Поранешниот директор на Финансиска полиција Арафат Муареми од СДСМ премина во ДУИ, јави ТВ21.

The post ИМАМ ЦЕЛОСНА ВЕРБА ВО НЕПОБЕДЕНИОТ ЛИДЕР Арафат Муареми од СДСМ премина во ДУИ appeared first on plusinfo.mk.

Во анонимна кривична пријава поднесена од група граѓани на 3.5.2023 година до Основното јавно обвинителство за гонење на организиран криминал и корупција се изнесени наводи дека УФП не постапувала по анонимните пријави и оформените предмети биле затворани без да биде известено надлежното обвинителство. Врз основа на наводите во кривичната пријава, на 18.7.2022 година согласно чл. 287 став 1, 2 и 3 од Законот за кривична постапка, до УФП е доставено барање со рок од 10 дена за доставување податоци за бројот на примени анонимни кривични пријави од 2018 година до денот на доставување на одговорот и нивното евидентирање во уписниците на УФП, причините за нивно евентуално неевидентирање, како и фазата во која се наоѓаат овие пријави и дејствијата што Управата ги презела по однос на нив.

Истиот ден врз основа на наредба за претрес издадена од Основниот кривичен суд Скопје, на барање на обвинителството е извршен претрес на просториите на УФП, како и претрес на лице – поранешниот директор на УФП. Истражители од Истражниот центар во ОЈО ГОКК и полициски службеници извршиле увид во документацијата на УФП, односно во уписниците за наведениот период при што бил утврден бројот на анонимните кривични пријави. По насока на јавниот обвинител е побарано овие предмети да се достават на увид, како би се утврдил начинот на евиденција и постапување. Со потврда за привремено одземање на денот на претресот се обезбедени 35 предмети, воедно од поранешниот директор се одземени подвижни предмети – едно УСБ и еден персонален компјутер. Подоцна, со допис од 9.9.2022 година од УФП дополнително се доставени 380 предмети.

Предметот на 21.9.2022 година е презаведен во уписникот РОПС, односно со сите дотогаш прибрани списи е отстапен на надлежност на Специјализираното одделение за гонење на кривични дела сторени од лица со полициски овластувања и припадници на затворската полиција. Наредниот ден, предметниот јавен обвинител до Секторот за компјутерски криминал и дигитална форензика издаде наредба за вештачење на одземените електронски уреди.

Истражители од Истражниот центар на ОЈОГОКК извршиле увид во документацијата на сите 415 предмети и констатирале дека дел од предметите, иако се по пријави од 2018, 2019 и 2020 година, сѐ уште се водат како предмети во работа, а поголем дел од предметите се препратени на надлежно постапување во други инспекторати, МВР и други институции. Во предметите што биле затворени е содржана службена белешка од која може да се утврди на кој начин предметот е затворен или препратен во друга институција.

Од сето погоре наведено, предметниот обвинител утврдил дека наводите во пријавата дека УФП не преземала соодветни дејствија по предметите и не ги известувала надлежните јавни обвинителства и другите засегнати институции не соодветствуваат со фактичката состојба.

Во однос на наводите во анонимната кривична пријава и фактот дека наредбата за претрес на лице е барана поради постоење основи на сомневање дека поранешниот директор сторил кривично дело Примање награда за противзаконито влијание, предмет на анализа на обвинителството биле токму овие наводи во корелација со прибавените докази во текот на предистражната постапка.

„Од доставеното вештачење и анализа на содржината на одземената компјутерска опрема е утврдено дека документите и компјутерските податоци немаат поврзаност со конкретниот предмет. Така, од собраните докази и деталното разгледување на сите анонимни пријави, не произлезе основано сомневање дека пријавениот со искористување на своето реално или претпоставено влијание, службена или општествена положба и углед, барал, интервенирал, поттикнувал или на друг начин влијаел да се изврши службено дејствие што не би смеело да се изврши или да не се изврши службено дејствие што би морало да се изврши, а за посредувањето да примил награда или друга корист“, соопшти Обвинителството.

Со оглед дека од увидот во самите предмети обвинителството не може да утврди основи на сомнение дека обработувачите на предметите при преземање или непреземање службени дејствија сториле кривично дело што се гони по службена должност, до Управата доставило известување со кое ја задолжило Управата да изврши анализа на констатираните состојби во службената белешка и извештајот со цел дополнително да истражи. Доколку се констатира дека некој од инспекторите или поранешниот директор сториле кривично дело што се гони по службена должност, да го извести Специјализираното одделение за гонење на кривични дела сторени од лица со полициски овластувања и припадници на затворска полиција при ОЈО ГОКК.

Воедно, предметниот обвинител донесе решение и за кривичната пријава поднесена од физичко лице против поранешниот директор на УФП и инспектор во УФП, за сторени кривични дела Злоупотреба на службена положба и овластување, Малтретирање во вршење на службата, Насилство и Примање поткуп. Во врска со наводите во пријавата, јавниот обвинител во текот на предистражната постапка доставил барање до повеќе органи и институции и ги сослуша оштетениот, пријавените и 16 сведоци.

Како што е познато, бизнисмен од Дебар го пријавил поранешниот директор Арафат Муареми за три кривични дела, злоупотреба на службената положба и овластувања, насилство и малтретирање во вршење.

Со цел да утврди дали пријавените со своите дејствија оствариле битие на кривично дело Злоупотреба на службената положба и овластување, јавниот обвинител од ОЈОГОКК презел низа дејствија, меѓу кои доставил барања за доставување податоци до Општина Дебар, барање за увид во предметот оформен во Управен суд и барање до УФП за добивање предмет оформен по анонимна пријава која се однесува на легализација на бесправно изграден објект на лицето што ја поднело кривичната пријава до ОЈОГОКК.

Од прибраните писмени докази и вербални искази, јавниот обвинител утврдил дека не постои основано сомнение што упатува дека пријавените ја искористиле својата моќ како вработени во УФП и откако оштетениот не им дал пари, започнале да водат постапки за поништување на легализацијата на неговиот објект. Прибраните докази упатуваат на тоа дека пријавените постапувале во рамки на нивните законски овластувања по поднесена анонимна пријава до УФП и имале за цел да утврдат дали е сторено кривично дело што се гони по службена должност, а чие откривање и документирање е во надлежност на УФП. Управната постапка за поништување на решението за легализација за која станува збор во пријавата е во надлежност на Управниот суд и истата сѐ уште не е завршена.

Во однос на наводите дека пријавените сториле кривично дело Примање поткуп, пријавениот инспектор во својата одбрана ги негираше тврдењата опишани во кривичната пријава и истите се потврдени со анализа на телефонската комуникација и движење по базни станици на телефонските броеви на пријавениот и пријавителот. Притоа е утврдено дека за период од една година, двата телефонски броја не се регистрирани на исти или приближно исти базни станици што упатува на заклучокот дека исказот на пријавителот не може да се потврди.

Исказите на сведоците, вработени во Општина Дебар не ги потврдиле наводите на оштетениот дека пријавените ги извршиле кривичните дела Малтретирање во вршење на служба и Насилство за кои тој тврди дека биле преземани кон него и кон вработените во Општина Дебар. Притоа, пријавениот поранешен директор на УФП не е споменат од ниту еден сведок, а оштетениот со ниту еден доказ не ги поткрепил тврдењата дека лица од Косово и од Албанија му се јавувале во врска со овој предмет, ниту пак поврзаноста на наводните јавувања со пријавените.

Врз основа на анализа на сите расположливи докази, предметниот јавен обвинител донел решение со кое ја отфрлил кривичната пријава бидејќи не постои основано сомнение дека пријавените ги сториле кривичните дела за кои се пријавени или друго кривично дело што се гони по службена должност.

The post ОТФРЛЕНА КРИВИЧНА ПРИЈАВА ПРОТИВ АРАФАТ МУАРЕМИ Обвинителството не нашло докази дека бившиот директор на Финансова полиција ја злоупотребил функцијата appeared first on plusinfo.mk.

– Во повеќе наврати изјавив дека немам намера да се кандидирам за истото работно место и мојата кандидатура за заменик републички обвинител го покажува токму тоа. Но, по природа сум борец и сето ова што се случи во последните два месеца ме мотивира повторно да поднесам пријава за истото работно место. Да не беше временото оддалечување од работното место, да не беше предлогот за поведување на дисциплинска постапка, сигурно немаше повторно да се пријавам – истакна Русковска.

Суспендираната шефица на ОЈО ГОКК додаде дека со повторната кандидатура да биде на чело на институцијата сака да се избори во иднина на ниту еден колега да не му се случи она што ѝ се случи на неа.

Русковска изјави и дека пред две недели дознала дека се формирала комисија во Основното јавно обвинителство за гонење на организиран криминал и корупција (ОЈО ГОКК) и дека ѝ ги празнеле фиоките од бирото.

– Колегата Трајче Пеливанов, кој беше назначен од Советот на јавни обвинители да раководи со Обвинителството додека трае моето времено оддалечување, ми се јави и ме повика да одам да извршиме примопредавање на предметите. Му реков дека нема зошто да одам, му кажав каде е едниот предмет, каде е другиот предмет и да ги земе и да ги распредели по обвинители. Пред две недели разбрав дека формирале комисија и дека ми ги празнеле фиоките од бирото – изјави Русковска вечерва на Топ Тема.

The post БОРЕЦ СУМ, ОВА МЕ МОТИВИРАШЕ ПАК ДА СЕ КАНДИДИРАМ Русковска објасни зошто ќе бара нов мандат во ОЈО ГОКК appeared first on plusinfo.mk.

Русковска ова денеска го истакна по исказот во Обвинителството по поднесената кривична пријава за злоупотреба на службена должност при претресот извршен на 18 јули годинава во Управата за финансиска полиција од страна на ОЈО – ГОКК. Таа соопшти дека вчера поднела и пријава каде конкурирала за шеф на Основното јавно обвинителство за гонење на организиран криминал и корупција и дека очекува поддршка од нејзините колеги.

– Давав исказ по поднесена кривична пријава од Финансова полиција за наводна злоупотреба на службена положба и овластувања, член 353 став 1 и за наводно фалсификување на избори – појасни Русковска..

Таа истакна дека нејзиниот колега што го застапува предметот бил максимално коректен и професионален кон неа, а информираше дека сабајлево исказ дала нејзината колешка Елизабета Јосифовска, дека утре ќе дава Ивана Трајчева, а, како што рече, слушнала и дека Сузана Мирчевска Кузмановска бил ставена во пријавата.

Суспендираната обвинителка рече дека не извршла увид во доказите, освен во делови од предметот што се прибавени од Организиран криминал.

– Обвинителот ми рече дека имал некој извештај направено од колешката Лиле Стефанова, ја видов кривичната пријава. Ми беше понудено да го видам записникот на изјавата на Муареми, не бев заинтересирана да ја прочитам, само кривичната пријава ја прочитав – истакна обвинителката.

ОЈО Скопје претходно на брифинг со новинарите информираше дека постапува по кривичната пријава за злоупотреба на службена должност при претресот во Управата за финансиска полиција од страна на ОЈО – ГОКК, дека веќе се прибрани материјални докази и сослушан е подносителот на кривичната пријава, а во следните денови ќе се испитаат и пријавените лица.

Подносител на пријавата е Управата за финансиска полиција, а оштетено лице е Арафат Муареми.

– Пријавено е дејствието на злоупотреба на службена должност во контекст на нешто што не било созреано за претрес и немало таква документација за претрес, а е направено. Како аргументација кон пријавата е посочен и извештајот од надзорот и тоа што се случувало таму – појаснија од ОЈО Скопје.

Управата за финансиска полиција на 8 август годинава, поднесе кривична пријава до Основното јавно обвинителство Скопје против обвинителките Вилма Русковска, Ивана Трајчева и Елизабета Јосифовска, за „злоупотреба на службена положба и овластување“ при претресот во Управата за финансиска полиција извршен на 18 јули годинава.

The post КРИВИЧНАТА Е ПРИТИСОК КОН МЕНЕ АМА И КОН СИТЕ ДРУГИ ОБВИНИТЕЛИ Русковска објасни како ја доживува пријавата од Муареми appeared first on plusinfo.mk.

Како што велат од таму, со Наредбата за претрес и Барањето за податоци од страна на Управата за финансиска полиција се барале сите анонимни кривични пријави доставени до Управата за финансиска полиција од 2018 година до денот на претресот, односно денот на одговор по барањето.

– Во барањето за податоци даден ни е рок за постапување од 10 дена и тој започна да тече од 18 јули 2022 година. Седум дена по претресот и барањето, односно на 25 јули, кога Управата за финансиска полиција излезе со соопштение во јавноста во кое информиравме за претресот и поднесени претставки поради сомнение за злоупотреби од страна на обвинителката Вилма Русковска, во 14 часот во Управата пристигна допис со кој што се бараше Управата веднаш да ги достави дотогаш прибраните предмети и списи. Управата за финансиска полиција во тој момент располагаше со обезбедени 35 предмети оформени по „анонимни кривични пријави доставени до Управата од 2018 година до денот на одговор на барањето“ и тие предмети беа веднаш доставени во Обвинителството за гонење на организиран криминал и корупција – наведуваат од Управата.

Во меѓувреме, како што посочуваат оттаму, постапувајќи по наведеното барање од Управата за финансиска полиција, дополнително обезбедени се уште 150 предмети оформени по анонимни кривични пријави доставени до Управата од 2018 година до денот на одговор на барањето и за истото Основното јавно обвинителство за гонење на организиран криминал и корупција со допис е известено.

– Во дописот, меѓудругото е наведено следното „Согласно член 287 ст.2 од Законот за кривична постапка ‘Субјектите од ставот (1) на овој член се должни на јавниот обвинител да му достават податоци, известувања, документи, предмети, банкарски сметки или списи кои му се потребни во текот на постапката. Јавниот обвинител има право да бара податоци, известувања, документи, предмети, банкарски сметки или списи и од други правни лица и од граѓаните за кои може основано да смета дека располагаат со такви податоци или информации.’, а имајќи го предвид Извештајот од извршениот Надзор од Јавното обвинителство на Република Северна Македонија во кој што извештај е констатирана ненадлежност на обвинителките Вилма Русковска, Ивана Трајчева и Елизабета Јосифовска да постапуваат по конкретниот предмет РО бр.155/22, Ве молиме писмено да нѐ известите на чие надлежно постапување, согласно одредбите од Законот за јавно обвинителство е доделен предметот РО бр.155/22, а со цел од страна на Управата за финансиска полиција на надлежниот јавен обвинител да му бидат предадени бараните податоци/ предмети и воедно со надлежниот обвинител да биде составен Записник за примопредавање на предмети“, се наведува во соопштението од Управата.

Управата за финансиска полиција исчекува одговорот од Основното јавно обвинителство за гонење на организиран криминал и корупција, а со цел да ги достави обезбедените податоци/предмети кои се побарани од Управата согласно Барањето за податоци РО 155/22 од 18 јули 2022 година.

The post ФИНАНСОВА КОНТРА РУСКОВСКА Управата ги отфрла наводите дека ѝ дала на обвинителката предмети кои таа не ги барала appeared first on plusinfo.mk.

– Ние сме имале и поголеми пропусти во обвинителството, поврзани со надлежностите. Општо познато е дека постапувале обвинители што воопшто не се реизбрани со години, нивниот легитимитет бил многу попроблематичен од овој. Овде е прашање, дали процесно, по една иста линија на надлежност, постапува еден или друг обвинител. Во принцип имаме флексибилност во обвинителството од опортуни причини, презафатеност на пример. Процесниот дел не е работа што би била санкционирана од судот, и затоа се многу чудни вакви санкции и вакви квалификации, повеќе би рекол политички – вели професорот Калајџиев.

Според него поголема грешка на Вилма Русковска што сега не се спомнува, нејзиниот повик до странските амбасади кој што значеше дека системот е растурен, дека нема доверба во повисокиот обвинител и повикува на помош од страна.

– Во принцип таквиот чекор беше очајнички. Мислам дека и самата обвинителка веројатно со време ќе се покае за ова, бидејќи не доликува ако си обвинител, ако не можеш да се бориш или да си ја извршиш функцијата, било која функција да ја имаш, особено не ваква одговорна функција и захтевна, ред е да поднесете оставка. Мој впечаток е дека таа има стапнато „на жуљ“ некому и дека ваквата усилена интервенција на државниот обвинител е практично по нарачка, рече Калајџиев.

Според него оставката на Арафат Муареми е малку неочекувана.

– Во момент кога тој шутира пенал, односно е шутнат пенал во негова полза, односно републичкиот обвинител шутнал пенал во негова полза, со тоа што обвинителите ги ставил на обвинителна клупа, неговата позиција страшно се подобрува, малку е неочекувано што во таков случај тој поднесува оставка – вели професорот.

Според Калајџиев, ова може да значи дека веројатно е договорено да се тргнат и едните и другите бидејќи, како што додаде, обвинителките во конкретниов случај „го обрале бостанот“.

– Ако републичкиот обвинител смета, дека во таа постапка се направени сериозни пропусти и злоупотреби, тогаш тој треба таа постапка да ја сопре. Ако тој мисли дека постапката е злонамерно поведена и погрешно водена и на штета на јавните интереси, како што е сега утврдено со тоа што повел дисциплински постапки против обвинителките, тогаш доследно би било таа постапка да се запре – смета Калајџиев.

The post КОМУ РУСКОВСКА „МУ СТАПНАЛА НА ЖУЉ“? Професор Калајџиев за суспензијата на обвинителката appeared first on plusinfo.mk.

– Имајќи ја предвид одлуката на Јавниот обвинител на Република Северна Македонија Љубомир Јовески да поведе постапки за утврдување дисциплинска одговорност за сите три јавни обвинителки и да ја суспендира Вилма Русковска од функцијата основен јавен обвинител на Основното јавно обвинителство за гонење на организиран криминал и корупција поради незаконитото постапување и злоупотребата на службената положба и овластување, по своја сопствена волја се повлекувам од функцијата в.д директор на Управата за финансиска полиција.

Ваквата одлука ја носам со цел во јавноста да не постои ни најмал сомнеж во интегритетот, непристрасноста и независноста на постапката која што и понатаму останува да се води во Основното јавно обвинителство за гонење на организиран криминал и корупција.

Денешната одлука на Јавниот обвинител на Република Северна Македонија даде јасна порака дека законите мора сите да ги почитуваат и дека злоупотребите на функциите за лични цели се недозволиви, напиша Муареми на својот ФБ-профил.

Денеска пак обвинителството информираше дека е покрената дисциплинска постапка против обвинителките Вилма Русковска, Елизабета Јосифовска и Ивана Трајчева, за претресот во Управата за финансиска полиција. Обвинителката Русковска доби и привремена суспензија.

The post СУСПЕНЗИЈАТА НА РУСКОСКА, „ПОВЛЕЧЕ“ ОСТАВКА НА МУАРЕМИ? Директорот на финансиската полиција си замина „за да нема притисоци“ appeared first on plusinfo.mk.

Од Управата за финансиска полиција, не информираат колку лица конкретно се опфатени со пријавата.

– Со оглед на тоа што постапката за сите пријавени лица од овој момент е тајна, почитувајќи ја пресумпцијата на невиност на пријавените, тоа е се што во овој момент можеме да споделиме со јавноста, согласно Законот за кривична постапка – се вели во соопштението до медиуми од Управата за финансиска полиција.

Директорот на Управата за финансиска полиција Арафат Муареми, минатата недела на брифинг со новинарите најави дека до крајот на неделата ќе поднесе кривична пријава против обвинителките Вилма Русковска, Ивана Трајчева и Елизабета Јосифовска за „злоупотреба на службена положба и овластување“ и „фалсификување на службената исправа“.

Обвинителството за гонење на организиран криминал и корупција на 18 јули годинава изврши претрес во Управата за финансиска полиција, по што следуваше јавна преписка и обвинувања меѓу шефицата на Обвинителството за гонење организиран криминал и корупција Вилма Русковска и директорот на Управата Арафат Муареми

The post ФИНАНСИСКА ПОЛИЦИЈА ПОДНЕСЕ КРИВИЧНА ПРИЈАВА ДО ОЈО Не се откриени имињата на пријавените обвинители appeared first on plusinfo.mk.

Партијата обвинува дека наместо борба против криминалот, тие го правеле криминалот и бара Муареми и другите институции во системот да кажат дали и ако да, зошто биле злоупотребувани истраги од страна на финансиската полиција за рекет.

„Дали се отворани предмети за да се држат под закана од прогон луѓе или фирми, а потоа откако ги дисциплинирале ги ставале во фиока?“, прашува партијата.

ВМРО-ДПМНЕ ја прозива Русковска да каже зошто молчела до сега и од кога знае за таквите наводи.

„Дека институциите се гнили покажува и даночниот криминал од скоро 100 милиони евра, кој бил правен со фиктивни фактури, а кој УЈП го криеше од јавноста, сѐ додека ВМРО-ДПМНЕ не обелодени сомнежи за криминал.

Како доаѓа крајот на власта на СДСМ и ДУИ, така с ѐ повеќе излегуваат на површина нивните криминали. Ваквите случаи дополнително ќе бидат истражени по промената на власта и секој кој се огрешил пред законот ќе треба да одговара, а не да се крие зад поранешни функции или политички позиции. Законот ќе важи еднакво за сите“, пишува во соопштението на ВМРО-ДПМНЕ.

The post ИНСТИТУЦИИТЕ СЕ РАСПАЃААТ, УЈП И ФИНАНСИСКАТА ПОЛИЦИЈА ДУВЛА ЗА РЕКЕТ Ковачевски и СДСМ знаат дека ќе доживеат дебакл, тврди ВМРО-ДПМНЕ appeared first on plusinfo.mk.

Во мојата скоро 30-годишна адвокатско судиска кариера, памтам неколку тивки и скриени од јавноста конфликти на битни функционери кои завршувале со тивки „повлекувања“ од функцијата, што од лични, што од здравствени причини.

Во тогашниот „трул“ општествен систем постоел механизам и авторитет да го артикулира конфликтот и да не дозволи да излезе надвор од контрола, со што ќе предизвика штета за државата.

Пошто во државата очигледно нема таков механизам и авторитет, овој конфликт ги има сите предиспозиции да ескалира, еден ќе загуби, а другиот ништо нема да добие.

Конечно, овој отворен конфликт и сериозните меѓусебни обвинувања на првите луѓе на овие институции, ги компромитира и ги доведува во прашање непристрасноста во активните кривични предмети пред надлежниот суд, како и тие по кои во моментот се постапува.

(Фејсбук статус на Владимир Туфегџиќ, адвокат и доскорешен судија)

The post СУДИРОТ МЕЃУ РУСКОВСКА И МУАРЕМИ ИЗЛЕЗЕ ОД КОНТРОЛА Туфегџиќ смета дека конфликтот е општествено опасен appeared first on plusinfo.mk.