Археолозите во Египет открија голема варовничка гробница на досега неидентификуван египетски фараон што датира од пред околу 3.600 години. Тоа време, се вели, одбележа еден хаотичен период во египетската историја.

Домашни египетолози, во соработка со Музејот на Универзитетот на Пенсилванија во САД објавија дека гробницата се наоѓала седум метри под земја, во древната некропола на планината Анубис. Камената гробница е откриена во јануари, во близина на египетскиот град Абидос – важен град и престолнина во Древен Египет, на околу 10 километри од реката Нил. Ова е втора откритина гробница на египетски владетел оваа година. Таа била празна, што значи дека одамна била ограбена од ограбувачи.

Покрај украсениот влез, погребната просторија содржела низа други соби со сводови високи пет метри и од глинени тули.

Гробницата датира од времето познато како Втор меѓупериод, којшто траел од 1640 година п.н.е. до 1540 г. п.н.е., односно преминот меѓу Средното и Новото кралство, кога египетските фараони беа меѓу најмоќните фигури во регионот. Името на кралот кој некогаш бил закопан внатре првично било запишано во хиероглифски натписи на тула на влезот во гробниот простор, заедно со насликани сцени што ги прикажуваат сестрите-божици Изида и Нефтис, посочи проф. Јозеф Вегнер, еден од водителите на ископувањата.

– Неговото име (на кралот, з.п.) било на натписите, но не преживеало од ограбувачите на древните гробници. Можни имиња се Сенаиб и Паентјени, кои ги знаеме од спомениците во Абидос – и владееле во тоа време, но нивните гробници не се пронајдени… Политичката историја на таа ера е фасцинантна и не е целосно разбрана, тоа е еден вид период на „завојувани држави“, којшто на крајот го изроди Новото Кралство на Египет – појасни Вегнер.

Династијата Абидос ја сочинувале низа фараони кои владееле со дел од Горен Египет, односно јужниот дел од египетската цивилизација. Египет тогаш бил разделен на четири сопернички кралства. Владението на Абидос била една од нив.

– Како се распаднал и потоа повторно се обединил Египет – повлекува важни прашања за општествените, политичките и технолошките промени. Гробницата на неидентификуваниот крал била изградена во рамките на поголем комплекс на гробници на поранешниот моќен фараон Неферхотеп Први. Нејзината архитектура покажува врски со поранешните кралски гробници од Средното Кралство и подоцнежниот Втор среден период – додаде Вегнер.

Ископувањата продолжуваат.

Вториот меѓупериод почнал речиси цело илјадолетие по изградбата на високите пирамиди во Гиза кај Каиро, во коишто се погребани одредени фараони од Старото кралство. Многу фараони од Новото кралство биле погребани во Долината на владеетелите кај Луксор, вклучувајќи го Тутанкамон, чија гробница од 14 век пред нашата ера била откриена во 1922 година.

The post НАЈДЕНА ГРОБНИЦА ВО ЕГИПЕТ СТАРА 3.600 ГОДИНИ Археолози го открија мистериозниот фараон што го заборавила историјата appeared first on plusinfo.mk.

Меѓутоа, се појави мистерија – жителите на таа населба се заштитиле со „тврдина“ од одбранбени шилци, а на археолозите сè уште не им е јасно зошто, пишува порталот.

Населбата со куќи на потпорни колци се наоѓа на дел од албанскиот брег на езерото уште пред 8.000 години, а археолозите веруваат дека тоа е најстарото село пронајдено досега на брегот на некое езеро во Европа.

– Оваа населба е неколку стотици години постара од досега познатите езерски населби во медитеранските и алпските региони. Според нашите сознанија, таа е најстара во Европа – изјави за AФП археологот Алберт Хафнер од швајцарскиот универзитет во Берн.

Хафнер и неговиот тим од швајцарски и албански археолози ги поминаа последните четири години ископувајќи во Лин на албанската страна на Охридското Езеро. Тие веруваат дека во античката населба живееле меѓу 200 и 500 луѓе и дека граделе куќи на потпорни столбови над површината на самото езеро или во области кои редовно се поплавуваат.

– За време на неодамнешното нуркање, експертите открија докази кои укажуваат дека населбата била зајакната со илјадници шилести колци кои се користеле како одбранбена барикада. За да се заштитат вака, морале да ја исечат шумата – рече Хафнер.

Имено, приближно 100.000 шилци се пронајдени на местото на дното на езерото. Зошто древните селани изградиле толку обемна одбранбена структура? Археолозите сè уште не го знаат одговорот на ова прашање.

Охридското Езеро е едно од најстарите езера во светот и постои повеќе од милион години. Античките жители на областа веројатно се занимавале со земјоделство и сточарство.

– Најдовме различни семиња, растенија и коски од диви и домашни животни – вели албанскиот археолог Илир Ѓепали.

The post МИСТЕРИОЗНА НАСЕЛБА ОТКРИЕНА НА ДНОТО НА ОХРИДСКОТО ЕЗЕРО Опколена е со 100.000 одбранбени шилци! appeared first on plusinfo.mk.

Археолозите непосредно пред почетокот на седницата на протест предупредија дека пратениците ќе направат кривично дело доколку гласаат за измените, зашто со нив се озаконува уништување на културното наследство и се кршат низа домашни закони и меѓународни договори и ратификации.

Измените предвидуваа на трасата, по кои ќе минуваат Коридорот 8 и 10-Д, ако се откријат археолошки или други културни наоди, за нив да одлучува надлежниот градежен инженер. Тој би требало да одлучи дали работата на дадениот простор да запре или да продолжи со исто темпо.

Експерти тврдат дека дел од трасата за Коридор 8 минува низ заштитено подрачје во Охридскиот регион. Тие алармираат, како што се наведува, за очигледно направените исчекори во насока на конкретни обиди за создавање легална рамка за уништување нa материјалните докази за нашето постоење. Отсуството на облигаторност за инвеститорот со надлежната јавна установа за заштита на културното наследство, овозможува манипулација и со квантитетот на евентуално пронајдените случајни археолошки откритија, но и со автентичноста на нивното стратиграфско, културолошко и историско толкување, велат експерти од областа.

The post КУЛТУРНОТО НАСЛЕДСТВО ЗАШТИТЕНО ОД БАГЕРИТЕ НА „БЕХТЕЛ И ЕНКА“, ЗАСЕГА… Под притисок на јавноста повлечен спорниот предлог за законски измени appeared first on plusinfo.mk.

– Ова место ни приреди големо изненадување – мермерна статуа во природна големина. Поради тојагата и наметката од лавовска кожа, знаеме дека станува збор за отелотворение на Херкул (Херкулес) – објави Археолошкиот парк „Апија антика” на својот Фејсбук-профил.

Работниците ископувале на длабочина од 20 метри и нивните активности, како што често се случува во италијанската престолнина, биле надгледувани од археолози. Ваквите наоди се чести на подрачјето на цела Италија – лулката на Стариот Рим.

Во областа на Сиена во ноември лани беше откриена низа бронзени статуи што останале зачувани под земјата околу 2300 години. Повеќето од 24-те статуи биле пронајдени под бањи, заедно со околу 6.000 бронзени, сребрени и златни монети. Во тој период во областа се мешаат постарата етрурска и завојувачката римска култура.

The post РИМ КРИЕ ВИСТИНСКО БОГАТСТВО Поправајќи ја канализацијата, откриле древна статуа на Херкул (ВИДЕО) appeared first on plusinfo.mk.

Двата слоеви на Колобаиса зрачат со мистерија

Според археологот Бранко Ристески, директор на Институтот за старословенска култура, сега, во последната етапа од повеќегодишните истражувања на античката населба Колобаиса, се работеше на утврдување на влезниот дел на населбата, пред манастирот Трескавец, што ги донесе новите сознанија за градбите.

– Археолошките истражувања беа концентрирани на локалитетот, или секторот Градина. Диктирано од финансирањето, сè уште сме во првата фаза на овој проект, односно во откривање на археолошките остатоци. Примарна цел беше да се дефинираат и да се дооткријат остатоците од круцијалниот дел од населбата, влезната партија од античката Колобаиса и да се добијат попрецизни хронолошки и културно-цивилизациски податоци за етапите на егзистенцијата на овааа населба. Ги потврдивме двете етапи на постоењето на населбата – истакна археологот Ристески.

Ристески исто така појасни дека првата етапа се поврзува со период од доцниот прв до средината на четвртиот век, а втората етапа со последните децении на четвртиот до првите децении на седмиот век. За првата етапа се карактеристични масивните ѕидови со широчина од 1,80 до два метри, при што централно место во населбата заземаат храмовите на Аполон и Артемида.

– Досега, во целата должина сме ги констатирале остатоците од оградните ѕидови, остатоците од влезот во широчина од 2,5 метри праг, како и делови од јавни објекти на просторот од денешниот манастир. Откривме остатоци од прагот, довратниците, канал и градба до јужната страна од влезот која, според сите досегашни параметри, зборува за репрезентативна градба, поврзана со сегментот на влезот во населбата. Според сите параметри е уникатна. Не само што е позиционирана на надморска височина од 1.250 до 1.400 метри надморска височина, туку и со фактот дека станува збор за пространа населба, според сите римски стандарди – рече Ристески.

Три кули и населба во форма на лав

Втората етапа од населбата, од последните децении на четвртиот до првите децении на 7 век, додаде тој, е резултат на едно темелно уривање, веројатно поради воени напади.

– Имаме констатирано интензивни слоеви на горење, особено на просторот околу влезот на античката населба. Како резултат на ова ново реорганизирање на просторот, античката населба добива нови населбински, но и фортификациски, односно военоодбранбени позиции. Во оваа фаза се конституирани три кули. Двете се во близина на влезот, а третата, како резултат на проширувањето на населбата, е на археолошката форма, именувана како „лав“ што е до манастирот Трескавец. Она што е суштинско и го менува карактерот на градбите, на просторот на денешниот манастир (Трескавец), се оформува Форум, класичен, рановизантиски, во кој централно место зазема ранохристиојанската базилика – објаснува Ристески.

Марковите Кули добиваат ново значење

Во зачетоците од рановизантискиот Форум е изграден манастирот, а во средината на 12 век е изградена црквата „Успението на Пресвета Богородица“. Ристески е убеден дека новите сознанија потврдуваат дека станува збор за голема населба и сето внесува нова светлина за целиот поширок комплекс Маркови Кули со големо значење на Балканот.

– Претходно, со првите сознанија, воопшто не се размилуваше дека на овааа позиција постои населба од ваков обем и со вакви расчленети, сериозни содржини. Ова внесува нова светлина на две нивоа. Прво, во контекст на Марковите Кули, бидејќи имаме, истовремено, егзистенција на три населби: Колобаиса, претпоставената населба на Марковите Кули и Баба. Различни се по својата функција, истовремено функционираат и имаат комуникација. Значи, имаме исклучителен простор кој, за жал, сè уште не е соодветно валоризиран. Инаку, имаме 7 споменици на културата на еден, релативно, мал простор. Тоа е почетна индиција за значењето на овој простор во поширок, балкански контекст, вели Ристески.

Незнајните храмови на Аполон и на Артемида

Дејан Кебакоски, асистент-истражувач од Институтот, потврдува дека во црквата и во манастирскиот двор има потврда дека постоеле два храма, а не еден, од хелинистичкиот период. Едниот посветен на Аполон, другиот на Артемида. Сè уште се трага по нивната локалција.

– Од епиграфските натписи, вградни како сполии во манастирската црква и распоредени во дворот на Манастирот, дознаваме за постоење на два храма: едниот посветен на Аполон, другиот на Артемида. Тие се од редот на 12-те олимписки божества. Локацијата на тие два храма сè уште не ни е позната. За едниот имаме сериозни индиции, а за другиот се претпоставува дека е едно од платоата – изјави Кебакоски.

Отец Калист, единствениот жител на Трескавец

Единствениот жител на манастирот е отец Калист, кој чека да се изгради водоводот за новоизградените конаци комплетно да добијат официјален, технички прием. Отец Калист потврдува дека не се намалува интересот за посета на светски познатиот манастир, а археолошките истражувања ја дополнуваат приказната за посетителите за континуитетот на ова култно место.

– Археологијата, секако, дека има исклучително значење за нас. Освен што треба да ја раскаже приказната за предхристијанскиот период и за оној континуитет што е тука, на Трескавец, речиси 3.000 години за едно исклучително култно место, за нас е значајно и од безбедносни причини, бидејќи возобновувањето и реконструкцијата на крепоста околу Колобаиса за нас би значело целосна заштита од шумските пожари кои се многу чести во овој предел. Археологијата овозможува Трескавец да се стави во една туристичка вредност, да се возобнови во иднина целата влезна партија во античкиот град и посетителите, влегувајќи кон Манастирот да имаат една прошетка низ времето, така што влегуваат во еден антички град, а од него влегуваат во христијанството и во манастирот Трескавец, изјавува отец Калист, единствениот жител на манастирот Трескавец.

Археолошките истражувања на Трескавец почнаа во 2014 година.

The post КУЛТНАТА НАСЕЛБА „КОЛОБАИСА“ КАЈ ТРЕСКАВЕЦ Неистражена е манастирската загатка (ФОТО) appeared first on plusinfo.mk.

Исечените дрвја и соларната бура

Исечено прстени од три дрвја пронајдени во напуштената нордиска населба, логорот L’Anse aux Meadows, ја решиле загатката за научниците, а две работи биле клучни: одредување на датумот со помош на мерење на јаглероден сигнал и истражување на оштетените годови во дрвото. Годовите сугерирале дека дрвото биле погодено од сончева бура која се случила во небото, огромно зрачење од Сонцето кое ја погодува Земјата.

Бидејќи последната сончева бура за која метеоролозите знаат се случила во 992 година од нашата ера, научниците успеале да ја предвидат дека дрвото било исечено околу 1021 година. Но, ова е првпат истражувачите да предложат точен датум.

Vikings settled in North America in 1021AD, study says https://t.co/pAIKf8TtV8

— BBC News (World) (@BBCWorld) October 21, 2021

Викинзите пренеле свои гени и знаење на домородците

„Поврзаноста на овие парчиња со Нордијците се заснова на детално истражување претходно спроведено од Паркс Канада“, се вели во студијата, додавајќи дека има јасни докази дека дрвото од примерокот било модифицирано со метални алатки.

Се додава дека логорот L’Anse aux Meadows бил база од која биле истражувани други локации, вклучително и региони на југ. Авторите велат дека откритието претставува дефинитивна точка за идните истражувања за првичните последици од селењето на Викинзите преку океанот, како што се трансферот на знаење и потенцијалната размена на генетски информации и патологии.

Освен бродови, правеле и градби од дрво 

– Тоа сугерира дека краткотрајната населба била активна околу 1021 година кога на локацијата се обработувало дрво, веројатно поврзано со поправка на зграда или брод – вели д-р Колин Боејти, специјалист за Викинзи од институт во Шкотска и продолжува:

– Како археолог, ова би можел да го протолкувам како една фаза од окупациската активност, а не нужно како прва или навистина последна фаза (од нивното населување).

А што е тоа датирање со јаглерод? Тоа значи дека научниците можат да го измерат количеството на изотопот јаглерод-14 во некој предмет. Јаглерод-14 има својство да се распаѓа со текот на многу, многу векови, па ако измерите колку останало од него во предметот можете и да пресметате колку е стар истиот.

The post ВИКИНЗИТЕ ДОШЛЕ ВО АМЕРИКА 470 ГОДИНИ ПРЕД КОЛУМБО Потврдени остатоци од древна населба (ФОТО) appeared first on plusinfo.mk.

Првата скија од изгубениот пар беше откриена во 2014 година, а седум години подоцна, ледениот дел од планината Диегерварден се стопи доволно за да ја открие втората, што заедно ги прави најстариот пар скии некогаш пронајдени, пренесува „Daily Mail“.

Тим норвешки археолози, исто така членови на програмата „Secrets of the Ice“ (Тајните на мразот), пешачеа три часа по планината до местото каде што беше откриена првата скија. Користејќи ГПС позиција и фотографии направени за време на првата посета пред седум години, истражувачите ја лоцираа втората скија под мразот. Со секира ја одделија од мразот и го стопија со врела вода.

Дигерварден се наоѓа во Националниот парк Рајнахајмен во Норвешка, популарен археолошки локалитет каде што претходно беа откриени неколку артефакти користени пред илјадници години. Меѓутоа, причината зошто овие заборавени објекти се појавуваат на површината се климатските промени и повисоките температури што доведуваат до топење на некогаш цврстите ледени плочи.

Новооткриената скија е 187 сантиметри долга и 17 сантиметри широка, исто така 17 сантиметри подолга и 2 сантиметри поширока од првата скија пронајдена во 2014 година. Археологот Ларс Холгер Пило, кој беше сведок на пронаоѓањето на скијата, на својот блог напиша дека „новата скија е многу подобро зачувана од претходната, што може да биде последица на подлабокиот мраз“.

– Тоа објаснува некои разлики во димензиите помеѓу двете скии – рече Пило.

Долга дрвена штица содржи три извртени врски, кожна лента и дрвен приклучок низ дупка во потпората. Скијата пронајдена во 2014 година имаше само една извртена врска и кожна лента низ дупката, но и двете скии имаат дупка на врвот. Постојат мали разлики помеѓу пронајдените скии, а една е дека задниот дел на новата скија е малку искривена, додека на таа пронајдена во 2014 година е рамен. Интересно е што новата скија покажува знаци на поправка и недостасува дел од задниот дел што може да е замрзнат некаде во мразот, во близина.

– Дали се скршил кога сопственикот ја загубил при скијањето или додека беше замрзната, не сме сигурни. Можеби ќе се открие подоцна врз основа на внимателно проучување на работ на пукнатината – сподели Пило во објавата на својот блог.”

– Скиите не се идентични и не треба да се очекува. Тие се рачно изработени, а не масовно произведени. Имаат долга историја на носење и поправка пред скијачот да почне да ги користи – додаде тој.

Во ноември 2020 година, Пило и неговите колеги пронајдоа многу артефакти на падината на планината во Јотонхајмен, Норвешка. Потоа пронашле речиси 70 стрели, чевли, текстил и коски на ирваси.

The post МРАЗ СКРИ ТАЈНА ПОВЕЌЕ ОД МИЛЕНИУМ Археолозите во Норвешка го открија најстариот пар скии (ВИДЕО) appeared first on plusinfo.mk.

Но, тоа не е обична мумија, туку се разликува од останатите по тоа што нејзиниот јазик е изработен од чисто злато.

Како што објавија тамошните медиуми, археолозите сметаат дека златниот јазик бил направен за покојникот да може да зборува во задгробниот живот. Научниците објаснуваат дека во тоа време имало верување дека во случај покојникот да го сретне Озирис, староегипетскиот бог на подземјето, златниот јазик би му овозможил да искомуницира со него.

Мумијата ја откриле група археолози предводени од Кетлин Мартинез од Доминиканската Република. Тие истражувале вкупно 16 гробници на тој локалитет.

The post Археолозите откопаа мумија со златен јазик, еве го нивното толкување (ФОТО) appeared first on plusinfo.mk.

Тие се пронајдени на две различни места, а научниците веруваат дека станува збор за „откритија од светско значење“.

– Ова е прво, и досега единствено откритие од ваков вид – целото тело на мечка, со сите ткива. Сите внатрешни органи се на место, а муцката е скоро недопрена. Сè што досега откривавме беа черепи и коски – рече д-р Лена Григоријева, која учествуваше во експедицијата.

Мечките ќе се проучуваат на Рускиот североисточен федерален универзитет во Јакутск. А, ќе бидат поканети и научници од други земји.

– Треба да извршиме радиојаглеродни анализи за да ја утврдиме точната старост. Засега се смета дека телото на повозрасната мечка е старо меѓу 22.000 и 39.500 години, истакна д-р Маким Чепрасов од Музејот на мамутите во Јакутск. 

The post Совршено сочувани тела на мечки стари 39.000 години пронајдени во Сибир appeared first on plusinfo.mk.