Нафтена индустрија Србија (НИС) склучи договор за увоз на првите количини нафта преку Јадрански нафтовод (ЈАНАФ) за потребите на рафинеријата во Панчево, што ќе овозможи продолжување на производството.

Се очекува првите количини нафта да бидат доставени до рафинеријата во Панчево во текот на следната недела, додека компанијата планира да увезе дополнителни количини сурова нафта.

Лани во декември работата на производствените капацитети во рафинеријата за нафта во Панчево беше прекината, поради недостиг на нафта за преработка, што се случи како резултат на санкциите што ги воведе Министерството за финансии на САД врз компанијата.

Со посебна лиценца издадена од Канцеларијата за контрола на странски средства (OFAC) на Министерството за финансии на САД,  НИС повторно доби продолжување на лиценцата до  23 јануари оваа година, вклучително и рестартирање на преработката во рафинеријата, увоз на сурова нафта, како и извршување трансакции потребни за безбедност на снабдувањето и техничко одржување.

The post РАФИНЕРИЈАТА ВО ПАНЧЕВО ЌЕ ПРОРАБОТИ СЛЕДНАТА НЕДЕЛА Договорен е увоз на сурова нафта за Нафтената индустрија на Србија appeared first on plusinfo.mk.

Српскиот претседател Александар Вучиќ објави дека САД не дале лиценца за продолжување на снабдувањето со нафта за рафинеријата на Нафтна индустрија на Србија (НИС) во Панчево. Тој изјави дека „нема добри вести“ и дека Србија сега отвора нови канали за увоз на гориво, но дека најголем проблем останува логистиката.

– Имаме доволно гориво до крајот на јануари. Ќе заседаваме секојдневно и јавноста ќе добива информации на секои два дена. До 15 јануари ќе го завршиме процесот – рече Вучиќ, објаснувајќи дека државата обезбедила средства и за алтернативен договор за гас доколку до петок не се постигне спогодба со досегашните партнери.

Вучиќ додаде дека одлуката на Вашингтон е „недвосмислена“ и дека Русите, како сопственици на НИС, имаат право да не продаваат, но Србија поради тоа се соочува со сериозни тешкотии. Тој потсети дека хрватската компанија ЈАНАФ не дозволила увоз на нафта наменета за државните резерви, иако Србија нудела мониторинг за транспарентност.

– Министерката за енергетика ќе го извести НИС дека нема сигнали за добивање лиценца, што ќе значи престанок на работењето на рафинеријата – изјави Вучиќ додавајќи дека рафинеријата дневно губи по околу 370.000 евра.

Тој додаде дека државата дала дозвола за нејзино затворање и дека компанијата има време да ги исплати платите и обврските кон добавувачите.

Во врска со т.н. секундарни санкции, претседателот на Србија предупреди дека секоја деловна банка може да биде казнета ако продолжи да соработува со НИС, што би било „катастрофа за инвестицискиот рејтинг и финансискиот систем“.

– Ова не е прашање само за една компанија, туку за цела Србија. Кога НИС ќе ги потроши своите резерви, државата нема да може да му даде гориво од обврзните резерви, ниту нему ниту на Лукоил – рече Вучиќ.

Тој увери дека снабдувањето со керозин и со авио-гориво ќе биде стабилно, а Србија ќе има доволно енергенси до крајот на јануари. Во меѓувреме, државата преговара со партнери од Арапските земји, Унгарија, Велика Британија и САД за нови договори.

– Србија денес има речиси 4 милијарди евра на сметка и пензионерите немаат причина за грижа – вели Вучиќ.

The post СРБИЈА БАРА ЧАРЕ, ВУЧИЌ ВОНРЕДНО СЕ ОБРАТИ Нема лиценца, гориво има само до февруари appeared first on plusinfo.mk.

Хрватска ја искористува војната во Украина за воено профитерство, унгарскиот министер за надворешни работи Петер Сијарто пред Генералното собрание на Обединетите Нации, на што подоцна доби одговор од Хрватска.

– Хрватите нè искористуваат. Петпати ја зголемија таксата за транзит преку нафтоводот (ЈАНАФ) од почетокот на војната. Тоа е воена доплата. Тоа е профитерство – изјави унгарскиот министер во обраќањето во ОН предупредувајќи дека, како што вели, владата на Унгарија нема да дозволи нивната алчност да ги уништи резултатите од намалувањето на режиските трошоци.

Сијарто дури и изрази сомнеж дека нафтоводот може долгорочно да обезбедува сигурна испорака.

– Тестот на 17 септември покажа дека ЈАНАФ не може да поднесе континуирано снабдување под висок притисок. Тоа е ризик и неодговорност – додаде тој.

Унгарија и Словачка, без пристап до море, се зависни од ЈАНАФ за алтернативна испорака на нафта, со оглед дека директното снабдување од Русија е сè поограничено. Меѓусебното обвинување доаѓа во време кога американскиот претседател Доналд Трамп ги повика европските сојузници да не купуваат руски енергенси, нешто на што Унгарија јавно се спротивстави.

Хрватскиот премиер Андреј Пленковиќ возврати на обвинувањата на Сијарто на следниот начин:

– Со огорченост ја отфрлам лажната теза дека Хрватска е воен профитер. Напротив, Хрватска е добар и чесен сосед – нагласи тој.

Пленковиќ објасни дека ЈАНАФ има капацитети за транспорт до 15 милиони тони нафта и дека тоа е тестирано.

– Нашата задача, по руската агресија, е да обезбедиме енергетска сигурност за ЕУ. Хрватска тоа го прави и за Унгарија и Словачка – изјави тој.

Според првиот човек на хрватскатаа влада, алузиите за профитерство се опасни дезинформации:

– Прво, Хрватска не користи руска нафта од 2022 година. Второ, Унгарија сè уште добива поевтина руска енергија. Ако некој профитира, тоа е Унгарија – рече Пленковиќ.

Хрватска, тврди Пленковиќ, станала регионален енергетски центар токму поради своите напори за солидарност и инфраструктурна подготвеност, а не поради „воена алчност“.

The post „ХРВАТИТЕ ПЕТПАТИ НИ ЈА ЗГОЛЕМИЈА ТАКСАТА ЗА НАФТОВОДОТ“ Сијарто се пожали, доби одговор од Пленковиќ appeared first on plusinfo.mk.

Доколку тоа се случи, рафинеријата во Панчево нема да може да продолжи со работа, а ќе престане да работи и Петрохемија.

ЈАНАФ и НИС имаат договор кој важи до 31 декември 2022 година, со кој транспортните капацитети на Јанаф се резервирани по принципот „полно за празно“ со вкупна количина од 3,2 милиони тони (плус/минус десет отсто).

Доколку не дојде до промени, договорот нема да може да се применува од 15 мај 2022 година до укинување на рестриктивните мерки, кои се пропишани со Уредбата на Советот на ЕУ, поради војната во Украина.

НИС е во мнозинска сопственост на руски Газпромњефт, кој поседува 56,15 отсто од акциите, додека Србија има 29,87 отсто од акциите, а малите акционери 13,98 отсто од акциите.

Се проценува дека Србија тешко ќе се снајде доколку до 15 мај не се прекине војната во Украина, бидејќи домашното производство на нафта е околу 800.000 тони, а нафтата од наоѓалиштата во Романија од околу 56.000 тони не е доволна за покривање на домашните потреби. НИС покрива 70% од српскиот пазар за нафтени деривати.

На оваа најава на ЈАНАФ реагираше Министерството за рударство и енергетика на Србија кое соопшти дека „обезбедувањето стабилно снабдување со нафтени деривати е приоритет на Министерството, кое ги анализира сите варијанти и решенија за сигурно снабдување на домашниот пазар во случај на прекин на снабдувањето со сурова нафта на НИС од Јадранскиот гасовод  ЈАНАФ“.

-Во моментов се анализираат можните патишта за снабдување со сурова нафта и нафтени деривати од терминалите и рафинериите во регионот, како и расположливите правни, деловни, логистички и технички можности за увоз на сурова нафта и деривати, вклучително и преку цевковод, железница, цистерни и речниот транспорт. Се разгледуваат и ефектите од промените во начинот на снабдување врз работата на домашните рафинериски капацитети, можностите за користење домашна нафта и зголемување на резервите на нафта и деривати во складиштата, со цел соодветно да се одговори на евентуалните прекини на испорака од нафтоводот ЈАНАФ – соопштија од Министерството за рударство и енергетика на Србија.

Транспортот на сурова нафта до Србија се врши првенствено по цевковод, односно преку нафтоводот ЈАНАФ, кој го поврзува пристаништето Омишаљ со транспортниот систем на јавното претпријатие Транснафта, од каде што се транспортира до рафинериите во Нови Сад и Панчево.

The post СРБИЈА ЌЕ ОСТАНЕ БЕЗ НАФТА? Ќе прекине испораката од јадранскиот нафтовод appeared first on plusinfo.mk.

Управа за сузбивање на корупција и криминал (УСКОК) за 10 од 13 осомничени во аферата Јанаф побара притвор поради можно влијание врз сведоците. Помеѓу осомничените се и градоначалниците на Нова Горица и на Нова Градишка, Дражен Баришиќ (ХДЗ) и Винко Гргиќ (СДП), на кои вчера им беше укинат пратеничкиот имунитет откако беа уапсени.

Пратеничкиот имунитет одземен му е и на Дарко Пуљашиќ (ХДЗ).

Првпат во Хрватска во еден ден им е укинат имунитетот на тројца пратеници.

УСКОК почна истрага против директорот на компанијата Јанаф, Драган Ковачевиќ и уште десетмина осомничени за проневера со тендери. Ковачевиќ е на чело на Јанаф, државна компанија што доставува сурова нафта преку цевководи, од 2012 година.

Приведените лица се товарат за фаворизирање на фирми во распределбата на милионски бизниси, додека Ковачевиќ е осомничен и за примање мито.

The post Десетмина во притвор од аферата „Јанаф“ за проневера со тендери, тројца пратеници останаа без имунитет appeared first on plusinfo.mk.