Доктор од одделот за итни случаи во Калифорнија, д-р Џо Витингтон, посочил на едноставен тест кој би можел да помогне во рано откривање на потенцијално смртоносна состојба – аортна аневризма.

Тестот, кој може да се направи дома за помалку од една минута, веќе стана вирален на Тик-Ток, каде што видеото е прегледано повеќе од 340.000 пати, објавува Daily Mail.

@drjoe_md

Can your thumb predict a hidden heart problem? The “thumb-to-palm” test was linked to a higher risk of ascending aortic aneurysm in a Yale study, almost 60% of patients with aneurysms had a positive result. But before you panic, this doesn’t mean you have one. It’s just one potential sign of stretchy connective tissue, which could also mean a stretchy aorta. If your thumb crosses your palm, especially with a family history of heart issues or connective tissue disorders, talk to your doctor. Flexibility is great… just not in your arteries. #hearthealth #ehlersdanlossyndrome #connectivetissuedisorder #healthtips

♬ original sound – Dr. Joe, M.D.

Д-р Витингтон објаснува дека тестот вклучува едноставно истегнување на палецот преку зглобот. Ако палецот оди подалеку од работ на дланката, тоа може да биде знак за абнормална еластичност на сврзното ткиво – карактеристика што е поврзана со зголемен ризик од аортна аневризма.

Смртоносно крварење

Аортна аневризма е испакнатост или проширување на главната артерија што носи крв од срцето до остатокот од телото. Ако не се открие и не се третира навреме, може да пукне, што често резултира со фатално внатрешно крварење.

„Ако вашиот палец се протега далеку преку дланката, ова е таканаречен позитивен знак на палец – дланка“, објаснува д-р Витингтон. „Ова може да укажува на абнормална еластичност на сврзното ткиво, кое се наоѓа и во артериите, што го зголемува ризикот од отекување или пукање на аортата.“

Д-р Витингтон, исто така, цитира студија објавена во 2021 година во American Journal of Cardiology, во која биле вклучени 305 пациенти кои биле подложени на операција на срце за разни срцеви заболувања, вклучително и аортни аневризми. Студијата покажала дека дури 60 проценти од луѓето со позната аневризма имале позитивен резултат на тестот палец-дланка.

Иако позитивниот резултат не е ексклузивен индикатор за болеста, луѓето со овој знак се изложени на значително зголемен ризик и треба да се консултираат со лекар.

Симптоми

Аневризмите често не предизвикуваат симптоми сè додека не пукнат, па затоа е тешко да се откријат без целен преглед. Можните симптоми вклучуваат:

– болка во градите, грбот или вратот,

– оток на лицето, вратот или рацете,

– кашлица, свирење во градите, отежнато дишење,

– искашлување крв.

Благодарение на рутинските прегледи и дијагностика, аневризмите можат да се откријат рано и да се третираат со лекови за намалување на крвниот притисок или со операција.

The post ТЕСТ СО ПАЛЕЦОТ МОЖЕ ДА ОТКРИЕ „ТЕМПИРАНА БОМБА“ ВО ВАШЕТО ТЕЛО Смртоносната аортна аневризма нема рани симптоми appeared first on plusinfo.mk.