Според извештајот, заканата од терористички напади во земјава е „просечно висока“ или средна.

Во Македонија, како и во Србија, Косово, Албанија и во Грција, во 2021 година не се случиле терористички инциденти.

Враќањето на странските терористички борци во Македонија, а такви активности се забалежани и во Косово, претставува проблем „со оглед на можноста овие лица да реализираат насилни екстремистички ќелии, планови за напад и да радикализираат други лица“.

Според Националниот комисија за борба со насилниот екстремизам и тероризмот, околу 143 граѓани на Македонија (исклучувајќи деца) во изминативе неколку години патувале за Сирија, Ирак или во двете земји да се вклучат во терористички групи. Од нив, 133 лица се мажи, 10 се жени, 38 биле убиени, 79 се вратени, петмина се верува дека останале во Сирија и двајца се во затвор во бегалски камп. Додека, пак, 16 лица, 11 мажи и 5 жени, се репатрирани, а тројца биле депортирани од други земји.

Заканата од терористички напади Македонија е означена на ниво „просечно висока“ или средна, во време кога членовите на ИД и симпатизери се присутни во земјата.

Во јули 2021 година владата репатрирала четири странски терористистички борци и 19 членови на семејствата.

Понатаму, се вели дека правната рамка на Македонија е адекватна за прогон на лица осомничени за извршување или помагање терористички активности, или учество во странски војски. Законот за казнувања поврзан со овие прекршоци останува предизвик, но е подобрен во споредба со претходните години, и затворските казни се општо земено подолги отколку кај останатите земји од Западен Балкан.

Министерствто за правда на САД обезбедило менторство и обука со наоди од терен за обвинителите и истражителите.

Македонија е исто така дел од институциите за борба со финансискиот тероризам, како регионалното тело „Мoneywal“. Донесен е нов закон за запирање на перењето на пари и финансирање на тероризмот за имплемнтацијата на Директива V (2018/843) и хармонизација со законодавството на ЕУ.

Канцеларијата за финансиско разузнавање на Македонија во 2021 година примила пет извештаи од банки поради основано сомнение за финансирање на терористи и во врска со тоа до надлежните служби поднела 11 извештаи.

Македонија исто така е вклучена во борбата со насилниот екстремизам и во 2021 година продолжила со соработка со останатите земји од Западен Балкан за борба со тероризмот и насилниот екстремизам, и учествувала во повеќе проекти поврзани со ова.

Владата имплемнтирала проекти за изградба на капацитети подржани од САД, Велика Британија, Италија, Холандија, Норвешка и други, а овие напори ќе помогнат на Северна Македонија да се подготви за претседавањето со ОБСЕ во 2023 година, се вели во извештајот на Стејт департментот.

Заканите за тероризам во Албанија се состојат од обидите на странски терористички организации да ја радикализираат албанската младина на насилство, како и државно спонзорираните активности на Иран против иранската опозициска група Муџахедин-е Калег чии членови се преселени во Албанија, оценува Стејт департментот.

The post ЖИВЕЕМЕ ВО ЗЕМЈА СО „ПРОСЕЧНО ВИСОКА“ ЗАКАНА ОД ТЕРОРИСТИЧКИ НАПАДИ Новиот извештај на Стејт департментот не носи добри вести appeared first on plusinfo.mk.

– Северна Македонија е дел од Европа, културно, историски и економски дел од Европа и треба да имате столче на масата на ЕУ. Во тој поглед ќе продолжиме да ги поддржуваме вашите напори да се покаже флексибилност во процесот на европски интеграции, како и продолжување на рефомскиот процес за тоа да стане реалност – рече Ескобар.

Тој изрази благодарност за партнерството на САД со Северна Македонија, посочувајќи дека тоа не е само партнерстство, туку пријателство и сојузништво.

– Ние делиме заеднички вредности кои се во основа на нашата стратегија на споделени вредности. Ја изразувам благодарноста на Северна Македонија за континуираната поддршка и посветеност во НАТО – додаде Ескобар.

Ескобар во Скопје беше примен од претседателот Стево Пендаровски и министерот за надворешни работи Бујар Османи.

The post НИЕ ДЕЛИМЕ ЗАЕДНИЧКИ ВРЕДНОСТИ Ескобар вети брза евроинтеграција appeared first on plusinfo.mk.

Американскиот Стејт департмент оцени дека постои опасност „неоснованите шпекулации за промена на границите на Западен Балкан по етничка линија да поттикнат нестабилност во регионот“ и со тоа „да се повикаат сеќавања на затегнатоста во минатото“.

Неофицијален дипломатски документ, т.н. „нон-пејпер“, веќе некое време кружи меѓу европските функционери, со кој се предлага поделба на Босна и Херцеговина и обединување на Косово и Албанија.

– Стабилната, просперитетна иднина на Западен Балкан мора да се заснова на добро управување, владеење на правото, мултиетничка демократија и почитување на човековите права и основните слободи, -изјави портпаролот на Стејт департментот Нед Прајс.

Тој додаде дека Вашингтон ги поддржува земјите од Западен Балкан на патот „кон европска интеграција и членство во клучните европски и евро-атлантски институции“.

– Соработуваме со западнобалканските земји и нашите европски партнери на унапредување на јавната администрација, владеењето на правото и реформите во борбата против корупцијата – како и на промовирање на независни медиуми и енергични граѓански општества – што ќе ја зајакне европската перспектива на регионот и ќе ја унапреди долгорочната цел за целовита, слободна и мирна Европа – рече Прајс во соопштение.

Тој исто така истакна дека САД се решени да им помогнат на земјите од регионот „да ги продлабочат своите регионални економски партнерства, да ги постигнат климатските цели, да се спротивстават на руското енергетско изнудување преку диверзификација и развој на чиста енергија и да се борат против корупцијата и организираниот криминал“.

– Ние исто така сакаме да му помогнеме на регионот да се развива и просперира истовремено заштитувајќи ја стратешка инфраструктура и индустрија од штетни практики на Кина – рече Прајс

The post САД: Шпекулации за промена на границите на Балканот можат да поттикнат нестабилност appeared first on plusinfo.mk.