Министерството за финансии на Соединетите Американски Држави ги укина санкциите за повеќе лица од Република Српска, меѓу кои и за лидерот на босанските Срби, Милорад Додик, неговото семејство, неговите компании и дел од неговите најблиски соработници.

Со тоа, Вашингтон направи неочекуван дипломатски потег, со кој – според неофицијални информации – се отвора можност за нов политички аранжман во рамки на Босна и Херцеговина.

Санкциите се укинати и за Жељка Цвијановиќ, српската членка на Претседателството на БиХ.

Американското Министерство за финансии на 17 октомври ги укина санкциите за четворица блиски соработници на Додик, кои беа ставени на црната листа поради промоција на неуставниот „Ден на Република Српска“.

Според неофицијални дипломатски извори, укинувањето на санкциите не е случајно и се смета дека е дел од поширок договор меѓу САД и Додик, според кој тој ќе се повлече од функцијата претседател на Република Српска по правосилната пресуда што се очекува во текот на ноември.

Во рамки на договорот, на местото на Додик привремено ќе биде назначена Ана Тришиќ-Бабиќ како в.д. претседател на РС, со што би се обезбедил континуитет во институциите и би се намалиле политичките тензии во Бања Лука.

Досега нема официјална потврда од Белата куќа или од Кабинетот на Додик, но аналитичарите во регионот предупредуваат дека овој потег може да биде вовед во ново политичко прегрупирање во БиХ и во односите меѓу Западот и српските лидери на Балканот.

The post ВАШИНГТОН ГО ПОМИЛУВА ДОСЕГАШНИОТ НЕПРИЈАТЕЛ Укинаати санкциите за Додик и за неговото семејство appeared first on plusinfo.mk.

Ана Тришиќ Бабиќ е назначена за вршител на должноста претседател на Република Српска. На нејзиното назначување му претходеше неколкучасовна дискусија во Народното собрание на Република Српска.

Тришиќ Бабиќ  досега беше советник за надворешна политика на Додик и се смета за негов верен соработник, а нејзиното име беше споменато во контекст на изборот на лицето кое ќе ги води преговорите за пристапување со Европската Унија во име на Босна и Херцеговина.

Со ова се потврди престанокот на мандатот на Милорад Додик. 48 пратеници беа за нејзиното назначување, додека четворица беа против.

Членовите на опозицијата истакнаа дека Уставот не ја признава функцијата вршител на должноста претседател на Републиката и дека тоа го крши Уставот, дека нејзиното назначување е пропаст на српската нација, дека НАТО е лобист…

И не е прв пат таа да биде назначена за вршител на должноста. Пред 20 години таа беше вршител на должноста и во Советот на министри на Босна и Херцеговина, наместо Младен Иваниќ.

Некои ја сметаат за лобист за пактот НАТО во Босна и Херцеговина, но сите познавачи на политичките ситуации се согласуваат дека таа е личност од посебна доверба на Милорад Додик. И токму затоа Жељка Цвијановиќ, и покрај стотиците илјади гласови што ги доби на изборите, немаше шанса против неа.
Со нејзиното назначување и поништување на неколку закони, заврши седницата на Народното собрание на Републиката.

The post АНА ТРИШИЌ БАБИЌ Е В.Д. ПРЕСТЕДАТЕЛ НА РЕПУБЛИКА СРПСКА Мандатот на Додик и официјално е завршен appeared first on plusinfo.mk.