На јавниот повик распишан од Јавното претпријатие за водостопанство „Лисиче“ за механичко отстранување на наслаги и органска материја од Велешкото Езеро нема пријавени фирми. Повикот, кој заврши на 13 октомври, бараше фирма која ќе ја отстрани органската маса од изумрени алги и трски која плива по површината, ќе ги отстрани исушените дрвја и ќе ја исече трската по крајбрежјето, за што има дозвола од Министерството за животна средина.

Состојбата на Велешкото Езеро е алармантна. Според извештај на Хидробилошки завод Охрид, водата во акумулацијата е со „лош квалитет“ и квалификувана како четврта и петта класа — присуство на колиформни бактерии и фекално загадување укажуваат дека системот е во сериозна состојба. Покрај тоа, езерото е контаминирано со амонијак и други токсични материи, што дополнително ја влошува еколошката ситуација. Минатата година, невладини организации и некои советници организираа акција за чистење на езерото и успеаја да отстранат над 120 кубни метри отпад.

За да се подобри состојбата на езерото, потребно е да се спроведат системски мерки, вклучувајќи редовно механичко чистење на наслагите, контрола на изворите на загадување и воспоставување на ефективни системи за третман на отпадни води. Вклучувањето на локалната заедница, невладините организации и стручните институции е клучно за успешно справување со овој еколошки предизвик.

The post НЕМА КОЈ ДА ЗАСУКА РАКАВИ ЗА ВЕЛЕШКОТО ЕЗЕРО Волонтерите се изморија, фирми не се пријавуваат appeared first on plusinfo.mk.

Водата за пиење во градскиот водовод во Струмица, која доаѓа од оваа акумулација, не е безбедна за пиење!

Каско што е познато, по инспоекциот надзор на 4 октомври, АХВ објави дека филтерната станица, резервоарите и главна водоводна мрежа, повеке години не се механички чистени и хиперхлорирани, иако јавното комунално претпријатие има обврска тоа да го прави еднаш годишно, а за време на елементарни непогоди и зачестено. Тогаш беше утврдено дека во моментов целиот систем е контаминиран, поради што беше наредено да се спроведе мерката за механичко чистење и хиперхлорирање и повторно вршење на лабораториски анализи по спроведувањето на мерките.

АХ сега потврдува дека ниту една од осумте мостри земени на 4 октомври, анализирани во лабораториите на ЈЗУ Институт за јавно здравје на Република Македонија, не одговараат на параметрите за безбедност во однос на испитаните параметри од физичко–хемиската анализа.

Мострата вода после таложник, земена од фабриката за обработка на вода Струмица, не е безбедна поради утврдена зголемена содржина на амонијак и манган, исто како и земените мостри од ЈКПД Комуналец Стопански двор Струмица и мострата од резервоар Св. Петнаесет – Струмица.

Поради зголемени вредности на параметрите матност и присуство на амонијак не е безбедна ниту сировата вода земена од фабриката за обработка на вода –Струмица, а поради зголемена матност, присуство на амонијак над дозволените граници и утврдено значително зголемено присуство на манган, небезбедна е и мострата вода која е земена фабриката за обработка на вода од ЈКПД Комуналец Струмица земена пред таложник.

Зголемена содржина на манган е утврдена и кај анализираните мостри вода земени после филтри од ЈКПД Комуналец Струмица, фабрика за обработка на вода, површинска вода – зафатна вода од акумулација Турија, кај која е утврдено и зголемена матност. Согласно резултатите од ЈЗУ Институт за јавно здравје, ниту овие две мостри не одговараат на законските и стручни прописи во однос на испитаните параметри од физичко–хемиската анализа.

Поради небезбедност, на сила останува изречената забрана од Агенцијата за храна и ветеринарство за употреба на водата за пиење од водоводната мрежа на ЈКПД Комуналец од Струмица, стои во соопштението од АХВ.

The post ВОДАТА ЗА ПИЕЊЕ ВО СТРУМИЦА Е ЗАГАДЕНА СО АМОНИЈАК И СО МАНГАН Целиот водоводен систем не бил чистен и хиперхлориран appeared first on plusinfo.mk.

Промосковски извори објавија видео на кое наводно се гледа облак од гас како се издигнува над шумска област во близина на градот Масиутивка, кој е во „сивата зона“ меѓу руската и украинската линија северно од Купјанск и каде се наоѓа пумпната станица на гасоводот.

Амонијакот е клучна состојка во нитратното ѓубриво, од кое Русија е еден од водечките светски производители. Но, исто така е многу токсичен и може да предизвика сериозна иритација на белите дробови, грлото, носот и очите.

Русија и Украина меѓусебно се обвинуваат за напад на цевководот. Доколку се потврди прекин, истекувањето на гасот може да биде фатално за секој што живее во близина.

Застрашувачката вест доаѓа само еден ден откако браната Нова Каховка во јужна Украина беше тешко оштетена во серија експлозии, поплавувајќи градови и села во регионот Херсон и принудувајќи околу 40.000 луѓе да ги напуштат своите домови.

Цевководот се протега на 1.534 милји од рускиот Толјати на реката Волга до трите пристаништа на Црното Море во јужна Украина, вклучувајќи ја и Одеса. Беше неактивен од инвазијата на Путин на Украина во февруари 2022 година, но големи количини на амонијак сè уште се заробени во цевките.

Украинскиот претседател Володимир Зеленски рече дека се во тек планови за евакуација на луѓето од три села под контрола на Украина на линијата на фронтот и посочи дека цевководот за амонијак бил оштетен од руската артилериска стрелба. Русија, во меѓувреме, обвини дека Украина го иницирала гранатирањето во обид да го поништи договорот за повторно отворање на цевководот.

Видеото кое наводно го прикажува облакот со амонијак прв го објави функционерот Данил Безсонов, назначениот од Москва, заменик-министер за информации во окупираната Народна Република Доњецк.

Но, Олех Синехубов, гувернер на украинската област Харков, рече дека не е забележано загадување од пукната цевка.

– Нема опасност по животот и здравјето на луѓето – најави тој.

The post (ВИДЕО) УКРАИНА ПОД ЗАКАНА ОД УШТЕ ЕДНА КАТАСТРОФА? Бомбардиран цевковод што пренесува амонијак, облак од отровен гас се шири низ шума (ВИДЕО) appeared first on plusinfo.mk.

Според информациите од утрово, во Панчевската болница во моментов нема пациент поради труење со амонијак.

Директорот на Општата болница Панчево Слободан Овука соопшти дека  ноќеска во болницата биле примени 20 лица, меѓу кои имало и деца.

-Две лица беа на кислород, но им беше дозволено и да си одат дома. Ниту еден од пациентите не покажа знаци на акутно труење со амонијак, но имаше поблаги поплаки. Сега се чувствуваат добро и сите се пуштени дома- изјави тој.

The post АМОНИЈАК ИСТЕЧЕ ОД ЦИСТЕРНА КАЈ ПАНЧЕВО Во болница завршија 20 лица, но нема затруени appeared first on plusinfo.mk.

„Не знам што ме прашувате“, „што сум јас должна да знам чиј бил амонијакот“, „си има лаборатории и тестови“…

Ова се дел од одговорите на министерката за животна средина на Србија, Ирена Вујовиќ, во врска со инцидентот во Пирот во кој две лица починаа, а над 50 се хоспитализирани, пренесува Нова. Ноншалантните одговори ја зачудија јавноста и новинарите, а еве што таа рече за 20-те тони амонијак.

– Знаете ли колку амонијак „Еликсир“ (група од Шабац, во чија сопственост е товарот што го превезуваше возот што излета од шините кај Пирот) складирал и колку долго? – праша новинарот.

– Има извештаи од увид – одговори Вујовиќ, а на констатацијата на новинарот дека мора да знае, министерката рече:

– Што сум јас должна да знам, и не само за него, туку секој, во цела Србија, има според своите капацитети и складишта, лаборатории, тестови, она што го кажува инспекцијата.

Новинарот повторно рече дека железницата не можела да ја носи таа количина товар, а Вујовиќ одговори: „А што, јас треба да ја мерам количината?“

Министерката потоа продолжи:

– Не знам што ме прашувате, што значи тоа за количина, кој требаше да оди да ја измери количината, кој влегол во вагонот, само кажете ми.

На прашањето кој ја мерел количината, таа рече:

– Па, веројатно карго.

– Кој им дозволува? – праша новинарот, на што Вујовиќ одговори:

– Ајде, навистина сте несериозни. Прашајте ме мене нешто како министер за заштита на животната средина што е адекватно, сега губиме време, кажавте дека кратко одговараме.

Министерката Вујовиќ не застана, туку продолжи со вербалниот конфликт и на новинарот кој ѝ поставуваше прашања му дофрли дека некој му кажува што да ја праша, пренесува Нова.

– Ако оние колеги кои ви праќаат прашања што ги читате од телефон се чудат зошто министерката денеска не е на локацијата, тоа е така затоа што не можеме според закон, а и тие што можат според закон денеска не смеат да бидат таму поради Обвинителството кое е на терен. Навистина ми е жал и колегите пратеници сигурно ќе се загрижат зошто не сум на локацијата – изјави Вујовиќ.

The post „ШТО СУМ ЈАС ДОЛЖНА ДА ЗНАМ ЧИЈ БИЛ АМОНИЈАКОТ ВО ПИРОТ?“ Министерката ги зачуди новинарите со своите груби одговори (ВИДЕО) appeared first on plusinfo.mk.

Тој појасни дека граѓаните можат да го проверат квалитетот на воздухот и концентрацијата на амонијак преку веб-страницата pirot.kosava.net.

Кога станува збор за квалитетот на водата, пред сè Нишава, Васиќ вели дека според синоќешните податоци на Институтот за јавно здравје, кај Бела Паланка може да се забележи пад на концентрацијата на амонијак, пренесува РТС.

– Доколку продолжат таквите оптимистички прогнози, очекувам да ја укинеме препораката за затворање на училиштата и од утре да почнат со физичко присуство, како и да почнат да работат работните организации, вели Васиќ – додавајќи дека вонредната состојба нема да се укине додека не се отстрани сиот товар од шините и околината.

The post ГРАДОНАЧАЛНИКОТ НА ПИРОТ Е ОПТИМИСТ „Со вакви прогнози, очекувам утре да почне наставата во училиштата“ appeared first on plusinfo.mk.

Министерството за внатрешни работи на Србија во неделата соопшти дека околу 17 часот и 30 минути, на делот од пругата од Пирот до село Станичење, кај местото Сопотски хан, од вагон на воз кој превезувал амонијак дошло до истекување на гас и високи концентрации на гас во атмосферата.

Според синоќешните информации од Одделението за вонредни состојби, pо оваа несреќа во болниците биле згрижени вкупно 51 лице.

Фабриката за вода во Ниш синоќа по 21 часот е исклучена, а според информациите, нема опасност за водоснабдувањето на Ниш, особено што градот се снабдува од три извори, додека четвртиот во моментов е превентивно блокиран.

Според последните податоци, првото земање мостри од Нишава покажува дека нема амонијак, јавува дописникот на Танјуг од Ниш.

Според проценките, дури и да има амонијак во водата, тој не може толку брзо од изворот да стигне до потрошувачите.

Градоначалникот на Пирот, Владан Васиќ, изјави дека од една цистерна сѐ уште тече амонијак, а мерењата покажуваат дека концентрацијата на амонијак во Пирот е на нула.

На местото на инцидентот се екипи на Секторот за вонредни состојби. Четирите цистерни од кои синоќа истече амонијак се надвор од шините, но ниту една не завршила во реката.

– Важно е луѓето што помалку да излегуваат од дома, иако состојбата со амонијакот, според мерењата во Пирот, е нула. Oсобено e важно да се избегнува приближување кон клучката Пирот-Запад. Полицијата го блокираше автопатот – соопшти градоначалникот.

The post 15 ЗАТРУЕНИ ОД ПИРОТ НА ИНТЕНЗИВНА ВО НИШ Од луѓето се бара да останат дома appeared first on plusinfo.mk.

Товарниот воз со амонијак што излета од шините во источна Србија бил натоварен во Бугарија. Тоа го изјави бугарскиот заменик министер за транспорт Красимир Папукчииски за БТВ.

Несреќата се случи кај Пирот.

Според Папукчииски, нема начин да се бара одговорност од бугарска страна, бидејќи инцидентот се случил на територијата на Република Србија. Товарот бил префрлен од бугарската инфраструктура во српската, во моментот на излетувањето со составот стопанисувале српската железница. Единствениот кој ќе учествува во истрагата е сопственикот на цистерните.

– Сите 20 вагони се француски и германски, а биле транспортирани од бугарски приватен оператор – посочи бугарскиот заменик министер.

Тој ги советува бугарските граѓани да го ограничат патувањето во Србија.

The post ВО БУГАРИЈА Е ТОВАРЕН ВОЗОТ КОЈ ИЗЛЕТА ОД ШИНИТЕ ВО СРБИЈА Сопственикот на цистерните ќе учествува во истрагата appeared first on plusinfo.mk.

– Ние не сме робови, ние сме земјоделци! – извикуваат луѓето во Холандија, Италија и Полска.

Години наназад европските фармери се соочуваат со проблеми, ниски откупни цени во супермаркетите, а скапо ѓубриво. Во 2019 и 2020 година Берлин беше средиште на протест на илјадници луѓе. А сега пак.

Сѐ започна во понеделникот во Холандија, земјата која стана рекордер по испуштање на овие азотни оксиди. Првото намалување кое сакаат да го извршат холандските власти е 30 отсто. Холанѓаните веднаш со своите трактори излегоа на улица за да го блокираат синџирот супермаркети „Бони“ во местото Нијкерк, каде снема храна.

Полицијата дури и пукаше на нив, пишува Политико. Според полицијата на Фриланд, нивните истрели погодиле трактор, но нема повредени. Уапсени се тројца осомничени. Внатрешен истражител на холандската влада, рече дека ќе ги разгледа настаните со оглед на тоа што полицијата го пуштила нивното оружје.

Пратеничката Каролин ван дер Плас повика на „итна дебата“ со холандскиот премиер Марк Руте и министерот за правда и безбедност, Дилан Јешилгоз-Зегериус, за ескалацијата на протестите.

Во среда наутро се очекува тие да демонстрираат на аеродромот во Гронинген Елде, јавуваат холандските медиуми.

Не гори само Холандија од протести, Италија и Полска се на нозе. Додека снимки од италијанските земјоделци се шират на социјалните мрежи, добро е да се знае дека ваквите протести траат подолго време со разни жаришта во Унијата.

Polish farmers are rising up! This is growing into a global movement. pic.twitter.com/upRFbM1lQE

— Keean Bexte (@TheRealKeean) July 7, 2022

На 24 февруари, денот кога започна војната во Украина, илјадници фармери со над 200 трактори влегоа во главниот град на Полска за да бараат „Пристојна плата за напорната работа“. Така гласеше нивниот слоган. Тие се бунат за огромните поскапувања на ѓубривото. Полициски кордон не им дозволи на тракторите да стигнат до самиот центар на Варшава.

Некои од паролите видливи на митингот во средата вклучуваа „Високи цени на ѓубривата = скап леб“ и „ПиС го убива полскиот земјоделец и ги поддржува Кинезите“. Организаторите тврдеа дека илјадници присуствувале на настанот, иако дневниот весник Gazeta Wyborcza ја објави бројката на „над илјада“.

Farmers are protesting in Italy . pic.twitter.com/8yXEi0HeWW

— Dagny Taggart (@DagnyTaggart369) July 7, 2022

Настанот е кулминација на десетици протести и состаноци во последните недели под слоганот „Нема да умреме тивко“. Земјоделците тврдат дека супермаркетите не нудат фер цени за нивните производи, особено со оглед на зголемените трошоци за гориво и ѓубрива.

Полската влада се обиде да одговори на некои од овие проблеми со намалување на ДДВ за ѓубрива на нула и намалување на акцизата на горивото за првата половина од годината.

 Други поплаки покренати од страна на фармерите вклучуваат имплементација на владата на климатските политики на Европската унија, како и нејзиното справување со африканската свинска чума, која постојано се појавува во Полска во последниве години.

Italian farmers also rise up: “We are not slaves, we are farmers! We cannot make ends meet!” Then a warning to politicians: “Let’s come to Rome!” The unjustified and nefarious increase in raw materials and basic necessities have brought the agricultural sector to its knees. pic.twitter.com/3yOTuM6Md9

— RadioGenova (@RadioGenova) July 7, 2022

Истиот ден, земјоделците во Италија заедно со камионџии протестирале против згоелмувањто на цените на говирот и другите индустриски производи. Тие го попречувале сообраќајот во Сицијлија, Пуља, Реџо Калабрија, Неапол и Равена. Меѓу нив имало и рибари и сточари.

Netherlands: Supermarkets are running out of food. Farmers and truckies. As the farmers protest begins to bite, their power is the fear of corrupt governments world-wide. Italian and Polish farmers protesting. So, where are the Aussie truckies and farmers in all this? pic.twitter.com/neqZUrSVXL

— Phoenix Rising (@neildphoenix) July 7, 2022

Протестите на земјоделците од ЕУ личат многу на камионџиите во Канада кои протестираа против претседателот Трудо во време на ковид-кризата. Нивните протести се на раб да станат насилни и радикални.

Ќе го чујат ли во Брисел нивниот глас? Ако ништо друго, ќе служат за пример за тоа дека Европа уште е будна и знае да протестира.

The post МАСOВЕН ЗЕМЈОДЕЛСКИ БУНТ ЈА ТРЕСЕ ЕВРОПА Тракторите и камионите на улица, супермаркетите без храна, полицијата во акција (ВИДЕО) appeared first on plusinfo.mk.