Археолошкиот музеј на Македонија в четврток ќе претстави каталог со 100 предмети од својата богата збирка, дело на 20 кустоси.

„Со искрено задоволство ја најавуваме промоцијата на каталогот „100 предмети од збирките на Археолошкиот музеј“ – издание што претставува сведоштво за долгогодишната посветеност кон истражувањето, зачувувањето и претставувањето на нашето културно богатство.

Ова издание е резултат на тимска работа, љубов кон археологијата и желба за едукација и инспирација. Во подготовките на каталогот ,,100 Предмети од збирките на археолошкиот музеј” учествуваа 20 кустоси, а издавањето го овозможи Министерството за култура и туризам“, соопшти Археолошкиот музеј.

The post 100 ПРЕДМЕТИ ОД ЗБИРКИТЕ НА АРХЕОЛОШКИОТ МУЗЕЈ Ќе биде претставен каталог со нашето културно богатство appeared first on plusinfo.mk.

„А СЕГА ДА ЗБОРУВАМЕ СО ФАКТИ!

По посетата на  Археолошкиот музеј на Македонија, министерката за култура изјавува дека оваа културна институција постигнала и постигнува завидни резултати во своите дејности. Поттикнати од оваа констатација, ја потсетуваме министерката на некои непобитни факти и воедно ѝ поставуваме неколку прашања и се надеваме дека тие ќе бидат одговорени.

1. Археолошкиот музеј на Македонија е музејот кој вие како власт и раководство целосно го уништивте  и цензуриравте.

Оваа институција, која порано беше на самиот врв на музејското работење во Македонија и претставуваше вистински репрезент на македонското културно наследство во државата и надвор од неа, факт потврден со бројните активности во минатото, денес е претворена во полупразна зграда која е потполно нефункционална, валкана и хаотична.

Од институција која во времето на Владата на ВМРО-ДПМНЕ ја посетуваа над 28 000 посетители годишно, денес ја посетуваат едвај 5000, и тоа претежно ученици преку нивните задолжителни екскурзии и по некој заскитан странец. Организираните странски групи намерно го заобиколуваат, иако поминуваат пред самиот влез на музејот.

Но ако сепак влезат внатре, тие ќе видат дека од трите музејски ката, кат и половина се целосно празни. Поточно, по Преспанскиот договор, нумизматичката збирка и целиот антички период се целосно отстранети, попрецизно, цензурирани.

Затоа, министерката не се фотографира на празните кат и половина! Не се пофали министерката со некој сувенир од Музејот, затоа што сувенирницата е празна. Тие што сакаат да купат сувенири не можат да го сторат тоа, затоа што со тоа се презентира Македонија и нејзиното културното наследство од кое власта јавно се срами! Понижувачки е фактот што во музејот повеќето тоалети не се во функција, а тие што се отворени се во очајна состојба.

2. По одржаниот состанок, министерката е импресионирана од „завидните” резултати на институцијата, од соработката со други установи, од „истражувањата” и од издавачката дејност… Вистинска енигма се резултати од истражувањата што ги наведува министерката затоа што во изминатите години тие се целосно непознати за јавноста, а, од друга страна, тие се обврзни според законските прописи.

Но, затоа „завидни” се само скандалите  по кој е познат музејот. Како пример може да се наведе „завидното” украсување на статуите од римско време со дедомразовски капчиња, јавноста беше згрозена на ваквата постапка и со право жестоко реагираше.

Нема никакви резултати, туку низ годините се финансираат исти проекти од „подобни археолози” кои не носат резултати, освен за лицата кои ги раководат. За ова во иднина, некој ќе мора да одговара.

3. Дали министерката дознала зошто Исар-Марвинци не се истражува со години, па е оставен на немилост на дивите копачи? Апсењето на Украинци кои копале на локалитетот со детектори среде бел ден е неминовен доказ дека власта крева раце од значајните археолошки локалитети. Дали поради немањето резултати во последните години се прекина со годишната изложба и презентацијата на археолошките наоди, како што тоа беше практика во времето на претходната Влада на ВМРО-ДПМНЕ?

Посебно е срамно задоволството на министерката од издавачката дејност на музејот. Во последните години Музејот издава само една книга и ништо повеќе. Но затоа музејот има добиено пари за повеќе издавачки проекти.

4. Задоволството на министерката може да е и искрено, но само ако се гордее со неработата и неуспехот на Музејот. Веројатно министерката е презадоволна што музејот отвора повремена изложба со фотографии од златниот антички наод од Тремник, додека оригиналните предмети  тргнати од музејските витрини лежат во депото на музејот.

Затоа бараме од министерката јавно да одговори: што сработува Археолошкиот музеј на Македонија во последните пет години и какви резултати има? Каде и како се претставува Музејот, по доаѓањето на СДСМ на власт? Колку нови наоди и локалитети се истражуваат овој период и кои се резултатите од тие истражувања? Каде и како се промовира македонското културно наследство?

Стратешкото уништување на оваа врвна институција, Археолошкиот музеј на Македонија, во чии витрини, до не така одамна, беше претставено репрезентативно светско културно наследство бара одговорност.

Се согласувате, нели, министерке“, прашуваат од централната комисија за култура на ВМРО-ДПМНЕ.

The post ЗОШТО АРХЕОЛОШКИОТ МУЗЕЈ СЕ УНИШТУВА? Комисијата за култура на ВМРО-ДПМНЕ ја прашува министерката appeared first on plusinfo.mk.

Со отворањето на оваа изложба почнува и Неделата на италијанскиот јазик во Скопје.

Според директорката на Археолошкиот музеј, Славица Бабамова, доживувањето на секој од ликовите претставен на портретите е уникатна лична средба со современик или со соговорник, и тоа, како што рече, е најсилната причина поради која се зголемува воодушевувањето и длабоката почит пред грандиозноста на сликарскиот талент на Рафаело.

– Набљудувајќи ги сликите во текот на поставувањето на изложбата последниве денови, единственото што може да се каже е дека зборовите не се потребни. Во рамките на својата стратегија за посебно внимание кон едукацијата на сите возрасни групи и инклузивноста на музејот, а во целосна согласност со заложбите на Амбасадата на Италија во Скопје, за посета на оваа изложба и едукативни работилници се повикани училиштата од сите нивоа во Република Северна Македонија: основни, средни и високи – изјави вчера Бабамова на отворањето на изложбата.

Таа напомена дека соработката, особено во полето на археологијата меѓу нашата држава и Италија ќе се интензивира и во многу блиска иднина.

– За реализацијата на оваа изложба им должиме посебна благодарност на Мирко Мерлетти од РаиКом, на стручниот тим од Археолошкиот музеј: Ирена Колиштркоска Настева, комесар на изложбата, Марјан Јагликовски, извонреден познавач на ренесансната уметност, Мартин Гиевски, Елена Рафајловска, Ива Лабан, Марија Колевска Димишковска, Стеван Илијевиќ, Иванчо Велков, Бранислав Атанасковиќ, Марина Спирова, Наталија Данаилова, Ивица Стојановиќ и Реџеп Беќировски, додаде Бабамова.

Абасадорот на Италија, Андреа Силвестри рече дека овој проект е заедничка иницијатива меѓу италијанското Министерство за надворешни работи и интернационална соработка со телевизија РАИ, и е куриран од еден од водечките уметнички експерти во Италија и пошироко, проф. Антонио Паолочи.

– „Raffaelo: Opera Omnia” не е само изложба. Тоа е патување низ времето, низ емоции и изрази на личности прикажани толку верно од магичните раце на Рафаело. Минатата година Италија ја прослави 500 годишнина од неговата смрт. Починал многу млад, но успеал да остави неизбришлива трага во историјата на уметноста – рече Силвестри.

Оваа изложба, како што рече амбасадорот, претставува патувачка колекција со високо технолошки квалитет на внимателно избрани репродукции од 14 портрети направени од „il Grande Maestro”.

Тој додаде дека благодарение и на модерните дигитални музејски технологии, во холот на Археолошкиот музеј е поставена т.н видео коцка што ќе ги води посетителите низ животот и делата на сликарот, запознавајќи ги со вечните вредности на скапоценото уметничко наследство од минатото”.

Премиерот Зоран Заев на отворањето на изложбата вчера порача дека соработката со земји како што е Италија, е пример како треба да соработуваат и земјите на Балканот за креирање на една заедничка и убава иднина за сите наши граѓани.

– Рафаело, со Леонардо Да Винчи и Микеланџело,  се големото тројство на италијанската ренесанса. Од вечерва сите ќе ја имаме привилегијата низ репродукциите на дел од неговите портрети и дигиталната изложба за делата на Рафаело, да ја доживееме уште еднаш неговата грандиозна уметност. Нашата држава и Република Италија редовно потпишуваат програми за соработка во областа на културата, образованието и науката, и испишуваат нови страници за соработка и запознавање и преку уметниците и културните традиции на двете земји – додаде премиерот.

Според премиерот, Италија во исто време е и една од земјите кои многу силно го поддржува и претставувањето на културите на другите на нивната културна сцена.

– Нашата земја секоја година, во рамките на чествувањето на Свети Кирил во Рим, има свои денови за презентација на македонската култура и традиција, a во изминатите години имавме впечатливи претставувања и на Биеналето во Венеција – рече Заев.

The post ИЗЛОЖБА НА ДЕЛА НА РАФАЕЛО САНТИ ВО АРХЕОЛОШКИ МУЗЕЈ Почна неделата на италијанскиот јазик appeared first on plusinfo.mk.

The post Виртуелна посета на „100 години Требениште” во Археолошкиот музеј appeared first on plusinfo.mk.