Потпретседателката на СДСМ Ана Чупеска вчера доставила оставка до партиската архива, во која како мотив ги наведува „суштински разлики во концептите на партијата“ како и поради „разлики поврзани со методологијата, кои влијаат врз перспективите на СДСМ“.

ТВ 24 дојде до оставката на Чупеска, во која таа објаснува зошто се решила на тој чекор.

Претседателот на партијата Венко Филипче помеѓу двата круга на локалните избори рече дека по нивното завршување ќе има кадровски промени во партијата. Оставката на Чупеска доаѓа во пресрет на најавените смени.

Ана Чупеска (родена 1981год. во Скопје) е редовна професорка на факултуетот за политички науки при Правниот Факултет “Јустинијан Први” на УКИМ во Скопје. Таа е доктор по политички науки и магистер на науки по меѓународна политика, а нејзиниот научен интерес ротира околу прашањата за мултикултурализмот, групноспецифичните права и конфликтите на идентитети, демократијата, популизмот, авторитаризмот, меѓународните политички односи.

The post АНА ЧУПЕСКА ПОДНЕСЕ ОСТАВКА НА ФУНКЦИЈАТА ВО СДСМ Потпретседателката на партијата си оди поради „суштински разлики во концептите“ appeared first on plusinfo.mk.

(Исечокот од гостувањето на Ана Чупеска во „Претрес“ кај Кристијан Ландов  го позајмивме од Богдан Илиевски)

The post 🎥😂СПИЕШ ЛИ МИРНО, ВЛАТКО ЃОРЧЕВ? Никој не ги читаше изборните резултатите поубаво од него, додека не се појави Ана Чупеска appeared first on plusinfo.mk.

Ана Чупеска, „производот на Фрчкоски и на удбашите од 1990-тите“, кои ги следеа неистомислениците во медиумите, во стопанството, вклучително и политичките опоненти од ВМРО-ДПМНЕ, држи лекции за демократија?!

Со ова прашање ја отвора својата полемика со „верната ученичка на Љубомир Фрчкоски и продолжената рака“, Антонио Милошоски од ВМРО-ДПМНЕ.

Тој вели дека таа се јавува како гласноговорник на истата таа матрица што ја држеше Македонија во стегите на корупцијата и политичкиот прогон.

„Нема поголема иронија од тоа потпретседателката на партијата која 7 години ја претвори државата во приватен имот на кланот Заеви и нивните ортаци, да зборува за ‘узурпација’.

Во времето на СДСМ, МВР беше сервис за криминалните структури блиски до власта, а началниците беа партиски извршители за притисок врз неистомисленици, или за штанцање на фалц-пасоши на белосветски нарко босови.

Денес, кога конечно се воспоставува ред и се расчистува со тие остатоци од минатото, на Чупеска и СДСМ им пречи што повеќе нема простор за нивните тајни договори и злоупотреби“, пишува Милошоски.

Коментирајќи ги нејзините тези на тема „режимот“, Милошоски директно и се обраќа на потпретседателката на СДСМ:”

„Режим имаше кога вие, госпоѓо Чупеска, заедно со вашите ментори и шефови, ја газевте волјата на народот, ја злоупотребувавте полицијата и ги полневте џебовите на вашите кланови. Тоа време заврши.

Или можеби заборавивте на времето кога изгoреа луѓе во модуларната болница, а Заев, Артан, Зечевиќ, Ковачевски, Маричиќ и другите ваши најблиски соработници ја разнебитуваа државата? Тоа се вашите ‘демократски’ стандарди.

Наместо да се труди да ги задоволи инстинктите на Фрчкоски и да му угоди докажувајќи се колку е лојална, нека се вразуми и нека сфати дека Фрчкоски ќе ја откачи на првата кривина… или на првиот паркинг.

Наместо лекции за капацитет, објаснете им на граѓаните како токму вашите политички покровители ја втурнаа државата во најголемите национални порази и економски грабежи во последните децении. И имајте на ум дека ниту расфрлањето со терминот ‘режим’, ниту китењето со пердувите на ‘Шарената деволуција’, нема да Ви помогне да ја покриете разединетоста која ја имате во СДСМ, токму поради Вашата лојалност кон оние кои Ве доведоа до тоа дереџе“.

Милошоски коментира пост на Чупеска, во кој таа зборува за случајов во Демир Хисар и вели дека станува збор за „очаен обид да се инсталира режим“.

The post 📷 АНТОНИО МИЛОШОСКИ ВО ДУЕЛ СО АНА ЧУПЕСКА ОД СДСМ „Батали муабети за режим, менторот Фрчкоски ќе те остави на првата кривина или паркинг“ appeared first on plusinfo.mk.

СДСМ продолжува по патот на деструкција и креирање дезинформации на штета на граѓаните на Република Македонија, се вели во одговорот на Министерството за правда на денешната прес-конференција на потпретседателката на СДСМ, Ана Чупеска.

„Очекувавме поконструкти вен пристап, не заради нас, туку во интерес на доброто на државата. Но, досега, освен саботажа на дневнополитичка основа, ништо друго не видовме. Се надевам дека ќе успеат да се надминат себеси и, во интерес на граѓаните, ќе се обидат да бидат покооперативни во иднина.

Ние, како Министерство за правда, остануваме посветени на реформите – не во интерес на поединци или тесни групи, туку затоа што тоа им го должиме на граѓаните. Се надевам дека еден ден и СДСМ ќе успее да го види тоа.

Но, самиот факт дека „предводникот“ на работната група на СДСМ за реформи во правосудството е политиколог, а не правник, неспорно укажува дека станува збор за чисто политички забелешки и празна демагогија, а не за правно издржани ставови. Работата на Министерството, како и досега, останува отворена и транспарентна за сите.

Токму критиките упатени кон Законот за Судскиот совет укажуваат на чисто дневно политиканство и празна фразеологија во дадената изјава. Законот е резултат на темелна анализа и повеќемесечна стручна работа, земајќи ги предвид препораките од оценската мисија, коментарите од Венецијанската комисија, сè со цел да се обезбеди независност на судството и заштита на правната држава.

Во текот на работата, изминатите месеци беа разгледани бројни коментари од политичките партии, вклучувајќи ги и тие на СДСМ – иако беа доставени крајно задоцнето – како и коментари од заинтересирани граѓани и бројни правни експерти. Никој нема да дозволи политички договори и мешање во судските институции.

Во однос на критиките за Законот за јавното обвинителство, укажуваме дека во текстот објавен на ЕНЕР имплементирани се сите препораки од реформската агенда. Дополнително, Законот, заедно со Законот за Советот на јавните обвинители, ќе биде доставен на мислење до Венецијанската комисија пред нивното финализирање и процесуирање во Владина постапка.

Го повикуваме СДСМ да престане со саботажите и да застане на страната на државните интереси, а не на партиските пресметки. Судството не смее да биде полигон за политички пазарења, туку независна гранка на власт која ќе обезбедува правда за сите граѓани.

Тврдењата дека одбиваме соработка се лага, а обидите за блокада на реформите се обиди на СДСМ да го спречат напредокот поради сопствени партиски интереси“. велат од Министерството за правда.

Потпретседателката на СДСМ, Ана Чупеска денеска на прес-конференција алармираше дека власта покажува отсуство на свест за неопходноста од итно спроведување на реформската агенда, особено кога станува збор за судски реформи, што директно ја компромитира нашата европска перспектива.

Главна замерка упати до Министерството за правда, за кое рече дека како клучен ресор за судски реформи, одбива соработка, игнорира експертиза и системски ја поткопува правната држава.

The post СДСМ ГИ САБОТИРА РЕФОРМИТЕ ВО СУДСТВОТО СО ПРАЗНА ДЕМАГОГИЈА Министерството за правда жестоко против партиските пресметки и пазарења appeared first on plusinfo.mk.