Фондот за здравствено осигурување планира повеќе мерки за ограничување на издавањето антибиотици од страна на матичните доктори, најави директорот на Фондот Сашо Клековски. Тој за новинарите откри дека лани во Македонија имало за 23% зголемено издавање на антибиотикот „сумамед“, кој инаку се користи како последна линија во лекувањето.

Истата мерка се предвидува и доклку се надминат квотите за пропишување на лекови анксиолитици.

Мерка која Клековски очекува да стартува од идната година е и воведување на е-рецепт, систем за кој тој вели дека е веќе тестиран кај матични доктори и во аптеки. Освен контрола врз пропишувањето поголеми количини лекови од потребното, целта на оваа мерка би била и лекарите да се заштитат од притисоци од пациенти за добивање одреден лек, без разлика дали е соодветен за нивната индикација.

The post ЌЕ СЕ ОГРАНИЧИ КОЛКУ АНТИБИОТИЦИ МОЖАТ ДА ПРОПИШАТ МАТИЧНИТЕ ЛЕКАРИ Клековски најави и воведување е-рецепт appeared first on plusinfo.mk.

Според револуционерно истражување објавено во списанието Nature, специфичен токсин од цревата може да придонесува за наглото зголемување на случаите на рак на дебело црево кај помладите луѓе, а една потенцијална причина за ова може да биде прекумерната употреба на антибиотици во детството.

Штетни цревни бактерии и рак на дебело црево: Врска со оштетена ДНК во цревата

Неколку видови штетни цревни бактерии, вклучувајќи одредени соеви на E. coli, Klebsiella pneumoniae и Citrobacter koseri, произведуваат токсин наречен колибактин. Од средината на 2000-тите, студиите постојано покажуваат дека овој токсин може да предизвика специфично оштетување на ДНК во клетките на дебелото црево кое е тешко да се поправи и на крајот може да доведе до рак.

Таквата штета е особено изразена кај луѓе кои развиваат рак на дебело црево на помлада возраст, објавија истражувачите на University of California, во Сан Диего. Новата студија ја секвенционирала ДНК-та на тумори на рак на дебело црево собрана од 981 пациенти од 11 земји низ целиот свет и открила дека ДНК мутациите поврзани со колибактин биле 3,3 пати почести кај пациенти помлади од 40 години отколку кај оние постари од 70 години.

„Околу 50 проценти од ракот на дебело црево со рана појава кај луѓе помлади од 40 години носеле препознатлив генетски потпис на изложеност на колибактин“, рекла Људмил Александров, професор по биоинженерство и молекуларна медицина на UC San Diego.

Повеќе за ова прочитајте ТУКА.

The post НЕ ИМ ДАВАЈТЕ НА ДЕЦАТА АНТИБИОТИЦИ КАКО БОНБОНИ! Можна причина за зголемување на случаите на рак на дебело црево кај помладите луѓе appeared first on plusinfo.mk.

До 2050 година, отпорноста на антибиотици би можела да убие милиони луѓе ширум светот и да ја чини глобалната економија речиси два трилиони долари годишно! Ова го покажува сеопфатна студија спроведена и финансирана од британската влада.

Ширењето на супербактериите, микроорганизми отпорни на антибиотици, се заканува да има катастрофални здравствени и економски последици, според угледниот британски весник „Гардијан“.

Алармантни проекции

Доколку не се преземат итни мерки, растечката отпорност на антимикробни лекови (AMR) би можела да го намали глобалниот БДП за дури 1,7 трилиони долари годишно во текот на следниот четврт век.

Токму најразвиените економии, како што се Соединетите Американски Држави, Обединетото Кралство и Европската Унија, би можеле да претрпат најтешки удари.

Ова е сознание што фрла нова светлина врз неодамнешните одлуки за драстично намалување на меѓународните средства за помош, кои сега изгледаат целосно контрапродуктивни. Трагично е што токму владите на некои од најзагрозените земји неодамна објавија резови. Владата на Велика Британија го намали финансирањето на Фондот Флеминг, кој е клучен за борба против АМР во посиромашните земји. Во исто време, американската администрација потврди намалување на странската помош за 9 милијарди долари, а слични потези презедоа и Франција и Германија.

Ентони Мекдонел, главен автор на студијата од Центарот за глобален развој, нагласува дека ваквите потези би можеле да ги забрзаат најлошите сценарија: „Нашите предвидувања беа засновани на историските трендови на раст на отпорноста. Сепак, ненадејните и остри намалувања на помошта за развој би можеле да ги турнат стапките на отпорност кон најпесимистичкото сценарио.“

Тој предупредува дека дури и оние земји кои успешно ја контролираат отпорноста на антибиотици не треба да се опуштат.

– Доколку програмите за борба против АМР не се заштитат од резови, отпорноста ќе се прошири низ целиот свет со брзината што ја гледаме во најтешко погодените земји. Ова би значело милиони нови смртни случаи, вклучително и во земјите од Г7. „Инвестирањето во третман на бактериски инфекции денес спасува животи и носи милијарди долари во долгорочни економски придобивки“, забележал Мекдонел.

Супербактериите предизвикуваат почести хоспитализации, подолг и поинтензивен третман и бараат поскапи лекови од втора линија, што го прави третманот за резистентни инфекции приближно двојно поскап.

Студијата, исто така, проценува дека глобалните трошоци за здравствена заштита за лекување на AMR би можеле да се зголемат за речиси 176 милијарди долари годишно. Во Велика Британија, тој скок би бил од 900 милиони на 3,7 милијарди долари, а во САД од 15,5 милијарди на речиси 57 милијарди долари. Покрај тоа, работната сила во Велика Британија, ЕУ и САД би се намалила за 0,8, 0,6 и 0,4 проценти, соодветно.

Според најлошото сценарио, истражувањето предвидува дека до 2050 година годишните загуби на БДП во Кина би можеле да достигнат 722 милијарди долари, во САД 295,7 милијарди долари, во ЕУ 187 милијарди долари, во Јапонија 65,7 милијарди долари и во Обединетото Кралство 58,6 милијарди долари. Институтот за здравствени метрики и евалуација (IHME) проценува дека бројот на смртни случаи предизвикани од отпорност на антибиотици ќе се зголеми за 60 проценти до 2050 година. Само во САД се предвидуваат 1,34 милиони смртни случаи годишно, а во Велика Британија 184.000.

Вложувањето како повеќекратно исплатлива инвестиција

Но, ако земјите ја засилат борбата против супербактериите со обезбедување пристап до нови антибиотици и третман со подобар квалитет, економските придобивки би биле огромни. Американската економија би пораснала за дополнителни 156,2 милијарди долари годишно до 2050 година, а Велика Британија за 12 милијарди долари, пишува Гардијан.

„Заканата расте дури и без итна акција од сите вклучени страни. Лековите што ги имаме денес би можеле да станат бескорисни, претворајќи ја дури и најчестата инфекција во смртоносна болест“, предупредил Мохсен Нагави од Институтот за здравствени метрики и евалуација и порачал дека се нужни промена на политиката, развој на нови лекови и подигање на свеста дека антибиотиците не делуваат против вирусите.

The post ГОЛЕМА ЗАКАНА ЗА СВЕТОТ Супербактериите отпорни на антибиотици би можеле да убијат милиони appeared first on plusinfo.mk.

Од регионот стасуваат вести дека бројот на пациенти со пневмонија е зголемен, особено кај помладите луѓе, кај кои ниеден антибиотски протокол за лекување, не дава резултати.

Една од најсериозните причини за ова е антимикробната резистенција или резистентноста на антибиотици. И не е само Балканот подложен на неадекватна употреба, која ги намалува ефектите од нивното дејствување: бројките велат дека поради инфекции отпорни на антибиотици, до 2050 година ќе умрат повеќе од 39 милиони луѓе.

Отпорност на антибиотици: Мрачни предвидувања 

Лекарите во примарната здравствена заштита потврдуваат дека се забележува поголема отпорност на антибиотици, но дека во исто време, кај еден дел од пациентите јакне и свеста за антимикробната резистенција.

Според искуствата од клиниките, некои пациенти се многу внимателни кога станува збор за употребата на антибиотици, додека од друга страна, има и такви кои земаат антибиотици и двапати месечно.

Експертите објаснуваат дека неконтролираната употреба на антибиотици води кон отпорност. Антибиотиците не можат да лекуваат вирусни инфекции, вирусно воспаление на грлото, течење на носот, кашлица или обична настинка.

Неселективната и неконтролирана употреба на антибиотици може да доведе до тоа некои болести да станат тешки за лекување, велат експертите. Во најлош случај, ова би значело дека идните генерации нема да имаат со што да лекуваат тешки синусни инфекции, бактериски воспаленија на грлото или инфекции на уринарниот тракт.

Повеќе за ова прочитајте ТУКА.

The post КОГА АНТИБИОТИЦИТЕ ЌЕ СЕ СВРТАТ ПРОТИВ НАС Идните генерации нема да имаат со што да лекуваат некои болести appeared first on plusinfo.mk.

Што е бактеријата легионела, кои се опасностите од неа и како се лекуваат заболените?

Легионела е фамилија на патогени бактерии што го вклучува видот L. pneumophila кој најчесто предизвикува легионелоза (сите болести предизвикани од легионела). Оваа бактерија може да предизвика Легионерска болест или, пак, полесна форма на заболување која уште е наречена и Понтијачка треска. Обично се наоѓа во водените извори со температура која се движи помеѓу 35-46 степени Целзиусови.

Што е Понтијачка треска?

Понтијачката треска е акутна, нефатална респираторна болест предизвикана од легионелата. Симптомите на ова заболување се во форма на блага горно респираторна инфекција која наликува на акутен грип. Понтијачката треска спонтано поминува и честопати останува недијагностицирана. Понтијачката треска и потешката Легионерска болест се предизвикани од истите бактерии во фамилијата легионела, но Понтијачката треска не вклучува пневмонија.

Што е Легионерската болест?

Легионерската болест е тежок тип на пневмонија (инфекција на белите дробови) предизвикана од бактеријата L. pneumophila. Околу 5-10% од пациентите умираат, но не секој којшто е изложен на оваа бактерија ќе се разболи.

Како се добива Легионерската болест?

Легионерската болест може да се добие откако луѓето ќе вдишат честички што потекнуваат од водени извори загадени со бактеријата L. pneumophila (на пример, клима уреди, бањи со разбранувана вода, тушеви и др.) или понекогаш од почвата или од земјата за садење растенија загадена со бактеријата Legionella longbeachae (друг чест предизвикувач на легионелоза од истата фамилија на бактерии). Луѓето можат да бидат изложени на бактеријата дома, на работа, или на јавни места.

Не се пренесува од еден човек на друг. Периодот на инкубација (времето од моментот кога пациентот бил изложен на бактеријата, до моментот кога ќе стане болен) е од 2 до 10 дена, но во ретки случаи може да се развијат симптоми и во период до 3 недели.

Легионерската болест најчесто ги напаѓа средовечните и луѓето на постара возраст, особено оние кои пушат цигари или кои имаат хронична болест на белите дробови. Исто така, зголемен е ризикот за оние со ослабен имунитет поради примање на лекови или како резултат на болести какви што се ракот, откажување на бубрезите, дијабетес (шеќерна болест) или СИДА.

Кои се симптомите на Легионерската болест?

Болеста обично започнува со температура, треска, главоболка и болки во мускулите. Ова е проследено со сува кашлица и потешкотии со дишењето што можат да преминат во тешка форма на пневмонија. Околу една третина од пациентите имаат и дијареа или повраќање, а околу половина се во конфузија или во делириум. Повеќето пациенти имаат потреба од хоспитализација и лекување со соодветни антибиотици.

Како се дијагностицира Легионерската болест?

Дијагнозата се поставува со конкретни лабораториски тестови бидејќи тешко се прави разлика помеѓу Легионерската болест и другите типови на инфекции на белите дробови (пневмонии) само преку симптомите. Рентгенските слики честопати покажуваат пневмонија но за да се даде дијагноза потребни се посебни тестови. Тестови на крвта (што се прават на растојание од 3 до 6 недели), на плунката и на урината можат да помогнат за да се потврди дијагнозата.

Лекување на Легионерската болест

Легионерската болест се лечи со антибиотици. Пациентите кои имаат Легионерска болест може да ги примаат антибиотиците во болница интравенозно.

Оваа болест најчесто се третира со групата антибиотици наречена флуорохинолони, а од нив, антибиотикот левофлоксацин (Флексид) е најдобриот избор. Други третмани вклучуваат ципрофлоксацин и моксифлоксацин, пишува Вебмед.

Други антибиотици кои се користат за лекување од Легионерската болест се макролидите вклучувајќи го и антибиотикот азитромицин, како и тетрациклините како што е антибиотикот доксициклин (Вибрамицин).

Како да ја намалите шансата да се разболите од Легионерската болест?

Бактериите од фамилијата легионела можат да се најдат во многу видови на водени системи. Меѓутоа, тие најмногу се размножуваат во врела вода што не се движи.

Основните мерки како добра дезинфекција, како и одржувањето на разладните кули и на водоводните системи, го ограничува растењето и ширењето на овие бактерии.

Присуството на бактеријата Legionella longbeachae во почвата е вообичаено, па препорачливо е да се намали изложувањето на прашина од земја (купечка) за садење растенија.

Носењето ракавици и маска, кога се работи со земја за садење, може да помогне да се спречи инфекцијата. Исто така, миењето раце е задолжително ако некоја личност работела со ваква почва, особено пред јадење или пред пушење. Сепак, шансите за заболување од Легионерска болест поради контакт со земја за садење се мали.

ВО ЗАГРЕБ ПОЧИНАА ТРИ ЛИЦА ЗАРАЗЕНИ СО ЛЕГИОНЕЛА Опасната зараза се шири преку водоводната мрежа

The post НОСЕТЕ РАКАВИЦИ И МАСКА КОГА РАБОТИТЕ СО ЗЕМЈА ЗА САДЕЊЕ Што е легионела и како можете да се заразите? appeared first on plusinfo.mk.

Анализата покажува дека зголеменото загадување на воздухот е поврзано со зголемената отпорност на антибиотици во секоја земја на сите континенти. Тоа, исто така, сугерира дека врската помеѓу двата фактори се зајакнала со текот на времето и зголемување на нивото на загаденост на воздухот се совпаѓа со поголем пораст на отпорноста на антибиотици.

„Нашата анализа претставува силен доказ дека зголеменото ниво на загаденост на воздухот е поврзано со зголемен ризик од отпорност на антибиотици. Оваа анализа е прва што покажува како загадувањето на воздухот влијае на отпорноста на антибиотици на глобално ниво“ – напишаа истражувачите од Кина и Велика Британија во студијата што е објавена во списанието Lancet Planetary Health.

Отпорноста на антибиотици е една од најбрзо растечките закани за глобалното здравје. Тоа може да влијае на луѓето од која било возраст во која било земја и  според проценките, веќе убива 1,3 милиони луѓе годишно.

Главните двигатели сѐ уште се злоупотребата и прекумерната употреба на антибиотици, кои се користат за лекување на инфекции. Но, студијата сугерира дека проблемот се влошува со зголеменото ниво на загаденост на воздухот.

Доказите сугерираат дека честичките PM2.5 можат да содржат бактерии отпорни на антибиотици и гени за отпорност, кои може да се пренесат помеѓу околината и директно да се вдишат од луѓето, велат авторите.

Загадувањето на воздухот веќе е најголем еколошки ризик за јавното здравје. Долготрајната изложеност на загаден воздух е поврзана со хронични состојби како што се срцеви заболувања, астма и рак на белите дробови, со што се намалува животниот век.

Краткорочната изложеност на високи нивоа на загадување може да предизвика кашлање, отежнато дишење и напади на астма.

Според студијата, спречувањето на загадувањето на воздухот може да помогне да се намали отпорноста на антибиотици. Исто така, истражувачите истакниуваат дека контролирањето на загадувањето на воздухот може во голема мера да ги намали смртните случаи и економските трошоци кои произлегуваат од инфекциите отпорни на антибиотици.

„Отпорноста на антибиотици и загадувањето на воздухот се сами по себе меѓу најголемите закани за глобалното здравје. Досега, немавме јасна слика за можните врски меѓу двете, но оваа работа сугерира дека придобивките од контролирањето на загадувањето на воздухот би можеле да бидат двојни: не само што ќе ги намали штетните ефекти од лошиот квалитет на воздухот, туку и играат голема улога во борбата против порастот и ширењето на бактериите отпорни на антибиотици – вели професор Хонг Чен од Универзитетот Жеџијанг во Кина.

Иако воздухот е препознаен како директен пат за ширење на отпорност на антибиотици, постојат ограничени податоци за различните патишта на кои гените отпорни на антибиотици се пренесуваат преку загадувањето на воздухот.

Потенцијалните патишта вклучуваат болници, фарми и капацитети за третман на отпадни води кои испуштаат и шират честички отпорни на антибиотици низ воздухот.

Досега имаше ограничени податоци за тоа колкаво влијание има загадувањето на воздухот со ПМ2.5 – кое се состои од честички 30 пати помали од широчината на човечко влакно – врз отпорноста на антибиотици на глобално ниво.

Изворите на PM2.5 вклучуваат патен сообраќај, индустриски процеси и домашно согорување на јаглен и дрва. Податоците покажуваат дека 7,3 милијарди луѓе на глобално ниво се директно изложени на небезбедни просечни годишни нивоа на PM2,5.

Авторите создадоа обемна база на податоци за да истражат дали PM2.5 е клучен фактор што ја поттикнува глобалната отпорност на антибиотици, користејќи податоци за 116 земји од 2000 до 2018 година. Изворите на податоци ги вклучија Светската здравствена организација, Европската агенција за животна средина и Светската банка.

Наодите покажуваат дека отпорноста на антибиотиците се зголемува со PM2,5, при што секој пораст на загадувањето на воздухот од 10%  е поврзан со зголемување на отпорноста на антибиотици за 1,1%.

Промените во нивоата на PM2.5 доведоа до поголемо зголемување на отпорноста на антибиотици во последниве години. Анализата покажува дека отпорноста на антибиотици како резултат на загадениот воздух е поврзана со околу 480.000 предвремени смртни случаи во 2018 година.

Моделирањето на можните идни сценарија покажува дека доколку нема промени во сегашните политики за загадување на воздухот, до 2050 година нивото на отпорност на антибиотици ширум светот би можело да се зголеми за 17%. Годишниот број на предвремени смртни случаи поврзан со отпорноста на антибиотици може да се зголеми на околу 840.000.

Авторите ги признаа ограничувањата на нивната студија. Недостигот на податоци во некои земји можеби влијаеше на целокупната анализа, велат тие.

Студијата беше набљудувачка, така што не можеше да се докаже причината и последицата. Идните истражувања треба да се фокусираат на истражување на основниот механизам за тоа како загадувањето на воздухот влијае на отпорноста на антибиотици, посочуваат научниците.

The post ЗАГАДУВАЊЕТО НА ВОЗДУХОТ ГО ЗАГРОЗУВА ЗДРАВЈЕТО Колку поголема загденост, толку поголема отпорност на антибиотици appeared first on plusinfo.mk.

Во одговор до Плусинфо за причината за овој недостиг и кога се очекува да се обезбедат потребните количини, од Агенцијата за лекови МАЛАМЕД тврдат дека таблетарните форми на антибиотиците Амоксиклав, Коалмацин и Панклав, кои имаат ист состав, се наоѓаат во промет во аптеките во земјава.

„Во моментот има недостиг на суспензијата за деца, но МАЛМЕД веќе има одобрена увозна дозвола за суспензијата Амоксиклав и се очекува лекот да го има во аптеките следната недела. Во најскоро време треба да ги има и Панклав и Коалмацин за деца. МАЛМЕД, во соработка со сите веледрогерии максимално се залага да се обезбедат сите лекови со цел задоволување на потребите на пациентите“ – се вели во одговорот од Агенцијата за лекови.

The post РЕДИЦА АНТИБИОТИЦИ ГИ НЕМА ВО АПТЕКИТЕ Особено недостигаат суспензиите наменети за деца appeared first on plusinfo.mk.

Различните антибиотици дејствуваат различно во телото, така што храната што ја јадете и пијалaците што ги пиете може да ја зголемат или да ја намалат нивната ефикасност. Затоа е важно да ги следите упатствата на лекарот или фармацевтот и да ги земате како што е наведено – пред или после јадење, а некои се земаат на празен стомак и некое време после нив не треба да се јаде.

Кај повеќето антибиотици, одреден вид на храна е забранет поради сериозни несакани ефекти – алкохол, калциум, магнезиум и грејпфрут, објаснува доктор специјалист по семејна медицина.

Повеќе за ова на порталот „Арт кујна“.

The post ГРЕЈПФРУТ И АНТИБИОТИЦИ Е ЛОША КОМБИНАЦИЈА Што треба, а што не треба да јадете кога сте на антибиотска терапија appeared first on plusinfo.mk.

Најновите истражувања покажуваат дека по само еднa курa на лекување со антибиотици, на цревната флора ѝ се потребни и до две години да се опорави. Лошата исхрана, токсините во водата и храната им отежнуваат на добрите бактерии да си ја завршат работата.

Имајќи предвид дека до 70% од имунитетот доаѓа од цревата, важно е да знаеме што можеме да направиме за да овозможиме нормално функционирање на цревната флора.

Повеќе за ова на порталот „Арт кујна“.

The post АКО НЕОДАМНА СТЕ ПИЕЛЕ АНТИБИОТИЦИ… Ова е најдобриот рецепт за обновување на цревната флора appeared first on plusinfo.mk.

Станува збор за лукот чија клучна состојка е диалил сулфид, кој е 100 пати посилен во борбата против труење со храна од антибиотиците, покажала студијата на Универзитетот во Вашингтон.

Лукот не само што е посилен од антибиотиците еритромицин и ципрофлоксацин, кои најчесто се користат при труење со храна, туку и делува веднаш, се тврди во студијата.

Делува така што го запира размножувањето на кампилобактер, една од најчестите бактерии што предизвикува труење со храна.

Повеќе за ова на порталот „Арт кујна“.

The post НАЈЕФИКСЕН ЛЕК ЗА ТРУЕЊЕ СО ХРАНА Знаете ли што е 100 пати помоќно од антибиотиците? appeared first on plusinfo.mk.