Претседателот на Русија, Владимир Путин, и неговиот американски колега Доналд Трамп, кој денеска слави роденден, остварија телефонски разговор, соопшти советникот на рускиот лидер, Јуриј Ушаков.

– Претседателот на Русија, Владимир Владимирович Путин, денеска по телефон му го честиташе на претседателот на САД неговиот 80-ти роденден – изјави Ушаков, додавајќи дека разговорот траел 55 минути и имал „пријателски и искрен карактер“.

Тој додаде:

– Како што и самите сфаќате, немаше само размена на учтивости. Претседателот Трамп не само што сослуша добри зборови и желби, туку лидерите, секако, разговараа и за клучните теми од актуелната меѓународна ситуација, развојот на билатералните договори и можните контакти на претставниците од двете страни.

Претставникот на Кремљ изјави дека е постигнат договор специјалните претставници на претседателот на САД, Стив Виткоф и Џаред Кушнер, кои во моментов се тесно ангажирани со иранските прашања, наскоро да се вратат во Русија.

– Владимир Путин природно изрази најдобри желби до првата дама Меланија Трамп, пофалувајќи ја нејзината улога во спојувањето на руските и украинските деца со нивните семејства. Од своја страна, Доналд Трамп ги пренесе поздравите и благодарноста на својата сопруга за соработката што ја добила од руска страна – рече Ушаков.

Според советникот во Кремљ, за време на разговорот Трамп изразил подготвеност да влијае како врз европските партнери, така и врз Киев за прекин на воените дејствија.

Минатата година Путин исто така по телефон му го честиташе роденденот на својот американски колега. Овој разговор е прв во последниот месец и половина, откако на 29 април двајцата разговараа за примирјето во Украина.

The post ПУТИН МУ ЧЕСТИТАШЕ РОДЕНДЕН НА ТРАМП ЦЕЛИ 55 МИНУТИ Паднал по некој збор и за Украина appeared first on plusinfo.mk.

Албанскиот премиер Еди Рама повторно упати остри критики кон т.н. „Фламинго револуција“, протестното движење кое започна поради спорниот туристички проект поврзан со Џаред Кушнер и Иванка Трамп.

Во својот поткаст, Рама ги нарече протестите „фашистички“ и оцени дека зад нив стои опасна реторика.

– Ова е фашистичко, скандалозно е и мора да се запре. И се запира со тоа што не се повлекуваме пред ваквите притисоци и вакви видови ајвани – рече Рама.

Изјавата доаѓа во момент кога протестите влегуваат во третата недела, а според медиумските проценки, на последниот голем собир во Тирана учествувале меѓу 100.000 и 200.000 луѓе.

Рама тврдеше дека пораките на протестното движење потсетуваат на опасни националистички идеи.

– Албанија им припаѓа на Албанците. Тоа значи дека сите други не се добредојдени. Исто како што Германија беше „за Германците“, а потоа стана црна овца на Европа – изјави премиерот.

„Фламинго револуцијата“ е протестно движење кое започна поради плановите на компанијата на Џаред Кушнер, зетот на американскиот претседател Доналд Трамп, да изгради луксузен туристички комплекс на островот Сазан и во областа Зврнец кај Валона.

Противниците на проектот тврдат дека станува збор за еколошки чувствително и заштитено подрачје со лагуни, мочуришта и живеалишта на ретки видови птици, меѓу кои и фламинга, по кои протестите го добија името. Владата на Еди Рама, пак, смета дека инвестицијата ќе донесе развој, нови работни места и дополнителен туристички раст за Албанија.

Во меѓувреме, албанското обвинителство за борба против корупцијата нареди апсење на 20 лица во истрага за перење пари и меѓународна трговија со кокаин. Според медиумските извештаи, дел од истрагата може да има врска и со туристичкиот проект што се поврзува со семејството Трамп.

Во времето на комунистичкиот режим на Енвер Хоџа, островот Сазан бил една од најзатворените воени зони во Албанија.

The post „АЈВАНИ И ФАШИСТИ“ Рама распали жестоко по „Фламинго-револуцијата“ што ја тресе Албанија appeared first on plusinfo.mk.

Околу 200 демонстранти денеска урнаа метални огради и бариери од бодликава жица околу градилиште на јадранскиот брег во Албанија, во знак на протест против планираната изградба на луксузен туристички комплекс поврзан со Џаред Кушнер, зет на американскиот претседател Доналд Трамп.

Протестите, кои траат подолг период, повторно ескалираа откако група граѓани успеаја да ја пробијат заштитната ограда и да отстранат дел од поставената инфраструктура околу градилиштето.

Според локални извештаи, за време на инцидентот имало и спорадични судири со полицијата, но демонстрантите успеале да продолжат со рушење на оградата, без да бидат целосно спречени од безбедносните сили.

Причината за незадоволството е изградбата на луксузен одморалишен комплекс на јадранскиот брег, проект кој предизвика реакции кај локалното население и активисти кои се противат на урбанизацијата и влијанието врз животната средина.

The post 📽️ УРНАТА ОГРАДАТА НА КОМПЛЕКСОТ НА ЗЕТОТ НА ТРАМП Судир со полицијата во Албанија, околу 200 луѓе упаднаа на градилиштето appeared first on plusinfo.mk.

Според сигурни извори на весникот „Журнал“ (Journal) компанијата на Џаред Кушнер, зет на американскиот претседател Доналд Трамп, планира целосно да се повлече од својата инвестиција на островот Сазан.

„Извори блиски до проектот потврдија дека е донесена одлука за повлекување и дека средствата ќе бидат пренасочени кон друга луксузна туристичка дестинација, грчкиот остров Миконос. Грчките власти понудиле посебни услови и привлечни стимулации за странските инвеститори, што го прави Миконос многу поповолна дестинација во споредба со Сазан“, објави Журнал, наведуваат албанските медиуми.

Според истиот извор, прашање на ден е објавувањето на деталите од договорот со Грција.

„Овој развој на настаните доаѓа по месеци шпекулации за инвестициските планови на Кушнер во Албанија, кои предизвикаа огромна јавна и политичка дебата и протести. Проектот Сазан беше прогласен за голема туристичка инвестиција, но се чини дека наиде на тешкотии што ја доведоа компанијата до грчка алтернатива“, констатира весникот.

Весникот оценува дека ова е важен развој што може да има влијание не само на економските односи меѓу Албанија и САД, туку и на регионалната конкуренција за странски инвестиции во елитен туризам.

The post КУШНЕР ПЛАНИРА ДА СЕ ПОВЛЕЧЕ ОД АЛБАНИЈА И ДА ИНВЕСТИРА НА МИКОНОС Грчките власти понудиле привлечни стимулации за странските инвеститори appeared first on plusinfo.mk.

Протетсите поради проектот „Зврнец“ не се еколошко прашање, туку се работи за хибридна војна, рече албанскиот премиер Еди Рама по самитот ЕУ-Западен Балкан во Тиват, одговарајќи на новинарско прашање.

– Зад протестите стојат Иранците, кои беа вклучени и во други напади – рече тој.

Додаде дека во моментов нема што да се дискутира во врска со ова прашање, бидејќи нема одобрен проект, а прикажаните видеа се лажни.

– Проектот во Зврнец не е оној за кој се зборува. Видовте лажни видеа од Тирана… Нема што да се дискутира, бидејќи нема одобрен проект – истакна Рама.

Вечерва во Тирана ќе се одржи шестиот последователен протест против проектот за изградба на луксузен ресорт во крајбрежната област кај Зврнец, кој се поврзува со Џаред Кушнер, зетот на американскиот претседател Доналд Трамп.

Албанската влада во септември 2022 година ги прекина дипломатските односи со Иран по серијата кибернапади врз системите на државните институции.

Двете земји имаат тензични односи од 2014 кога Албанија прими над 3.000 членови на протераната опозициска група Народна муџахединска организација на Иран, која постави камп кај Драч.

The post РАМА ГО ОБВИНИ ИРАН ДЕКА СТОИ ЗАД ПРОТЕСТИТЕ ВО АЛБАНИЈА Ова не е еколошко прашање, туку хибридна војна appeared first on plusinfo.mk.

„Приватен остров“.

Токму така Иванка Трамп го опиша албанскиот остров Сазан во подкастот на Дејвид Сена, каде што зборуваше за проектот што го развива нејзиниот сопруг Џаред Кушнер.

Изјавата предизвика нови реакции во Албанија, каде што веќе неколку дена траат протести против изградбата на луксузен туристички комплекс вреден околу 1,5 милијарди долари.

„Случајно го откривме“

Во разговорот, Иванка Трамп рекла дека таа и Кушнер „случајно го откриле“ островот Сазан.

Таа емотивно зборувала за проектот и за плановите за развој на луксузен комплекс на јадранскиот остров.

Албанските медиуми оценуваат дека ваквите изјави дополнително ја разгореле дебатата околу проектот, кој веќе подолго време е под лупа на јавноста.

Оценката на Иванка, пак, се совпаѓа со неодамнешната изјава на премиерот на Албанија Едир Рама кој рече дека островот е откупен од приватен сопственик и дека не бил државно земјиште, а дека ѝ служел на армијата само во времето на Енвер Хоџа.

Истрага и протести

Коментарите на Иванка Трамп доаѓаат во момент кога албанското обвинителство за борба против корупцијата води истрага поврзана со проектот.

Паралелно, во Тирана и во областа Валона се одржаа протести против изградбата.

Демонстрантите бараат преиспитување на одлуките што овозможија реализација на проектот и предупредуваат на можни последици врз природата и биодиверзитетот.

Дел од протестите следуваа по судири меѓу локални жители и приватно обезбедување на теренот.

За што станува збор?

Проектот е поврзан со компанијата „Афинити Партнерс“, зад која стои Џаред Кушнер. Планот предвидува изградба на луксузен туристички комплекс на островот Сазан и во пошироката област кај Валона.

Албанската влада го поддржува проектот како голема странска инвестиција и можност за развој на туризмот.

Критичарите, пак, тврдат дека станува збор за чувствително подрачје кое мора да остане заштитено и достапно за јавноста.

The post ИВАНКА ТРАМП КРЕНА УШТЕ „ПРАШИНА“ ЗА ОСТРОВОТ ВО АЛБАНИЈА „Приватен е, случајно го најдовме“ appeared first on plusinfo.mk.

„Ќе направев полошо од вас, ако ми кажеа дека таа земја ѝ припаѓа на државата и дека државата им ја дава на странци“.

Вака изјави премиерот на Албанија во Парламентот за демонстрациите против проектот за хотелски комплекс на Џаред Кушнер, зетот на Доналд Трамп во Албанија.

Рама вели дека земјиштето на кое се гради е приватно дека не било доделено од државата, туку инвеститорот го купил од приватни сопственици. Според него, голем дел од приказните што се шират околу проектот немаат допирна точка со фактите.

– Да ми кажаа дека тоа е заштитено подрачје и дека владата го отстранила од заштита за да им го даде на странци, кои ќе дојдат да го уништат биодиверзитетот на подрачјето, и јас ќе постапев како вас – порача тој.

Што го предизвика револтот?

Темата повторно се разгоре откако локални жители и активисти протестираа против изградбата во Звернец, во близина на лагуната Нарта.

Демонстрантите тврдат дека проектот ќе има сериозно влијание врз природната средина и дека владата со законски измени му ја отворила вратата на инвеститорот.

Сличен протест се одржа и во Тирана.

Пред зградата на Министерството за внатрешни работи и пред владата се појавија транспаренти со пораки „Албанија не е на продажба“ и „Поништете го договорот“.

Дел од демонстрантите побараа и оставка од Рама.

Кушнер, Трамп и проект вреден милијарди

Проектот се поврзува со компанија зад која стои Џаред Кушнер, сопруг на Иванка Трамп и зет на американскиот претседател Доналд Трамп.

Според досегашните информации, инвестицијата се проценува на околу четири милијарди долари и опфаќа приближно 250 хектари во рамките на екосистемот Нарта-Звернец.

Инвеститорите тврдат дека проектот ќе се реализира според сите законски процедури и дека ќе отвори повеќе од 10.000 работни места.

Во јануари 2024 година, Кушнер и Иванка Трамп ја посетија Албанија за промоција на проектот. Иванка подоцна повторно беше во регионот под силно обезбедување.

Сменет e и полициски началник

Рама не ги бранеше сите случувања на терен. Тој изрази незадоволство од реакцијата на полицијата за време на протестите во Звернец.

Особено се осврна на снимките на кои се гледа како демонстрант е влечен од приватно обезбедување додека полицијата не интервенира.

Според него, таквото однесување било неприфатливо. Поради случувањата веќе е сменет началникот на Полицискиот комесаријат во Валона.

Проектот продолжува

И покрај протестите, албанската влада не покажува намера да се повлече. Рама останува на ставот дека околу инвестицијата се шират дезинформации и дека земјиштето не е државно, туку приватно купено.

Од друга страна, активистите најавуваат дека отпорот ќе продолжи и во наредниот период.

Така, туристичкиот проект што треба да донесе милијарди долари инвестиции сè повеќе прераснува во едно од најконтроверзните политички и еколошки прашања во Албанија.

The post РАМА СЕ ОГЛАСИ ЗА ПРОТЕСТИТЕ ПРОТИВ ПРОЕКТОТ НА ЗЕТОТ НА ТРАМП „Земјиштето е приватно и е купено од приватни сопственици“ appeared first on plusinfo.mk.

Компанија поврзана со Иванка Трамп и со нејзиниот сопруг Џаред Кушнер почна со реализација на еден од најголемите туристички проекти во Албанија. Но, отворањето на градилиштето не поминало мирно.

Видеоснимките објавени на социјалните мрежи покажуваат турканици и физички пресметки меѓу демонстрантите и обезбедувањето. На едно од видеата се гледа како демонстрант е одвлечен од местото на настанот, додека полицијата не интервенира.

Проектот го развива компанијата „Афинити партнерс“, која претходно беше поврзу вана и со најавите за изградба на Трамп кула во Белград.

Поранешна воена база ќе стане луксузно одморалиште

Компанијата купила земјиште на островот Сазан, најголемиот остров во Албанија.

Планот е поранешната советска воена база да биде претворена во луксузен туристички комплекс вреден околу 1,4 милијарди евра.

Албанските власти го поддржаа проектот и покрај критиките од еколошките организации и дел од локалното население.

„Лајме јаворе“ претходно напиша дека рокот за изведба бил продолжен до крајот на 2026 година поради тензиите. Премиерот на Албанија Еди Рама изјави дека островот Сазан никогаш не бил заштитетно подрачје освен за војниците во времето на Енвер Хоџа.

Update: Protests escalated in the Zvernec area.

According to protesters, private security personnel “kidnapped” a protester and used pepper spray against protesters and Albanian police.

The protest was attended by the leader of Albania’s left-wing Bashke party. https://t.co/akrM39ghpK pic.twitter.com/kwJZ3hrthw

— kos_data (@kos_data) May 30, 2026

Led by environmental activists, Alhanian residents protested against construction in the Zvernec area.

Protesters said the area is protected Albanian land and does not belong to Trump or Jared Kushner.

Kushner’s company received permission from the Albanian government as a… pic.twitter.com/H08OlbqaTX

— kos_data (@kos_data) May 28, 2026

Албанија не се откажува од проектот

Според медиумските извештаи, одморалиштето треба да се гради во близина на заливот Нарта, подрачје познато по ретките растителни и животински видови.

Токму поради тоа активисти и граѓани протестирале против почетокот на изградбата.

И покрај протестите, албанските власти немаат намера да го стопираат проектот.

Според проценките на владата во Тирана, изградбата ќе продолжи според планот, а луксузното одморалиште треба да биде завршено во 2028 година.

The post 📽️ СЕМЕЈСТВОТО ТРАМП НАИДЕ НА ОТПОР ВО АЛБАНИЈА Протести и турканици на стартот на проект вреден 1,4 милијарди евра appeared first on plusinfo.mk.

Во Исламабад денеска се одржаа одделни средби меѓу американски и ирански претставници и пакистанскиот премиер Шехбаз Шариф, пред најавените мировни преговори меѓу двете страни.

Потпретседателот на Џеј Ди Венс се сретна со Шариф, а на состанокот присуствуваа и американскиот специјален претставник Стив Виткоф и Џаред Кушнер.

WATCH: U.S. Vice President JD Vance meets with Pakistani leadership in Islamabad.

Direct talks between the U.S. and Iran are expected to begin soon. pic.twitter.com/dO2OFiBb5g

— Donald J Trump Posts TruthSocial (@TruthTrumpPost) April 11, 2026

Според кабинетот на пакистанскиот премиер, Шариф изразил надеж дека разговорите ќе придонесат кон воспоставување траен мир во регионот.

Претходно во текот на денот, како што јавува Би-Би-Си, се одржал и одделен состанок меѓу иранската делегација и Шариф, при што, според извори од пакистанската влада, дел од разговорите се одвивале и за време на заеднички ручек.

Дипломатски извори наведуваат дека пакистанските претставници најверојатно ќе продолжат да одржуваат одделни и наизменични средби со двете делегации, со цел да се процени дали постои простор за напредок по клучните точки од предлозите на страните.

The post ДИПЛОМАТСКА ДРАМА ВО ИСЛАМАБАД Иран и САД на одделни средби со премиерот Шариф пред мировните преговори appeared first on plusinfo.mk.

Претседателот на Украина, Володимир Зеленски, вечерва истакна дека постојат знаци за можност за продолжување на разговорите за прекин на огнот со Русија, по дводневните средби на украинските и американските преговарачи во Мајами.

– Јасно е дека вниманието на американската страна во моментов е насочено првенствено кон ситуацијата околу Iran и тој регион, но оваа војна што Русија ја води против Украина мора да се заврши – објави Зеленски на социјалните мрежи по средбите на украинската делегација и американските претставници.

Претседателот додаде дека сигналите за можноста за продолжување на разговорите претставуваат добра вест и потврда дека дипломатијата функционира.

Украинската делегација се сретна со американските претставници Стив Виткоф и Џаред Кушнер, а разговорите во Мајами траеја два дена и беа насочени кон можните патишта за дипломатско решавање на конфликтот.

The post ВОЈНАТА МОЖЕ ДА ЗАВРШИ Зеленски гледа знаци за продолжување на преговорите appeared first on plusinfo.mk.