Пејачката и професорка по виолина Андријана Јаневска (42) и нејзиниот сопруг, музичарот Драган Гиновски – Гино (57), денеска слават 14-годишнина од бракот.

Андријана со неколку свадбени фотографии го одбележа посебниот ден.

„На денешен ден пред 14 години бев невеста. Со Гиновски се венчавме во црквата Св. Димитрија, а игравме оро во ресторан Имес. Имес не постои, ама ние си тераме“, напиша пејачката на својот профил на Фејсбук.

Под фотографиите тие добија бројни коментари со честитки.

Андријана и Драган ја направија свадбата на 19 јуни 2010 година, а стапија во брак неколку месеци претходно, на 30 декември 2009 година.

Во бракот добија два сина – Димитар и Кристијан.

ФОТО: Фејсбук

The post 📷 АНДРИЈАНА ЈАНЕВСКА И ГИНО СЛАВАТ 14 ГОДИНИ БРАК „Ресторанот каде што игравме оро не постои, но ние си тераме“ appeared first on plusinfo.mk.

И да ме совладаат емоциите додека пеам верувам дека публиката нема да ми замери, вели познатата пејачка Андријана Јаневска за „Фокус“ за настапот кој треба да почне попладнево во 19 часот во Домот на културата „Иван Мазов Климе“, а по повод 80 години од стрелањето на 12-те младинци во селото Ваташа од страна на бугарските фашисти кој се случил на 16 јуни 1943.

Таа веќе еднаш ја отпеа оваа песна на овогодишната Златна бубамара на популарноста, додека Игор Џамбазов читаше стихови од песната „Цветови“ на Славко Јаневски, инспирирана од крвавиот настан.

Повеќе настани во земјава се планирани за утрешниот ден.

Ми заплакало селото, селото Ваташа.

Tринаесет роса младинци носат

Мокришко горе, в долови.

Целото село станало, станало на нога.

Дајте ги вамо нашите деца

еј вие клети крвници.

Џелати клети не слушат, не слушат народот.

Митралез поган фрлија оган

в градите машки младински.

Тогај се народ подигна, подигна илјадно.

И тргна смело да запре семе

фашистичко клето за навек.

Славко Јаневски „Цветови“

Во врска со овој настан, Славко Јаневски ја напишал песната „Цветови“.

Цветови

В Тиквешко негде, в некое село,

кај в слана тивко венеше цвете,

– убија дете.

Последна солза од око капна…

кога на ридот есента стапна,

в крви се изми утрото бело.

И кога в зраци челикот светна

последна мисла ко птица летна:

„Мајка ми сама остана в село”.

О, детски очи!

Криевте в себе небесно катче…

Румено крвје течеше в жили

в радост без почин…

Кај око детско натопи земја

гороцвет никна, разлиста пролет,

кај крвта врела растопи слана

црвена роза закити поле.

Мајската роза и цветот модер

в миризма молат:

„Закити, друже, огнена пушка

со цвеќа млади,

па напред појди и други деца

брани со гради”.

В Тиквешко негде, в некое село,

кај в слана тивко венеше цвете,

– убија дете.

The post НЕ МИ ЗАМЕРУВАЈТЕ АКО МЕ СОВЛАДААТ ЕМОЦИИТЕ Андријана Јаневска во Кавадарци ќе ја отпее „Ми заплакало селото Ваташа“ appeared first on plusinfo.mk.

Со овие зборови, на 16 јуни 1943 година, од животот ќе се прости еден од 12-те младинци од селото Ваташа, стрелани во месноста Моклиште.

Најмладиот имал само 15 години.

Невини деца.

Младинците биле изрешетани со митролези, а потоа и избодени со бајонети. На некои им се исечени рацете и им се извадени очите. На крајот, сите биле ограбени.

Наредбата за стрелањето ја издал полковникот Љубен Апостолов. Откако неговите војници му реферирале за успешно извршената акција, тој восхитено рекол:

„Тоа е тоа, страшни момчиња имам!“.

Страшен масакр е извршен во Ваташа. До ден денешен од Бугарија непризнат како воено злосторство. До ден денешен, без збор извинување и без изрази на сочувство до семејствата на жртвите. До ден денешен, злосторство за кое од Софија и од бугарската пропаганда слушаме само оспорувања и релативизирања.

И еве, сега им се придружуваат и кучињата на пропагандата која се самолегитимира како поддржувач на владата на СДСМ и на тој некаков „провропски фронт“. Тие сега се обидуваат да го оправдат и да го релативизираат ова неспорно воено злосторство, извршено врз невооружени и невини цивили.

А што ги предизвика кучињата да залајат токму сега?

Ништо посебно. Една песна. И едни стихови…

Една посебна изведба на Андријана Јаневска на познатата песна „Ми заплакало селото Ваташа“. И стиховите на песната „Цветови“ од Славко Јаневски, во изведба на Игор Џамбазов. Целиот тој перформанс, всушност, за кој е одговорен Ранко Петровиќ, организаторот на манифестацијата „Златна бубамара“.

Ете, тоа ги надразнило кучињата на пропагандата. Тие би сакале песната повеќе да не се изведува, а стиховите на Славко Јаневски да не се рецитираат. Не би ме чудело веќе да се избришани од учебниците…

Инаку, не е прв пат да се спори за масакрот во Ваташа. Имало и порано неранимајковци кои се обидувале да го оправдаат ова злосторство, со тврдењето дека штом децата биле скоевци, тие биле легитимна цел, без оглед што биле невооружени цивили.

Така бедно не се бранел ни полковникот Апостолов, наредбодателот на ова злосторство!

И секако, не е прв пат кучињата на пробугарската пропаганда да го експлоатираат фактот дека полковникот Апостолов бил од Крива Паланка. Дека бил Македонец. Замислете, сите наши предци биле Бугари, а и ние самите сме „неосознаени“ Бугари, само тој ѕвер во бугарска фашистичка униформа, кој командувал на регуларна единица на бугарската војска која го извршила масакрот, е само тој бил Македонец!?

За да се каже дека Македонец убил Македонци, јасно.

Ете така резонираат кучињата на пропагандата.

И да не заборавам, не е прв пат јавно да се пласира и лагата дека Бугарија го признала злосторството, со самото тоа што го предала полковникот Апостолов на власта во Македонија, кадешто е суден, осуден и стрелан.

И ова тврдење е безочна лага. Бугарската историографија и бугарската држава никогаш не признале дека масакрот во Ваташа е воено злосторство и никогаш никој не се извинил за тоа злосторство.

Велам, за сево ова некогаш се расправавме со нашите бугараши. И некако, тоа си имаше смисла. А ете, денес за ова се расправаме со пропагандата којашто се легитимира како поддржувач на владата на СДСМ. Има ли тоа смисла?

Не знам, СДСМ треба да си каже. Молкот е оправдување.

На бултериерите на таа пропаганда им пречат една песна и едни стихови, им пречи секое потсетувањето на масакрот во Ваташа. Тие се полоши од софиската пропаганда. Софијанците барем ќе почекаат до јуни, кога е времето за кавгите за Ваташа. Нашиве антимакедонци не чекаат, тие веднаш скокаат како попарени.

„Зошто се пумпаат со емоции денешните граѓани со една трагедија од пред 80 години?“, реви Бранко Тричковски на Фејсбук. И додава: „Нацијата која не е во состојба да ја совлада таа трагедија и да престане да ја оживува и партиско-политички актуелизира, злоупотребува и манипулира за масовен транс, е пубертетска, односно незрела. Не е заборавот израз на незрелоста, туку идејата за користа на таа трагедија“.

Тричковски ја совладал таа трагедија. Тој е совладувач на трагедии. И сега нѐ подучува за Ваташа да зборуваме без емоции. Ма подобро воопшто да не зборуваме. Масакрот треба да се заборави. Зашто, во спротивно, Врабецот ќе нѐ прогласел за незрели.

Мојот одговор на ова бедно црцорење е краток и јасен – м’лкни таму, стоко антимакедонска!

А еве што надробило едно друго „страшно момче“. Се вика Боби Илиевски. Излезен од шинелот на муртинецот Ден Дончев, некогашен поддржувач на Љубчо Георгиевски, денес е еден од најбучните мегафони на СДСМ.  Ова е негов пост на Фејсбук:

Искрено ми е жал што ваквите срања денес се атрибуираат на СДСМ и одат на негова сметка. Но, така си е и Бихаќка веројатно ќе мора да се помири со фактот дека на следните избори ќе оди со овој срамен багаж.

Вистина е дека таа партија никогаш немала пропагандисти со коишто можела сериозно да се пофали, некакви расни кучиња, или некакви навистина страшни момчиња, но факт е и тоа дека никогаш не била на вакво дереџе да ја бранат вакви дртала и џукели.

И молам, нека не се обидува никој да тврди или да инсинуира дека врската на овие ликови со СДСМ е измислена. Само немојте тоа, аман! Зашто, ќе ме принудите јавно да споделам некои информации коишто претпочитам да останат во мојот тефтер. Барем засега…

И пред да го споделам навистина емотивниот и прекрасен перформанс на Јаневска и на Џамбазов, би сакал само јавно да го предупредам Јавниот обвинител.

Обвинителе драг, негирањето на воено злосторство е казниво дело, затоа што тоа е говор на омраза и акт на многу сериозно вознемирување на јавноста. Би можел да ви објаснам кои членови од Кривичниот законик ве обврзуваат да реагирате, но се надевам дека тоа го знаете. Ве предупредувам дека ова мое сосема кусо обраќање до Вас лично ќе го сметате за допрен глас. Всушност, еден од многуте што требаше да ве допрат во овие два дена. А ако сега баш ништо не ве допира, Обвинителе драг, јас само да ве поучам дека ќе дојде време кога ќе ве допре.

Не забораваме ништо!

Не ја забораваме вистината за масакрот во Ваташа!

Не го забораваме овој нов обид на кучињата на пропагандата да нѐ замолчат.

Еве, за тоа сведочат песната и стиховите:

The post Стрелајте кучиња, вистината за Ваташа нема да умре! appeared first on plusinfo.mk.

„Каролина Гочева, Тоше Проески и јас, 2000 година во Сиднеј, Австралија. Насмеани и распеани одиме да гледаме кошаркарски натпревар на Олимпијадата. Прекрасни спомени од едно време кога другарството беше најважно, кога зборот суета беше туѓ и кога музиката нè обединуваше. Оваа фотографија е од мојата приватна архива и ја објавувам со дозвола на Каролина и семејството на Тоше“, напиша Андријана Јаневска, познатата македонска пејачка, виолинистка и музички педагог.

По нејзината објава, и Каролина истата фотографија на објави на својот инстаграм-профил.

 

View this post on Instagram

 

A post shared by Andrijana Janevska (@andrijana_janevska)

ФОТО: Инстаграм

The post Андријана Јаневска објави досега невидена фотографија со Тоше Проески и Каролина во Сиднеј ФОТО appeared first on plusinfo.mk.

Јаневска се пофали на својот Фејсбук-профил за престижниот проект.

„Чест ми е да Ви соопштам дека ќе ја претставувам Македонија во проект за Гинисовата книга на рекорди! Станува збор за песна со најмногу пејачи на светот со наслов „One Human“ чиј автор е американскиот композитор и продуцент Graham Czach. Мој единствен услов за учество беше да пишува дека ја претставувам Република Македонија. Денес го потпишав договорот и следната седмица ќе ја снимам песната“, напиша пејачката.

ФОТО: Фејсбук

The post Андријана Јаневска избрана за проект на Гинисовата книга на рекорди appeared first on plusinfo.mk.