Под површината на универзитетот Харвард се крие необична архива, депо со книги, фотографии, снимки и документи кои ја одразуваат целата културна и научна историја на Израел. Според израелски „Хаарец“, архивата постои „за секој случај, ако Израел престане да постои“.

Во скривницата, според статијата, се чуваат илјадници дела, од поезија и научни трудови до политички постери, знаменцa и споменици за паднати војници. Сè е дигитализирано и каталогизирано во огромни подземни сали со цел да се зачува „целосна резервна копија“ на израелската цивилизација.

Притоа, архивата не е дел од ниту една израелска институција, туку претставува независен проект што го води истражувачот Чарлс Берлин уште од шеесеттите години. Тој бил посветен на создавање светска колекција за еврејската култура и, според „Хаарец“, токму таа независност е нејзиниот најголем гарант дека материјалите ќе преживеат дури и во услови на политички потреси.

Израелскиот писател Хаим Беер во деведесеттите го посетил објектот и го опишал како „огромен подземен храм исполнет со живот“ каде што млади жени без престан внесувале податоци за материјали што инаку би се изгубиле во времето.

Меѓутоа, некои архивари од Израел не ја поддржале идејата. Поранешниот директор на Државниот архив, Моше Моск, изјавил дека одбил да соработува со Чарлс Берлин „бидејќи самата претпоставка дека Израел можеби нема да опстане е неприфатлива“.

Сепак, други научници, како Ехуд Бен-Езер, ја бранеле мисијата на Чарлс Берлин велејќи дека проектот не бара катастрофа за да има смисла. Доволно е да се знае дека документите во Израел често се чуваат во ризични услови, изложени на пожари, поплави и заборав.

Архивата денес содржи околу еден милион предмети, меѓу нив и милиони фотографии и десетици илјади часови аудио и видео материјали. Тоа е, како што вели „Хаарец“, „осигурување на цивилизацијата“, едно место каде што се чува сè што го раскажува животот на Израел во случај тој некогаш да стане само сеќавање.

The post „ЗА СЕКОЈ СЛУЧАЈ, АКО ИЗРАЕЛ НЕ ПОСТОИ“ Харвард крие тајна архива со израелски дела appeared first on plusinfo.mk.

„Како особено значајна новина е категоријата на финансиската транспарентност, преку која се овозможува преглед на Буџетот на Судот, завршните сметки, јавните набавки, сите склучени договори. Исто така овој нов веб-сајт им овозможува на граѓаните да се обратат директно до претседателот на Уставниот суд, да ги преземат обрасците за поднесување на иницијативи или барања за заштита на слободи и права“, информираше Судот.

Граѓаните може да се информираат за надлежностите на Судот, историјатот и правната положба. Достапни се сите информации во врска со составот и организацијата на Уставниот суд, основните и правните акти, правилници и сите документи.

„Согласно потребите за посеопфатно информирање на граѓаните за Уставниот суд, но и поради честите напади во последната година, Судот активно работеше на обновување на веб страницата. Новата веб-страница ја изработи советникот Ивица Трајковски, во секојдневна координација со претседателот на Судот, д-р Дарко Костадиновски и портпаролката Христина Беловска. Страницата ќе биде дополнета со бројни содржини и во следниот, согласно потребите на граѓаните и на новинарите и нивно квалитетно и објективно информирање“ соопшти Уставниот суд.

The post ДИРЕКТНА ВРСКА ПОМЕЃУ ГРАЃАНИТЕ И ПРЕТСЕДАТЕЛОТ НА УСТАВНИОТ СУД Честите хакерски напади го забрзаа Уставниот суд да ја смени веб-страницата appeared first on plusinfo.mk.

Пожарот го гаснеле седум пожарникари со два камиони, соопшти Регионалниот центар за управување со кризи (РЦУК).

„ Опожарен е подрумскиот дел на зградата каде се наоѓа архивата на судот. Единицата во текот на ноќта делуваше со два камиони и 7 пожарникари. Пожарот е локализиран, екипата е сè уште е на терен“, информираат од РЦУК.

The post ДАЛИ ИЗГОРЕ СУДСКАТА АРХИВА? Ноќеска гореа подрумите на судот во Куманово appeared first on plusinfo.mk.

Сопругата на убиениот американски претседател Џон Кенеди, Џеки Кенеди, секогаш важела за икона на стилот.

Па, така и костумот што го носела на кобниот 22 ноември 1963 година влегол во историјата.

И по тој страшен настан, Џеки го носела истот костим и во нарердните 24 часа, пишува „Курир.рс“.

Како што времето поминувало, во модните води покренати биле полемики за потеклото на култниот костум. На крајот, се испоставило дека костумот е сошиен во Њујорк, но ткаенината, копчињата и кројот се од познатата модна куќа „Шанел“.

Се претпоставува дека костимот чинел околу 1.000 долари (што денес би вредел повеќе од 7.500 долари). Ова најтажно парче облека Џеки го носела шест пати, меѓу другото, и на патувањето во Лондон една година пред трагедијата.

Костумот денеска се чува во Американската национална архива во државата Мериленд каде што го однела ќерката Керолин.

Костумот, и понатаму „извалкан“ од крвта, не е достапен на увид за пошироката јавност, но се наведува дека имало такви барања.

Сепак, се чува во строга тајност од страв дека некој ќе го уништи сеќавањето на семејството Кенеди:

– Кога би бил изложен, би поттикнал хистерија – изјавила кураторката Филис Магидсон. Костумот ќе може да биде достапен во јавноста дури во 2103 година, кога семејството ќе одлучи дали некој смее да му пристапи.

Извор: Kurir.rs/Stil Kurir/Dejli mejl

The post Џеки Кенеди го носела розовиот костум 24 часа по атентатот на сопругот, истиот сега е „под клуч“ ВИДЕО appeared first on plusinfo.mk.

Во изјава за МИА, од Инспекторатот посочија дека е оштетена просторијата со архива со оглед на тоа што пожарот избувнал во соседната просторија. Оттаму информираат дека е причинета и друга материјална штета, меѓутоа не можат да кажат што конкретно е уништено, бидејќи тоа ќе биде познато откако ќе заврши увидот.

Во тек е истрага на полицијата и надлежните институции, а се сослушуваат и вработените во Инспекторатот, како и останатите кои во моментот на пожарот се затекнале во зградата.

Пожарот во зградата на поранешна Комерцијална банка каде се сместени повеќе државни институции, како и МИА, избувна утринава околу 06:50 часот, а беше изгнаснат во 08:50 часот. Интервенираа 24 пожарникари со девет возила.

The post Oштетена архивата во Испекторатот за животна средина, но сите документи имаат електронска евиденција appeared first on plusinfo.mk.

Информативниот портал Плусинфо од денеска има нов лик. Текстовите објавени на порталот заклучно со вчера се достапни на нашата архива до која води линкот https://arhiva.plusinfo.mk/

Поради настанатите промени денеска имавме мали прекини во работата, но дистрибуцијата на вестите се одвиваше без проблеми на порталот, како и на нашите профили на социјалните мрежи.

Досега Плусинфо има три линка на архива зависно од периодот. Во секоја архива има пребарувач и преку него може да се пребаруваат соодветни текстови објавени во соодветниот период.

http://arhiva3.plusinfo.mk/ за периодот 05.2011-10.2014
http://arhiva1.plusinfo.mk/ за периодот 10.2014-02.2018 и
https://arhiva.plusinfo.mk/ за периодот 02.2018-03.2020.

The post Плусинфо со нов лик, старите текстови достапни во архивата appeared first on plusinfo.mk.