Зад обидот за опожарување на објектот на Еврејска заедница во Скопје стои дел од радикална групација активна во земјава, идеолошки поврзани на глобалната мрежа на Исламска држава, констатирала Агенцијата за национална безбедност по спроведената истрага.

„Агенцијата за национална безбедност согласно своите надлежности презеде оперативно-технички и аналитички мерки и активности со цел идентификување на мотивите и непосредните извршители на обидот за опожарување на објектот на Еврејска заедница во Скопје.

Во таа насока од страна на Агенцијата се прибраа информации и беа идентификувани лица – најверојатни извршители и нивна логистичка мрежа, како и повеќе објекти во Скопје, кои според нашите индиции, како дел од радикална групација идеолошки надоврзани на глобалната мрежа на Исламска држава, непосредно по повикот на споменатата терористичка организација од почетокот на април, презедоа насилни активности.

Во соработка со ОЈО за ГОКК и МВР на 30.04.2026 г. беше спроведена акција за лишување од слобода на лица и претреси на објекти со цел ефектуирање на кривичен прогон и елиминирање на идни активности на терористичката групација.

АНБ останува посветена на планот на превентивно делување и попречување на ризици и закани по националната безбедност преку навремено обезбедување на информации и преземање на активности во соработка со други надлежни институции од земјава“ – се вели во соопштението.

The post ОТКРИЕНА ТЕРОРИСТИЧКА ЌЕЛИЈА НА ИСЛАМСКА ДРЖАВА ВО МАКЕДОНИЈА! Што покажа истрагата на АНБ за опожарувањето на еврејската заедница appeared first on plusinfo.mk.

44-годишен маж од Прилеп е приведен на граничниот премин Табановце под сомнение дека измамил лице од Валандово за повеќе од 88.000 евра, ветувајќи му лажно лекување во странство за неговата сопруга.

Како што информира полицијата, станува збор за Б.К., кој бил уапсен по координирана акција на криминалистичката полиција во соработка со СВР Струмица и ОВР Валандово.

Според истрагата, измамата се случувала во периодот од јули до ноември 2025 година. Осомничениот го довел во заблуда оштетениот, убедувајќи го дека ќе организира лекување во странство за неговата сопруга. Верувајќи во тоа, мажот во повеќе наврати уплатил вкупно околу 88.300 евра.

Во меѓувреме, жената починала, а ветеното лекување никогаш не било реализирано.

По апсењето, осомничениот е изведен пред судија на претходна постапка во Основниот суд во Гевгелија, кој му одредил мерки за претпазливост додека трае постапката.

The post 📽️ ЗЕЛ 88.000 ЕВРА ЗА ЛАЖНО ЛЕКУВАЊЕ, ЖЕНАТА ПОЧИНАЛА Прилепчанец ветувал дека ќе помогне, но излажал appeared first on plusinfo.mk.

Вистинска драма се одвивала во прилепско, откако две лица биле затекнати при бесправна сеча на дрва, а ситуацијата ескалирала во напад врз полицаец со моторна пила.

Настанот започнал во четвртокот околу пладне во атарот на селото Стровија, општина Долнени, каде што шумската полиција од Прилеп ги затекнала Т.Т. (33) и Џ.Т. (59) од селото Црнилиште како нелегално сечат огревни дрва.

Наместо да постапат по наредбите, двајцата станале агресивни. Во еден момент, 59-годишниот маж замавнал со моторна пила кон еден од полициските службеници, по што двајцата избегале од местото.

По неколкучасовна потрага, полицијата успеала да ги лоцира и да ги пронајде во нивното село, каде што биле лишени од слобода.

По целосно документирање на случајот, против нив ќе следува соодветен поднесок, информира полицијата во дневниот билтен.

The post СО МОТОРНА ПИЛА НАПАДНАЛ ПОЛИЦАЕЦ Вистинска драма при апсење дрвокрадци appeared first on plusinfo.mk.

Албанската полиција во приморскиот град Валона, уапсила македонски државјанин, кој изнајмен стан претворил во „база за дрога“.

„Полицијата во Валона разби случај на дистрибуција на дрога, по операција спроведена од специјалисти за истраги за наркотици. Уапсен е македонскиот државјанин Б.Л. (53) кој изнајмил стан во населбата „10 јули“ каде ја чувал и подготвувал дрогата, кокаин и марихуана, во помали пакувања“ – се вели во полициското соопштение.

За време на претресот, полицијата во станот, пронашла значителна количина кокаин и марихуана, електронска вага и неколку мобилни телефони, за кои постои сомневање дека се користеле во нелегалната активност.

Во акцијата уапсени се и албанските државјани А.И.(31) од Валона и К.А.(27) од Берат, кои исто така пред судот во Валона ќе одговараат за  кривично дело „производство и продажба на наркотични дроги“

The post ИЗНАЈМИЛ СТАН ВО ВАЛОНА И ГО ПРЕТВОРИЛ ВО „БАЗА ЗА ДРОГА“ Македонски државјанин уапсен во Албанија appeared first on plusinfo.mk.

Машко лице е уапсено под сомнение дека силувало малолетничка во Гостивар и објавувало експлицитни содржини на социјалните мрежи, информира Секторот за внатрешни работи – Тетово.

Полицијата информираа дека од слобода е лишен 29-годишниот Т.Б. од село Здуње.

– На 24.04.2026 година 42-годишен жител од Гостивар пријавил дека пред неколку месеци на подрачје на Гостивар, непознато машко лице со возило „фолксваген џип“, црна боја, ја пресретнало неговата малолетна ќерка и со употреба на физичка сила извршило силување врз неа, упатувајќи ѝ закани по нејзиниот и животот на нејзиното семејство – појасни Фатмир Реџепи, портпарол на СВР – Тетово.

Тој појасни и како бил откриен осомничениот и како е извршено неговото апсење.

– На 22.04.2026 година на социјални мрежи биле објавени експлицитни фотографии и видеа на ќерката на пријавителот. По преземени мерки, лицето било пронајдено, извршен бил претрес во неговиот дом, како и во уште еден дом на подрачје на селото Равен, каде приведеното лице престојувало, при што биле одземени лаптоп, мобилен телефон, УСБ-стик и други предмети.

Лицето било задржано во полициска станица за понатамошна постапка, по што ќе била поднесена соодветна пријава – рече портпаролот Реџепи.

The post СИЛУВАЛ МАЛОЛЕТНИЧКА, СНИМАЛ, ПА ОБЈАВИЛ НА СОЦИЈАЛНИ МРЕЖИ? Уапсен 29-годишен жител на гостиварско Здуње appeared first on plusinfo.mk.

Вистинска драма се одвивала завчера попладне во скопската општина Чаир, каде тројца полициски службеници биле спречени да го приведат осомничено лице, по што биле принудени да испукат предупредувачки куршуми во воздух.

Според информациите од Министерството за внатрешни работи, инцидентот се случил на 23 април околу 18:45 часот. Полицајците вршеле службени дејствија за приведување на лице кое се бара поради сомнение за сторено кривично дело.

Во тој момент, група од околу десетина лица се вмешала и активно почнала да ги спречува полициските службеници во извршување на нивната задача. Бидејќи лицата не ги почитувале наредбите, полицајците биле принудени да испукат предупредувачки куршуми во воздух.

Од МВР информираат дека се преземаат сите неопходни мерки за целосно расчистување на случајот и утврдување на сите околности и одговорни лица.

The post ДРАМА ВО СКОПСКИ ЧАИР, ПОЛИЦАЈЦИ ПУКАЛЕ ВО ВОЗДУХ Група луѓе се обидела да спречи апсење appeared first on plusinfo.mk.

Полицијата попладнево спроведува нова координирана акција насочена кон разбивање на нелегални мрежи кои, според неофицијални информации, профитирале на штета на здравјето на граѓаните.

Неофицијално, Одделот за организиран криминал при Бирото за јавна безбедност при МВР врши претреси на повеќе локации низ државата и приведува повеќе лица, меѓу кои организатори, посредници, а според првичните сознанија можно е да приведува и лекари и други службени лица инволвирани во организирана криминална група.

Сомневањата се дека групата била поврзана со нелегален увоз и дистрибуција на фалсификувани ботокси, филери и други медицински препарати, кои биле внесувани во Македонија преку нелегални канали од повеќе држави, меѓу кои Кина, Турција и од Србија. Производите, кои потоа биле пласирани на пазарот, немале соодветна контрола, дозволи, ниту регистрација.

Овие препарати, кои често се користеле под превезот на естетски третмани, наместо подобрување на изгледот, можеле да предизвикаат сериозни здравствени последици – инфекции, деформитети, трајни оштетувања, па дури и ризик по животот на граѓаните.

Случајот отвора сериозни прашања за злоупотреба на довербата на пациентите и за опасностите од нерегулирани медицински интервенции.

Надлежните институции најавуваат дека борбата против ваквите криминални структури ќе продолжи со засилено темпо, со цел целосно расчистување на случајот и санкционирање на одговорните.

The post УВЕЗУВАЛЕ ФАЛСИФИКУВАНИ БОТОКСИ, ФИЛЕРИ И ДРУГИ ПРЕПАРАТИ Полицијата апси организирана криминална група во која е можно да има и лекари appeared first on plusinfo.mk.

Тетовската полиција вчеравечер изврши претрес во еден изнајмен стан, како и во куќата на поранешната градоначалничка на Тетово Теута Арифи, по сомневања дека нејзиниот 16-годишен син е вклучен во продажба на наркотични средства, објави порталот на албански јазик „Алмакос“.

Според информациите на порталот, синот на Теута Арифи бил приведен во полициска станица, заедно со неговиот татко, актуелен судија во Врховниот суд. Информациите подоцна ги потврди и СВР Тетово.

„Според полициски извори, било пронајдено значително количество наркотици. Според наодите, дрогата била подготвена и била спакувана за продавање. Полицијата пронашла во станот на малолетникот готови кеси, 120 грама марихуана, подготвени запродажба и како и 1,5 грам чист кокаин“, пишува порталот.

Според соопштение на полицијата, на 16.4.2026 година во 22:05 часот, полициски службеници од Секретаријатот за внатрешни работи од Тетово лишиле од слобода 16-годишник од Тетово, поради сомнение за сторено кривично дело според член 215 од Кривичниот законик. При претрес на објект во Тетово, извршен со согласност на сопственикот, кој малолетникот го изнајмил и го користел под кирија, пронајдени се и запленети се 34 пакувања марихуана, кутија и кеса марихуана, како и едно пакување бел прашок.

Малолетникот е приведен во полициската станица и во присуство на родителот ќе се изврши службен разговор со него. По целосното документирање на случајот, ќе биде поднесена соодветна пријава.“ – се вели во соопштенито на полицијата.

The post СИНОТ НА ТЕУТА АРИФИ ПРИВЕДЕН ПОД СОМНЕНИЕ ЗА ДИЛАЊЕ ДРОГА Малолетникот во станица во придружба на татко му appeared first on plusinfo.mk.

Европол денеска објави дека се уапсени 12 осомничени членови на балкански криминален картел, вклучувајќи го и водачот на картелот кој е уапсен во Црна Гора.

Како што е наведено во соопштението, агенцијата на Европската Унија која ја координира борбата против сериозниот и организиран криминал меѓу земјите-членки, ги поддржа црногорските и германските безбедносни власти во обемна операција насочена кон важна ќелија на балканскиот картел.

„Оваа акција резултираше со апсење на дванаесет осомничени (четворица во Германија), вклучувајќи едно лице со висока вредност, кое беше уапсено во Црна Гора“, соопшти Европол во соопштение.

Европол додаде дека истрагата, која беше поддржана од властите на Австрија и Шпанија, беше насочена кон криминална мрежа вклучена во меѓународна трговија со дрога во голем обем.

Се верува дека осомничените, кои живеат во Црна Гора и Германија, имале различни улоги во рамките на криминалната организација, од финансиери до координатори и логистичари.

Се потсетува дека судските власти во Црна Гора поднесоа обвиненија против неколку осомничени за нивна вмешаност во шверц на 2,7 тони кокаин и 1,5 тони канабис во периодот од октомври 2024 до април 2026 година.

Дрогата беше запленета во 12 различни претходни операции низ повеќе земји од ЕУ и Јужна Америка, а се верува дека мрежата користела поморски и воздушен шверц, користејќи контејнери за превоз и други тајни методи за транспорт на нелегални супстанции.

Исто така, се сомнева дека криминалната мрежа шверцувала канабис во ЕУ од и преку земји како што се Албанија, Тајланд и САД.

Фото: Европол (www.europol.europa.eu)

The post 🎥📷 ВО СПЕКТАКУЛАРНА АКЦИЈА ЕВРОПОЛ РАЗБИ БАЛКАНСКИ НАРКО-КАРТЕЛ Упасени 12 лица, меѓу кои и водачот во Црна Гора appeared first on plusinfo.mk.

Серија случаи на семејно насилство и закани се пријавени во повеќе градови низ земјава, при што дел од насилниците завршиле во полициска станица. Нападите се случувале во домови, но и на јавни места, а жртви се жени, малолетници и членови на семејства.

Во Скопје, 49-годишна жена пријавила дека вчера вечерта во својот дом на Бит Пазар била физички нападната од сопругот Г.Ј.(49), кој ѝ упатувал и закани.

Исто така во Скопје, 36-годишна жена пријавила дека вчера попладне во Центар, нејзиниот поранешен сопруг Д.И.(39) ѝ упатувал закани.

Друга 25-годишна скопјанка пријавила дека завчера добила закани од сопругот Љ.Г.(30), со кого била во бракоразводна постапка, а заканите биле насочени и кон нејзиното семејство.

Во Кочани, 24-годишна жена пријавила дека завчера вечерта во домот каде што престојувала била физички нападната од сопругот Д.П..

Во Струга, полицијата денеска во раните утрински часови го уапсила Р.М.(46), откако неговата сопруга пријавила дека ја нападнал во семејниот дом.

Во Куманово, 15-годишно девојче пријавило дека било физички нападнато од својот татко Ф.Л..

Исто така во Куманово, полицијата вчера го привела З.Г.(52), кој ја нападнал својата сопруга.

Во Битола, 53-годишна жена пријавила дека вчера вечерта нејзиниот малолетен син бил нападнат со дрвен предмет од нејзиниот партнер Т.Н..

Полицијата соопшти дека работи на расчистување на сите случаи и најави соодветни пријави против осомничените.

The post ЗА 24 ЧАСА ПРИЈАВЕНИ 8 СЛУЧАИ НА СЕМЕЈНО НАСИЛСТВО Двајца уапсени во Струга и во Куманово appeared first on plusinfo.mk.