Без разлика дали пристапните преговори почнале или не, јасно е што треба да се направи за да се исполнат критериумите. Патоказот постои и сите би сакале да видиме повеќе напредок на тој план. Тоа го порача вечерва американската амбасадорка Анџела Агелер, зборувајќи за македонските евроинтеграции во гостување во „Тема на денот“ на ТВ Сител.

Според Агелер, и покрај разговорите за пристапување и членство во ЕУ на никаков начин не треба да бидат закочени напорите што се суштински дел од процесот за потребните реформите.

Како САД, рече Агелер, САД се многу јасни дека местото на Македонија е во Европа.

– Кога ги гледаме коридорите 8 и 10, националната безбедност на оваа држава и на регионот, тоа е многу важно и за трансатлантската врска. Затоа внимателно го следиме и сме исто така многу јасни. Погледенете, ова е местото каде е, ЕУ е природниот дом на оваа држава. Тоа што знам е дека оваа Влада води разговори, има чести разговори со земји членки, со лидери во Европската унија, Европската комисија и искрено бара начини како да се оди напред. Дали сите би сакале да видиме напредок и повеќе резултати? Мислам дека да. Но, исто така мислам дека е важно да се има предвид дека и покрај разговорите за пристапување и членство во ЕУ тоа не треба на никаков начин да ги закочи напорите кои се потребни, а кои се суштински дел од процесот во однос на реформите, затоа што реформи се потребни и искрено патот е многу јасен. Значи, без разлика дали пристапните преговори почнале или не, јасно е што треба да се направи за да се исполнат критериумите. Патоказот постои и мислам дека сите би сакале да видиме повеќе напредок на тој план – рече Агелер.

Амбасадорката дополни дека тоа е многу важно и за гласачите и оти постојано преку своите гласови и пораки кажуваат дека сакаат државата да напредува.

– И тоа се областите во кои сакаат да видат напредок – економијата, можностите и сите тие работи. Тоа е владеењето на правото и нема причина да не се оди напред во тие области.

Според неа, политичката криза во Бугарија не треба да го загрози процесот за дијалог затоа што, истакнува, членството на Македонија е во интерс на сите, вклучително и на соседите.

– Јас сум амбасадорка на САД во Македонија. Би било несоодветно да зборувам опширно за тоа, но ова треба да биде нешто што не треба да се закочи. И го имаме видено тоа со вашите соседи неколкупати досега. Кога се менувале влади, кога имало избори. Тоа не треба да го загрози целиот процес и мојата надеж и искрено уверување е дека има луѓе со добра волја од двете страну на границата кои сакаат ова да продолжи. Затоа што, искрено, членството на Македонија е во интерес на сите, вклучително и на соседите и тоа го видовме многу јасно со Грција на пример, сега тие се огромен економски партнер, безбедносен партнер, воен партнер и нема причина тоа да не се случи и со Бугарија. Нашата најголема надеж е дека ќе успеат да најдат начин како да продолжат затоа што повторно тоа е во најдобар интерес. Географијата е јасна – порача Агелер.

Таа не очекува наскоро САД да настапат како посредник меѓу Македонија и Бугарија, но укажува дека има искрена загриженост и интерес и поддржувачки интерес за тоа што се случува во нашата држава.

Ние, истакна таа, секогаш ќе бидеме и сме биле цврсти поддржувачи, пријатели и сојузници на оваа држава, како што всушност сме и со Бугарија.

– Дали САД ќе влезат да бидат посредник? Не би го очекувала тоа наскоро, сепак внимателно следиме. Вашинготон е многу заинтерсиран за тоа што се случува во оваа држава, особено министерот за надворешни работи, но и премиерот, како и други министри имаат патувано во САД , имаат одлични контакти со највисоките функционери во Вашингтон, имаат навистина добри разговори кои често ги водат на самити, на различни места, низ навистина добри разговори. Затоа има внимание, има искрена загриженост и интерес и поддржувачки интерс за тоа што се случува во оваа држава. Тоа секогаш е можност, но исто така сакаме да бидеме сигурни дека државата Владата го прави она што е најдобро за интересите на своите граѓани и на своите гласачи и продлжуваме тоа внимателно да го следиме – рече амбасадорката.

The post МЕСТОТО НА МАКЕДОНИЈА Е ВО ЕВРОПА Со или без почнати пристапни преговори, САД сакаат да видат реформи appeared first on plusinfo.mk.

„Она што мислам дека не е корисно е да заземете една страна за кое било прашање, вклучително и за толку важно како што е миграцијата, само за да добиете политички поени. Мислам дека тоа не е продуктивно. Тоа е навистина лоша услуга за граѓаните, едно важно прашање да се сведе само на политичка тема“.

Ова го изјави вечерва американската амбасадорка Ангела Агелер, во интервју за телевизија Сител, коментирајќи ја дебатата за мигрантите што ја отвори лидерот на СДСМ, Венко Филипче.

Потсетувајќи дека темата за мигрантите е актуелна и во нејзината земја, Агелер рече дека САД водат разговори за ова прашање со многу држави.

– Тоа е нормално. Значи, постоењето разговор не значи дека има политика. Ова е тема со која се борат граѓаните и затоа, секако, разговарате со пријателите, со сојузниците и со партнерите, како заедно да се справуваме со ова.

На прашањето на водителката Славица Арсовска за меѓусебните обвинувања меѓу партиите за корупција, за разочараноста на луѓето
од политиката и од инситутции, како и за оставката на јавниот обвинител, амбасадорката одговори:

– Тоа е интересен развој. Една работа што ја сметам за нездрава, a се случува во многу земји и во САД, е тоа партии да се расправаат само за да не се согласуваат, што е некорисно. Ништо не се постигнува со тоа, туку треба да излезете пред јавноста и навистина да имате план. Тоа да велите “јас ќе противречам на сè што ќе кажете затоа што сме ос различни партии” не помага на никого. Што сакате да постигнете? Навистина ме погодува ова, особено кај младите, кои често велат дека не им се важни темите за кои зборуваат некои политичари. Младите велат: „Јас се грижам за економија, важно ми е какви можности за работа има. Вие се расправате за работи што не влијаат на мојот живот. Зборувајте за работи што влијаат на моето здравство, на мојата безбедност, на моите економски можности тука, за работните места за моите деца, за сите тие можности и што правите за да донесете тука надеж за ова држава, за народот, за просперитет и за безбедност“.

Амбасадирката Агелер оцени дека Владата е посветена во борбата против корупцијата.

– Гледам луѓе во Владата и во судството кои се навистина посветени на тоа. Ги поздравувам и им благодарам, затоа што искрено се како гласови во пустина. Се надевам дека повеќе луѓе ќе им се придружат, зашто некои работи треба правилно да се направат.

На прашањето дали смета дека борбата против корупцијата напредува или стагнира, Агелер одговори:

– Јас сум Американка и сум оптимист. Верувам искрено и забележувам во последните неколку месеци – дел од тоа е и Кочани – дека има ниво на свесност и ниво на препознавање какво што порано немаше. Тоа е придружено со одреден замор. Кога патувам низ земјата зборувам со студенти, родители, градоначалници и со обичнк луѓе и понекогаш слушате вистинско помирување дека ништо не се менува. Но, интересно, дел од тоа беа и локалните избори, а видовме млади лидери кои рекоа „ќе го направиме ова поинаку“. Луѓето сега зборуваат на начин што покажува дека не само се свесни, туку и следат поблиску од порано. И мислам дека бараат одговорност од своите избрани претставници. Одговорноста е неверојатно моќна работа.

The post АМБАСАДОРКАТА АГЕЛЕР ИСПРАТИ ОСТРА ПОРАКА ДО ФИЛИПЧЕ Со темата за мигрантите тој им прави лоша услуга на граѓаните appeared first on plusinfo.mk.

Во услови на глобална неизвесност, монетарната политика придонесува со своите мерки за одржување на стабилноста на макроекономското окружување во земјава. Народната банка има витална улога во одржувањето на макроекономската стабилност, особено преку нејзините напори за справување со последователните кризи изминатите четири години. Професионалноста, стручноста и посветеноста се секогаш на највисоко ниво кога станува збор за Народната банка.

Ова е  заклучено на средбата меѓу гувернерката на Народната банка Анита Ангеловска-Бежоска и амбасадорката на САД во земјава, Ангела Агелер.

Како што соопшти Народна банка, при тоа е нагласена високата доверба на јавноста кон Народната банка, дури и во периодот на кризи, како и  важноста на силните и кредибилни институции, особено во кризни времиња, кога треба да се носат мерки за поддршка на економијата.

– Со помош на политиките коишто ги презеде централната банка, инфлацијата се сведе на едноцифрена стапка, додека девизните резерви се зголемија за 40%, во однос на преткризниот период. Банкарскиот систем е стабилен, добро капитализиран и обезбедува поддршка за граѓаните и фирмите – забележа Ангеловска-Бежоска.

Една од темите коишто е разгледани била и  сегашната монетарна политика, којашто иако е соодветно поставена, но е нагласено дека е неопходно  внимателно да се следат инфлациските движења и да се одржува натамошна претпазливост во однос на водењето на макроекономските политики.

Гувернерката Ангеловска-Бежоска изразила благодарност за поддршката којашто ја добива земјава од САД во подобрувањето на капацитетите и во зацврстувањето на улогата на институциите на државата.

Гувернерката и амбасадорката ги разгледале и начините за натамошно зајакнување на соработката и партнерството за обезбедување одржлив и инклузивен раст за нашата држава.

The post ВО КРИЗА Е ВАЖНО ДА СЕ ИМА СИЛНИ И КРЕДИБИЛНИ ИНСТИТУЦИИ Агелер ги пофали политиките на Народна банка за време на кризите appeared first on plusinfo.mk.

„Судскиот совет е важно оружје кое што е потребно за вистинско трансформирање на правосудството, во една институција која што им служи на своите граѓани, која што ги штити невините и ги казнува оние кои што сметаат дека се над законот“, истакна денеска американската амбасадорка во земјава, Анџела Агелер, на Конференцијата за напредокот при спроведувањето на препораките од Оценската мисија на ЕУ од страна на Судскиот совет.

Агелер посочи дека Судскиот совет треба да ги следи препораките на Оценската мисија, бидејќи како што рече, довербата на јавноста во правосудството е шокантно ниска.

– Ќе се согласите дека останува многу пред вас. Извештајот од Оценската мисија на ЕУ е еден вреден патоказ за реструктурирање на Судскиот совет и повторно поставување на неговата улога во рамките на правосудството. Судскиот совет е едно важно оружје во арсеналот оружје што ќе биде потребен за вистинско трансформирање на правосудството на Северна Македонија, во една институција која што им служи на своите граѓани, која што ги штити невините и ги казнува оние кои што сметаат дека се над законот. Затоа што денес, како што амбасадорот Коп живописно го опиша, довербата на јавноста во правосудството е шокантно ниска – истакна Агелер.

Судскиот совет, вели таа, треба да го следи законот и даде отпор на политичките притисоци.

– Северна Македонија има добро изработени закони, добро опремени институции и искусни обвинители и судии, а повеќето од нив и патувале и имале размени со САД. Па се поставува прашањето како да почнеме да го надополнуваме оној јаз или недостиг на доверба на оние на кои треба да им служиме. Пораката јасна и не се менува. Работете ја работата која што треба да ја работите. Следете го законот, работете за луѓето, дајте отпор на политичките притисоци, заштитете го својот интегритет и прифатете ја транспорентноста. Напорната работа веќе започна и гледаме напредок. Сега дозволете ни да ви помогнаме да стигнете уште понапред на својот пат – рече Агелер.

The post „ИМАТЕ ДОБРИ ЗАКОНИ, ИСКУСНИ СУДИИ И ОБВИНИТЕЛИ, ШТО Е ТОГАШ ПРОБЛЕМОТ?!“ Агелер загрижена од шокантната недоверба во правосудството appeared first on plusinfo.mk.

Нема одново преговори ниту за Преспа, ни со Бугарија за ЕУ. Тие договори се веќе направени, нема одново преговарање за напредок кон ЕУ, вели американската амбасадорка Анџела Агелер.

Агелер, во интервју за Радио Слободна Европа, вели дека граѓаните од новата Влада треба да бараат транспарентност и справување со корупцијата, нагласувајќи дека секогаш постои ризик од влез на корозивен капитал и дека власта треба да одговори на сите прашања.

– Да бидам многу јасна, Договорот од Преспа беше апсолутно историски за државата. Знам дека беше исклучително тешко за многу луѓе во државата да прифатат промена на името. Но тоа беше меѓународен договор, со кој тогашната влада и многу во меѓународната заедница се согласија. Ние секако бевме дел од тој процес и ние аплаудиравме. Тоа е нешто што и помогна на Северна Македонија, сега да влезе во НАТО, и доби многу можности за да напредува во Европската Унија. Бевме многу задоволни што новиот премиер и неговите министри кажаа “Северна“ во заклетвата.Тоа е од клучна важност и е фундаментален дел од Договорот. Сега многу внимателно ќе следиме како се почитува. Но како што веќе кажав и кажавме дека со почитување на Договорот од Преспа, што е клучно, и секако има начин, и приоритетот за нас во Скопје, во Американската амбасада и за Вашингтон, е да се премине на многу од тие многу важни приоритети за кои треба да се зборува оваа земја. Чувствувам дека има одредено количество на одвлекување на вниманието и собирање поени од тоа кој и што и кога кажал. Но важно е да се почитуваат меѓународните договори, за кои премиерот кажа дека ќе го стори и да одиме напред и да ги имаме многу важните разговори – изјави Агелер.

Прашана што треба да очекуваат македонските граѓани и кои треба да бидат приоритетите, Агелер вели дека ја следеле земјата во периодот на кампањата и на изборите кои беа фер и демократски.

– Демократијата е многу кревка работа, и ја следевме земјата во периодот на кампањата и на изборите кои беа предизвик и за граѓаните и за кандидатите во оваа земја. Резултатите, меѓутоа, беа многу дефинитивни. Изборите беа фер и демократски, сеедно која партија и кого граѓаните подржаа. Да се види овој демократски процес како напредува е позитивно за луѓето во оваа земја. Тие многу јасно кажаа на раководствотo дека сакаат да видат промена. Новата Влада јасно кажа за време на нивната кампањата кои сметаат дека се тие потребни промени. И сега е одговорност, мислам, на секој граѓанин во оваа земја и на сите нас да ги држиме за збор, се види дали се совпаѓаат активностите со изјавите дадени за време на кампањата. Зборуваа за справување со корупцијата, зборуваа за раст на економија, зборуваа за енергија и инфраструктура, за важноста на образованието и здравството за секој граѓанин на оваа земја. И ќе следиме внимателно, знам дека и сите вие ќе следите како овие ветувања ќе се претворат во акции и резултати за граѓаните на Северна Македонија – вели Агелер.

The post „НЕМА ПРЕГОВОРИ, НИТУ ЗА ПРЕСПА, НИТУ СО БУГАРИЈА“ Агелер вели дека договорите се веќе направени, нема што да се менува appeared first on plusinfo.mk.

Имало преседани каде амандмани се гласале за време на техничка Влада, вели во интервју за ТВ21 амбасадорката на САД во Македонија Анџела Агелер, одговарајќи на новинарско прашање дека се слушаат неколку различни опции за тоа.

– Верувам дека имало преседани, не мислам пред декади, но имало преседани каде амандмани се изгласувале за време на техничка Влада. Една од работите кои јас ги научив служејќи овде е дека сè е возможно – вели Агелер.

Таа истакнува дека на луѓето им е важно како се трошат нивните пари и ќе направат промени, затоа што корупцијата овде има навлезено во речиси сите општествени сектори, во сите гранки на владата, во сите сегменти на бизнисите.

– Луѓето во Северна Македонија се среќаваат со корупција во секојдневниот живот – вели американската амбасадорка.

The post УСТАВНИ ИЗМЕНИ ПРЕД НОВА ВЛАДА? Агелер вели дека сѐ е можно во Македонија appeared first on plusinfo.mk.