Ексклузивни снимки до кои дојде Си-Ен-Ен откриваат сериозна штета на американскиот носач на авиони „УСС Џералд Р. Форд“, откако во март избувнал пожар на бродот за време на воените операции на САД во регионот на Блискиот Исток.

Иако американската морнарица тогаш соопшти дека пожарот бил брзо локализиран, дека двајца морнари биле полесно повредени и дека носачот останал целосно оперативен, новите снимки покажуваат многу поинаква слика.

На видеата од внатрешноста на бродот се гледаат целосно уништени простории во кои бил сместен екипажот. Од креветите останале само изгорени метални конструкции, таваните се сериозно оштетени, а електрични кабли висат од ѕидовите и плафоните. Подовите се покриени со пепел и остатоци од пожарот.

„Сериозно мислев дека ќе го изгубиме бродот. Во таква ситуација имате само два избора – да се борите или да умрете“, изјавил еден од морнарите за Си-Ен-Ен, опишувајќи ги драматичните часови додека екипажот се обидувал да го стави огнот под контрола.

Според информации на американската телевизија, дополнителен проблем претставувал фактот што автоматскиот систем за гаснење пожар не функционирал. Висок американски функционер запознаен со случајот потврдил дека морнарите биле принудени рачно да се борат со пламените јазици за да спречат уште поголема катастрофа.

Пожарот траел речиси 30 часа, а екипажот водел долготрајна битка за спасување на најголемиот и најсовремен носач на авиони во американската флота.

Според истиот извор, раководството на морнарицата намерно ја минимизирало сериозноста на инцидентот за да не се создаде впечаток дека борбените способности на бродот биле нарушени во чувствителен момент од конфликтот со Иран.

Подоцна, во април, командантот на поморските операции, адмиралот Дарил Кодл, призна дека биле потребни речиси два дена за повторно да се воспостави можност за полетување на авиони од палубата на носачот. Воедно, „УСС Џералд Р. Форд“ морал да ја промени својата рута и итно да се закотви во пристаниште во Грција, каде биле извршени привремени поправки.

„УСС Џералд Р. Форд“ е најновиот и најскапиот носач на авиони во историјата на американската морнарица и се смета за еден од најважните симболи на воената моќ на САД.

The post 📽️ ПОЖАР ГО ОПУСТОШИ НАЈМОЌНИОТ АМЕРИКАНСКИ НОСАЧ НА АВИОНИ Морнари откриваат што се случувало на „УСС Џералд Р. Форд“ appeared first on plusinfo.mk.

Два американски борбени авиони се судрија во воздух за време на воздушното шоу „Ганфајтер Скајс“ во воздухопловната база „Маунтин Хоум“ во американската држава Ајдахо, предизвикувајќи паника кај присутните посетители.

Инцидентот се случил во неделата околу 12:30 часот по локално време, додека траела демонстрација на авиони пред публика во базата, која се наоѓа околу 90 километри југоисточно од Бојси.

NOW: US Navy jets collide mid air and explode during Gunfighter Skies Air Show at Mountain Home Air Force Base pic.twitter.com/zqoj9vxHW8

— Rapid Report (@RapidReport2025) May 17, 2026

По судирот, базата била привремено затворена, а службите за итни случаи веднаш интервенирале на местото на несреќата. Од базата соопштиле дека се случил „авионски инцидент“ и дека е отворена истрага за причините.

Според американските медиуми, во несреќата учествувале два авиони EA-18G Growler, кои се дел од американската морнарица и се користат за електронско војување.

Според сведоштва од присутни, пилотите успеале навреме да се катапултираат. Водителот на шоуто пред публиката соопштил дека биле забележани четири падобрани во воздух, што укажува дека сите членови на екипажот успеале да се спасат.

Additional Footage

2 US Navy Super Hornets/Growlers fighter jets collided and crashed during the Ring during the Gunfighter Skies Air Show at Mountain Home Air Force Base in Idaho.

Both aircrews ejected safely.

Video pic.twitter.com/CzKRLwqdIt

— Brics India (@Brics_india) May 17, 2026

На социјалните мрежи се појавија и видеа од моментот на судирот, на кои се гледа како двата авиони се удираат во воздух, по што следува експлозија, додека во близина паѓаат падобрани.

Воздушното шоу „Ганфајтер Скајс“ годинава се одржуваше за првпат по пауза од осум години.

The post 📽️ ВОЕНИ АВИОНИ СЕ РАСПАДНАА ВО ВОЗДУХ Страшен инцидент во САД, четири падобрани забележани по судирот appeared first on plusinfo.mk.

Данската бродска компанија „Маерск“ соопшти дека еден од нејзините бродови, „Алијанс Ферфакс“ под американско знаме поминал низ Ормускиот Теснец под американска придружба.

„Алијанс Ферфакс“, превозник на автомобили под американско знаме, управуван од „Фарел Лајнс“, подружница на „Маерск“, го напушти Персискиот Залив на 4 мај, соопшти „Маерск“.

Транзитот беше без инциденти и сите членови на екипажот се безбедни, се додава во соопштението.

Американската морнарица вчера ја почна операцијата „Проект Слобода“, чија цел е да ги ослободи бродовите кои над 2 месеци се вкотвени во Перскискиот Залив, откако Иран го блокираше Ормускиот Теснец.

The post БРОД ИСПЛОВИ НИЗ ОРМУСКИОТ ТЕСНЕЦ ПОД АМЕРИКАНСКА ПРИДРУЖБА Транзитот помина без инциденти appeared first on plusinfo.mk.

Претседателот Доналд Трамп изјави дека американската морнарица дејствува „како пирати“, спроведувајќи поморска блокада на иранските пристаништа, наметната од Вашингтон за време на американско-израелската војна против Иран.

Трамп ги даде овие коментари додека го опишуваше запленувањето на брод од страна на американските сили пред неколку дена.

– Ја презедовме контролата врз бродот, го зедовме товарот, ја зедовме нафтата. Тоа е многу профитабилен бизнис – рече Трамп.

– Ние сме како пирати. Ние сме како пирати, но не се играме – додаде тој.

Некои од бродовите на Техеран биле запленети од САД откако ги напуштиле иранските пристаништа, заедно со санкционирани контејнерски бродови и ирански танкери во азиските води.

Иран, пак, блокирал речиси сите бродови што минуваат низ Ормузскиот Теснец од почетокот на војната, додека САД воведоа посебна блокада на иранските пристаништа.

Соединетите Американски Држави и Израел го нападнаа Иран на 28 февруари, по што Техеран возврати со напади врз Израел и земјите од Персискиот Залив каде што се наоѓаат американски бази.

Американско-израелските напади врз Иран, како и израелските операции во Либан, резултираа со илјадници жртви и милиони раселени лица.

Во меѓувреме, преговорите за договор меѓу САД и Иран се во ќорсокак. Иран доставил нов предлог до Вашингтон преку пакистански посредници, но Трамп изјави дека не го одобрува.

Во говор пред републиканските претставници во Флорида, Трамп истакна дека нема намера да нареди брзо повлекување на американските сили, предупредувајќи дека во спротивно би можел да се повтори истиот проблем за неколку години.

The post „НИЕ СМЕ КАКО ПИРАТИ И ЈА ЗЕМАМЕ НАФТАТА!“ Трамп призна дека американската морнарица запленува бродови appeared first on plusinfo.mk.

Претседателот на САД, Доналд Трамп, соопшти дека ѝ наредил на американската морнарица да пука и да го крене во воздух секој брод што поставува мини во Ормускиот Теснец.

„Наредив американската морнарица да пука и да го крене во воздух секој брод, без оглед колку е мал (сите нивни воени бродови, сите 159 од нив, се на дното на морето!), што поставува мини во водите на Ормускиот Теснец. Не смее да има двоумење. Исто така, нашите миноловци токму сега го чистат теснецот. Со ова наредувам оваа активност да продолжи, но на тројно ниво! Ви благодарам за вашето внимание по ова прашање“, објави тој на сопствената социјална мрежа Трут соушл.

Постојат стравувања дека Иран го минирал теснецот и ако тоа се покаже како вистина, сообраќајот долго време ќе остане блокиран.

The post ЌЕ ЛЕТНЕ ВО ВОЗДУХ СЕКОЈ ИРАНСКИ БРОД ШТО ПОСТАВУВА МИНИ ВО ОРМУСКИОТ ТЕСНЕЦ Трамп нареди миноловци да го исчистат преминот appeared first on plusinfo.mk.

Американскиот претседател Доналд Трамп потврди преку социјалната мрежа Truth Social дека САД се подготвени да обезбедат воена заштита на танкерите за нафта и гас што минуваат низ Ормутскиот теснец.

„Со непосреден ефект, ѝ наредив на Американската корпорација за развојни финансии (DFC) да обезбеди, под многу разумни услови, осигурување од политички ризик и гаранции за финансиската безбедност на сите поморски трговски активности, особено енергијата, што минуваат низ Заливот. Ова ќе им биде достапно на сите бродски компании. Доколку е потребно, американската морнарица ќе почне да ги следи танкерите низ Ормутскиот теснец што е можно поскоро. Без оглед на околностите, САД ќе обезбедат слободен проток на енергијата кон светот“, напиша Трамп.

Иранскиот корпус на револуционерна гарда (IRGC) објави дека Ормутскиот теснец е затворен и додаде дека армијата ќе го запали секој брод што ќе се обиде да помине.

Блискиот Исток е водечки регион во светот во однос на производството на нафта, а Ормутскиот теснец е клучна сообраќајна точка за неговиот извоз. Долг е околу 160 километри, а широк е само 39 километри во најтесниот дел. Се граничи со Иран на север и со Обединетите Арапски Емирати и Оман на југ.

Земјите од другата страна на Персискиот Залив, како што се Обединетите Арапски Емирати, Кувајт, Бахреин и Катар, произведуваат значаен дел од светската нафта. Танкерите што ја транспортираат нивната нафта до остатокот од светот зависат од минување низ тој теснец.

The post АКО ТРЕБА АМЕРИКАНСКАТА МОРНАРИЦА ЌЕ ГИ СЛЕДИ ТАНКЕРИТЕ Трамп вети слободен проток на нафтата и гасот од Блискиот Исток кон светот appeared first on plusinfo.mk.

Претседателот на САД, Доналд Трамп, изјави дека смената на режимот во Иран би била „најдобрата работа што може да се случи“, упатувајќи нова остра порака кон Техеран.

– Само зборуваат и зборуваат и зборуваат веќе 47 години – изјави Трамп, алудирајќи на долгогодишните тензии меѓу двете држави.

Трамп потврди дека најголемиот носач на авиони во светот, „USS Gerald R. Ford“, кој се наоѓал во Карипското Море, ќе биде распореден на Блискиот Исток.

Тој треба да им се приклучи на носачот „USS Abraham Lincoln“ и на неколку разорувачи со наведувачки ракети, кои во регионот се присутни повеќе од две недели.

– Ќе ни треба во случај да не постигнеме договор. Многу брзо заминува – истакна американскиот претседател.

И покрај тврдата реторика, Трамп остави простор за дипломатско решение.

– Ако ни дадат прав договор, нема да го сториме тоа – рече тој, алудирајќи на можноста да се избегне воена операција доколку се постигне договор со Техеран.

Изјавите доаѓаат во период на зголемени тензии на Блискиот Исток, каде присуството на американските воени сили дополнително го засилува притисокот врз иранското раководство.

The post СМЕНАТА НА РЕЖИМОТ ВО ИРАН Е НАЈДОБРО РЕШЕНИЕ Трамп со остра порака до Техеран appeared first on plusinfo.mk.

Американски специјалци извршија поморска забрана врз танкер со сурова нафта во Индискиот Океан. Бродот бил поврзан со испорака од Венецуела кон Кина. Операцијата следела по повеќедневно следење од Карибите.

Информацијата ја соопшти американскиот министер за одбрана Пит Хегсет. Тој изјави дека танкерот ја прекршил американската блокада за пловила под санкции што одат кон или од Венецуела.

Танкерот „Аквила II“ бил запрен во текот на ноќта. Американските сили се качиле без инциденти. Според Хегсет, екипажот се обидел да избега. Следело гонење.

„Во текот на ноќта спроведовме поморска забрана и се качивме на бродот „Аквила II“ без инциденти. Тие се обидоа да избегаат, а ние ги гоневме“,  објави Хегсет на платформата Икс .

When the @DeptofWar says quarantine, we mean it. Nothing will stop DoW from defending our Homeland — even in oceans halfway around the world.

Overnight, U.S. military forces conducted a right-of-visit, maritime interdiction and boarding on the Aquila II without incident in the… pic.twitter.com/kYVAQC5io9

— Department of War (@DeptofWar) February 9, 2026

Засилените операции доаѓаат по драматичниот пресврт во Венецуела. Минатиот месец американските сили го заробија венецуелскиот претседател Николас Мадуро во воена акција во Каракас. Потоа следеше проширување на блокадата кон пловила под санкции.

Венецуела е членка на Организација на земји извознички на нафта. Вашингтон тврди дека санкционираните испораки ја поткопуваат мерката за притисок.

„Аквила II“ испловил од Венецуела на почетокот на јануари како дел од поголема флота. Транспортирал околу 111.300 кубни метри тешка венецуелска сурова нафта наменета за Кина. Дел од придружните танкери се вратиле. Дел биле запленети од американските сили.

The post 📽️ ГО СЛЕДЕА ТАНКЕРОТ ПРЕКУ ПОЛОВИНА СВЕТ ЗА ДА УПАДНАТ Американците ја пресекоа венецуелската рута во Индискиот Океан appeared first on plusinfo.mk.

Венецуелската армија излезе на терен и распореди 200.000 војници низ земјата во масовна воена вежба што власта ја нарече „контрамерка против американската закана“. Министерот за одбрана Владимир Падрино Лопез изјави дека акцијата е одговор на „суровиот напад врз мирот и суверенитетот“ на регионот, поради зголеменото присуство на американската морнарица во Карибите.

Притоа, Националното собрание донесе закон со кој се зајакнува одбранбената стратегија и контролата врз движењето на трупите. Претседателот на Собранието, Хорхе Родригез, објасни дека новиот акт „воспоставува рамка за заштита на државата и нејзиниот народ од надворешни провокации“.

Распоредувањето се совпадна со пристигнувањето на најголемиот носач на авиони во светот, „УСС Џералд Р. Форд“, во зоната на Јужната команда на САД. Американската морнарица потврди дека операцијата е насочена кон борба против трговијата со дрога, но во Каракас сметаат дека станува збор за „притаена закана“.

#Urgent | 200 000 soldats vénézuéliens mobilisés pour des exercices utilisant des défenses aériennes RUSSES alors que les forces américaines s’amassent dans les Caraïbes.

« Le Venezuela est DÉFENDU par la force bolivarienne » — Ministre de la Défense Vladimir Padrino… pic.twitter.com/uyYCUv8VLj

— Le Monde Multipolaire (@MMultipolaire) November 12, 2025

Според Падрино, во вежбата учествуваат сите гранки на армијата и милициските сили. Таа е дел од Планот „Независност 200“, одбранбена иницијатива што ја активирал претседателот Николас Мадуро во септември, како реакција на растечкото американско присуство покрај Јужна Америка.

Американската страна тврди дека нивните операции се насочени исклучиво кон спречување на нелегална трговија. Во последните месеци регистрирани се најмалку 19 воздушни напади врз бродови во меѓународни води, при кои, според официјални податоци, загинале 75 лица.

Мадуро пак изјави дека „САД водат војна против Венецуела за да го соборат легитимното раководство“, предупредувајќи дека секоја агресија ќе биде „строго одбиена“.

The post 📽️ 200.000 ВОЈНИЦИ НА ГОТОВС, ВЕНЕЦУЕЛА ГО АКТИВИРА ПЛАНОТ „НЕЗАВИСНОСТ 200“ Воена вежба како одговор на акциите на Трамп appeared first on plusinfo.mk.

Tри лица се убиени на брод осомничен дека пренесува дрога во ноќен напад на американската воена морнарица во Карипско Море. Американскиот секретар за одбрана Пит Хегсет на платформата Икс објави дека бродот бил под контрола на „организација означена како терористичка“, без да открие дополнителни податоци.

„Како што рековме и претходно, нападите со бродови врз наркотерористите ќе продолжат сè додека не престане труењето на американскиот народ“, напиша Хегсет на Икс и сподели снимка од нападот.

Нападот се случил во момент кога САД ја засилуваат воената активност во регионот. Во септември САД распоредија 10 борбени авиони Ф-35 во Порторико, 8 воени бродови и една нуклеарна подморница во јужниот дел на Карипско Море, во близина на брегот на Венецуела.

As we’ve said before, vessel strikes on narco-terrorists will continue until their the poisoning of the American people stops.

Today, at the direction of President Trump, the Department of War carried out a lethal kinetic strike on a vessel operated by a Designated Terrorist… pic.twitter.com/gQF9LpSjqD

— Secretary of War Pete Hegseth (@SecWar) November 7, 2025

Според американската команда, присуството е дел од операцијата против нелегалната трговија со дрога. Oд почетокот на операцијата изведени се повеќе од десет напади врз бродови во близина на Венецуела и во источниот дел на Тихиот Океан, во кои, според Ројтерс, загинале повеќе 61 лице.

Од друга страна, независни аналитичари во Вашингтон предупредуваат дека ваквите акции можат да доведат до тензии со владата на Николас Мадуро, која ги смета овие напади за „прикриени воени интервенции“.

The post 📽️ НАРКОТЕРОРИСТИ ЗАГИНАА ВО НАПАД НА САД ВО КАРИПСКОТО МОРЕ Ќе продолжиме додека на престане труењето, вели Хегсет appeared first on plusinfo.mk.