Главниот американски епидемиолог, Ентони Фаучи, изјави дека се противи на раното одобрување на вакцина против коронавирусот и истакна дека вакцината не смее да биде одобрена се додека не се докаже дека е безбедна и ефикасна.

Фаучи ова го кажа откако два извора за Си-Ен-Ен изјавиле дека Белата куќа ја разгледува можноста за рано одобрување за итна употреба на вакцината, пред да се завршат последните тестирања.

Во меѓувреме, Микаел Капуто од Министерството за здравство негираше дека САД од политички причини вложуваат голем напор за забрзување на развојот на вакцината.

– Една работа што не сакате да се случи е тоа вакцината да биде одобрена пред да знаете колку е ефикасна – рече Фаучи за британските медиуми

The post Фаучи е против прераното одобрение на вакцината против ковид-19 во САД appeared first on plusinfo.mk.

Водечкиот американски епидемиолог Ентони Фаучи изјави денеска дека САД не можат со сигурност да сметаат на ефекасна вакцина против ковид-19, предупредувајќи дека дневниот број на заразени лица би можел да се удвои доколку граѓаните не се придржуваат кон мерките за заштита.

Фаучи пред американскиот Конгрес изјави дека експертите кои се занимаваат со развој на вакцината се „умерено оптимистични“ кога станува збор за нејзината ефикасност.

– Од големо значење е да имаме безбедна и ефикасна вакцина што ќе им биде достапна на сите во оваа земја – истакна Фаучи.

Тој додаде дека е загрижен поради зголемениот број случаи на заразени со коронавирус во повеќе од половина од сојузните држави на САД, вклучувајќи ги Аризона, Флорида и Тексас.

Фаучи рече дека постои загрижувачки феномен, според кој државите или целосно ги спроведуваат строгите епидемиолошки мерки или се отворија прерано, а луѓето се собираат во барови и јавни места, игнорирајќи ги препораките.

The post Водечкиот американски епидемиолог пред Конгресот: Не можеме со сигурност да сметаме на ефикасна вакцина appeared first on plusinfo.mk.