Ана Лин, која е позната и како хуманитарка, упати апел до Русија да ги прекине нападите, меѓутоа, нејзините зборови предизвикаа шок и потсмев, упатени до „нарцисоидната актерка“, како што ја нарекоа на интернет.

„Мил претседателе Владимир Путин, многу ми е жал што не бев ваша мајка“, вели актерката во видеото.

Таа додава дека животот на Путин би бил поинаков доколку таа била негова мајка.

Dear Mister President Vladimir Putin… pic.twitter.com/LbDFBHVWJf

— AnnaLynne McCord (@IAMannalynnemcc) February 24, 2022

„Да бев твоја мајка, светот да беше ладен, би умрела да те загреам… Ќе умрев за да ти дадам живот“, продолжила таа, а потоа зборувала дека жали што се родила „премногу доцна“ за да му биде мајка на рускиот лидер.

Актерката дала до знаење дека зборува метафорички и дека всушност мисли на „мајкат Русија“.

„Ова дефинитивно ќе го запре Путин. Толку си храбра Ана Лин Мекорд“, „Следниот пат само запеј ја „Imagine“. Полесно е од што и да беше ова“, се редат саркастичните коментари.

„Ќе мора да ја засилиш играта на римата ако сакаш да ја запреш војната…. ова не е приспивна песна“, се надоврзале други коментатори на Твитер.

За потсетување, многу странски ѕвезди се огласија на социјалните мрежи и го осудија нападот на Русија врз Украина и апелираат војната што поскоро да запре.

ФОТО: Инстаграм

The post БИЗАРНО ВИДЕО НА ХОЛИВУДСКАТА АКТЕРКА Му се обрати на Путин, па наиде на потсмев (ВИДЕО) appeared first on plusinfo.mk.