– Прво, тоа што беше објавено на еден портал, потоа беше преземено и од други портали, беше јавно достапен податок и може да се види од мојот анкетен лист каде што е пријавен уделот на мојата сопруга. Тоа не е сега, тоа е уште пред да стапам на функција како претседател на Владата. Согласно Законот за трговски друштва и согласно законските регулативи во државата секој граѓанин може да инвестира свои сопствени средства, како што таа има инвестирано свои сопствени средства и сето тоа е пријавено во сите надлежни институции, во Антикорупциска, со сите податоци и тие се јавно достапни – рече Ковачевски.

Тоа, додаде тој, е нејзина инвестиција којашто ја има направено со свои сопствени средства.

– Без моја помош, зошто би имала моја помош да инвестира средства – рече Ковачевски прашан дали таа тоа го направила без негова помош.

Одговарајќи на прашање во врска со корупцијата и соработката со САД, Ковачевски рече дека земјата има функционални институции и дека треба да се работи на сузбивање на корупцијата, како и дека во изминативе 30 години ние за тоа сме имале меѓународна помош. Ова, според него, е дел од стратешката соработка што Северна Македонија ја има со САД.

– Ние на ова гледаме како на продолжување на партнерскиот однос којшто го имаме со САД со цел градење на држава која ќе стане земја членка на ЕУ, а со самото зачленување во ЕУ владеењето на правото и борбата против корупцијата се издигаат на највисоко ниво – рече Ковачевски.

The post ФОТОВОЛТАИЦИТЕ СЕ БИЗНИС НА ЖЕНА МИ, ПРИЈАВЕН ВО МОЈОТ АНКЕТЕН ЛИСТ Премиерот Ковачевски во одговор на новинарско прашање appeared first on plusinfo.mk.

Против сите лица за кои е утврдено дека во законски утврдениот рок не ја исполниле законската обврска за поднесување анкетен лист до Антикорупција, информираше на денешната седница Билјана Ивановска, претседател на ДКСК, ќе им се издаде прекршочен платен налог, за сторен прекршок во членот 82 од Законот за спречување на корупција и судир на интереси.

– Ова значи дека се работи по сите овие предмети, се обезбедуваат податоци онаму каде што недостасуваат, имајќи предвид дека во Служебен весник има податоци само за име и презиме, нема матични броеви, така што за сите овие лица ќе им се изработат платни налози односно ќе започне прекршочна постпака понатаму доколку не ги платат платните налози – појасни Ивановска, додавајќи дека како ќе бидат завршувани предметите на кого се однесуваат, така ќе бидат и објавувани.

The post 710 ПОРАНЕШНИ ФУНКЦИОНЕРИ ЌЕ БИДАТ КАЗНЕТИ Антикорупциската комисија утврди дека не поднеле анкетни листови appeared first on plusinfo.mk.

– ДКСК е независен државен орган и е неблагодарно да се вршат препукувања, со цел да се обезбедат одредени политички поени, затоа што во пресрет на локалните избори не сакаме да се доведeме во ситуација преку нас да се книжат одредени политички поени – рече Ивановска.

Прашана дали е отворен предмет за претседателката на Судскиот совет, Павлина Црвенковска, Ивановска потврди дека и за овој случај ДКСК отворила предмет и се доставени барања за обезбедување документација, а процесот е во тек.

– Мора најпрво да се обратиме до претседателката да ни каже кои се членови на нејзиното семејство за да можат сите тие да бидат опфатени. Во анкетниот лист што таа го има доставено, нема матичен број на нејзиниот сопруг. Сега мора да чекаме матични броеви, тие броеви да се потврдат од МВР и понатаму да си одат постапките по ред – изјави Ивановска.

Катица Николовска, член на Комисијата по барање на новинарите да одговори до каде е предметот со поранешниот генерален секретар на Владата, Драги Рашковски, информира дека имале средба со обвинителот што го води тој предмет во ЈО и се договориле се што ДКСК имаат обезбедено како документација да се достави до нив, а тие ќе продолжат со случајот.

– Нашите наоди ги проширивме и на други јавни набавки, а не само на набавката за софтверското решение. Набавките поврзани со самиот предмет, камери, сталци, подвижни кабини, има повеќе јавни набавки со што износот на средствата потрошени за тие договори е голем. Мислам дека стануваше збор за некаде околу 18 милиони денари – изјави Николовска.

The post Антикорупциска отвори предмет за „скалите на Шилегов“, а истражува и сомнителни набавки на Рашковски од 18 милиони денари appeared first on plusinfo.mk.

– Според мене во оваа ситуација треба да се вклучат и другите органи како Јавното обвинителство. Ние се договоривме да собереме доволно информации да ги разгледаме околностите и потоа ќе одлучиме како ќе постапуваме понатаму во зависност од тоа што ќе добиеме како информација – изјави за РСЕ претседателката на Антикорупциската комисија Билјана Ивановска.

Ивановска претходно во интервју за ТВ24 рече дека во ДКСК биле изненадени од „информациите дека постоел неорганизиран процес за набавка на вакцините“.

The post Антикорупциската комисија собира податоци за случајот со кинеските вакцини appeared first on plusinfo.mk.

Димче Арсовски, портпарол на ВМРО-ДПМНЕ информира дека денеска поднеле претставка до Антикорупциската комисија, да отвори случај и да истражи на кој начин и како се финансирала СДСМ во кампањата за предвремените парламентарни избори, затоа што, како што тврди ВМРО-ДПМНЕ,  немаат поднесено извештај за потрошени над 700.000 евра.

– Како што рековме на првата прес конференција над 200.000 евра имаат потрошено на закуп за рекламни паноа и билборди. Нормално билбордите беа јавно објавени пакетите, ждребање во ДИК итн. Но не ја сфаќаме причината поради која што СДСМ не се транспарентни кон јавноста. И втората прес конференција каде што обзнанивме дека над 500.000 евра имаат потрошено за рекламирање на социјалните мрежи, Фејсбук, Инстаграм и останатите каде што можат да се рекламираат. Дневно има трошено над 27.000 евра како што реков во текот на кампањата над 500.000 евра, но немаат покритие за истите пари – вели Арсовски.

Тој  апелира уште еднаш до Антикорупциската комисија да отвори случај.

– Сомнежот е и на граѓаните, и на јавноста, и на сите останати дека тие пари се финансирани од рекетирањето на бизнисмените кое што го правеше СДСМ, од Луј Витон торбата итн. Но, тоа е работа на институциите која што ќе треба да ја истражат и да ја сведат до самиот крај. СДСМ на овие избори изврши изборен грабеж, изборен поткуп, а тоа го преточи, освен надвор на терен, и во институциите како гласањето на Уредбата во Владата на пет минути пред завршување на вонредната состојба за двојно намалување на средствата за рекламирање и минутите на опозицијата, потоа и со непријавувањето на овие суми на пари, над 700 илјади евра – вели Арсовски.

– Очекуваме брза реакција од институциите. Кога СДСМ не се транспарентни, игнорираат и молчат, очекуваме дека Антикорупциската комисија ќе отвори случај и ќе ја извади вистината на виделина. Во спротивно, ќе сметаме дека и тие се соучесници во целиот овој процес на СДСМ за нетранспарентност и прикривање на пари, односно финансирање од црни пари – вели Димче Арсовски, портпарол на ВМРО-ДПМНЕ.

The post ВМРО-ДПМНЕ бара Антикорупциска да отвори случај за СДСМ: Немаат покритие за над 700.000 евра за изборите appeared first on plusinfo.mk.

Како што соопштија денеска од Владата, Управниот суд, вчера на седница, ја прифатил тужбата од Генералниот секретаријат на Владата, поднесена од генералниот секретар Драги Рашковски. Управниот суд, всушност, ја поништил одлуката на ДКСК како неоснована, со што го прогласил за неоснован и приговорот на ВМРО-ДПМНЕ и коалицијата „Обнова за Македонија“

„Во образложението на Управниот суд  во врска со отфрлањето на одлуката на ДКСК и на приговорот на ВМРО-ДПМНЕ и Коалицијата „Обнова за Македонија“ се наведува дека во конкретниот случај се извршило исплата на средства од Буџет на РСМ, за кое нешто биле донесени одлуки и Програма за давање на финансова поддршка, во вонредна состојба, а исплатата претставувала само реализација на овие одлуки и програми, видно од приложените договори, и дека е ирелевантно дали исплатата е направена пред изборите од 15 јули 2020 година“, стои во образложението од Управниот суд.

Дополнително, се наведува, Управниот Суд во образложението истакнува дека согласно член 9 став 1 од Уредбата со законска сила за прашања поврзани со изборите за пратеници во Собранието на Република Северна Македонија на 15 Јули 2020 година (објавена во „Службен весник на РСМ“ бр.160/2020 од 15.06.2020 година) од денот на влегувањето во сила на оваа уредба со законска сила па се до денот на престанокот на траењето на вонредната состојба не се применуваат членовите 8-а, 75-г, 75-д и 84-а од Изборниот законик, како и членот 34 од Законот за спречување на корупција и судир на интереси.

„Целта на извршување на договорите, образложува Управниот суд, е пред сѐ давање помош на тие кои им е потребна, финансова поддршка заради постоење на светска криза заради пандемијата од КОВИД-19 за што биле приложени докази дека се испочитувани сите процедури од страна на Генералниот секретаријат на Владата на РСМ, а датата на исплатата не е спорна за судот, односно пораното исплаќање значи побрза финансова помош во условите на пандемијата“, стои во соопштението од Генералниот секретаријат на Владата.

The post Управниот суд пресуди во корист на Владата за антикризните мерки за НВО appeared first on plusinfo.mk.