Полициски службеници од ОВР Гостивар ја лишија од слобода М.П.Ј. (30) од село Волковија, гостиварско, по пријава за финансиска злоупотреба во локално казино.

Според информациите од СВР Гостивар, случајот започнал на 10 октомври 2025 година во 21:40 часот, кога менаџерката на казиното забележала дека од касата недостасува промет во износ од 816.297 денари. Истата пријавила дека осомничената, која била вработена во казиното, си префрлила електронски кредит и ги потрошила средствата играјќи на апаратите за игри на среќа.

М.П.Ј. е задржана во полициска станица за потребите на истрагата, а по комплетирање на документацијата, против неа ќе биде поднесена соодветна пријава за кривично дело.

Од СВР Гостивар потенцираат дека случајот е во активна фаза и дека се преземаат сите мерки за целосно расчистување на инцидентот.

The post НАМЕСТО ДА РАБОТИ СЕ ЗАИГРАЛА НА АПАРАТИ Вработена украла цел промет од казино, менаџерката открила дека фалат над 800.000 денари appeared first on plusinfo.mk.