Повеќе од 1.800 вработени во јавното здравство поднеле тужби против здравствените установи во кои работат, а вкупната вредност на побарувањата достигнала околу 2,18 милиони евра. Според информациите презентирани на денешниот брифинг во Фондот за здравство, тужби се поднесени во 62 од вкупно 108 јавни здравствени установи во државата.

Директорот на ФЗО, Сашо Клековски, изјави дека најголем дел од тужбите се поврзани со неисплатени додатоци на плата – за прекувремена работа, ноќни смени, работа за викенди и празници, бонус плати и јубилејни награди.

– Тужбите претежно произлегуваат од проблеми во примената на Законот за работните односи и колективните договори. Реалниот финансиски товар врз јавното здравство може да биде значително повисок, бидејќи голем дел од постапките сè уште не се завршени – рече Клековски.

Највисок износ на тужбени барања има Клиничката болница – Битолаa со 16,8 милиони денари, додека болницата во Куманово има најмногу тужители – дури 317 вработени.

Од ФЗО предупредуваат дека бројот на тужби може дополнително да расте. Како пример беше посочен Јавниот центар Кратово, каде се најавени уште околу 65 нови тужби во текот на 2026 година, со побарувања од над 3,5 милиони денари.

Фондот денеска ја презентираше и анализата за платите во јавното здравство, која опфаќа 18.872 вработени во 12 типа здравствени установи за декември 2025 година. Според податоците, просечната вкупна нето-плата во јавното здравство изнесувала 50.039 денари, додека просечната основна плата била 37.660 денари.

Најголем удел на додатоци во платите имале установите што работат во непрекинат 24-часовен режим.

– Универзитетската клиника за државна кардиохирургија има 40,66 проценти удел на додатоци, Клиничка болница Штип 37,83 проценти, а Институтот за радиологија 37,67 проценти. Од друга страна, превентивните установи и поликлиниките имаат многу помал удел бидејќи работат без дежурства – посочи Клековски.

Тој откри дека Министерството за здравство веќе формирало работна група заедно со ФЗО и синдикатите, со цел да се расчистат нејаснотиите околу исплатата на додатоците и да се намали бројот на судски спорови.

– Наш став е дека сè што им следува на вработените треба да биде исплатено, но не смеат да се оставаат сиви зони за неетичко постапување – нагласи директорот на ФЗО.

Меѓу препораките што беа посочени се побрза исплата на правосилните пресуди за да не растат каматите, централен регистар за следење на судските предмети и зајакнување на правните служби во болниците каде има најмногу тужби.

На брифингот беше отворено и прашањето за недостигот на медицински кадар. Клековски призна дека најкритична е состојбата со анестезиолозите, кои, како што рече, „речиси ги нема“ во дел од јавните здравствени установи.

Воедно, тој информираше дека со одлука на Владата добил четиригодишен мандат како директор на ФЗО, додека за заменик-директор е назначен Седат Бислими.

The post НАД 1.800 ЗДРАВСТВЕНИ РАБОТНИЦИ ГО ТУЖАТ СИСТЕМОТ Побаруваат повеќе од 2 милиони евра за дежурства и за бонуси appeared first on plusinfo.mk.

Нова американска студија открива дека на повеќето деца не им е дозволено да пијат течности многу подолго пред операцијата отколку што е препорачано со упатствата – што може да го зголеми ризикот од дехидратација, анксиозност и побавно закрепнување по процедурата.

Според истражувањето презентирано на годишниот состанок на Американското здружение на анестезиолози во Сан Антонио, дури 79% од децата и доенчињата биле без течности многу подолго отколку што е потребно.
Упатствата јасно наведуваат дека децата не треба да пијат ништо во рок од два часа пред процедурата, за да се намали ризикот од задушување или пневмонија. Сепак, податоците покажуваат дека повеќето деца не пијат течности неколку часа подолго од препорачаното.
Продолжената апстиненција од бистри течности – четири часа или повеќе – може да предизвика жед, анксиозност, болка, мачнини и повраќање, предупредува д-р Александар Нагребецки, анестезиолог во Општата болница во Масачусетс во Бостон.

Освен што е непријатно, може да биде и штетно. Децата и доенчињата се особено ранливи на дехидратација и губење калории, што дополнително го оптоварува телото и го забавува закрепнувањето.
Научниците анализирале речиси 72.000 случаи на деца под 17 години кои имале планирани операции во 12 американски болници помеѓу 2016 и 2024 година.

Повеќе за ова на порталот „Мајка и дете“.

The post НИШТО ПОСЛЕ ПОЛНОЌ! Анестезиолозите предупредуваат на застареното правило поради кое децата непотребно страдаат од жедни и стрес пред операција appeared first on plusinfo.mk.

Претседателот на синдикатот на анестезиолози и реаниматори Алесандро Вергало ја обвинува „политиката“ која веќе десет години, и покрај барањата на лекарите, не преземала ништо да го обезбеди здравствениот систем со неопходен број на лекари специјалисти.

– Пандемијата на коронавирусот го потенцира проблемот и ги потврди нашите проценки дека досегашната политика за планирање специјализанти била погрешна. Заразата се шири многу брзо и ако продолжи со вакво темпо, одделите за интензивна нега ќе бидат исполнети, а ќе недостасуваат лекари специјалисти кои треба да ги негуваат пациентите, истакна Вергало.

Тој потврди дека Владата на премиерот Џузепе Конте минатата година и пред пандемијата на ковид-19 го зголемила од 900 на 1.500 бројот на местата за специјализанти, но, според него, „плодовите од таа одлука ќе ги видиме дури за пет години, колку што трае специјалистичката обука“.

На прашањето дали потребите на здравствениот систем би можеле да се пополнат со странски лекари, Вергало одговори дека италијанските лекари се 30 отсто помалку платени од нивните колеги во другите европски земји.

The post Дури 4.000 анестезиолози и недостасуваат на Италија appeared first on plusinfo.mk.

Двајцата анестезиолози, како што потврдил директорот Костов за медиумите, најавиле дека ќе заминат да работат во приватната болница „Аџибадем Систина“.

Се очекува надлежните да информираат од кои други болници ќе бидат испратени други двајца специјалисти анестезиолози, како замена на колегите кои дале отказ.

Анестезиолозите раководат со интензивните оддели и ги управуваат апаратите за дишење. Само во ГОБ „8 Септември“ на респиратор дневно се ставаат најмалку петмина болни од корона вирусот, чија здравствена состојба е многу тешка.

Досега во оваа болница од апарати за дишење, благодарение на лекарите, пред сѐ, анестезиолози и инфектолози, се симнаа двајца пациенти, кои потоа беа пуштени на домашно лекување. Другите стотина кои беа ставени на респиратор не ја добија битката со вирусот.

Во специјализациите коишто ги доделуваше Министертвото за здравство последниве неколку години, лекарите се обврзуваа да останат да работат во јавното здравство уште 10-тина години.

The post Среде епидемијата, двајца анестезиолози заминуваат од ГОБ „8 Септември“ appeared first on plusinfo.mk.