Откако кандидатот за градоначаник на Чаир од редовите на Вреди, Изет Меџити, утрово се пофали со средба со архитектот Бајрам Вардар за уредувањето на Чаир, неколку часа подоцна и неговиот противкандидат од редовите на Националната алијанса за интеграција, Бујар Османи, објави слична фотографија – со светски познатиот архитект Мишел Ројкинд.

„Денеска со Ројкинд прошетавме низ Чаир. Го слушав внимателно додека ги анализираше улиците, просторот и луѓето. Заедно работиме на визија за урбана преродба на Чаир. Конечно ќе добие долгорочен план за развој и урбанизација“, напиша Османи.

Тој нагласи дека архитектот ги издвоил клучните приоритети – јавен простор, пристапност, естетика и функционалност.

„На Чаир не смее повеќе да се гледа како симбол за хаос и нефункционалност. За мене ова е домот каде ќе вложам секој атом енергија за да го подигнеме од пепелта“, порача Османи.

И Меџити и Османи се кандидати за градоначалничката функција во Чаир.

БАЈРАМ ВАРДАР ВЛЕГУВА ВО ТИМОТ НА МЕЏИТИ Урбанистот кој ги менуваше Истанбул и Бурса ќе работи во Чаир

The post 📷 БУЈАР ОСМАНИ ГО КОПИРА ИЗЕТ МЕЏИТИ И тој си донесе архитект од странство appeared first on plusinfo.mk.

Сопственикот на хотелот Ахмет Бозкурт и неговиот архитект Ердем Јилмаз се осудени на по 18 години и 5 месеци, додека синот на Бозкурт, Мехмет Фатих, е осуден на 17 години и четири месеци затвор, јави Би-Би-Си.

Тројцата беа осудени за „предизвикување смрт или повреда на повеќе од едно лице од свесно невнимание“.

The post ПО 18 ГОДИНИ ЗАТВОР ЗА ГАЗДАТА И ЗА АРХИТЕКТОТ НА ХОТЕЛОТ ШТО ПАДНА ВО ЗЕМЈОТРЕСОТ ВО ТУРЦИЈА За синот на сопственикот 17 години робија appeared first on plusinfo.mk.

На денешното рочиште беше сослушан сведокот на одбраната, Александар Гелевски, инаку секретар на општината и архитект. На прашања на адвокатот на Димитриевски, секретарот на општината рече дека бил информиран од почетокот на постапката од поднесувањето на идејниот проект кога на барање на еден од сопствениците на една од компаниите и за самиот текст на постапката.

Како што појасни, прво стигнал допис од кумановската гимназија која укажала дека поради висината на објектот ќе има сенка која негативно ќе влијае врз фотоволтаиците поставени на покривот. Од образованата установа биле загрижени и за движењето на учениците поради паркирањето.

Подоцна пристигнал допис и од здравствен дом (школска амбуланта) кои биле загрижени за пристапот кон установата. По пристигањето на овој допис, Гелевски го запознал Димитриевски, побарале во телефонски разговор стручно мислење од професор за ДУП-от.

Во меѓувреме од годишен одмор била повикана и раководителката на секторот за урбанизам, која на едно од претходните рочишта исто така сведочеше. Тие оствариле и средба со професорот, кој кажа дека дописите биле издржани и дека се загрозува јавниот интерес и им било посочено да се суспенцира ДУП-от на година дена и да се подготви нов план. Бидејќи прв пат се соочиле со можност за суспензија побарале писмено образложение, по што ДУП-от го разгледала комисија за урбанизам. По ова било побарано мислење од Министерството за транспорт и врски.

Адвокатите на оштетените во неколку наврати прашаа дали е позитивно мислењето на министерството, на Уставниот суд, на Управниот суд, кои ја поништиле одлуката на Советот за суспензија на ДУП-от.

Гелевски нагласи дека инвеститорите имале право на приговор. Подоцна се чекало на одлука на Уставен суд, која била во корист на инвеститорите, но еден од уставните судии имал свое образложение дека е загрозен јавниот интерес.

Адвокатите на оштетените укажаа дека во текот на постапката, општинските служби прекршиле член од закон и не ја подготвиле во даден рок пресметката за комуналии со што директно ги оштетиле фирмите.

Сведокот рече дека во моментов се гради на парцелата. Еден од инвеститорите го праша Гелевски дали самиот му сугерирал дека идејниот проект бил добар и дека треба да се аплицира во системот е-дозволи и дека на средбата било дебатирано за паркинг просторот и за зелената површина која законски мора да опфаќа одреден процент.

На судењето беше посочено дека за прв пат се носи одлука за суспензија.

По завршување на судењето изјава даде адвокатот на инвеститорите, Виктор Цветковски, кој рече дека сослушувањето на секретарот како сведок предложен од одбраната има за цел да се намалат штетите од кривичното дело на обвинетиот и дека одбраната сакала да каже дека немало штета.

– Факт е дека делото што е сторено од обвинетиот Димитриевски и изведените докази произлегува умислата дека со непотпишување на пресметката за комуналии за градба се предизвикува свесна штета и се попречува одлуката за градење. Сè она што беше дадено како исказ се фокусира во делот на суспензијата на ДУП-от, свесни сме дека се избегнува делот за конкретното кривично дело, непотпишување на пресметка на комуналии со одреден рок. Факт е дека одобрението е дадено, градбата е почната, но сето тоа е сторено по одлуките на уставниот суд кој ги укина одлуките на општината, со одлуките на Управен суд што е направено по отпочнување на кривичната постапка – изјави Цветковски.

На наредното рочиште ќе бидат сослушани вешти лица од економски и градежно-архитектонски аспекти. На претходните рочишта Димитриевски кажа дека не се чувствува виновен, сопствениците на компаниите Бобан Спасовски и Емил Георгиевски сметаат дека се оштетени со одлуката за суспензија на ДУП-от за парцелата и побаруваат над 3, 3 милиони денари. Наредното рочиште е закажано за 24 декември, годинава.

The post ПРОДОЛЖУВА ПРЕДМЕТОТ ВО КОЈ Е ОБВИНЕТ МАКСИМ ДИМТРИЕВСКИ Сведочеше секретарот и архитект на општина Куманово appeared first on plusinfo.mk.

Слична е состојбата и во другите градови во земјава.

Граѓаните кои сакаат да купат гаража негодуваат бидејќи цените се изедначуваат со цена на квадратен метар од стан во центарот на Скопје, а во дел од новите згради нема доволно паркинг простор иако законски секој стан треба да има обезбеден простор за паркирање.

– Кога се договарав со инвеститорот за купување на станот, ми понуди и паркинг место, но не кажа по која цена. Сега кога се вселив, гледам нема доволен број паркинзи за сите станови. Скоро половината од становите немаат паркинг, па имаме проблем каде да ги оставиме колите. Реагирав кај инвеститорот и побарав да ми обезбеди паркинг, а тој вели требало да го купам заедно со станот, бидејќи веќе сите места се продадени. Сега мора да купам гаража или да изнајмам во некоја од зградите, а цените квадратот стигнаа како да купуваш стан. Има огласи со цени и од 1.000 квадрат за обичен паркинг во згради или за издвоена гаража – вели револтиран граѓанин.

Градежни експерти велат дека доколку не се стави ред во надзорот и во техничкиот прием на новоизградените згради цените на гаражите ќе стигнат и до 50.000 евра, бидејќи цената на кавадратот гаражно место ќе ја формира побарувачката која во централните градски подрачја станува се поголема.

– Законот за градење предвидува секоја нова зграда да обезбеди и паркинг простор за стан од 60 квадрати и за секој деловен простор. Така за стан од 60 квадратни метри се обезбедува еден паркинг и зависно од големината на станот треба да има и повеќе паркинг места. Но, проблемот настанува при изведување на градбите и при техничкиот прием и надзорот на градбата. Во поголемиот дел од зградите на ова прашање малку се води сметка и така дел од зградите немаат соодветен простор иако имаат добиено градежна дозвола во која е предвидено тие да постојат. Дел од зградите кои имаат мал простор предвидуваат гаражи на две нивоа кои лоши ги изведуваат и нема услови да ги користат жителите на становите. Во некои делови од градот дури ги градиме зградите без обезбедена улица, зеленило, и без простор за паркирање. Затоа цените на изнајмување и купување на ваков простор ќе растат, а инвеститорите го злоупотребуваат ова и ги зголемуваат цените – вели архитектот Никола Велковски.

Според него, проблемот е во тоа што нема контрола на надзорот, а него го вршат приванти компании и поединци.

– Во законот е предвидено компании и поединци да вршат надзор, но не е предвидено кој ќе ги контролира. Затоа сметам дека во општините треба да има посебни сектори кои ќе се грижат за надзорот како што тоа беше порано – додава тој.

Цената на квадратен метар паркинг место, според него, во затворен простор треба да се движи од 350 до 400 евра, а на отворен уреден простор до 250 евра.

– Вообичаена големина на паркинг простор е 15 квадратни метри односно 3 со 5 метри во затворен простор и 2,5 со 5 метри на отворен простор. Тоа би значело вкупна цена од 6.000 евра за паркинг во затворен простор и 3.750 евра за паркинг на отворено. Но ова се злоупотребува и паркинзите се продаваат по многу повисока цена – вели Велковски.

Тој смета дека во вакви услови општините самите треба да планираат изградба на јавни паркиралишта кои би ја пополниле празнината која се создава со изградба на згради на мал простор и без извдени гаражни и паркинг простори според стандардите кои немаат испланирани зелени површини па дури се и без пристапни улици.

– Освен потребата општините да обезбедат јавен паркинг простор, потребно ќе биде да се направат законски измени со кои при купување стан ќе се купува и паркинг место, што значи за секој стан ќе треба да се обезбеди и паркинг место – вели Велковски.

Проблем за обезбедување гаражен простор имаат и голем број граѓани на другите градови во земјава.

Купување гаража, на пример, во Тетово, каде што тешко може да се најде и паркинг простор на отворено чини повеќе од 10.000 евра. Во Штип, пак, може да се купи гаража за 6.000 до 8.000 евра. Слични се цените и во другите поголеми градови.

The post ДА СЕ КУПИ ГАРАЖА ТРЕБА ПАРИ КОЛКУ ЗА СТАН Во Скопје цената на гаражите достигна до 16.000 евра appeared first on plusinfo.mk.

Муличкоски е еден од великаните на македонската архитектура. Тој беше автор на оригиналната зграда на Владата, изградена во 1970 година, а без негова согласност, во 2011 владата на ВМРО-ДПМНЕ и Никола Груевски ја смени фасадата во барок за што потроши 22 милиони евра. Муличковски е автор и на објекти кои се трајно обележје на македонската современа архитектура – Народна и универзитетска библиотека (НУБ) „Св. Климент Охридски“ од 1971, Спомен-костурницата во Кавадарци од 1974, Стопанска банка во Скопје од 1974 и многу други.

Творештвото на архитектот Петар Муличкоски е мошне разновидно и опфаќа од урбанистичко и архитектонско проектирање и ентериери до меморијална и пејсажна архитектура, а може да се истакне и неговиот специфичен израз во негувањето на цртежот што е една од спецификите на неговото воспитание како архитект од класата на проф. Едвард Равникар на Љубљанскиот универзитет, пишува на сајтот на МАРХ.

Муличкоски е роден 1929 година во Прилеп каде го минал раното детство и средношколските денови. Во периодот од 1949 до 1957 студира Архитектура на Техничкиот факултет во Љубљана. Во 1959 е избран за редовен асистент на Техничкиот факултет во Скопје. Со понатамошно лично надградување цо 1967 е избран за доцент, а во 1978 за редовен професор на истиот факултет.

Во 1960-те престојувал во САД во светски архитектонски бироа и во студиото на Френк Лојд Рајт во Аризона, во школата на Мис Ван дер Рое во Чикаго и во студиото на Чарлс Имс во Чикаго. Имал стручни престои и во во Шведска, Данска, Швајцарија, Италија и Грција.

The post ПОЧИНА АРХИТЕКТОТ ПЕТАР МУЛИЧКОСКИ Негова творба е старата зграда на Владата appeared first on plusinfo.mk.

Изложбата се обидува да даде јасен пресек на творештвото на Грабријан преку негови дела и истражувања преведени во серија публикации, како една континуирана мисла со посебен акцент на архитектонското наследство кој тој го остава во Македонија. Посетителите имаа можност да го погледнат и документарниот филм на ТВ Словенија и МТВ насловен „Грабријан и македонската куќа“ од 1996 година. Грабријан е архитект кој зад себе остави богат новинарско-книжевен опус, а воедно ги постави и основите за продлабочен пристап во истражувањето и вреднувањето на македонското архитектонско наследство. Изложбата успешно го оживува споменот на овој великан и оддава почит на 70-годишнината од неговата смрт.

На отворањето се обратија Миха Вилар, конзул во амбасадата на Р. Словенија, Бранко Грегановиќ, претседател на УО на НЛБ Банка Скопје, Мирјана Лозановска, од интернационалното архитектонското студио KONNTRA, професор Минас Бакалчев, професор Виолета Бакалчева и режисерот Томислав Алексов.

– Придонесот на словенечкиот архитект Душан Грабријан за македонското архитектонско наследство е познат главно во професионалните кругови, а малку и во пошироката јавност. Затоа, со оваа изложба, Амбасадата на Република Словенија, во соработка со словенечко-македонската група архитекти KONNTRA и НЛБ Банка Скопје, сака да ја истакне оваа интересна личност и неговото дело, во чест на 30-годишнината од воспоставувањето на нашите дипломатски односи – изјави Миха Вилар конзул во амбасадата на Р. Словенија во РСМ.

– Ни причинува голема чест да бидеме домаќини на една ваква изложба која има за цел да ја обележи 30-годишнината од дипломатските односи, пријателството и соработката меѓу Р. Словенија и РС Македонија. Творештвото на Грабријан, има симболична вредност, бидејќи ги обединува двете земји. Искрено верувам дека ќе го предизвикаме интересот на пошироката јавност одблизу да се запознае со неговата работа која долги години е основа на наставата по архитектура на факултетите во Северна Македонија – изјави Бранко Грегановиќ, претседател на УО на НЛБ Банка Скопје.

Имајќи ја предвид величината на овој словенечки архитект и важноста на неговата работа во Македонија, одбележувањето на 70-годишнината од неговата смрт е со цел да ја истакне поврзаноста и соработката меѓу институциите и поединците од Р. Словенија и РС Македонија и да се одбележи 30-годишнината од дипломатските односи, меѓусебната економска и културна соработка на овие две земји.

Изложбата ќе биде отворена за посетителите до 22 јули, 2022 година, а е реализирана во соработка со Амбасадата на Р.Словенија во Скопје, интернационалното архитектонско студио KONNTRA и НЛБ Банка Скопје.

The post 30 ГОДИНИ ДИПЛОМАТСКИ ОДНОСИ МЕЃУ МАКЕДОНИЈА И СЛОВЕНИЈА Во НЛБ галерија изложба на архитектот Душан Грабријан appeared first on plusinfo.mk.

За разлика од органските брановидни форми на делата на Власов, овојпат за Путин тој избрал остри, речиси насилни форми. Можеби тие нѐ враќаат во времето на рускиот конструктивизам.

Инаку, Власов добро се снаоѓа во параметрицизмот, нов стил на денешницата. Еве некои од неговите градби кои органски се слеваат во своето опкружување.

Striking architectural concepts by Ukrainian designer and architect Roman Vlasov https://t.co/pfOPO50m0x pic.twitter.com/L9R3gSLJOx

— Scott Kerr (@scott_kerr) September 17, 2019

The post ВАКА ИЗГЛЕДА ИДНАТА ВИЛА НА ПУТИН Роман Власов му го предложил својот дизајн (ВИДЕО) appeared first on plusinfo.mk.

Погледнете го видеото кое ќе ве прошета низ објектите на Олимпиското село во Токио.

Се чини дека Кензо Танге повторно ги поврзува Македонија и Јапонија. Како и нашиот земјотрес и Јапонците имале многу земјотреси, па мораа одново да ги обмислуваат своите објекти од Олимпијадата. Сеќавајќи се на Олимпијадата во Токио од 1964 година, тие како да немаа друг избор освен да му го отстапат дизајнот на главниот стадион на Паул Норитака Танге.

Заха Хадид е супер, ама чини 2 милијарди

Но, како дојде до тоа? Најпрво, Јапонците објавиле меѓународен конкурс на кој победило мегапознатото студио на (веќе починатата) Заха Хадид. Со својот параметрички дизајн и ултрабрановидни форми, проектот чинел скоро 2 милијарди долари и морал да биде напуштен. Поедноставно било да дојде некој и само да ги реконструира старите објекти на Олимпијадата, и да направи нов стадион, со минимални средства – баш како што налага јапонската традиција на минимализам.

Што ќе беше ако во 2014 година Скопје објавеше интернационален наместо национален конкурс?

Тогаш се појавил Паул Танге. Тој го редизајнирал Олимпискиот базен на татко му, кој сега може да се движи и да се подесува во должина и во длабочина, а главниот стадион, каде што беше извршена почетната церемонија, каде што ја следиме атлетиката и каде што ќе биде завршната церемонија  е дизајниран врз стариот, со што помалку средства. Кревети од рециклиран картон, душеци од пластика, медаљи од рециклираните злато, сребро и бронза кои беа стопени од старите мобилни телефони на Јапонците, само за да се докаже идејата на еколошката одржливост – тоа е јапонскиот дух.

Земјотрес, цунами, нуклерна катастрофа 

Новиот стадион на синот на Кензо е изграден во сенката на Империјалната Палата во Токио. Токму во таа палата се одржуваат каратето, џудото и други боречки натпревари. Кога сме кај борбите, вчера нашиот олимпиец Дејан Георгиевски стигна до среброто во таеквондо – втор олимписки медал за Македонија од нејзиното осамостојување.

Секако, во Јапонија се одржуваат и помали спортски настани паралелно со Олимпијадата. За нив се користи салата во Фукушима, која исто така е целосно обновена откако градот, слично како и Скопје, го зафати катастрофален земјотрес во 2011 година. Земјотресот предизвика цунами во морето и ја зафати тогашната нуклеарна централа во Даичи, предизвикувајќи светска мини-нуклеарна криза.

The post Како синот на Кензо Танге ѝ го „украл“ проектот на Заха Хадид за стадионот во Токио? appeared first on plusinfo.mk.

Летоска, таа отишла на прошетка на плажа, а тоа резултираше во фатална средба со архитектот Питер Себет, пишуваат американските медиуми.

„Питер немаше поим која е Ума. Шетала на плажа, попозната како Лонг Бич, и се нашла покрај него, па тој ја прашал дали сака да го причува неговото куче додека тој одел на пливање – изјави извор близок на парот.

Ума, кој исто така има куче, се согласила на неговото молба, а парот не можел да се раздели после тоа.

„Сега, неколку месеци подоцна, тие се лудо за вљубени и планираат заедно да купат недвижност во Хемптонс“, истакнал изворот.

Актерката во последно време ја поврзуваа со Андреа Балас, а таа ништо не коментираше за гласините за новата врска.

Ума Турман беше во брак со актерот Итан Хоук, со кого има две деца – ќерката Маја и синот Левон, а со нејзиниот поранешен свршеник Арпад Бејсон ја има ќерката Росалинда, попозната како Луна.

ФОТО: www.dailymail.co.uk

The post Ума Турман има ново момче, за сè е виновно неговото куче ФОТО appeared first on plusinfo.mk.

– Првото тешко прекршување на Уставот е што споменикот е идеја од премиер, од влада за уредување на град. Тоа е строго забрането и е спротивно на основната темелна вредност. Не може владата да се бави со нешто што е во надлежност на локална самоуправа. Тоа е диктаторски потег. Тоа што владата дискутира што да се прави со овој проект е истра грешка како онаа на Груевски, ова е исказ на една импотенција и од политички и од уставно-правен тип. Владата не е надлежна да расправа за тоа. Идејата за пренамена за мене е вон памет – вели Грчев.

Тој истакна дека е потребно рушење на Порта Македонија и Мајка Тереза, а дислокација на другите споменици.

– Не е направена студија колку чини демонтирање на тие градби и споменици, нема ни пресметка, ниту е консултиран градежен инженер. Еден аспект е дека вакви прекршувања зрачат со незаконитост, од друга страна улиците се уништени. Уличниот коридор е најтрајната инфраструктура. Јавните патишта овозможуваат слобода на движење. Ако Порта чинела 7 милиони ќе се сруши за помалку од 70.000 евра. Мајка Тереза два пати помалце. Другите споменици или скулптури може да се дислоцираат – рече Грчев.

The post Грчев: Порта Македонија и Куќата на Мајка Тереза треба да се урнат, а другите споменици да се преместат appeared first on plusinfo.mk.