Со оглед дека Јанакиески се наоѓаше во куќен притвор за случајот, од Кривичен појаснуваат дека не бил потребен упатен акт, туку само наредба за спроведување.

„Судија за извршување санкции има издадено наредба за спроведување на правосилно осуденото лице за кое прашувате од куќен притвор на издржување на казна затвор со оглед дека обвинетиот веќе бил во куќен притвор во предметот за кој Апелација веќе донесе правосилна пресуда“, информираат од Основниот кривичен суд Скопје.

Во однос на најавите од адвокатите на Јанакиески дека ќе бараат мерките притвор што ги издржувал во сите предмети досега да се пресметаат за казната во „Титаник“, од Кривичен велат дека дополнително ќе одлучат.

„Во однос на  сите дополнителни барања и други предлози на одбраната одлучува судијата за извршување санкции, доколку се бара прекин одлучува Управата на затворот, а доколку е барање за вонредно преиспитување одлучува Врховниот суд“, соопштуваат од Кривичен.

Случајот „Титаник 1“ се однесува на кривични дела против изборите и гласањето за парламентарните избори во 2011 и локалните избори во 2013 година. Судењето во февруари 2022 година почна од почеток поради промена на поротник, кога дел од обвинетите, меѓу кои и Миле Јанакиески признаа вина.

Јанакиески е единствениот кој доби затворска казна за случајот „Титаник“, откако во понеделникот Апелација делумно ја уважи неговата жалба и му ја намали казната од четири и пол на три и пол години затвор.

Во одлуката од Апелација, се вели века обвинетиот се осудува на единствена казна затвор во траење од три години и шест месеци, во која му се засметува и времето поминато во притвор сметано од 14.11.2018 година до 26.02.2019 година, како и времето поминато во куќен притвор сметано од 28.02.2022 година до започнување со издржување на казната затвор.

Одбраната на Јанакиески, најави дека ќе бара спојување на сите притвори и тие да бидат засметани во затворската казна случајот. Јанакиески во притвор е повеќе од четири години.

The post ДЕЛ ОД ПРИТВОРОТ МУ Е ПРЕСМЕТАН Јанакиески е спроведен во затвор appeared first on plusinfo.mk.

На денешното судско рочиште, на кое обвинетите даваат одбрана, Јанакиески не призна вина, но кажа дека разговорите се автентични. Првообвинетиот Груевски, кој им наредил на Јанакиески и на тогашниот градоначалник на Гази Баба Тони Трајковски да не го тупат и да го урнат „Космос“ со динамит е во бегство во Унгарија.

Толку уживал Груевски со заканите, што пред Јанакиески се гази од смеење како наводно на Цановски му течело по панталони од страв дека ќе лета во воздух неговата инвестиција од 50 милиони евра.

The post „МУ ТЕЧЕ НИЗ НОГАВИЦИ“ Јанакиески призна дека „бомбите“ за „Космос“ се автентични appeared first on plusinfo.mk.

– На јавноста да ѝ биде јасно, не е комплетно изменето обвинението. Има измена само во дејствијата на обвинетите Миле Јанакиески и Спиро Ристовски. Тие измени се направија затоа што произлегоа од главната расправа, односно од одбраната на обвинетите. Обвинителството има неспорни докази дека тие од првиот момент се едни од главните организатори на протестите на „За заедничка Македонија“, а сето тоа за да се оневозможи избор на претседател на Собранието. И не ми е јасно зошто одбраната бараше одлагање на завршните зборови. Материјалните докази, СМС пораките беа сите изведени на главната расправа – вели Русковска.

На прашање на новинарите зошто нема обвинение и против поранешната министерка за култура, Русковска објасни:

– За Канческа-Милевска немаше обвинение затоа што немавме докази дека освен ангажирање на уметници и познати личности, направила што било друго конкретно. Освен тоа немавме други докази за нешто поконкретно – рече Русковска.

The post Русковска: Обвинението е сменето само за Јанакиески и за Ристоски, за Канчевска немаме докази appeared first on plusinfo.mk.

– Во период 2016-2017 година не сум извршувал никаква државна функција. Од мај 2015 година не сум извршувал била каква државна функција. Лицето Александар Василевски – Нинџа одговорно тврдам дека прв пат во живо го видов во оваа сала кога сведочеше, тоа беше прват со тоа лице да бидам во една просторија. Од мене има 45 илјади незаконски прислушувани разговори. Јас сум нелегално најприслушуваното лице во државата. Листинзите се достапни на обвинителството и ниту еднаш со ова лице не сум разговарал или разменил порака – рече Јанакиески.

Ваквите тврдења, како што посочи, е подготвен да ги потврди и на полиграф пред целата јавност.

– Дека Александар Василевски – Нинџа не ја говори вистината сведочеа и актуелниот претседател на Владата, поранешен претседател на државата и многу други функционери. Јас за овој немил настан кој никогаш не смее да се повтори, пред Бог, пред себеси и најважно пред моето семејство сум чист и со ништо не сум придонесел да се случат немилите настани на 27 април – рече Јанакиески.

За контактите со поранешниот претседател на Собранието Трајко Велјаноски, кажа дека ги имал во време кога бил министер за транспорт и врски, само службено.

– Тој период и сега најголемиот дел од денот го поминувам во контакт со адвокати во разговори за креирање на мојата одбрана. На 27 април требаше да дадам исказ во обвинителство за случајот ,,ТНТ”. Од 2015 година сум под мерки, а веќе 2 години и 8 месеци сум во притвор. Лесно е да се утврди со кој сум имал контакт – кажа Јанакиески на денешното рочиште за „Организаторите на 27 април” во Кривичниот суд Скопје.

Пред него, исказ даде и поранешниот министер за образование Спиро Ристовски, коиј, исто таке е е еден од обвинетите. И тој кажа дека нема врска со случувањата во Соранието на 27 април и оти исказот на Александар Василевски – Нинџа, што се однесува до него е невистинит.

Случајот го води судијата Илија Трпков, а застапник на обвинението на денешното рочиште е обвинителката е Катерина Коларовска.

Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.

Тие се товарат дека сториле кривично дело „терористичко загрозување на уставниот поредок и безбедноста“.

The post Јанакиески: Нинџа првпат го видов во судница, немам вина за „27 април“ appeared first on plusinfo.mk.

Писмото е упатено до членови на судски совет, кривичен суд, дипломатски претставништва, медиумите и невладините организации со цел да укажат за правично и правилно утврдување на распоредот на судење за наредниот период за да се овозможи ефикасна одбрана на обвинетиот Јанакиески.

– Јанакиевски во седум  предмети се јавува како обвинет покрај други лица, а само еден од овие предмети по својата процесна природа е итен со оглед дека за предметот познат во јавноста ,,Шпански скали’’ КОК бр. 30/20 изречна е мерка куќен  притвор која ја издржува од  28.06.2019 година но за жал самиот предмет е на самиот почеток. Мерката куќен притвор дополнително ја отежнува комуникацијата со нашиот клиент за подготовка на самите рочишта – велат адвокатите на Јанакиески.

Тие укажуваат дека рочишта за Јанакиески во октовмври се закажани речиси секој ден, а дури во некои денови има и по две рочишта. Според нив, ова предизвикува реален проблем за подготовка на одбраната. Поради ова Јанакиески во септември, кога имал судења секој работен ден, се обратил со поднесок до председателот на Основниот Кривичен суд и судечкиот совет со молба да се надмине ваквиот проблем при закажувањето на рочиштата за октомври и да се обрне внимание на кривичниот предметот каде е изречена мерка куќен притвор.

– Правото на одбрана е ограничено и поради фактот што нашиот клиент ја издржува мерката притвор речиси 2 година, а само за предметот „Шпански скали“ е во притвор од јуни 2019 година. За жал и за октомври динамиката остана иста дури за некои денови се закажани и по две рочишта, а од друга страна за предметот по кој е определена мерката куќен притвор воопшто нема закажано рочиште – велат адвокатите.

Тие информираат дека за ниту еден предмет кој се води против Јанакиески нема опасност за застарување и дека со ваквата динамки само се оневозможува нудење на квалитетна одбрана.  Кривичниот суд при правење на ваков распоред треба да го има предвид фактот дека македонските судови согласно закон треба да ја почитуваат праксата на ЕСЧП што било укажано и во писмото кое го испратил Јанакиески.

– Бидејќи има закажано повеќе рочишта одколку работни денови истакнуваме дека во октомври, од 21 работен ден закажани се 7 рочишта по предметот ,,Траекторија,, кој по својата процесна природа не е итен бидејќи во истиот нема изречена мерка притвор за ниеден од обвинетите ниту можно е застарување на делата а од друга страна по предметот „ Шпански скали“ нема закажано ниту едно рочиште . Ние и нашиот клиент сме свесни  за притисокот на јавноста во посочените предмети, но тоа не може да биде оправдување за ваквиот однос кон Нашиот клиент како обвинет и повреда на неговите елементарни права во оваа својство, бидејќи правото на судење во разумен рок не може да се злоупотребува на сметка на  повреда на правото на фер судење и правото на ефикасна одбрана. Впечатокот кој се создава и кај нас и во јавноста е дека ваквото постапување го прејудицира и исходот на постапките. Мора да го напоменеме и фактот дека со секој нареден поднесок кој се доставува до Судот по однос на надминување на овој проблем, за жал работите дополнително се влошуваат т.е се интезивира закажувањето на рочиштата, поради и што се одлучивме на овој чекор да се информира мегународната заедница како и невладините организации. Во оваа прилика сакаме да го потенцираме и фактот дека најголем дел од предметите се во фаза на распит на сведоци и се случува во еден ден да има закажано распит на 20 сведоци за два различни предмети или во една недела да треба да се врши распит на над 50 сведоци за различни предмети што со ваков интензитет на закажување на рочишта за различни кривични предмети е невозможно да се спрема темелна и квалитетна одбрана – велат адвокатите на Јанакиески.

The post Адвокатите на Јанакиески преку писмо бараат проретчување на рочиштата: Има повеќе судења од работни денови appeared first on plusinfo.mk.

Во разговорот се слуша како Јанакиески му предлага на Николоски да организираат сообраќајна незгода на превојот Пресека на патниот правец Кичево – Охрид, со цел да спречат поголема група Албанци да пристигнат на гласање на локалните избори во Кичево во 2013 година, кои претходно требало со два авиони да слетаат на охридксиот аеродром.

Сличен разговор беше презентиран и во судскиот процес за предметот „Титаник“ за изборни измами пред две години, на кој се слушаа предлозите на Јанакиески и Јанкуловска на денот на изборите, 24 март 2013 година, некои членови на ВМРО-ДПМНЕ да превртат трактор или пак да истурат песок од камион за целосно да го блокираат патот Кичево – Охрид, бидејќи како што велат Албанците „од аеродромот одат со автомобили, а не со автобуси“.

The post Објавена „бомба“ на која Јанакиески и Николоски договараат сообраќајка кај Пресека appeared first on plusinfo.mk.

Во првиот разговор, Јанушев и Јанакиески разговараат за тоа каде треба да бидат однесени лаптопи, и се споменува лице со име Даниела, како и во вчерашните разговори. Најверојатно разговорот е снимен во ден кога се гласало, бидејќи Јанушев во еден дел кажува дека и тој гласал и дека не може се врати во Скопје зашто врне.

Во втората „бомба“ истите соговорници зборуваат за список за вработени во Телеком кој Јанушев го пратил кај Жарко Луковски, поранешен директор на Телеком.

The post Објавени нови „бомби“ за Јанушев и за Јанакиески appeared first on plusinfo.mk.