Пушат цигари 40 проценти од младите во Македонија, кои се на возраст до 18 години, дел од нив уште од 13-годишна возраст, со што Македонија се рангира меѓу земјите со највисоките стапки на пушење, истакнаа учесници на регионална работилница на која денеска учествуваше и министерката за образование и наука Весна Јаневска.

– Превенцијата во рана возраст е клучна за одбегнување на злоупотребата на штетните материи како алкохол, цигари и дрога, а образованиот процес е најдобар начин за превенција и одбегнување на злоупотребата на штетните материи – истакна министерката Јаневска на работилницата „Јакнење на соработката меѓу медиумите, експертите и институциите за подобри политики за контрола на тутунот и заштита на јавното здравје во Западен Балкан“, во организација на Аналитика Тинк Тенк.

– Злоупотребата на тутунот и електронските цигари кај младите навистина штетно влијаат на здравјето. Тоа мора да го превенираме и Министерството за образование и наука и Владата преземаат определени чекори првенствено за превенција за да ги избегнеме трошоците за лекување во подоцнежите години – нагласи Јаневска.

Таа потсети дека новина од оваа година е воведување на предметот „Учам за моето здравје“, кој ќе се изучува во седмо одделение. Министерката најави дека во новата учебна година ќе бидат обучени 50 стручни соработници и 150 наставници во 50 основни училишта за реализација на превентивната програма „Вештини за адолесценција“. Станува збор за структурирана програма, која е базирана на докази, за превенција од користење на цигари, дрога и алкохол и која досега со успех е имплементирана во 105 земји од целиот свет“, додаде министерката.

Тамара Мијовиќ Спасова од Аналитика тинк тенк истакна дека Македонија сѐ уште се рангира како земја со една од повисоките стапки на пушење.

– Факт што нас нѐ загрижува и нашите анализи што покажуваат е дека младите во Македонија покажуваат сериозна стапка на пушење. Она што можеме да го направиме и како тинк тенк и како цело општество е да реагираме соодветно. Прво, на младите под 18 години им се забранува продажба на цигари и треба да се почитува таа законска регулатива. Најважна е и едукацијата и превенцијата да почнат од многу рана возраст. Од рано да ги едуцираме младите дека генерално пушењето е штетно и младите да развиваат позитивни навики – рече Мијовиќ Спасова.

Според неа, она што е најфрапантно и анализите што покажуваат дека веќе на 13 годишна возраст младите почнуваат да пушат.

– И штом толку мали ја почнуваат таа навика значи веќе многу е веројатно дека тие веќе и во нивниот подоцнежен период ќе станат пушачи. Четириесет проценти од младите што се до 18 години пушат. Затоа кажав дека бројките се алармантни. Треба да работиме на превенција на овие лоши навики, а не повторно да имаат претстава дека новите производи што се нудат на пазарот, како електронските цигари, се некоја безбедна варијанта којашто нема да им пречи. А според новите студии не се така безбедна варијанта на цигарите – рече Мијовиќ Спасова.

The post ПУШАТ ЦИГАРИ УШТЕ НА 13 ГОДИНИ! Фрапантни статистики за младите во Македонија appeared first on plusinfo.mk.

„За потсетување, Македонија веќе има усвоено Закон за меѓународна соработка во кривичната материја, едногласно усвоен од Собранието на седницата одржана на 2 април 2021 година, потпишан од претседателот Стево Пендаровски и објавен во Службен Весник.

Во овој закон предвидена е можноста домашен надлежен орган, Министерството за правда или Јавното обвинителство да испрати замолница за соработка во кривичната материја до надлежна институција на странска држава (чл.16).

Со замолницата, која се доставува преку Министерството за правда, од странската надлежна институција се бара да достави списи, информации и материјални докази за одредена предистрага, истрага или тековен судски предмет за физичко и/или правно лице.

Овој закон (чл.35) овозможува и формирање на заеднички истражни тимови за истражување и гонење на кривични дела, а договорот за заеднички истражен тим го склучува државниот обвинител на Македонија.

Во чл.39 од Законот за меѓународна кривична соработка дури е предвидено и секое истражно дејствие што го превземал надлежен орган на странската држава да биде изедначено со соодветно дејствие во кривичната постапка пред домашните институции.

Да сумираме, владата, министерот за правда и ЈО, доколу имаат политичка волја за сериозна борба против корупцијата, имаат важечки законски основи, без одолговлекување преку Министерството за правда веднаш да испратат замолница до надлежните органи на САД за достава на сите документи, списи, докази и информации за Рамиз Мерко, Катица Јанева, Стевчо Јакимовски и другите лица на „црната листа“.

Државниот јавен обвинител може веднаш да оформи заеднички македонско-американски истражен тим и да поведе самостојна или заедничка истражна постапка и да оформи и да процесуира кривично-правни предмети пред надлежните институции во Македонија.

Овој Закон добро е да се надгради и синхронизира со дополнителен закон за рестриктивни мерки, за што претставниците на стручната фела ценат дека е потребна квалитетна јавна расправа. Сметам дека Собранието треба да биде организатор и домаќин на една таква јавна расправа на која главниот збор ќе го имаат претставниците на судската фела, претставници на обвинителството, адвокати и професори по кривично право. На ваквата јавна расправа многу ќе користи и присуството на експерти за рестрикции и санкции од САД и од ЕУ, за да имаме одржливо унапредување на позитивните норми во оваа регулирана област за меѓународна соработка во кривичната материја – вели Милошоски во својата објава на Фејсбук.

Реагирајќи на објавата на Милошоски, СДСМ го повика него и неговата партија да не го блокираат Законот за рестриктивни мерки во македонското Собрание.

„Предлог Законот до Собранието е доставен на 6 ти февруари, пред месец и половина. Значи месец и половина Антонијо Милошоски го одолговлекува и не го става на разгледување пред матичната комисија за надворешни работи. Бараме Милошоски кој раководи со собраниската Комисија за надворешна политика, веднаш да го стави на дневен ред Законот за рестриктивните мерки. А Мицкоски и ВМРО-ДПМНЕ да го поддржат и законот да биде усвоен.

Ако ВМРО-ДПМНЕ е „за“ борба против корупцијата, ќе го поддржи законот. Ако сакаат да продолжат со лажни ветувања, ќе даваат 1.000 изговори и нема да го поддржат.

Последната одлуката на нашиот стратешки партнер, САД за црната листа е уште една потврда зошто итно е потребно да се донесе Законот за рестриктивни мерки. Со овој закон се создава можност сите вакви случаи, наведени од нашите стратешки партнери, да може да се процесираат преку домашното законодавство. Нема компромиси во борбата против корупцијата и криминалот и не смее да има дополнителни одлагања“ – се вели во соопштението на СДСМ.

The post ИМАТЕ ЗАКОН, АМА НЕМАТЕ ХРАБРОСТ И ПОЛИТИЧКА ВОЛЈА! Владата може да ги побара од САД сите докази за лицата од „црната листа“, вели Милошоски appeared first on plusinfo.mk.

Адвокатката Ирена Фрчковска, како што пишува порталот, изјавила дека Јанева, користи привилегии поради тоа што одлежала 1/3 од казната затвор за случајот „Рекет“ во кој беше осудена на седум години затвор поради злоупотреба на службената положба и овластување.

Во „Рекет“ осудени беа и Бојан Јовановски-Боки 13 на казна затвор од девет години и Зоран Милевски-Кичеец на казна затвор од три години.

The post ПРОСЛАВА СО РУСКА И СО КИФЛИЧКИ Катица Јанева пуштена дома за Нова година appeared first on plusinfo.mk.

Обвинителството, исто така, побара да се одбијат како неосновани жалбите на двете одбрани и да се уважат жалбите на Јавното обвинителство за висината на казните.

– Неосновани се жалбените наводи на двете одбрани. Сметам дека фактичката состојба е правилно утврдена со изведените материјални и вербални докази – изјави обвинителот Бектеши.

Неосновани се жалбените наводи, нагласи Обвинителот, дека не било извршено вештачење на мобилните телефони, од причина што на главна расправа се изведени извештаи за форензичко и компјутерско вештачење од вработени во одделот за криминална форензика во МВР.

– Сведокот Јордан Камчев е повикан на јавна расправа и бил сослушан, со што е неоснована жалбата за нееднаквост на оружјата – рече обвинителот Бектеши.

Судот, рече тој, правилно поклонил верба во исказот на сведокот Мирјана Бошкова, дека од сметките на Камчеви ги повлекла парите, од причина што таа е личен сметководител на Камчеви и имала полномошно да го направи тоа.

– Неосновани се тврдењата дека пресудата се заснова на докази и снимки прибавени на незаконит начин, од причина што ваквата одлука на судот е насочена кон заштита на јавниот интерес и дотолку што за тоа судот има воспоставено ваква пракса – изјави обвинителот Бектеши.

Судот сите докази предложени од одбраната ги ценел и дал образложение зошто не се прифаќаат, посочи тој, со што се неосновани жалбените наводи.

Основниот кривичен суд Скопје за случајот Рекет им изрече казни затвор од девет години на обвинетиот Бојан Јовановски за „перење пари и други приноси од казниво дело” и седум години казна затвор на обвинетата Катица Јанева за „примање награда за противзаконито влијание“ и „злоупотреба на службена положба и овластување“.

The post Обвинителот Бектеши побара построги казни за Боки-13 и за Јанева appeared first on plusinfo.mk.

На голи претпоставки, без јасни докази не може да се заснова пресуда од седум години казна затвор. Обвинителството не го докажа делото кое и се става на товар на Катица Јанева, наведе нејзината одбрана, образложувајќи ја жалбата пред Апелациониот суд.

Поради суштествени повреди и погрешно утврдена материјална и фактичка состојба, одбраната бара првостепената пресуда за случајот „Рекет“ да биде целосно укината или случајот да биде вратен на повторно судење.

Адвокатот Дељо Кадиев, образложувајќи ја жалбата, рече дека навистина има голем број суштествени повреди на постапката за овој случај и затоа една третина од жалбата се однесува на тоа.

Јавниот обвинител, посочи Кадиев, транскриптите од разговорите ги дава со свои вметнати мислења и Судот такви и ги прифаќа.

– Се влијаело, затоа што обвинителството во загради ставало свои мислења, кои се цитирани потоа и во самата пресуда – изјави Кадиев.

Во однос на исказот на сведокот Орце Камчев, Кадиев рече дека, многу делови не соодветствуваат.

– ЈО во завршен збор изврши допрецизирање и измена на обвинението, во однос на враќањето на патната исправа. Ние треба да бидеме прашани за вина и да ни биде дозволено да се произнесеме по тоа, а тоа не беше направено – рече Кадиев.

Повреда на правото на одбраната, посочи Кадиев, е што не ни беа дадени сите докази.

– Зошто не ни ги дадоа не знаеме. ЗКП не предвидува кои докази смее, а кои не да бидат дадени – рече Кадиев.

– Никој од обвинетите не му пришол на Јордан Камчев да бара пари – рече Кадиев, посочувајќи дека токму сведокот Ана Камчева е таа што барала контакти и самата рекал дека „добар адвокат, не е тој што го знае законот, туку тој што го знае судијата“.

– Зошто Јавниот обвинител не ги провери банкнотите и не отиде во менувачницата Бела да провери дали се заменети толку пари, кога за секое трансакциско работење има записи – рече Кадиев.

Адвокатката Ирена Фрчковска, рече дека, целосно погрешно е утврдена фактичката состојба за овој предмет.

– Како може некој со едно или две сторени дејствија да прекрши 93 одредби и тоа општо наведени, без да се образложи. Во што се состои злоупотребата на Јанева во однос на Орце Камчев. Дали видовме доказ дека Јанева зела парични средства и тие биле поврзани со Камчев – не, такви докази не видовме – рече Фрчковска.

Зошто ако Катица Јанева барала пари, рече Фрчковска, тоа не било пријавено во надлежни органи и со ПИ мерки бидат обезбедни докази за тоа.

– Обвинителството не направи напори да ги достави трансакциите за повлечените пари. Обвинетите ги брани презумцијата на невиност, а Обвинителството треба да поднесе докази. За Катица Јанева, нема докази. Седум години казна затвор за незаконски снимки и изјави на сведоци кои сакаат да се спасат од закон – изјави Фрчковска.

Имотната состојба, нагласи Фрчковска, не е променета и е иста со таа уште пред да стане Јавен обвинител.

Катица Јанева, поради здравствени причини не присуствува на седницата и писмено извести дека прифаќа жалбата да биде презентирана од нејзините бранители Дељо Кадиев и Ирена Фрчковска.

Јанева за случајот „Рекет“ од Основниот кривичен суд е осудена на казна затвор од седум години за „примање награда за противзаконито влијание“ и „злоупотреба на службена положба и овластување“.

The post Адвокатите на Јанева бараат укинување на пресудата за „Рекет“ appeared first on plusinfo.mk.

Забелешките на Јанева, доставени во писмена форма кон крајот на јуни, по неуспешниот обид да биде сослушана во Државниот завод за ревизија, се објавени во рамки на извештајот на ДЗР, каде се наведува дека нејзините забелешки не се прифатени.

Според Државниот завод за ревизија, како што објавивме претходно, исплатата на плати и додатоците во СЈО биле согласни на законската регулатива, но дека посебните додатоци за доверливост не биле во согласност со законите.

Според Јанева ,неуспехот на Обвинителството за гонење на организиран криминал да докаже нејзина наводна вина во случајот „Рекет“, за кој нема правосилна пресуда, резултира со вакво постапување на државната ревизија во обид да биде дискредитирана.

Јанева прашува дали ако ревизорите сметаат дека посебните надоместоци се незаконски, дека тогаш одговорност треба да сносат и двата состава на владите, како и четворицата министри за финансии кои биле на таа функција во време на работењето на СЈО, а кои ги одобрувале, како финансиското работење, така и исплата на платите и останатите надоместоци и тоа без никакви забелешки.

Таа потсетува дека и пред Советот на јавни обвинители редовно ги доставувала извештаите за работењето на ова обвинителство, кои ги содржеле и податоците за финансиското работење. Овие извештаи биле прифаќани од Советот. И до Собранието на Македонија биле доставувани извештаите, но Јанева наведува дека и други државни органи биле запознати со начинот на исплатата на платите и сите надоместоци, со акцент на Управата за јавни приходи до која  биле доставувани годишните даночни пријави на вработените.

The post Катица Јанева: Ако надоместоците се незаконски, одговорни се и четворица министри, УЈП и Собранието appeared first on plusinfo.mk.

Во Кривичен суд денеска треба да се одржи рочиште за предмет во кој поранешната специјална обвинителка Катица Јанева го тужи Бојан Јовановски – Боки 13 за нелегално снимање.

Тужбата е поради фотографијата која беше презентирана како доказ во предметот „Рекет“ по вештачењето на мобилниот телефон на Боки-13 во истиот предмет, на која се гледа Јанева со пари, а која наводно ја снимил Јовановски.

Јанева е првостепено осудена на 7-годишна затворска казна, а Јовановски на 9 години казна затвор и двајцата за предметот „Рекет“.

The post Јанева го тужи Боки 13 дека ја снимал додека лежела со купче пари appeared first on plusinfo.mk.

Јовановски е осуден за две кривични дела и тоа за перење пари и примање награда за противзаконско влијание, додека Јанева за злоупотреба на службената положба и овластување.

Јанева не дојде да ја слушне пресудата денеска, поради здравствени и семејни причини.

Судијката Николовска Масевска, при објавување на пресудата за предметот „Рекет“ рече дека во казната ќе им се пресметува времето поминато во притвор. Судот за определување на казните за сторените кривични дела, рече судијката, се водел од олеснителните, како брачен статус, но и отежнителните околности, како угледот и положбата на обвинетите.

– Обвинетата Катица Јанева го прифатила влијанието на Бојан Јовановски и го пречекорила своето овластување и за себе прибавила значителна имотна корист – мебел и 50 илјади евра. Обвинетата Катица Јанева, во ноември 2018 година предложила мерка притвор за обвинетиот Јордан Камчев во предметот „Империја“. Со влијание на Бојан Јовановски на 24 декември до Апелациониот суд Скопје предложи мерката притвор да се замени со мерка куќен притвор – рече судијката.

Во образложението за пресудата против осомничениот Бојан Јовановски, судијката Масевска истакна дека обвинетиот со незаконски прибавени средства купил луксузни облеки од различни светски брендови. Освен казна затвор од девет години, на Бојан Јовановски судот донесе одлука за да му се конфискуваат 12 илјади евра.

Според обвинението, Јовановски и Милески зеле милион и пол евра од бизнисменот Јордан Камчев за да му ја олеснат положбата во случајот „Империја“, додека Јанева зела 50 илјади евра и гарнитура вредна пет илјади евра.

Судењето за предметот „Рекет” почна во декември минатата година. Обвинението беше поднесено против три лица. На првото рочиште за овој случај обвинетитот Зоран Милевски-Кичеец ја прифати вината и на следното рочиште беше осуден на три години затвор. Другите двајца обвинети Јовановски и Јанева, се изјаснија дека се невини и против нив се води судска постапка во која беа презентирани низа материјални и вербални докази од страна на Обвинителството.

Претседателката на судечкиот совет Васка Николовска-Масевска тогаш образложи дека Кичеец е виновен затоа што со Боки 13 преку претходно воспоставени пријателски односи влијаел врз Јанева да се изврши службено дејство што не би смеело да се изврши во врска со водење на кривичната постапка што ја водело СЈО по наредба на тогаш специјалната обвинителка Јанева за спроведување истражна постапка против Камчев , односно да му ја укине мерката притвор и да му се определи поблага мерка куќен притвор.

Случајот доби и нов тек откако истрагата на 9 октомври се прошири на уште четири лица, меѓу кои потпретседателката на Меѓународниот сојуз Јасна Мандиќ, таткото на Боки 13 Миле Јовановски и асистентка на Јовановски Христина Блажевска.

The post Девет години затвор доби Боки 13, а Катица Јанева е осудена на седум години во „Рекет“ appeared first on plusinfo.mk.

Поранешната шефица на СЈО, Катица Јанева, нема да присуствува на денешната објава на пресудата за случајот „Рекет“, потврди за Плусинфо адвокатката Ирена Фрчкоска.

Во судница е присутна сопругата на Јордан Камчев, еден од сведоците во предметот, Ана Камчева. Брачниот пар Камчеви сведочеа како оштетени во случајот.

Во случајот „Рекет“ првообвинет е  Бојан Јовановски-Боки 13 за примање награда за противзаконито влијание и за перење пари и Катица Јанева за злоупотреба на службената положба и овластување.

За делото за кое е обвинета на Јанева, ѝ се заканува казна затвор  3 години, а за двете дела за кои се гони Боки 13 е предвидена казна од 1 до 10 години затвор.

The post Катица Јанева нема да присуствува на изрекување на пресудата во „Рекет“ appeared first on plusinfo.mk.

Катица Јанева, поранешната шефицата на СЈО, денеска со полициска придружба била спроведена  во Гевгелија на погреб на нејзиниот татко Костадин Делиџаков, долгогодишен судија и претседател на гевгелискиот суд.

Јанева се наоѓа во домашен притвор и ја чека пресудата за случајот „Рекет“.  Токму на денот кога беше притворена, на 20 август минатата година, почина и нејзината мајка, а обвинителот дозволи таа да замине на погреб.

The post Почина и таткото на Јанева appeared first on plusinfo.mk.