За да се освојат нови пазари, потребно е да се преземат ризици. Колку поголем ризик, толку поголем профит. Понекогаш премногу размислување може да доведе до стагнација бидејќи сè изгледа опасно – изјави оперативниот директор на „Грин машинс“, Ангел Анѓушев, во новата епизода на подкастот „Бизнис-клуб“, во разговор со претседателот на Стопанската комора на Северна Македонија, Бранко Азески.

Анѓушев нагласи дека храброста е клучна за успех во пазарната економија. Компанијата „Брако“, чиј дел е „Грин машинс“, функционира според зелената агенда и користи еколошки енергетски решенија, со што успеа да се позиционира на глобалниот пазар. Нивните производи се достапни во десетина држави во САД, како и во Мексико, Европа, Источна Азија, Велика Британија и Блискиот Исток, кои претставуваат традиционални пазари за компанијата.

– Секој менаџер мора во секој момент да знае што се случува со компанијата. Потребно е вешто управување со ризиците, правилно одредување на времето за трошење и штедење. Досега никогаш не сме се соочиле со губење на ликвидноста и посветено работиме тоа да остане така – истакна Анѓушев.

Во подкастот се разговараше и за квалитетот на образовните програми во странство. Анѓушев забележа дека техничките науки имаат повисоко ниво на компатибилност на меѓународно ниво, за разлика од општествените, поради универзалноста на природните закони. Тој ја нагласи потребата младите да имаат решителен став доколку сакаат да успеат како претприемачи.

– Младите кои сакаат да се занимаваат со претприемништво мора да бидат ментално силни, да не се предаваат пред пречките и секогаш да гледаат на предизвиците како можности за раст. Проблемите – било да се технички или меѓучовечки – треба да се прифатат со позитивна енергија и да се решаваат со креативност – потенцираше Анѓушев.

Тој додаде дека успехот доаѓа само со упорност и способност да се носат одлуки под притисок, без да се заплашат од големината на проблемите. Според него, секој млад претприемач треба да се фокусира на решенија наместо на пречките.

The post 📽️ ХРАБРОСТА КАКО КЛУЧ ЗА УСПЕХ Анѓушев говореше за ризиците и глобалната експанзија appeared first on plusinfo.mk.

Македонските фирми треба да целат кон тоа повеќе да произведуваат производи со висока технологија и повисока додадена вредност во нив, бидејќи така ќе имаат и подобра заработка, ќе има и за подобри плати за вработените и за поредовно плаќање даноци кон државата, изјави Ангел Анѓушев во поткастот на Стопанската комора со Бранко Азески.

Ангел Анѓушев, оперативен директор на Грин Машинс на БРАКО, смета дека тоа е рецептот за развој на економијата во Македонија, и дека земјава не би требало да се нуди само како место каде има евтина работна сила.

Тој ги сподели искуствата од своето школување на универзитетите во Германија и во Австрија, предностите да се открие како функционираат и како се организирани поразвиените општества и економии, извозот на Грин Машинс низ целиот свет, преку кој се има увид и во работните навики во други култури, од каде секогаш може да се земе добар пример за дома.

Иако по одлука на неговиот татко, Ангел ја почнал својата работа во БРАКО во, според него, најтешкиот дел од фабриката, а тоа е производството на жица и жичени производи, вели дека тоа било значајно и корисно искуство за него како машински инженер, додека денес е оперативен директор на технолошки најнапредниот дел од фабриката, програмата за производство на возила за чистење на водороден, електричен и класичен погон.

Во овој контекст, во однос на енергетската транзиција, Ангел Анѓушев смета дека таа треба да се реализира правилно, меѓу другото и со инвестирање во напредни технологии кои треба да го направат животот на луѓето подобар, давајќи ги за пример електричните и водородните возила за чистење на Грин Машинс кои одржуваат хигиена во урбани средини со нула загадување од нивното работење.

Ангел Анѓушев во поткастот зборуваше и за традицијата за наследување семејни имиња, за своите предци кои биле претприемачи уште пред еден век, како и за општествената одговорност на компаниите Фероинвест и БРАКО денес преку помагање во спортот, образованието, здравството, верски објекти итн.

The post ВИСОКОТЕХНОЛОШКИТЕ ПРОИЗВОДИ СЕ НАЧИНОТ КАКО ДА РАСТЕ ЕКОНОМИЈАТА Ангел Анѓушев во поткастот „Бизнис клуб“ говори за тоа како напредувал во кариерата appeared first on plusinfo.mk.

„Македонските фирми треба да целат кон тоа повеќе да произведуваат производи со висока технологија и повисока додадена вредност во нив бидејќи така ќе имаат и подобра заработка, ќе има и за подобри плати за вработените и за поредовно плаќање даноци кон државата“.

Ова го изјави Ангел Анѓушев во поткастот на Стопанската комора со Бранко Азески.

Ангел Анѓушев, оперативен директор на „Грин машинс“ на „БРАКО“, смета дека тоа е рецептот за развој на економијата во Македонија и дека земјава не би требало да се нуди само како место каде што има евтина работна сила.

Ангел Анѓушев ги сподели искуствата од своето школување на универзитетите во Германија и во Австрија, предностите да се открие како функционираат и како се организирани поразвиените општества и економии, а со извозот на „Грин машинс“ низ целиот свет, се добива увид и во работните навики во други култури, од каде што секогаш може да се земе добар пример за дома.

Иако по одлука на неговиот татко, Ангел ја почнал својата работа во „БРАКО“ во натешкиот дел од фабриката, според него, а тоа е производството на жица и жичени производи, вели дека тоа било значајно и корисно искуство за него како машински инженер, додека, пак, денес е оперативен директор на технолошки најнапредниот дел од фабриката, програмата за производство на возила за чистење на водороден, електричен и класичен погон.

Во овој контекст, во однос на енергетската транзиција, Ангел Анѓушев смета дека таа треба да се реализира правилно, меѓу другото и со инвестирање во напредни технологии кои треба да го направат животот на луѓето подобар, давајќи ги за пример електричните и водородните возила за чистење на „Грин машинс“ кои одржуваат хигиена во урбани средини со нула загадување од нивното работење.

Ангел Анѓушев во поткастот зборуваше и за традицијата за наследување семејни имиња, за своите претци кои биле претприемачи уште пред еден век, како и за општествената одговорност на компаниите „Фероинвест“ и „БРАКО“ денес преку помагање во спортот, образованието, здравството, во верските објекти итн.

The post 🎥 МАКЕДОНИЈА ТРЕБА ДА СТАНЕ ТЕХНОЛОШКИ ЛИДЕР, А НЕ ФАБРИКА ЗА ЕВТИНА РАБОТНА СИЛА Ангел Анѓушев нуди интересни решенија за раст на економијата на земјата appeared first on plusinfo.mk.

Во новата епизода на поткастот „Бизнис-клуб“ со претседателот на Стопанската комора на Северна Македонија, Бранко Азески, гостин е Ангел Анѓушев, машински инженер и оперативен директор на фабриката „Грин машинс“ во „Брако“, првиот производител на електрични возила за чистење улици во светот. Ангел Анѓушев е претставник на помладата генерација бизнисмени и вели дека генерацијата на неговите родители е веќе на залез и дека тие треба да преземат поголема одговорност кога станува збор за бизнисот.

Во разговорот со Ангел Анѓушев фокусот е ставен на зелената агенда, но и на преструктурирањето на производството во компаниите за да се добијат нови производи и услуги со додадена вредност, кон кои со години цели Стопанската комора.

– Ако сакаме во Македонија да создадеме некаков просперитет, ако сакаме да создадеме подобри услови за вработените за да имаат повисоки примања и да има поголеми профити, мора да правиме производи и услуги со додадена вредност. Веќе е поминато времето во кое Македонија била дестинација за евтина работна рака и во кое можело да се произведе нешто што е поевтино отколку на друго место – истакнува Анѓушев.

„За да се постигне зелена транзиција, треба да се инвестира во технологијата која ќе може конвенционалната технологија да ја замени на начин на кој на сите потрошувачи ќе им биде исто, па дури и подобро“, потенцира Анѓушев, па затоа, според него, електричните возила на „Грин машинс“ треба да бидат поисплатливи за купувачот од конвенционалните машини, бидејќи имаат помали трошоци за користење и помали трошоци за одржување.

Ангел Анѓушев се образувал на Универзитетот за применети науки во Ахен, Германија, и на Универзитетот за технологија во Виена, Австрија. По дипломирањето се приклучил кон семејниот бизнис, каде што својата кариера ја започнал како инженер за производство во Одделот за жичани производи во „Брако“ (дел од групацијата „Фероинвест“) и бил одговорен за инсталација, стартување и за операција на нова линија за производство на поцинкувана жица. Од 2021 година е главен оперативен директор на „Грин машинс“.

Иако се образувал надвор од земјава, тој истакнува дека образованието не завршува кога ќе се добие дипломата, туку, напротив, тоа е само почеток кога всушност започнува вистинското учење. Анѓушев е одговорен за широк опсег на операции во „Грин машинс“ – од менаџирање со производството, набавката, со развојот, логистиката, инвестициите и со човечките ресурси до техничката поддршка.

Во разговорот со претседателот Азески тој истакнува дека денес треба да се прават производи со висока технологија, кои ќе имаат додадена вредност и кои светот ќе ги купува за повисока цена, со што ќе се остварат повисок профит за компанијата, повисоки плати за вработените и плаќање даноци на државата.

– Доколку една компанија не држи чекор со современите текови и со конкуренцијата од целиот свет, прашање на време е кога ќе умре, па затоа за нас е важно да бидеме најмалку еден чекор пред конкуренцијата. „Грин машинс“ е првиот производител во светот што произведе возило на хидроген – вели Анѓушев.

Погледнете го целиот разговор.

The post 🎥 МАКЕДОНИЈА ТРЕБА ДА ПРАВИ ПРОИЗВОДИ СО ВИСОКА ТЕХНОЛОГИЈА Ангел Анѓушев во Бизнис клуб вели дека помина времето на евтина работна рака во земјава appeared first on plusinfo.mk.

„Сите ние, властите и стопанството, во секоја од земјите, треба да погледнеме прво во нашата сопствена земја, што можеме ние самите да направиме за себе пред да погледнеме што ЕУ би можела да ни помогне. Компании во регионот, немаат добра средина за раст, немаат доволно буџетска поддршка за инвестирање во технолошки напредни производи и постои реален недостаток на транспарентни и конкурентни процедури за јавни набавки од државните и локалните институции. Да го дадеме приоритетот на локалниот развој и да создадеме погодна средина за раст токму овде во Западен Балкан – потенцираше Анѓушев во своето излагање пред присутните министри за економија и финансии од регионот на Западен Балкан.

Во рамките на Берлинскиот процес, со кој оваа година претседава Република Албанија, Министерството за финансии и економија на земјата домаќин, заедно со Коморскиот инвестициски форум на Западен Балкан (КИФ), беа домаќини на бизнис форумот кој се одржа во Тирана и ги претстави достигнувањата и предизвиците на патот на регионот кон единствениот пазар на ЕУ.

The post АНГЕЛ АНЃУШЕВ ОД „ГРИН МАШИНС“ НА БИЗНИС ФОРУМ ВО ТИРАНА На компаниите од регионот им треба државна поддршка за технолошки напредок и за конкурентни јавни набавки appeared first on plusinfo.mk.

Ангел Анѓушев, кој студираше на престижниот државен Технички универзитет во Виена, смета дека кај нас се уште постои перцепција дека екологијата и економијата се две спротиставени работи кои не може да коегзистираат.

– Во нашето општество постои перцепција дека високите еколошки технологии се нешто што постои само на Западот и во САД, но ние во БРАКО преку нашиот бренд Грин Машинс докажуваме дека можно е еколошките и високи технологии да се применат и во уникатен македонски призвод кој е успешен и се извезува насекаде во светот. Брако, преку Грин Машинс, докажува дека еколошката приказна може да биде и добра економска приказна, преку отворање на нови работни места и производство и продажба на еколошки возила во над 60 земји во светот, кои се користат во сите светски метрополи, вклучувајќи ги Лос Анџелес, Њу Јорк, Вашингтон, Сан Диего, Лондон, Амстердам, Париз и многу други – вели Анѓушев во видео излагањето.

Проектот Живот во зелено (Green Life), преку серија на видео презентации и поткасти на оваа тема го реализира велешкиот портал Батали.нет, во соработка со продукцијата Тулип про, а е финансиски поддржан од Меѓународниот прес институт (International Press Institute – IPI) и Media Innovation Europe.

The post (ВИДЕО) ДАЛИ ЕКОЛОГИЈАТА И ЕКОНОМИЈАТА МОЖЕ ДА ОДАТ ЗАЕДНО? Ангел Анѓушев тврди дека БРАКО е пример за симбиозата appeared first on plusinfo.mk.

Присутните се запознаа со енергетски ефикасните електрични и водородни возила за одржување хигиена во градски средини кои се произведуваат во „Брако“, при што детали за овој високотехнолошки и за околината нештетен производ изнесе оперативниот директор Ангел Анѓушев.

Во Овчеполскиот регион гостите од странство ја посетија биогасната електрана „Био Ентерпрајз“ во Сарамзалино, каде проект-менаџерот Арти Ќормемети ги информира за производниот процес кој има нула загадување, односно производство на биогас кој потоа служи како погонско гориво за производство на електричната енергија.

Делегацијата беше и на локацијата на фотоволтаичната електрана „Централ инвест“ во Кочани, која е исто така инвестиција на групациите „Феро инвест“ и „Централ инвест“.

Посетата организирана преку Хабитат-Македонија беше дел од проектот EXCITE, кој во рамките на европската програма Хоризонт 2020 има за цел директно да ги подобри акциските планови во 25 општини ширум Европа во однос на климатските промени.

The post ВОЗИЛАТА НА ВОДОРОД ЧИСТАТ И НЕ ЗАГАДУВААТ Странска делегација ги посети електраните и фабриките на „Феро инвест“ appeared first on plusinfo.mk.

– Потешкотијата тука е снабдување со електрична енергија на предвидлив начин бидејќи производството од обновлива енергија во некои денови е повисоко од нормата, од предвиденото, а во некои денови не се исполнува таа квота и тоа влијае на цените на електрична енергија. Затоа, со цел да се балансираат понудата и побарувачката од обновливи извори на енергија мора ефективно да најдеме начин да ја складираме енергијата кога не е потребна и повторно да се врати во мрежата кога е потребна. За тоа постојат многу начини. Еден од начините е да се произведуваат мега батерии како што произведува „Тесла“, на различни локации каде што се складира обновливата енергија и потоа цели градови и села може да се снабдуваат со таа енергија кога производството е под квотата. Тие функционираат на некои локации, но може да бидат прескапи за други локации – истакна Анѓушев.

Тој појасни дека на батериите за складирање на енергија не може да се гледа како долгорочно решение бидејќи нивното производство е прескапо. Како алтернатива и долгорочно решение, Анѓушев го посочува водородот кој што токму во „Грин машинс“ се користи како погонско гориво за едно од возилата од палетата машини за одржување хигиена.
– Кога од електраните на обновливи извори, преостанатата енергија која не би била употребена, би се искористила за производство на водород како енергенс со примена за различни електрични потреби, на пример за возила. Производството на возила на водороден погон, во штo „Грин машинс“ се први во светот претставува сериозен придонес во енергетската транзиција – истакна Анѓушев.

За тоа колку оваа технологија е применлива во нашата земја, Анѓушев истакна дека постои потенцијал кај македонските компании да се насочат кон имплементација на академските истражувања во однос на искористување на водородот како енергенс.

– Мислам дека македонските компании се повеќе од способни за имплементирање на истражувањата кои се направени во академските истражувања во производи кои имаат високо ниво на софистицираност и кои може да дадат сериозен придонес во енергетската транзиција – истакна Анѓушев на МЕФ 2022 кој што годинава се одржуваше во Охрид.

Форумот е во организација на ЗИП Институтот, Владата на Република Северна Македонија под покровителство на вицепремиерот задолжен за економски прашања, Амбасадата на САД во Скопје и Делегацијата на ЕУ во Скопје.

The post ИДНИНАТА Е ВО ВОДОРОДОТ КАКО ЕНЕРГЕНС Ангел Анѓушев вели дека треба да се размислува како „Тесла“ appeared first on plusinfo.mk.