија и како генерален заклучок се донесе дека немањето комуникација меѓу советничките групи во Советот е една фаза од препреките за реализацијата на плановите – истакна Перински.

Тој посочи дека Арсовска предложила до крајот на оваа недела да состави некаков план и тој да биде презентиран пред советниците во Град Скопје, а притоа не изрази надеж дека тоа ќе се оствари од страна на градоначалничката.

– Ќе почекаме до крајот на неделата што од нивна страна ќе биде предочено како потреби што оваа Влада ќе може да помогне. И врз основа на тие заклучоци од планот кој ќе биде претставен пред советниците и потоа да интервенираме. Мене ми е многу жал за ваквите состојби во Скопје. Како Влада можевме и да не се мешаме во тековното работење на Градот, но сметаме дека скопјани ни се приоритет и мораме да и на некој начин нешто заедно да направиме – рече министерот.

На средбата било разговарано за две јавни претпријатија, а тоа е ЈП „Комунална хигиена“, како и ЈСП „Скопје“ каде што состојбите се најкритични.

– За десет дена од сега ќе имаме многу поголем проблем со јавниот превоз, бидејќи започнува новата учебна година. Се надеваме на конструктивност, пред сѐ кон советниците и останатите политички чинители на нивно на Град Скопје. Ние како Влада сме тука да помогнеме доколку сметаат на нас. Од страна на Арсовска беше посочено дека претходната Влада нема исплаќано кон ЈСП средства за превоз на студенти и тоа е причина за проблемите во претпријатието. Се надеваме дека ќе имаме разбирање од страна на вработените во Град Скопје, пред сѐ во Советот, а ние стоиме на располагање за сѐ она што можеме да помогнеме – изјави Перински.

Кога станува збор за ЈП „Комунална хигиена“, Перински посочи дека Владата не може ништо да направи во моментот, бидејќи ќе биде кривично дело, затоа што немаат законска основа за тоа.

– Ние не знаеме во каква состојба е „Комунална хигиена“, што се случува таму, со какви капацитети работи. Собирањето отпад е нивна ингеренција. Ние сме разочарани од менаџментот на претпријатието, разочарани сме од менаџментот на Град Скопје. Затоа мислиме дека прво треба да го слушнеме планот на Градот, пред владата да носи заклучоци. Барањето на ЗЕЛС за поделба на двете јавни претпријатија не беше разговарано на оваа средба, а ние бараме правен механизам како тоа би се реализирало – одговори Перински.

Според министерот, градоначалничката Арсовска има рок до четврток да го направи планот кој потоа треба да биде презентиран на редовната седница на Советот на Град Скопје. Потоа ќе бидат донесени заклучоци за тоа како Владата ќе може да помогне или ќе постапат со одземање на ингеренциите во спорните јавни претпријатија.

На новинарско прашање дали Владата ќе ги одземе ингеренциите на јавните претпријатија, Перински рече дека прво ќе почекаат да го видат планот на Арсовска, а потоа ова прашање ќе го разгледаат прво легалистички, односно како би се спровело тоа законски, а потоа и како би се спровело во пракса.

Нагласувајќи дека надлежностите на Градот и градоначалничката се строго регулирани и дека секое непостапување е кривично дело, на прашање дали ќе поднесе кривична пријава против Арсовска, Перински рече:

„Како граѓанин може да поднесам, како министер не“.

Инаку, актуелниот министер за локална самоуправа Златко Перински своевремено беше директор на ЈП „Водовод и канализација“ и беше првиот директор на Јавно претпријатие од редовите на ВМРО-ДПМНЕ кого градоначалничката Данела Арсовска во 2022 година го разреши од функцијата обвинувајќи го за несоодветно постапување во тендерска постапка. По ова, следуваа низа други разрешувања од директорски позиции во јавните претпријатија, а по зголемените тензии меѓу Арсовска и ВМРО-ДПМНЕ, се случи и конечниот раскол меѓу нив.

The post ДАНЕЛА ДОЈДЕ ДА СЕ ПРОШЕТА ДО ВЛАДА Арсовска пристигнала на средбата без никаков план за помош, дури сега ќе го прави appeared first on plusinfo.mk.

„Владата на Република Северна Македонија најостро ги отфрлува обвинувањата за каков било долг кон ЈСП – Скопје, како што обвинува раководството на ова јавно претпријатие и најавува дека ќе протестира. Воедно, ваквата состојба во којашто се наоѓа ЈСП е показател дека општините неодговорно менаџираат со средствата наменети за превоз на учениците и навремено не ги подмируваат обврските“.

Вака соопшти Владата попладнево во врска со најавениот штрајк на вработените во ЈСП кои ја чекаат септемвриската плата до утре.

„Ги повикуваме локалните самоуправи кои ги користат услугите на ЈСП – Скопје подобро да ги менаџираат своите буџети и редовно да ги подмируваат долговите кон јавното претпријатие, за да не се доведе во прашање неговото нормално функционирање во услови на економска и енергетска криза“, велат од Владата и додаваат:

„Согласно документацијата на Министерството за образование и наука, ова министерство редовно ги сервисира своите обврски кон сите субјекти со кои има регулирани законски надлежности, или пак со кои има склучени договори по разни основи кои иницираат финансиски обврски, што не е случај и со ЈСП – Скопје“.

Соопштението потоа се осврнува на можноста за бесплатен градски превоз и за попусти за студентите.

„Што се однесува на студентските картички за попусти, Законот за високото образование (член 27 став 6) уредува дека Владата на Република Северна Македонија може да донесе одлука за посебни погодности за студентите, како што се студентска картичка за попусти, бесплатен градски превоз и друго, пришто средствата се обезбедуваат од државниот буџет. Но, во календарската година, не е донесена ваква одлука, од причина што во зимскиот семестар од студиската 2021-2022 година, студентите не посетуваа настава со физичко присуство на единиците во состав на Универзитетот Св. „Кирил и Методиј” во Скопје“, велат од Владата.

„Нашата интенција како Влада е постојано унапредување и проширување на можностите за поддршка на студентите. Ова многупати досега е потврдено преку воведување на нови категории на стипендии, преку зголемување на износите на стипендиите, преку воведување на субвенциониран студентски оброк, доделување на ваучери за поддршка при студирањето и така натаму“.

„Со нормализирањето на наставата со физичко присуство секако дека во Буџетот на државата за 2023 година ќе се обезбедат и средства за превоз на студенти и доколку наставата продолжи со физичко присуство, по усвојување на владина одлука, истите би биле префрлени на ЈСП. Во меѓувреме, заедно со ЈСП ќе ги разгледаме можностите за поддршка во делот на превозот на студентите за тековниот и преостанатите два месеци од годинава доколку наставата во истите продолжи со физичко присуство“, стои во соопштението.

The post НЕ МУ ДОЛЖИМЕ НИШТО НА ЈСП, ОПШТИНИТЕ СЕ НЕОДГОВОРНИ Владата реагира на обвиненијата и на најавите за штрајк на превозниците appeared first on plusinfo.mk.

– Убав е денов, убаво почна и годината, со сонце. Актер, музичар и ликовен уметник, тоа сме ние тројца. Тука сме и искрено се надевам дека пандемијата ќе биде победена од уметноста – изјави Дац откако претходно во Соборниот храм заврши церемонијата по повод осветувањето на бадниковата погача.

Според него, убаво е да си кум на бадникарите кои се прекрасни луѓе и ја одржуваат традицијата.

– Сум бил неколкупати тука, на оваа бина, како пејач, но сега сум тука и како кум. Многу ми е драго што ќе ја продолжиме оваа тадиција со Дац. Ќе гледаме да ја стивнеме короната, да правиме убави акции и песни. На сите граѓани им поскаувам добро здравје, а бадниковите гранчиња што ќе ги поделиме да донесат мир и спокој – нагласи Митевски.

Пред присутните се обрати и Пановски, напоменувајќи дека најголема чест за него досега е тоа што имал можност да биде кум на манифестацијата.

– Застанв во редот со великаните на моето Скопје кои изминатите години биле кумови или здравичари на оваа манифестација. Се запознав со прекрасни луѓе, од највозрасни кои ја создале манифестцијата, до културни и воспитани млади луѓе. Минатата година многу граѓани бараа од државата, градот и еснафските здруженија да добијам некаква награда или благодарница за тоа што придонесував со совети за короната, а јас им одговарав дека веќе ја добив таа чест со тоа да бидам бадникар, ништо повеќе не ми треба – рече Пановски.

Се докажа, дополни минатогодишниот кум, дека религијата ја цени науката.

– Религијата и науката можат и мора да делуваат заедно, особено во вакви тешки времиња. Оваа година сите тројца, и двајцата кумови и здравичарот, се уметници и хуманисти. Голема чест за мене е што на вакви личности им ја предваам оваа чест. Минатата беше најтешка година во историјата на државата и се надеваме, се молиме да не се повтори – потенцира Пановски.

Според него, Дац и Александар внесоа оптимизам, твореа кога многу нивни сограѓани паднаа во депресија и нивната порака беше јасна – не се предавајте.

– Ова нека биде година на творештво и на будење – подвлече Пановски.

На традиционалната прослава присуствуваше и градоначалничката Данела Арсовска. Таа на кумовите, но и на сите граѓани им посака бериќет и годинава, како што рече, да биде многу подобра од минатата.

– Посакувам здравје, успех, да се сакаме повеќе, благосостојба, но и како што спомна архиепископот, сакањето и почитувањето да бидат одраз на христијанството секој ден од годината. Да бидеме хумани, да помагаме, да си бидеме подадена рака еден на друг, годината да ја поминеме многу подобро од онаа што замина – рече Арсовска.

Церемонијата пред Соборниот храм заврши со песна на Врчаковски.

– Знам дека се ова што се случуваше ќе се преточи во стихови и музика, но јас исто така лани направив нешто мое, моја божиќна песна – истакна минатогодишниот здравичар.

Традиционалната прослава на Бадник пред Соборниот храм се одвиваше согласно сите ковид-протоколи.

The post РЕЛИГИЈАТА ЈА ЦЕНИ НАУКАТА Новите кумови порачаа дека уметноста ќе ја победи пандемијата appeared first on plusinfo.mk.