Преговорите за постигнување конечен договор меѓу Техеран и Вашингтон нема да започнат доколку продолжат заканите од страна на САД, предупреди иранскиот министер за надворешни работи, Абас Арагчи.

Изјавата на Арагчи доаѓа откако американскиот претседател Доналд Трамп изјави дека „САД ќе ја завршат работата“ доколку не биде постигнат конечен договор.

„Преговорите за постигнување конечен договор нема да започнат доколку продолжат заканите. Исполнете го својот збор“, напиша Арагчи на социјалната платформа „Икс“.

Арагчи се осврна на Меморандумот за разбирање потпишан минатиот месец меѓу Иран и САД, со кој двете страни се повикуваат да се воздржат од упатување закани или преземање воени дејствија.

Индиректните разговори помеѓу САД и Иран завршија минатата недела без знаци за напредок кон траен мир, и покрај 60-дневното примирје насочено кон создавање простор за дипломатијата.

Во меѓувреме Трамп упати закани до Иран.

– Или ќе склучиме договор или ќе ја завршиме работата. Во ред. И нема да биде тешко да се заврши работата. Подобро би склучил договор затоа што не сакам да повредам 91 милион луѓе – рече Трамп.

Тој додаде дека американските сили за еден час можат да ги разнесат мостовите и да ја го прекинат снабдувањето со енергија во Иран.

The post НЕМА ПРЕГОВОРИ АКО ТРАМП НЕ ПРЕСТАНЕ ДА СЕ ЗАКАНУВА! Иран му одговори на американскиот претседател appeared first on plusinfo.mk.

„ЦИА греши – нашиот ракетен инвентар и капацитетот на системите за лансирање не се на 75 проценти во споредба со 28 февруари. Точната бројка е 120 проценти. Што се однесува до подготвеноста да го браниме нашиот народ, таа е на 1.000 проценти“, напиша шефот на иранската дипломатија Абас Арагчи во објава на мрежата Икс.

„Вашингтон се одлучува за неодговорна воена авантура секогаш кога има дипломатско решение на маса. „Дали е тоа груба тактика на притисок? Или е резултат на „спојлер“? Без разлика, Иранците никогаш не попуштаат под притисок, а дипломатијата е секогаш жртва“ – наведе шефот на иранската дипломатија во објавата.

Претходно, висок американски функционер за весникот „Вашингтон пост“ изјави дека способноста на Иран за долгорочен економски и воен отпор е значително поголема од претходно проценетата од Централната разузнавачка агенција на САД (ЦИА).

Во анализата на весникот се наведува дека Иран сè уште има околу 75 проценти од своите мобилни системи за лансирање и околу 70 проценти од својот ракетен арсенал во споредба со периодот пред конфликтот.

Според истите изјави, постојат индикации дека Техеран успеал да ги обнови и повторно да ги отвори повеќето подземни складишта, да поправи дел од оштетените ракети, како и да состави нови ракети кои биле во завршна фаза на производство.

Американските функционери, исто така, проценуваат дека иранското раководство станало порадикално и порешително, со зголемена доверба дека може да се спротивстави на политичкиот притисок од САД.

The post ИМАМЕ 20% ПОВЕЌЕ РАКЕТИ ОТКОЛКУ НА ПОЧЕТОКОТ НА ВОЈНАТА Иран порача дека е подготвен да се брани „1.000%“ appeared first on plusinfo.mk.

Иран испрати нов предлог до Соединетите Американски Држави за деблокирање на Ормускиот теснец и ставање крај на војната, додека за разговорите за нуклеарната програма предлага да бидат одложени за подоцнежна фаза, објави американскиот медиум „Аксиос“, повикувајќи се на американски официјален претставник и двајца извори запознаени со преговорите.

Според предлогот, Техеран се обидува да го заобиколи најспорното прашање за нуклеарната програма, со цел побрзо да се постигне договор за отворање на Ормускиот теснец и прекин на непријателствата.

Иранскиот план, според „Аксиос“ е доставен преку пакистански посредници и предвидува продолжување на прекинот на огнот на подолг рок или постигнување траен договор за прекин на војната, додека зануклеарните разговори е предвидено да започнат дури откако ќе се деблокира теснецот и ќе се укине американската блокада.

Ваквиот пристап, според извори на „Аксиос“, е обид за излез од дипломатскиот ќорсокак, во услови кога иранското раководство е поделено околу тоа какви отстапки треба да му понуди на Вашингтон.

САД, пак, остануваат на ставот дека Иран мора да го запре збогатувањето ураниум и да се откаже од можноста за развој на нуклеарно оружје, што останува клучна точка на спор меѓу двете страни.

Американскиот претседател Доналд Трамп се очекува денеска да одржи состанок со својот тим за национална безбедност во Белата куќа, на кој ќе се разговара за застојот во преговорите и за следните чекори на Вашингтон. Според американски медиуми, Трамп и натаму размислува за продолжување на поморската блокада врз Иран, како средство за дополнителен притисок врз Техеран.

Дипломатската криза дополнително се продлабочи откако пропадна најавената средба меѓу американските пратеници и иранскиот министер за надворешни работи Абас Арагчи во Исламабад. Трамп изјави дека го откажал патувањето на своите претставници, оценувајќи дека разговорите можат да се водат и телефонски, без нови дипломатски мисии.

Во меѓувреме, Арагчи, пристигна во Санкт Петербург во официјална посета на Руската Федерација, каде ќе се сретне со рускиот министер за надворешни работи Сергеј Лавров, како и со рускиот претседател Владимир Путин.

Арагчи претходно се сретна со високи пакистански и омански претставници за време на неговите посети на Исламабад и Мускат.

The post ИРАН ПРЕДЛОЖИ ПЛАН ЗА ДЕEСКАЛАЦИЈА НА КОНФЛИКТОТ Арагчи ќе му го претстави на Путин во Москва appeared first on plusinfo.mk.

Иранскиот министер за надворешни работи, Абас Арагчи, повика на воспоставување механизми за колективна безбедност на Блискиот Исток без учество на САД. Тој ја даде изјавата за време на состанокот со оманскиот султан Хајтам бин Тарик Ал Саид во Мускат, главниот град на Оман.

– Искуството од 40-дневната војна против Иран покажа дека американското воено присуство во регионот создава само нестабилност и поделби, наведува Арагчи во изјзвата објавена на неговиот Телеграм канал.

Според него, сите земји во регионот треба да имаат конструктивен и одговорен пристап кон формирањето на сопствени колективни безбедносни механизми, ослободени од мешање на САД.

The post НИ ТРЕБА МЕХАНИЗАМ ЗА КОЛЕКТИВНА БЕЗБЕДНОСТ БЕЗ УЧЕСТВО НА САД Предлог на Иран за Блискиот Исток appeared first on plusinfo.mk.

Началникот на пакистанската армија, фелдмаршал Асим Мунир, денеска пристигна во Техеран на разговори како дел од тековната кризна дипломатија насочена кон решавање на војната во Иран, јави ДПА.

Мунир се смета за еден од највлијателните посредници меѓу САД и Иран.

Иранската државна телевизија IRIB, повикувајќи се на информирани извори, објави дека се очекува Мунир да достави порака од Вашингтон. Телевизијата наведува дека пораката е поврзана со можната втора рунда преговори во пакистанската престолнина Исламабад, како и со продолжување на сегашниот прекин на огнот.

Претходната рунда разговори одржани во Исламабад заврши во неделата без никаков пробив во позициите.

Примирјето, кое стапи на сила на 8 април, треба да истече следната среда.

Американскиот претседател, Доналд Трамп, претходно сигнализираше можност за втора рунда преговори.

„Нешто може да се случи во следните два дена“, изјави тој телефонски за „Њујорк Пост“ , без да даде дополнителни детали, потсетува ДПА.

BIG BREAKING

Pakistan’s Army Chief, Field Marshal Asim Munir with a high-level delegation has arrived in Tehran as part of ongoing mediation efforts to help stop the US-Iran war.

پاکستان در کنار ایرانِ برادر؛ تلاش برای صلح و اتحاد pic.twitter.com/ZNbkHQwBpJ

— Zard si Gana (@ZardSi) April 15, 2026

BREAKING:

BREAKING:

Pakistani Army Chief Field Marshal Asim Munir has arrived in Tehran, welcomed by FM Araghchi.

Munir is the architect of Pakistan’s mediation effort between the U.S. and Iran. He personally brokered the original ceasefire, held direct calls with Vance,… https://t.co/OFlzkjRvLy pic.twitter.com/ZHY5kc32q7

— Mario Nawfal (@MarioNawfal) April 15, 2026

The post 🎥 СЕ ИЗГУШКАА КАКО РОДЕНИ БРАЌА Пакистанскиот фелдмаршал Мунир пристигна во Техеран appeared first on plusinfo.mk.

Генералниот директор на Меѓународната агенција за атомска енергија (МААЕ), Рафаел Гроси, денеска повика на максимална воена воздржаност за да се избегне ризикот од нуклеарна несреќа на Блискиот Исток.

Повикот на Гроси следува по нападот врз нуклеарниот објект Бушер во јужен Иран.

Гроси објави на социјалната мрежа X дека не е пријавено зголемување на нивото на зрачење, но повика на максимална воена воздржаност

Иранскиот министер за надворешни работи, Абас Арагчи, предупреди дека понатамошните напади врз локацијата би можеле да доведат до зрачење, загрозувајќи ги животите на луѓето во Перискиот Залив.

The post ПРЕСТАНЕТЕ СО ГРАНАТИРАЊЕ НА НУКЛЕАРНИТЕ КАПАЦИТЕТИ! Меѓународната агенција за атомска енергија предупредува на опасноста appeared first on plusinfo.mk.

Министрите за надворешни работи на Русија и Иран, Сергеј Лавров и Абас Арагчи, вчера по телефон разговараа за ситуацијата на Блискиот Исток и безбедноста на пловидбата низ Ормуската Теснина, објави руското Министерство за надворешни работи.

Според соопштението од руското министерство, Лавров и Арагчи детално разговарале за развојот на ситуацијата околу новиот конфликт на Блискиот Исток и напорите што ги преземаат поединечните држави за деескалација на тензиите.

Двајцата министри, исто така, разменија мислења за текот на дискусиите во Советот за безбедност на Обединетите нации за обезбедување на безбедноста на пловидбата низ Ормуската Теснина и надминување на последиците од, како што е наведено, „неиспровоцираната агресија од страна на САД и Израел против Исламската Република Иран“.

САД и Израел го нападнаа Иран наутро на 28 февруари во, како што се наведува, „превентивни напади“, кои следеа по неуспехот на повеќе рунди разговори за нуклеарната програма на Иран. Потоа Иран започна масовни одмазднички напади врз Израел и цели поврзани со САД низ Блискиот Исток.

ПУТИН НУДИ ПОСРЕДУВАЊЕ Русија подготвена да помогне во конфликтот со Иран

The post ЛАВРОВ ВО ДЕТАЛИ ЗБОРУВАШЕ СО АРАГЧИ ЗА ВОЈНАТА ВО ЗАЛИВОТ Русија презема дипломатска иницијатива appeared first on plusinfo.mk.

Ормуската Теснина е отворена за бродовите на мнозинството земји, изјави иранскиот министер за надворешни работи Абас Арагчи во интервју за „Ал Џазира“, нагласувајќи дека за иднината на овој воден пат ќе одлучуваат Иран и Оман.

Иран презеде контрола врз теснината поради американско-израелските напади, забранувајќи транзит за бродови поврзани со САД, Израел и нивните сојузници. Иранските власти во повеќе наврати потенцираа дека теснината не е затворена, туку дека бродовите на „пријателските“ земји можат да поминуваат во координација со иранската морнарица.

– Теснината е затворена само за бродовите на оние кои војуваат против нас. Тоа е нормално за време на војна – не можеме да им дозволиме на непријателите да ги користат нашите територијални води за трговија – објасни шефот на иранската дипломатија.

Тој додаде дека некои други земји сами одлучиле да не пловат низ преминот поради безбедносни ризици и високи цени за осигурување, додека неколку кинески, индиски, пакистански и турски бродови веќе поминале по консултации со Техеран.

Арагчи истакна дека територијалните води на Ормуската Теснина им припаѓаат на Иран и на Оман и дека овие две држави ќе одлучуваат за новиот режим по завршувањето на војната. Сепак, земјите од Персискиот Залив, вклучувајќи го и Катар, инсистираат да бидат вклучени во сите разговори за иднината на овој стратешки правец.

Во меѓувреме, Кина и Пакистан објавија план од пет точки за завршување на војната, каде како приоритет се наведува нормализацијата на сообраќајот низ теснината. Паралелно со ова, иранскиот Парламент усвои предлог-закон со кој се предвидува нов систем на безбедносни аранжмани и наплата на такси за транзит исклучиво во ирански ријали. Според новиот закон, на бродовите од земјите кои вовеле санкции кон Иран ќе им бидат наметнати сериозни ограничувања при пловидбата.

The post ТЕСНИНАТА ОРМУЗ Е ЗАТВОРЕНА САМО ЗА НЕПРИЈАТЕЛИТЕ НА ИРАН Арагчи вели дека сите други бродови може да поминуваат appeared first on plusinfo.mk.

Министерот за надворешни работи на Иран повика на будност и регионална координација во одделни разговори со своите колеги од Турција, Египет и Пакистан, а војската предупреди на построг одговор на какви било понатамошни напади врз енергетската инфраструктура на земјата – објавија државните медиуми.

Откако неговите енергетски објекти во гасните полиња Јужен Парс и Асалуе беа нападнати вчера, Иран возврати на она што го нарече енергетски објекти поврзани со САД во земјите од Заливот, вклучувајќи го и индустрискиот град Рас Лафан во Катар, најголемиот комплекс за течен природен гас во светот.

„Во разговорите со своите странски колеги Арагчи го оцени нападот на САД и ционистичкиот режим (Израел) врз иранската инфраструктура како чин насочен кон ескалација на тензиите и дестабилизација на регионот и повика на будност и координација меѓу регионалните земји како одговор на овие закани“, објавија денеска иранските медиуми.

Портпаролот на Здружениот штаб на иранските вооружени сили изјави дека неодамнешните напади врз енергетската инфраструктура на земјата доведоа до „нова фаза во војната“, во која Иран нападна енергетски објекти поврзани со САД и американските инвеститори во регионот.

„Доколку нападите (врз енергетската инфраструктура на Иран) се повторат, понатамошните напади врз вашата енергетска инфраструктура и онаа на вашите сојузници нема да престанат сè додека не биде целосно уништена, а нашиот одговор ќе биде многу поостар“, рече Ебрахим Золфакари.

The post ИРАН СЕ ОБРАТИ ДО ТУРЦИЈА, ЕГИПЕТ И ПАКИСТАН, БАРА КООРДИНАЦИЈА „Нападот врз Јужен Парс ја внесе војната во нова фаза“ appeared first on plusinfo.mk.

Иранскиот министер за надворешни работи Абас Арагчи изјави дека Израел не сака јавноста да ги види последиците од иранските ракетни напади, коментирајќи ја одлуката на израелските власти да забранат снимање на безбедносни локации и преноси во живо додека траат предупредувањата за напади.

Според Арагчи, израелскиот премиер Бенјамин Нетанјаху се обидува да спречи да се види „како моќните вооружени сили на Иран го казнуваат Израел за неговата агресија“.

„А еве како известуваат нашите мажи и жени на теренот: целосно уништување предизвикано од нашите проектили, испаничени лидери и противвоздушна одбрана во распад. А ние штотуку почнавме“, напиша Арагчи на платформата „Х“.

Во објавата тој сподели текст на „Франс 24“, во кој се наведува дека израелската војска забранила преноси во живо додека траат предупредувањата за ракетни или дронски напади од Иран.

Француската телевизија објави дека на почетокот на војната, која започна на 28 февруари, како и за време на дванаесетдневната војна во јуни минатата година, често биле прикажувани снимки од израелската противвоздушна одбрана која пресретнува ирански проектили.

Израелската армија, според извештајот, забранила снимање на места на удари во близина на безбедносни објекти, но дозволила снимање на штета на цивилни објекти, под услов да не се откриваат имињата на локациите.

Во претходна објава Арагчи изјави дека е „чиста и очигледна лага“ тврдењето дека Иран имал намера да ги нападне САД или американските сили, „било превентивно или како превентивна акција“.

„Единствената цел на оваа лага е да ја оправда ‘Операцијата Голема грешка’, опасна авантура што ја осмисли Израел, а ја платија обичните Американци“, изјави Арагчи.

The post ИЗРАЕЛ ГИ КРИЕ ПОСЛЕДИЦИТЕ ОД ИРАНСКИТЕ РАКЕТНИ НАПАДИ Затоа забрани објавување снимки, тврди Техеран appeared first on plusinfo.mk.