Наместо обична порака по натпреварот со Нант, Вардар со поезијата на еден од великаните на македонската книжевност им се заблагодари на навивачите во салата „Јане Сандански“.

Нант славеше со минимални 33–32 во меч во кој победникот се решаваше до последните секунди. Францускиот тим имаше само еден гол предност и на полувремето, кога резултатот беше 16–15.

Трибините, сепак, ја дадоа другата слика од вечерта. „Јане Сандански“ беше исполнета, а навивачите го туркаа Вардар во обидот да стигне до првата домашна победа во новата сезона од Лигата на шампионите.

По последната сирена клубот објави видео со атмосферата од салата. За пораката до публиката Вардар посегна по песната „Долго доаѓање на огнот“ од Ацо Шопов, поврзувајќи ги стиховите со вечерта во која „црвено-црните“ останаа на еден гол од Нант.

The post 📽️ СТИХОВИ НА АЦО ШОПОВ ПО ДРАМАТА ВО „ЈАНЕ САНДАНСКИ“ Вардар им возврати на навивачите appeared first on plusinfo.mk.

Јака Малус можеше да биде херој, но на крајот стана трагичар во ракометната драма во „Јане Сандански“.

Вардар 1961 го претрпе вториот пораз во Лигата на шампионите, откако Нант славеше во Скопје со 33:32. Тоа беше првиот домашен натпревар на црвено-црните во елитното натпреварување по четиригодишна пауза.

Вардар тргна одлично и поведе со 3:0, но Французите брзо се вратија. Нант во првото полувреме стигна до четири гола предност, а домаќинот до паузата успеа да ја стопи негативата на 15:16.

Во вториот дел следуваше вистински ракометен ролеркостер. Долго се играше гол за гол, а носен од бучната публика Вардар направи пресврт и стигна до 29:27.

Драмата кулминираше во последните минути

Нант не се предаде. Гостите израмнија на 31:31, а драмата кулминираше во последните минути.

Малус најпрво загуби топка и му отвори контра на Нант, но Васил Гогов го спаси Вардар со одбрана на ударот на Ноам Леополд.

Шансата веднаш се пресели на другата страна. Малус излезе во чиста позиција, но овојпат голманот на Нант Кристофер Бонде ја доби пресметката.

Во последните секунди Нант доби седмерец. Леополд погоди за 33:32, а Вардар доби уште една можност да се спаси.

Повторно топката заврши кај Малус. Словенецот не успеа да го постигне голот што ќе му донесеше бод на Вардар, а Нант ја однесе победата од Скопје. Бонде беше еден од клучните луѓе на Французите во последните моменти.

Петарда го прекина ракометниот спектакл

Драмата во „Јане Сандански“ не беше само на теренот.

Во 15. минута во преполната сала одекна силен звук откако од трибините била фрлена петарда. Судиите накратко го прекинале натпреварот, а обезбедувањето се упатило кон делот од трибините од каде што се претпоставувало дека дошла пиротехниката.

Официјалниот спикер во салата објавил дека поради инцидентот Вардар ќе мора да плати парична казна, по што натпреварот продолжил.

Најефикасен кај Вардар беше Мохамад Абделхак со 10 гола. Малус постигна шест, а Вукашин Воркапиќ и Леон Љевар по пет.

Кај Нант блескаше швајцарскиот репрезентативец Ноам Леополд со 13 погодоци. Францускиот тим со победата во Скопје стигна до вториот триумф во првите две кола од Лигата на шампионите.

The post МАЛУС ОД ХЕРОЈ СТАНА ТРАГИЧАР ВО ДРАМАТА СО НАНТ Вардар падна со 32:33 во пеколниот финиш во „Јане Сандански“ appeared first on plusinfo.mk.

Парите од една од најпознатите акции на македонското револуционерно движење не завршиле кај нејзините непосредни учесници. Откупот за американската мисионерка Мис Стон бил ставен под контрола на Организацијата, а Гоце Делчев учествувал во одлучувањето како ќе се троши. Најголемиот дел, според Ѓорче Петров, бил употребен во борбата против врховизмот.

Киднапирањето на Мис Стон и на нејзината придружничка Катерина Цилка траело речиси 6 месеци. За време на заложничката драма, Цилка родила девојче во планината, а за бебето особено се грижел четникот Стефан Мандалов-Манданата. Девојчето го добило името Елена.

Аферата завршила во февруари 1902 година со исплата на 14.500 турски лири.

Сумата била огромна. Сава Михајлов сведочел дека парите тежеле околу 80 оки, односно приближно 96 килограми.

Ѓорче Петров оставил и детален запис што се случило со златото.

Парите ги донеле Јане Сандански, Крсто Асенов и Сава Михајлов. Потоа биле поделени на помали суми и оставени кај доверливи луѓе.

Еден дел бил сокриен во Костенец Бања, а друг во Враца. Кај Страшимиров биле оставени 3.000 лири, кај Биолчев 1.000, а кај еден лекар уште 2.000.

„Ги чуваа луѓето како светиња“, запишал Ѓорче.

Парите не биле собирани одеднаш. Организацијата ги земала постепено, според потребите.

За контролата била формирана и посебна комисија. Во неа биле Гоце Делчев, Никола Малешевски, Туше Дели Иванов и, според сеќавањето на Ѓорче, Стефанов.

Комисијата решавала како да се користи делот од парите наменет за дејствување во Бугарија. Друг дел бил распределен по окрузите.

Ѓорче посебно нагласил дека непосредните учесници во акцијата не зеле награда за себе.

„Никој од директните учесници никаква награда за себе не зеде“, запишал тој.

Нивниот живот, според неговото сведоштво, продолжил со истите лишувања.

На крајот, Ѓорче прецизно наведува каде завршил најголемиот дел од откупот.

„Во најголем дел парите отидоа тука за борба против врховизмот.“

The post ЛИРИТЕ ОД МИС СТОН ЗАВРШИЈА ПРОТИВ ВРХОВИСТИТЕ Делчев одлучувал како ќе бидат чувани и распределени appeared first on plusinfo.mk.

Ноќеска, дваесет минути по полноќ, на булеварот „Јане Сандански“ во Скопје се случи сообраќајна несреќа во која тешко е повреден 19-годишен мопедист.

Според полицијата, во судирот учествувале автомобил „сеат“, управуван од 31-годишен скопјанец, и мопед управуван од 19-годишник од Скопје.

Повредениот мопедист е пренесен во Комплексот клиники „Мајка Тереза“, каде што му биле констатирани тешки телесни повреди.

Полицијата изврши увид, а причините за несреќата се утврдуваат.

The post ТИНЕЈЏЕР НА МОПЕД ТЕШКО ПОВРЕДЕН ВО АЕРОДРОМ Се судрил со автомобил appeared first on plusinfo.mk.

Во рамки на завршното коло, Вардарци денес, 27 мај (среда), со почеток од 19:00 часот во СЦ „Јане Сандански” – големата сала, ќе се соочат со екипата на РК Бутел.

На крајот од натпреварот, Ракометна Федерација на Македонија официјално ќе го додели шампионскиот пехар на Вардар, рекордна 16-та титула шампион на Македонија, потврдувајќи ја доминацијата на клубот и неговото значајно место во македонскиот спорт.

Како горд партнер и силен поддржувач на РК Вардар 1961, Видеолотарија Касинос Австрија истакнува дека и вечерва стои зад шампионите, верувајќи во нивниот победнички дух, страст и борбеност до последниот свиреж.

„Навиваме за шампионите, за Вардар. За уште една победа“, соопшти ВЛТ.

The post ВЛТ НАВИВА Шампионот Вардар вечерва во дуел со РК Бутел appeared first on plusinfo.mk.

РК Вардар повторно е шампион на Македонија. „Црвено-црните“ вечерва го прегазија Еурофарм Пелистер со убедливи 34-19 во меч што воопшто не наликуваше на дерби.

Титулата по три години пауза повторно се враќа во Скопје.

Пелистер дојде со втор состав

Битолчани настапија со комбиниран тим, а Вардар тоа максимално го искористи. Домаќините уште од стартот наметнаа силно темпо и на полувреме водеа со 18-12.

Во второто полувреме разликата само растеше.

„Чкембари“ ги немаше, имаше порака

Гостите немаа ни организирана поддршка од трибините.

На местото каде обично стојат „Чкембари“ се појави транспарент со порака:

„Одј..бете“.

Пораката беше насочена кон слабите игри на тимот сезонава.

16-та титула и двојна круна

Со новите два бода Вардар стигна до недостижни осум бода предност пред Охрид на три кола до крајот.

Ова е 16-та шампионска титула за клубот.

Вардар сезонава ја освои и двојната круна, откако претходно триумфираше и во Купот.

Најефикасен кај Вардар беше Урош Митровиќ со седум гола.

Јака Малус додаде 6 погодоци, а голманот Гогов имаше 4 одбрани, од кои 3 седмерци.

The post 📽️ ВАРДАР ЈА ВРАТИ ТИТУЛАТА ВО СКОПЈЕ Пелистер „потона“ во „Јане Сандански“ appeared first on plusinfo.mk.

Скопје в недела ќе има изменет сообраќај поради одржување на меморијалната трка „Меморијал Ѓоко Кузмановски“, па возачите ќе мора да сметаат на затворени улици и пренасочување.

Настанот ќе се одржи на 26 април од 09:00 до 13:30 часот, со старт и цел пред Спортски центар „Јане Сандански“. Учесниците ќе се движат по дел од булеварот АСНОМ, на потегот од крстосницата со улицата Васко Карангелевски до булеварот Србија, како и по дел од улицата Васко Карангелевски во правец кон Мајчин дом.

Поради трката, сообраќајот во овој дел од градот ќе биде привремено изменет, а возилата ќе се пренасочуваат по околните улици.

Надлежните ги повикуваат граѓаните да ги почитуваат упатствата на полицијата и да планираат алтернативни рути за да избегнат застои.

The post СООБРАЌАЈЕН ХАОС ВО НАЈАВА В НЕДЕЛА Делови од Аеродром ќе бидат блокирани неколку часа appeared first on plusinfo.mk.

Пламен проголтал две товарни и едно патничко возило среде ноќ, на паркингот кај спортскиот центар „Јане Сандански“ во скопската населба Аеродром. Сомневањето за подметнување на пожарот довело до апсење на двајца скопјани, кои се лишени од слобода, потврди Министерството за внатрешни работи.

Според информациите од МВР, на 8 октомври 2025 година, околу 2:20 часот по полноќ, во СВР Скопје било пријавено дека на означениот паркинг биле опожарени две товарни возила – „ивеко“ и „рено“, со скопски регистарски таблички, сопственост на правно лице од Скопје, како и патничко возило „опел“ со прилепски ознаки, сопственост на жител на Прилеп.

Само половина час подоцна, екипа од Бригадата за противпожарна заштита на Скопје го локализирала пожарот. Полицијата веднаш спровела оперативни активности и на булеварот АСНОМ ги привела 23-годишниот Ф.Ц. и 24-годишниот И.Ц., двајцата од Скопје, под сомнение дека го предизвикале пожарот.

„Лицата се задржани во полициска станица за понатамошна постапка“, соопшти МВР.

The post ДВАЈЦА УАПСЕНИ ЗА ОПОЖАРУВАЊЕ ВОЗИЛА КАЈ „ЈАНЕ САНДАНСКИ“ Изгореа „рено“, „ивеко“ и „опел“ appeared first on plusinfo.mk.

Возачот и тројца сопатници се повредени во тешката сообраќајна несреќа која се случи вчера во скопски Аеродром откако возилото излетало од патот.се случила тешка сообраќајна несреќа  во Скопје: Возач и тројца сопатници повредени по излетување од патот

Според информациите од полицијата несреќата што се случила вчера во 17:10 часот на крстосницата меѓу булеварот Јане Сандански и сервисна улица во Скопје, патничко возило „Мицубиши Колт“ со светиниколски регистарски ознаки излетало од коловозот.

„Во несреќата тешки телесни повреди задобил 71-годишниот возач Љ.Т. од Свети Николе, додека три други сопатници, меѓу кои двајца малолетници од Скопје и 64-годишната В.Т. од Свети Николе, добиле телесни повреди. Сите повредени се пренесени во Комплексот клиники ‘Мајка Тереза’, каде што им биле констатирани повредите“, велат од полицијата.

Полицијата извршила увид на местото на настанот, а екипа од СВР Скопје работи на утврдување на причините за несреќата.

The post АВТОМОБИЛ ИЗЛЕТА ОД ПАТОТ ВО АЕРОДРОМ Возач и тројца сопатници меѓу кои 2 деца завршија во болница appeared first on plusinfo.mk.

Покрај аудио, ве очекува и неверојатно визуелно доживување – бина со големина од 120 квадратни метри, повеќе од 100 квадратни метри ЛЕД екрани, а се уредува и надворешниот дел, односно просторот пред салата – инаку наменет за сите оние кои нема да бидат во можност да влезат во салата. Пред СЦ „Јане Сандански“ ќе бидат поставен ЛЕД екран и шатори каде бесплатно ќе се дели топол чај.

Како во старите добри времиња, кај граѓаните има позитивен дух а утре ќе биде ден кога среќата ќе биде насекаде, а токму таа, исто како и музиката, им дава душа на универзумот, крилја на умот, лет на имагинацијата, а магија и радост на нашите животи.

Затоа подгответе се МЕГАквалитетно и МЕГАуникатно искуство со добра македонска музика и една поинаква, позабавна лотарија − Државна лотарија, којашто за вас ги овозможи Мегавин и „99 Мегастарс“!

Организаторите информираат дека вратите на СЦ „Јане Сандански ќе бидат отворени од 19:00 часот, а програмата ќе започне од 20:00, поради затворените улици во другиот дел од градот информираат граѓаните да се упатат кон СЦ „Јане Сандански“ навремено.

Она што треба да го запомните е дека влезници за оваа вечер НЕМА во продажба, и единствен начин до истата е со регистрација на платформата megawin.mk (пријавување за влезница ќе можете да направите и до пред почетокот на настанот), а секој оној кој ќе се регистрира на платформа www.megawin.mk заклучно денес до 23:59 часот ќе учествуваат и во наградната игра „Биди ин, регистрирај се на Мегавин“ каде вкупниот фонд на награди и подароци изнесува 12 000 000 денари. Наградниот фонд е: 5 луксузни патувања за двајца во Дубаи, 10 гејминг лаптопи Lenovo, 10 iPhone 14 Pro, и еден автомобил BMW. Првите 50.000 регистрирани на www.megawin.mk ќе добиваат промотивни вредносни ваучери од 100 ден. до 10.000 ден., кој ќе можат да се искористат за играње на платформата megawin.mk. во извлекувањето на наградите

Во улога на водители на настанот присутните ќе ги видат неповторливиот Игор Џамбазов, Маријана Станојковска, Мартин 99 Трпчевски и Миа Костова, а како звучеше македонската музика на времето ќе нè потсетат: Искра Трпева, Peace Brothers, Куку Леле, Марјан Стојановски, Кристина Арнаудова, Ребека, Маја Гроздановска-Панчева, Ристо Самарџиев, Бени Шаќири, Андријана Јаневска, Верица Пандиловска, Александар Тарабунов, Арчи, Сара Мејс, Бојана Скендеровски, Ламбе Алабаковски, Нови дечки, Тони Зен, Ивона Јо, Ластовица, Дуо Дис, Наде Талевска, Дарко Гроздановски, Мила Николовска-Ѓумар, Теа Трајковска, Александар Ристовски – Принц …

Настанот ќе биде емитуван и на профилите на социјалните медиуми на Државна Лотарија.

Ова е влог во заедничката среќа, затоа не пропуштајте ја можноста – дојдете утревечер во СЦ „Јане Сандански“ со почеток од 20:00 часот – зашто не е ин само да се биде фин, туку ин си ако регистрираш на Мегавин.

The post СÈ Е ПОДГОТВЕНО ЗА „99 МЕГАСТАРС“ Утревечер сите патишта ќе водат кон СЦ „Јане Сандански“ appeared first on plusinfo.mk.