Вистински хорор се одвивал пред очите на очевидците во кинескиот град Чангџоу, откако лесен хеликоптер доживеал тежок дефект за време на тест-лет и бил принуден итно да слета. Наместо безбедно приземјување, следувале сцени кои многумина ги опишаа како вознемирувачки.

Снимката од инцидентот, која за кусо време стана вирална на социјалните мрежи, покажува како хеликоптерот по ударот со земјата почнува неконтролирано да отскокнува и силно да се тресе по тревната површина, додека роторот и натаму се врти. Во еден момент, опашката на леталото целосно се одвојува од трупот.

Највознемирувачкиот дел од видеото е моментот кога едно од лицата во хеликоптерот, кое најверојатно било врзано со безбедносен појас, може да се забележи како повеќепати е удирано од движењето на леталото при силните отскокнувања од земјата. Сцените предизвикаа шок и бројни реакции кај корисниците на социјалните мрежи.

Очевидци сведочат дека никому не му било дозволено да се приближи до хеликоптерот поради опасноста од роторот, кој продолжил да се врти и по принудното слетување.

Според локалните власти, во леталото се наоѓале две лица, кои веднаш биле пренесени во болница. Нивната состојба е стабилна и не е животозагрозувачка. Едното лице било пуштено на домашно лекување, додека другото останало под лекарски надзор.

Несреќата се случила за време на тест-лет на ниска височина во округот Вуџин. Првичните информации укажуваат на ненадеен технички дефект, поради што пилотот имал многу малку време за реакција.

Експертите за воздухопловство ги анализираат снимките и не ја исклучуваат можноста хеликоптерот да влегол во состојба позната како „резонанца на земја“ – опасен феномен што предизвикува неконтролирани вибрации и може да доведе до сериозно оштетување или распаѓање на леталото при контакт со земјата. Сепак, официјалната причина за инцидентот сè уште не е потврдена.

Кинеските воздухопловни власти отворија истрага која треба да утврди дали станува збор за механички дефект, човечка грешка или комбинација од повеќе фактори.

The post 📽️ (ВОЗНЕМИРУВАЧКО) ХЕЛИКОПТЕР СЕ РАСПАДНА ВО КИНА, ПАТНИК ДОЖИВЕА ХОРОР Видео што стана вирално шокираше милиони appeared first on plusinfo.mk.

Човекот од градот Женџјанг отишол во болница на 28 април кога добил висока температура, а еден месец подоцна му бил дијагностициран вирус на птичји грип H10N3, соопшти Кинеската здравствена комисија. Властите не дадоа никакви детали за тоа како тој се заразил со вирусот.

По надзорот на неговите контакти, не е откриен друг случај на таква инфекција. Човекот бил во стабилна состојба за време на престојот во болница и набргу ќе биде пуштен дома.

H10N3 е слабо патоген, односно помалку сериозен вид вирус што се наоѓа кај живината, додaва Кинеската комисија.

Постојат неколку видови птичји грип во Кина и со нив има ретки случаи на инфекција кај лица што на некој начин се во контакт со живината. Откога вирусот H7N9 усмрти приближно 300 лица во текот на 2016 и 2017 година, нема значителен број на човечки инфекции со птичји грип, пишува „Гардијан“.

The post Варијанта на птичјиот грип првпат регистрирана кај човек во Кина appeared first on plusinfo.mk.