Рускиот претседател Владимир Путин денеска изјави дека Обединетите Арапски Емирати се една од можните локации за неговата најавена средба со американскиот претседател Доналд Трамп, но дека за тоа сè уште не е донесена одлука.

Тој истакна дека двете страни покажале интерес за самитот на Русија и Соединетите Американски Држави, додавајќи дека Русија има многу пријатели подготвени да помогнат во организирањето на неговата средба со Трамп.

Путин рече дека не е против состанок со украинскиот претседател Володимир Зеленски, велејќи дека таква средба е можна, но и дека мора да се создадат услови за неа.

– Веќе многу пати реков дека генерално немам ништо против тоа, тоа можно е. Но, за да се случи тоа, мора да се создадат одредени услови. За жал, сè уште сме далеку од создавање такви услови – додаде Путин.

The post АРАПСКИТЕ ЕМИРАТИ СЕ МОЖНА ЛОКАЦИЈА Путин потврди дека се организира средба со Трамп appeared first on plusinfo.mk.

Министерот за надворешни работи и надворешна трговија Тимчо Муцунски, кој е дел од владината делегација предводена од премиерот Христијан Мицкоски во работна посета на Обединетите Арапски Емирати, денеска остварил повеќе средби.

Како што соопшти МНРНТ, Муцунски имал средби со претставници на стопанските комори, инвестициски фондови и со поединечни претставници на големи корпорации кои изразиле интерес за потенцијални инвестиции во државата.

Во фокусот на разговорите, како што информира Министерството, биле можности за инвестиции во инфраструктурата, туризмот и во рамки на технолошко-индустриските развојни зони.

– Нашата цел е јасна – повеќе, но и подобро платени работни места во нашата држава. Во наредните денови ќе објавиме една исклучително позитивна вест, која ќе значи многу за секој наш граѓанин, за економијата, трговијата и туризмот – изјави министерот Муцунски.

Тој додаде дека посетата на ОАЕ „носи конкретни и опипливи резултати“ и дека „Владата продолжува со истата динамика и посветеност во следните денови од посетата“.

The post ПАРИ ОД АРАПСКИОТ СВЕТ ЗА МАКЕДОНИЈА Муцунски оствари моќни средби, се планираат милионски инвестиции appeared first on plusinfo.mk.

Вицепремиерот и министер за транспорт Александар Николоски е дел од делегацијата предводена од премиерот Христијан Мицкоски, каде заедно со други владини претставници се во работна посета на Обединетите Арапски Емирати.

Во рамки на посетата, како што информира Министерството за транспорт, предвидени се низа економски средби со претставници на државни инвестициони фондови и бизнис комори.

„Деновиве сум дел од високата делегација предводена од претседателот на Владата, Христијан Мицкоски во Обединетите Арапски Емирати каде што се предвидени бројни средби и тематски состаноци. Планирани се повеќе средби на повеќе теми меѓу кои можностите за економска соработка, потенцијалните инвестиции и можни инфраструктурни проекти. Официјалната посета на Обединетите Арапски Емирати е на покана од Неговото Височество Шеикот Мухамед Бин Зајед Ал-Нахјан, претседател на ОАЕ и владетел на Емиратот Абу Даби“, напиша Николоски на својот Фејсбук профил.

Во рамки на посетата, како што најавува, ќе се сретне со претседателот на ОАЕ воедно и владетел на Емиратот Абу Даби, Шеикот Мухамед Бин Зајед Ал-Нахјани и со Шеикот Мохамед бин Рашид Ал Мактум, потпретседател и премиер на ОАЕ и владетел на Емиратот Дубаи, како и повеќе државни инвестициони фондови на Емиратот Абу Даби и стопански комори.

The post ГИ ПРОШИРУВАМЕ МОЖНОСТИТЕ ЗА СОРАБОТКА И ЗА ИНВЕСТИЦИИ Вицепремиерот Николоски во посета на Обединетите Арапски Емирати appeared first on plusinfo.mk.